歌手吳若希（Jinny）同老公何兆鴻於（Alex）2017年奉女成婚，Jinny時不時都會喺社交網大曬一家三口溫馨照。
但就成日都會傳出婚變，近日佢喺社交網發文講對婚姻嘅睇法，仲直認唔妥老公(相關新聞:https://goo.gl/eYMwCw)！
不過正所謂女人心海底針，Jinny 180度轉變大晒幸福，仲話要每日都讚吓老公！
呢日佢上載咗張一家三口拖手仔嘅相。
佢留言話要嚟一個30days婚變challenge：「事源（緣），睇得太多話我婚變既（嘅）報導（道）～令我自己都開始產生幻覺覺得自己想離婚～～所以～ 特意set up 一個challenge給自己，除了要每天說一個我老公的優點之外，順便令自己拾回每天報到社交平台的習慣。」
佢仲交代第一日情況：「脾氣好，怎麼發他脾氣，他也是沒有表情。」
（綜合報道/on.cc）
藝人林峯同女友張馨月愈愛愈甜蜜，繼林峯帶完女友返鄉下祭祖，早前佢仲趁新年跟女友回鄕見家長，相信二人好事近呀！
之前有指吳千語與幾位女友人現身上海一間由林峯與胞弟所開嘅酒吧，令人不禁懷疑吳千語仍對舊愛念念不忘，故重遊舊地。
不過隨即就有媒體影到二人同狗仔散步時，林峯激罕喺公眾場合拖實張馨月，唔知係咪藉此確定女友嘅地位呢！？
呢日馨月喺網上上載去咗林峯堂妹林夏薇嘅舖頭食嘢相，仲好識做拎住張菜單。
佢留言話：「@rosinalam 打卡#十二功夫 必點酸菜魚，超級開胃，酸酸辣辣的！」
似乎啲餸菜都好啱馨月口味，而夏薇亦有留言：「歡迎光臨！辣得爽嗎？」馨月都有回覆：「請給我一盒健胃消食片，我吃撐了。」
之前馨月只係低調PO同夏薇嘅合照。
而家愈嚟愈高調，同男友堂妹有互動！
網民都話馨月似乎好融入林家，仲話唔知佢係咪同男友一齊去撐場呢？
城中名人劉鑾雄太太陳凱韻（甘比），曾於15年帶同女兒秀樺，及賭王四房女兒何超盈、何超欣兩姊妹，一齊飛往巴黎欣賞Chanel騷，對於一代時裝界巨人離世，甘比以短訊回覆《蘋果》表示︰「覺得好可惜，因為他真的好有才華！其實除了Chanel，Fendi我也喜歡，也是他做設計總監的。」
名模周汶錡（Kathy）對此消息感到愕然及可惜，她大讚對方是永恒及傳奇的設計師，跟對方曾有一面之緣：「我曾經喺巴黎嘅Chanel總店門口見過佢，覺得佢好有型，佢嘅白頭髮同黑超係佢嘅標誌，我好欣賞佢。」Kathy稱一直都有購買品牌的手袋，尤其是復古手袋，並盛讚對方的設計獨一無二。
人稱老佛爺、國際時裝界巨人Karl Lagerfeld，昨日離世，終年85歲。根據英國《鏡報》引述，Karl Lagerfeld已患病多時，連剛於上月於巴黎舉行的Chanel高級訂造騷也缺席。英國《每日郵報》及《鏡報》均引述消息指，Karl Lagerfeld患有胰臟癌。Karl Lagerfeld是國際時裝界的舉足輕重人物，除個人品牌外，他現任法國殿堂級名牌Chanel及意大利名牌Fendi的創意總監，絕對是時裝巨人，故他離世消息，震驚全球。 而香港社交界及娛樂圈，有不少名人明星都有追捧他的設計，如名牌Chanel和Fendi。
佢大讚Karl係時裝界天才，帶領大家去潮流尖端：「Karl Lagerfeld先生是時裝史上唯一真正鞠躬盡瘁死而後已的多功能天才，尤其在這蜀中無大將高手寥寥的可怕世道，他更是少數能支撐精緻服裝文化的明星。衷心希望這不是陳腔濫調的『一個時代的結束』，我們應該記住他為世界發過的光芒，並因為他的離去，喚醒了現時業界所缺，努力找出夠格的一批新大師，做到江山代有人才出。『你要記 記住那閃亮 而不是碎片』」
接觸過Karl Lagerfeld的琦琦，感覺對方做事一絲不苟，認真投入程度非常細緻。琦琦回憶老佛爺最經典的事，就是為能穿上Hedi Slimane，他一年內專登減磅85磅，意志力驚人。她說：「自從佢冇現身自己個騷後，或者佢身體已經出咗狀況，我覺得佢係一個勇士，工作到生命嘅盡頭，好可惜！」
(on.cc/apple daily)
藝人陳敏之出席退休保險計劃活動，期間試玩模擬退休年齡預測，結果顯示她要93歲才能退休。事後敏之受訪時，笑指不知自己有否如此長命，她謂：「頭先睇到要咁多錢先至可以唔使做，所以要計劃。（你買咗十幾份保險咁多？）尋晚問媽咪，呢啲係佢管，有啲由我出世供到依家，聽到都嚇親！我不嬲係數字白癡，以前都係媽咪叫我簽名，但依家有啲已經唔使供，應該剩番6、7份保險。」
已育有一子的她，表示有為囝囝買保險計劃未來。由於囝囝年紀尚小，故會暫代供款，待他長大識賺錢便會把責任交回給他。問到會否再生B？敏之謂：「我想，希望係有一仔一女，但實在太忙，每日瞓得3、4個鐘，個仔會一早叫醒我，我都會爭取時間攬佢，但如果兩個小朋友差唔多年紀我會癲！所以等過多一年先至嘗試吓造人。」
談到誕下麟兒，敏之透露有於社交平台送上祝福，並已送上自家曲奇。她又大讚對方佗B時又瘦又靚，非常厲害。
(on.cc)
無綫藝員譚凱琪在尖沙咀為「香港國際珠寶展」記者會擔任模特兒示範首飾，戴上逾六千萬名貴翡翠鑽飾的她笑言嚇到震！
問到可有收過首飾？她說：「冇，首飾都係自己買好啲，自己買先有成功感，都係靠自己好啲，去旅行試過買珍珠，自己唔識睇首飾，最緊要係合眼緣。」
問到男友沒有送過首飾給她嗎？譚凱琪笑說：「好似冇喎，真係要同佢講吓，畀個目標佢先。（今晚元宵有驚喜？）唔會，好慚愧我哋都係冇乜驚喜嘅人，都係食餐飯，好踏實，不過有啲驚喜都需要嘅。」
(on.cc)
藝員「大小姐」林淑敏出席節目《流行都市》在商場舉行的元宵活動。
她開心表示這段時間好感恩，去年頒獎禮又攞獎，《流行都市》這個節目也教會了她很多：「我做呢個節目已經7、8年，由原本乜都唔識，好彩有大王同章志文教識我好多，好似一啲節奏同懶音都係志明教我，希望可以一路做落去，而呢個都係無綫最長壽節目之一。」
問會否請食飯慰勞大家？林淑敏笑言：「有大王喺度，唔使我，點解我咁鍾意大王都因為佢會請食飯又派利是。」
她更在抽獎環節抽中「足金金豬」，可謂豬年行大運！她稱農曆新年只放了初二和初三，初四便要為《愛．回家》開工。
講到元宵節，林淑敏稱會陪伴老公過，坦言老公比她更忙，她拍《愛》劇和《流行都市》的時間反而較穩定。問到之後先放假？她稱計劃5月返加拿大探親，已有4、5年未回去，始終家人年紀也大了，希望盡量陪多點家人。
(on.cc)
天王郭富城與太太方媛婚後育有一女Chantelle，方媛早前再度有喜，現懷有第二胎六個月身孕的她開始深居簡出，其父母亦已從內地來港照顧女兒起居飲食。
農曆年期間他們在香港團拜時一同現身，有報道指方媛雖懷孕六個月但體重仍只得約100磅左右，令郭富城相當緊張並找來專家安排健康食品、補品給太太補身。
希望可以谷肥太太令她佗得更為健康，同時亦為日後生第三、四胎作最好準備。
此外，Chantelle愈大愈可愛，眼仔睩睩與爸爸長得餅印一樣。
(on.cc)
被外界喻為「比劉德華更加劉德華」的江華（原名：陳木華），與麥潔文婚後育有一子一女，儘管他們得到爸爸媽媽的真傳，但女兒天天目前專注學業，大仔陳耀淙(Bryan)則堅拒步爸爸後塵，選擇投身醫護界。
今日有周刊報道，現年25歲、與江華餅印一樣的Bryan熱愛音樂，13年曾經與媽媽麥潔文齊齊出席有線節目，當時已有不少經理人公司向他招手，但Bryan從小立志做醫生，後來即使成績未達標，他隨即改為修讀護理學，17年畢業後到公立醫院做護士。報道指他一向低調，甚少提及自己家庭背景，對工作很熱誠，甚至不介意做厭惡性的工作。
早前Bryan罕有地接受網站訪問，坦言「星二代」這三個字是他不考慮入行的其中一個因素：「好多人覺得星二代就係屋企人大把錢，不務正業，乜嘢都要講面子，呢啲有啲不切實際。我反而會諗護士呢份工可以做幾耐呢？可唔可以養到我屋企人？夠我結婚？我唔諗發達，夠食就夠喇，我應該做緊啲大家都認為係正確嘅嘢，冇丟我父親架。」他還笑言另一個不入行的原因，是他被媽媽斷了死症，指他沒有唱歌天份，亦覺得自己沒有演戲天份。
結果有不少網民大讚Bryan有內涵兼夠貼地，身為媽媽的麥潔文亦在fb留言：「謝謝大家的讚許，希望陳耀淙不會因此而驕傲，加油啊！」
(apple daily)
藝人陳凱琳昨日透過社交網上載丈夫鄭嘉穎手抱兒子Rafael的相片，正式宣布榮升媽媽，並感性發文感謝大家對她的愛。
今日Grace再曬靚靚孕照，見到佢身穿白色連衣裙，大曬孕肚，但手腳仍然纖幼，真係得天獨厚呀！
剛剛更上載兒子相片，但只見到Rafael的手仔按住胸口位置，陳凱琳留言話：「My heart is melting，have a nice day。」
佢仲加咗句「我都唔想㗎，不過真係！」睇嚟佢都忍唔住要上載仔仔相片同大家分享。
另外，佢又上載咗一張一家三口的Q版全家福，見到兩公婆抱住Rafael，真係好有愛！
(IG/綜合報道/on.cc)
突然報喜：「其實我已經結咗婚，而家只係補擺婚禮。」仲話爸爸賭王已經知道呢個喜訊，而媽媽亦在場見證註冊儀式，新年亦有帶新婚太太向爸爸逗利是。。。
東華三院今日於上環舉行新春團拜，出席成員包括有何猷啟、何超蕸、東華主席王賢誌及卸任主席蔡榮星等。賭王三房公子何猷啟於儀式後接受傳媒訪問，問到擔任總理一職是否很忙碌？猷啟表示：「其實都唔會太忙嘅，屋企、工作兩邊兼顧囉，不過有時都做唔到。」問到會否因工作太忙無暇辦理婚禮？猷啟說：「我呢啲唔急嘅，慢慢嚟啦！」至於婚禮具體日期，猷啟表示目前尚未決定，希望等家人較空閒時舉行，不過預計會於今年內完婚。
猷啟於上年年初二在微博公佈已經向國產女友Gigi求婚成功，由於行動相當迅速，結果惹來「雙喜臨門」的疑雲，當時春風滿面的猷啟表示尚未考慮榮升人父，更向傳媒保證如果有好消息一定同大家分享。
今日猷啟被問及婚禮安排，訪問途中猷啟突然支吾以對，其後說：「其實我已經結咗婚，而家只係補擺婚禮。」猷啟表示大約一年前已經與Gigi於外地註冊，更透露爸爸賭王亦知曉此事，而媽媽亦在場見證註冊儀式，新年亦有帶新婚太太向爸爸逗利是。至於問到爸爸目前情況，猷啟說：「其實冇乜大問題，身體冇乜事，只係暫時都會留喺醫院先。」
既然已成家立室，下一步會否到生兒育女？猷啟表示盡量順其自然，至於將來小朋友的數目，猷啟說正正常常兩三個已經足夠，猷啟與姐姐超蓮為龍鳳胎，問到將來會否希望生孖胎？猷啟道：「我都希望啦！」猷啟表示自己只是進行了一場簡單的簽紙儀式，而太太目前與猷啟一同於香港生活。
猷啟前年5月與以色列籍女模Angelika Nikolaeva分手，10月已經展開新戀情，與Gigi拍拖不足半年已高調再晒愛，兩人拍拖約一年已經訂下婚約。
（apple daily）
