韓國神劇《太陽的後裔》的宋仲基和宋慧喬於前年10月結婚。
不過早前喬妹突然刪除Instagram的相片及內容，即時惹來網民猜測，當中有大陸網民更指宋仲基出軌，雙宋疑似婚變，更令雙宋名字登上微博熱搜榜。
雙宋就懶理傳聞，喬妹今日除了更新Instagram外，亦終於復工。喬妹今日從首爾仁川國際機場出發到新加坡，為明日代言護膚品牌的活動做準備。
喬妹今日現身機場時以黑色頸巾遮住半邊臉，她因為素顏上陣所以就戴上眼鏡示人，雖然日前傳出婚變，但喬妹心情大好，見到傳媒和粉絲都有展示甜美笑容及揮手，喬妹更非常親民，停下來為男粉絲簽名。
不過平日出席活動時婚戒不離手的喬妹，今日現身機場時就冇戴上婚戒，她在現場不時以左手撥頭髮、整理眼鏡及揮手，但卻不見其左手無名指上有婚戒。
（apple daily）
藝人蔡少芬（Ada）喺網上甫出多張公司春茗照。
Ada老公張晉、好友陳法蓉、朱茵夫婦同鄧麗欣（Stephy）亦在其中，場面熱鬧！Ada仲興奮到滿場飛，同各人合照，又好開心舉起V字添！
其中Ada亦同Stephy擺出古靈精怪樣，估唔到佢哋兩個咁老友～
睇得出佢哋呢個飯局食得好開心，相信大家都過咗個盡興而歸之夜，Ada並留言：「公司春茗！一班可愛的同事一起相聚，實在太有愛了！我認為半年辦一次，會更快樂！」
（on.cc）
去年公開婚訊後，今年初就承認有喜，身為新手媽媽當然緊張萬分，全面停工閉關養胎。有消息指她的預產期為下月，成功一索得男！
現時半停工陪太太的馮紹峰不容有失，已為太太擇好吉日剖腹生仔，並在好友兼內地著名主持謝娜推介下，決定到上海仁濟醫院生產。
該院是全國三甲醫院之一，謝娜去年在此剖腹誕下孖女。
有指當時每晚的住院費超過6,000元人民幣（約6,947港元），剖腹費則是3萬元人民幣（約34,735港元）。
趙麗穎與謝娜因合作節目《偶像來了》而結緣，並以「大哥」及「二弟」相稱。
可能有見閨蜜去年誕女時保密功夫到家，故也在該院產子，還已訂定單人豪華VIP產房，每日收費高達11,000人民幣（約12,736港元），爆料人說：「主任親自照顧產婦，一天一萬一，醫生和護士長都是謝娜牽的線。」
據知，趙麗穎方面已「拜託」相關醫護人員要封口，希望不要傳出相關照片，原因是懷孕後有感樣貌與身材走樣，非常擔心媒體拍到她發褔的照片，影響日後工作。另外，趙麗穎工作室在微博發公告，指有人冒充工作室及趙麗穎的名義開社交網賬號，並發布不實訊息，會以法律途徑追究。
(on.cc)
藝人吳綺莉與女兒卓林兩母女關係時好時壞。
吳綺莉日前喺社交網上載「新抱」Andi嘅多張性感舊照，當中仲有去年4月卓林求救嘅對話截圖，之後仲以英文留言：「施比受更有福，親愛的，新年快樂，祝你萬事如意，免費午餐和自由戀愛。（More blessed to give than to receive my dearest, happy new year, wish you all the best. free lunch and free love）」疑似揶揄Andi！
「我個女震晒咁同我講，話覺得自己辜負咗太太，搞到佢咁，叫我幫佢，咁我係咪要幫佢籌錢畀佢醫病？公立醫院唔知有冇得睇呢種恐懼症呢？」
就算係咁，卓林同外籍太太Andi仍然愛得難捨難離，即使遇到唔同難關，一直都互相扶持。
呢日卓林喺網上晒出擁抱嘅合照，仲話係二人嘅周年紀念，感謝Andi嘅出現，令佢人生更加精彩：「since I met my partner in crime @andiautumn. Its been a the best two years of my life with you as my wife（呢兩年係我人生過得最好嘅兩年，全因有你成為我嘅太太）」
(綜合報道/on.cc)
藝人姚嘉妮（嘉嘉）出席「GELOS 攜手電影『新喜劇之王』敢於夢想慶祝酒會」，表示睇完該電影令自己有自我檢討：「身為演員，喺戲入面有好多情節都領略過，例如浸喺水入面、捱飯盒、瞓片場，做藝員唔係好多人心目中咁風光，但只要堅持唔好放棄就得，要做到百分百投入。」
講到落水戲，嘉嘉早前兩件頭泳裝上陣大騷Fit爆身材、又露馬甲線為拍攝無綫劇集《她。她。她的少女時代》，她表示拍攝前做了不少事前功夫，唔敢放肆大食Keep足一個月。
「當時係聖誕節、又要食團年飯，搞到要忍口，囝囝都有話點解我On Diet就可以唔食嘢，但佢就唔可以唔食，不過拍完嗰場戲都有鬆一口氣，都好多謝監製專登畀咗呢個安排我。」
問到元宵節老公可有準備甚麼？她笑言沒特別，惟睇完電影就要趕回家交人。
又大爆囝囝反而有表示，有甜蜜舉動：「佢喺情人節有畫啲Love Note畀我，佢好Sweet㗎，譬如尋日落完雨塊鏡矇咗，佢會喺塊鏡寫『I love Mami』，佢好識冧我，都驚佢第時變咗情場騙子。」
(on.cc)
有女萬事足的城城，自言與品牌合作無間是一種緣分，更希望這種緣分能傳給女兒，待她長大後可以跟朋友分享，他說：「個女似迷你版嘅我，非常好動，成日跑嚟跑去，但我好享受照顧佢、同佢相處嘅時間，一啲都唔覺攰！」
他續說：「除咗工作，家庭對我都好重要！家庭會畀我好大嘅動力，令我更努力去工作，成為更優秀嘅爸爸。我最開心就係工作完成後，可以花時間照顧屋企人，同佢哋食餐家常便飯，就會覺得好幸福，煩惱同壓力都會拋下。」
天王郭富城早前現身新加坡，以LONGINES優雅形象大使身份出席當地舉行的新店開幕，對於取名為「征服」的腕錶，城城說：「我係一個演員，亦係一個歌手，作為表演者嘅我，需要不斷超越自己，第一件事就係征服自己，令缺點成為優點！」問到其缺點，他即幽默地說：「冇缺點！」續說：「講笑，人點會冇缺點！我諗我嘅缺點係對工作投入到過分用心，有時候忽略身邊嘅朋友同親人。」
城城又指小時候，他會為準備上班的爸爸戴手錶，還記得那枚是古董錶，一直將這份傳承情懷藏在心底。問到城城可有送手錶給太太方媛時，他笑說：「暫時冇，因為品牌太貼心，一早送咗畀佢！」
他又稱希望設計一隻可以照鏡子用的腕錶，並能隨時視訊家人，最好可以隨意問：「Hello！食咗飯未？」
(on.cc)
無綫藝人楊證樺與老婆沈可欣2016年生咗大仔楊宏志（Eugene），上年年尾細仔都出咗世。
養兩條化骨龍一啲都唔容易呀！
沈可欣休養期間爸爸楊證樺就繼續勤力搵奶粉錢。
楊證樺現時正忙於為無綫劇集《唐人街》拍攝，雖然之後大隊會出發到泰國拍攝外景，但劇組亦於電視廣播城內搭建泰國特色建築物，相當逼真。
楊證樺於劇中飾演陳山聰的舅父及劉穎鏇的爸爸，更是一名詠春高手，於唐人街賣花生養大女兒。
為了迎合角色，他特意不剃鬚，更完全沒有化妝：「我本身學過詠春，但唔太熟，我爸爸以前喺外國教功夫，臨拍之前我就學詠春招式，郭師傅好好，將啲竅門教畀我，伍允龍都指點我好多。」
(on.cc)
藝人陳浩民與老婆蔣麗莎（Lisa）婚後育有三女一仔，一家六口勁熱鬧！
兩人2011年生咗大女陳雅薷（Elizabeth），最後喺2016年「埋單」，細女陳熙妏（Victoria）出世，即係5年間生咗4個小朋友，相當犀利！
Lisa喺綜藝節目就話，有人問佢，點解好多夫妻日日生活喺一齊都懷孕唔到，反而陳浩民長期喺異地拍戲，佢哋咁少見又分隔兩地，但能夠喺5年內生4個孩子呢？
蔣麗莎神回話：「水和漿糊是不一樣的！」究竟大家明唔明呢？ 
有網民就解答成：「是說精子吧！」 
(綜合報道/on.cc)
息影女星邱淑貞與時裝國王I.T老闆沈嘉偉的大女沈月，一直獲譽為是最索星二代，喺倫敦時間19日為爸爸沈嘉偉公司旗下時裝品牌izzue行時裝騷。
17歲婷婷玉立的沈月，遺傳媽咪優良基因，天生一副明星相，平時為人十分低調，今次現身幕前頭炮當然留給自己人，誓助爹哋開拓時裝板圖。身在英國留學的她，一向有時裝觸覺，不時獲讚穿衣有道，今次首次踏上國際天橋，必定成為焦點所在。
沈月以一身白色加銀色配件型格打扮、腳踏4吋鬆高鞋現身舞台，現場掌聲不斷！
雖然只有17歲加首次行騷，但見慣大場面嘅佢非常霸氣，比起專業模特兒一啲都唔輸蝕，一面Cool爆震懾全場！
佢仲重現媽咪當年嘅牛角頭造型，唔知係咪突登嘅呢？
現場嘉賓更星光熠熠，著名英國歌手Lily Allen、韓國Wanna One主唱成員金在奐、國內新晉藝人周銳、英國人氣時裝達人Susie Bubble、內地潮流新貴韓火火等均到場支持。
(on.cc)
藝人陳凱琳與老公鄭嘉穎日前宣佈已經順利誕下B仔Rafael！
之前Grace更忍唔住大曬B仔嘅相，仲有Q版一家三口，畫面超溫馨啊！
尋日係元宵佳節，陳嘉寶同賴慰玲就去咗探啱啱生完BB嘅陳凱琳，交流吓湊仔經，仲喺社交網大晒自拍。
坐緊月嘅陳凱琳果然得天獨厚，面尖尖零水腫，難怪田蕊妮睇到相都留言：「吓！個樣真係好似冇生過咁喎！」而賴慰玲亦回應：「我都懷疑佢哋冇生過！」並喺張相留言：「咩事都冇發生過，都仲係18歲！#唔好打頭#靈異學會#會員最近好忙#會長要再諗吓有咩學會活動」
網民亦搞笑話:「18歲咁大咩？以為你哋17歲添！」仲有人話：「三個扮生咗BB嘅女人！」
當中何雁詩亦踩場留言話賴慰玲：「你18對都嚟啦唔好咁啦！」對方就簡單二字回應：「收聲！」陳嘉寶亦有分享照片並留言：「#何月（陳嘉寶飾）#藍夢瑤
（陳凱琳飾）#丘玲梅（賴慰玲飾）今天剛好十八歲 ！#我意思係心境#心境十八」
而陳嘉寶喺上個月31號報喜話囡囡出咗世，照計應該仲坐緊月，唔知係咪為咗探好姊妹而提早出關呢？
陳凱琳、陳嘉寶同賴慰玲喺2015年拍攝無綫劇《殭》而成為好友，幾年過去，幾位由少女變人妻，仲做晒媽媽添！
(on.cc)
