自從去年阿嬌和賴弘國大婚之後，二人幾乎處於深居簡出的狀態。偶爾出席活動，或者是主動通過社交平台分享自己的動態。婚後的他們享受著難得的新婚生活。如今阿嬌已經38歲，這個年紀若是生育則需要冒很大的風險。阿嬌之前便已透露，婚後二人正積極備孕。
近日有網民在橫店偶遇到了阿嬌，這次她是受橫店邀請參加粉絲見面會的活動。
活動當天橫店還下起了淅瀝小雨，不過未能阻擋阿嬌與粉絲互動的心情。當主持人介紹阿嬌時，她被工作人員扶著上台。
阿嬌身穿一襲白色潔白抹胸長裙，上身披牛仔修身衣。
根據現場網民上載的相片，可以明顯看出阿嬌又比上次出席活動胖了不少，這難道又是婚後的幸福肥？
從爆出的側面照，則可以清晰的看出阿嬌肉肉的手臂以及渾圓的下巴，發福是不爭的事實了。不知道此時的身材是發福造成還是懷孕有喜呢？
活動過後立即換平底鞋，加上身形比之前又胖了，實在令人懷疑是否有喜…
（綜合報道）
尋日港姐第一輪面試，當中騎呢組有佳麗同《愛．回家》嘅池美麗撞樣(相關新聞:https://bit.ly/2IIrLLg)。
而池美麗真身鍾凱琪都喺社交網出POST自抽一番。
佢話：「晚安~ 今晚不停畀朋友tag🤣真係唔出post都唔得呀！ 繼上次飯托之後又一鋪撞樣？ 在下絕對大眾面。萬能key？話時話大家係咪真係覺得我當年唔應該參加叮叮（殘酷一叮），而係應該參選miss hk？ 但我估計我絕對會畀人1秒即叮！ 選美包尾拿第一有冇獎品㗎？減完肥可以考慮下，如果佢唔計我超齡的話！」
不過識睇梗係要睇留言啦！網友就勁搞笑咁話「金城安見到池美麗去參選一定硬晒」，更有網友建議《愛．回家》編劇下次可以用池美麗去參加選美做劇情。都有唔少網友大讚池美麗靚女過撞樣佳麗。
(on.cc)
獲香港電影金像獎「最佳新演員」，早前拍劇集《荷里活有個大老千》人氣急升，不過一向都將感情事低調，結婚六年多，二人一直有共識生小朋友。。。
憑電影《狂舞派》，2014年獲香港電影金像獎「最佳新演員」嘅蔡瀚億（Babyjohn）與太太Donut結婚六年多，二人一直有共識生小朋友，不過至今仍未有好消息。
早前他出席活動被追問造人大計進展如何，亦曾表示：「我都好想呀，惟有順其自然啦，有嘅會同大家講！」
日前BabyJohn便與太太現身元朗區拍拖，他們往街市購買大袋蔬菜後，就往附近食肆會合數名親友，Donut更明顯發福不少，身形圓潤的她腳踏波鞋，又全程步伐緩慢地拖着老公，即使穿上鬆身衫也難掩肚凸凸，孕味甚濃！
席上她還食極唔飽，就連老公都停晒口，她依然大啖大啖食，看來為佗B槽肥自己。
埋單後夫婦便與親友道別，BabyJohn還化身人肉拐杖讓老婆翹到實，沿途步往取車時，Donut多次突然以手巾仔掩口，狀似孕吐般，老公見狀更加小心翼翼扶着她入𨋢。
(綜合報道)
一年一度TVB舉辦的《2019香港小姐競選》將在暑假舉行，昨日是港姐首輪面試，各位參選人於將軍澳康城港鐵站集合。
每年選美當然不乏有騎呢佳麗，有「爆牙蘇民峰」之稱的Isabella，21歲的她在恆商讀書，當她被TVB主持讚很瘦時，即大曬口齒伶俐說：「係咩？你都好瘦啦！」她自言有46kg，但不知腰圍幾吋。談到其眉毛似足「蠟筆小新」，問到為何不修眉來面試？她即說：「好粗咩？」
港姐首輪面試更驚現「素顏池美麗」，25歲的扶小姐來自中山，但在理工大學英文系唸英文碩士。問到為何素顏去面試？她自認較崇尚自然。
《開心速遞》池美麗
現場中還有一位「翻版池美麗」，你們說哪一位比較像呢/
（綜合報道）
藝人鍾麗淇（Margaret）現身關注罕見疾病的活動。
由於大女Isabella患上罕見嘅基因病，故她在這方面不遺餘力，希望令更多人關注：「其實每個人都唔同，有啲嘢係天生嘅，佢哋都唔想，所以希望令到社會更關注，大家見我咁正面，會問你係咪好辛苦架，其實唔係，因為我好正能量。」
Margaret又透露為大女報讀了香港唯一一間英語教學的特殊學校，苦等了五年，近日終於收到大女被錄取的好消息，她笑說：「我同姐姐開心到喊，五年時間等得好辛苦，有啲等得仲耐，可能要排十幾年，所以五年時間係正常，佢獲錄取令到我放鬆少少，佢八月就會返學，有小朋友嘅就會明白，成日諗會唔會畀到最好嘅佢，佢試咗三日堂，佢都鍾意，佢真係好開心，呢間學校適合佢多啲。」
至於暑假會否一家人去旅行， Margaret笑言：「我計劃同老公下年兩個去，我哋已經八年半冇一齊去過旅行，我哋到時會結婚周年去，我妹妹好好，係咁叫我哋走，話到時喺我屋企過夜，我同老公未試過離開兩個女，一定係是但一個喺屋企，所以我都有啲驚，不過老公專登book咗個地方係唔畀小朋友去嘅，到時我哋會去四晚，過下二人世界，都真係八年幾啦，希望到時開心，好彩依家有FaceTime。」
(on.cc)
一年一度大台舉辦的港姐選舉將在暑假進行，今日係港姐首輪面試，眾女於將軍澳康城港鐵站集合。
其中有一對「姊妹」花「翻版朱智賢」蔡嘉欣（Kayan）及黃嘉雯（Carmaney）一齊到場，最為高質。
畢業於理工大學紡織及製衣系，曾參加過校花校草競選，現職為Model，現年25歲的Kayan年紀輕輕已經有時裝店及美甲店，社交網中不乏性感水着照，身形高挑平均，而且已經名花有主，經常與男友周遊列國。
大台有幾個嘉欣，由以前的李嘉欣到鍾嘉欣、龔嘉欣，其中李嘉欣和鍾嘉欣都是選美冠軍，唔知蔡嘉欣有冇咁幸運呢！
另一位為現年25歲的Carmaney，佢來頭認真唔惹少，曾代表香港到東京參選2018國際小姐，在13年開始出道做模特兒，曾經拍過不少廣告，還拍過網劇《型事青春檔案》。而佢社交網都有唔少性感泳裝，相當有睇頭！
更與藝人張國強（KK）合作過。 
較為省鏡的仲有「V面昆凌」陳熙蕊（Brittany），不過佢同樣已經名花有主，大方在IG貼咀仔相晒幸福。
「V面昆凌」陳熙蕊（Brittany）現職美容顧問，有一把長長的秀髮，樣子甜美，下巴尖到可以做兇器，今年情人節她跟男友蜜遊澳洲，在IG貼抱抱相並留言：「Happy Valentine’s Day . Love you from the bottom of my heart」
原來「V面昆凌」還參加過今年「中國好聲音」，分數排第4，得到最具潛力獎和優異獎，她感謝男友的鼓勵，寫道：「唱歌對我來說有特別的意義。我答應過自己不會停下來。我之後會繼續加油努力。」
仲有一位Katy Yeung，身高178cm，高妹一族，身長手長腳長及笑容甜美，主修犯罪學，其社交網水着相唔多，大多打扮密實走斯文可愛路線。
而佢一雙白滑長腿亦成為佢最大賣點。
25歲的Mina Yeung，與讀香港大學的前港姐馮盈盈為同學，二人曾一齊參加過模特兒比賽。
台上她又派心心又托面扮花和單眼，表現可愛，受訪時稱：「盈盈叫我平常心，have fun。（佢hea你？）都唔可以太偏心！」
(綜合報道)
藝人陳嘉寶（Anjaylia）雖然已為人母，不過魅力依然不減！
呢日佢喺社交網晒出水着照，見佢穿上兩件頭泳衣，企喺池中大擺甫士。
雖然Anjaylia冇驕人上圍，不過就勝在身材平均，大晒纖腰同白滑美腿，相當吸睛！Anjaylia仲話：「工作有時，休息也有時。」
唔少網民紛紛讚好，又話Anjaylia身形依然咁Fit，真係羨慕死人喇！
(on.cc)
台灣藝人金剛自從認愛混血女星梁云菲（Nana），不時帶着女友出巡，有影皆雙。
日前金剛訪港，今日更相約他的前緋聞女友、DJ小儀及戴耀明等老友見面。小儀在IG公開大合照，並留言說：「有個人喺香港，咪約個tea見個面囉！阿嫂好正呀！」
小儀最後更tag金剛，相約下次再見。
其實今次金剛來港，出席了憑電影《少林足球》中「六師弟」一角走紅的林子聰（肥仔聰）的細女Charmaine的百日宴，Nana在IG公開照片，她抱着穿上美人魚裝熟睡的Charmaine，Nana留言說：「我手裏抱著一隻小小美人魚，很開心今天參加子聰導演家的菲菲（Charmaine）百日慶祝派對。」
Nana更透露自己第一次抱這麼小的嬰兒，感覺很柔軟和奇妙，她又笑言自己抱B時，散發着母愛。Nana更在tag中表示「有個菲的長大一定是個美人胚」，未知她是否在讚Charmaine會是個美女之餘，也順便讚自己呢？
(apple daily)
自今年4月發生「安心偷食」後，原諒了老公許志安的鄭秀文（Sammi），近來積極備戰其下月的演唱會。
至於，取消了9月演唱會、近日無事忙的安仔，過去兩個多月一直潛水，直至日前才於Sammi的IG，有意無意間現身。
兩日前Sammi在其IG story中貼相，並寫上Gym time，不過相片的亮點卻在右邊的玻璃倒影，事關那處可以見到一個男人身影，而這個身影正正是陪老婆去做gym的安仔，看來二人夫妻感情都雨過天晴。
下月舉行演唱會的Sammi，近日頻頻做gym操肌和積極綵排，亦不時在社交網上載相片及影片，這段時間一直做Sammi背後的男人。
然而，未知是否因為安仔當日在觀塘健身室認識黃心穎，為免觸景傷情，Sammi已轉移另一間私人健身室繼續操練。
安仔自被揭背妻偷食黃心穎後，曾聲淚俱下開記者會認錯，並無限期停工，雖然後來獲老婆Sammi原諒，但事業在別無選擇下要暫停，連原本9月開演唱會的計劃都要取消，由「BOYZ」承接其檔期。
至於黃心穎，偷食事件後避走美國，主演的劇集及演唱的主題曲，都先後被抽起或要重拍，更有指她要為大台損失的金錢要負上責任，其事業一鋪清袋。
(apple daily)
53歲的羅霖三年前以美魔女姿態推出寫真，曾說寫真只此一次，故多年來不停被游說推出關於美容保養的書籍，她一直遲遲未出，源於一份責任感：「本書講扮靚Keep fit外，仲會教人點樣去減壓，始終都市人生活緊張，好易有情緒病。因為出美容書同寫真唔同，要花好多時間資料搜集，我又驚寫得唔好，所以要搵到一個明我嘅人去代筆。」
書中加插個人圖片，她在香港、韓國、泰國及上海四地拍攝，為效果完美更「半裸」上陣！拍攝浸玫瑰花浴可減壓的相片時，羅霖初時戴nude bra上陣，但多次發生「飛bra」事件：「因為浸熱水，啲水蒸氣搞到個nude bra黐唔實，期間有個男工作人員話過嚟睇點幫我，我話千祈唔好，否則一嚟就睇到。個nude bra幾次都黐唔實，最後索性唔黐，第一次咁坦蕩蕩。」
豁出去真空上陣都未夠，為介紹最新美容資訊，羅霖並非得個「講」字，飛韓國當白老鼠，體驗最新的美容產品及儀器：「要介紹畀人，我要親身去試個效果，試打荷爾蒙平衡針，會令個人平衡番同健康啲，要打足一個月，因為我睡眠質素差，又要擔心經濟壓力。」
心血未正式推出已封蝕本門，已有超近一千本書的訂單，而部分收益更會捐往單親媽媽協會，極具意義。
作為獨力供養三子的單親母親，羅霖為兒子甘願放棄感情，2016年情牽比自己年幼廿年的內地富二代小鮮肉J君，並在法國一時興起拍攝「婚照」，當時J君更說會為她放棄傳宗接代的使命。
情深緣淺，感情維持兩年結束，分手原因是她感經濟壓力大，沒時間經營感情。
羅霖坦言追求者不絕，有小鮮肉也有比她年長的，但她已疊埋心水，買定「姑婆屋」養老，認為「男人靠唔住」，要乸唔要仔：「呢一刻都有人追，但我放棄，我仲要喺事業上衝刺，起碼要等大嗰兩個小朋友大學畢業先會諗，當然緣分錯過咗未必再有，但我唔會後悔囉。本身壓力太大，再承受感情壓力，我驚我會崩潰。其實有幾個對象淨係想同我一齊，唔想同我三個小朋友一齊，我係唔會接受，應該愛屋及烏。所以打定輸數，同一個未結婚嘅朋友買姑婆屋一齊住。我唔奢望三個仔養我，第時佢哋大個有女朋友、有老婆，就會冇咗媽咪，除非佢哋搵咗個老婆好錫我，咁我就唔會冇咗個仔。」
羅霖曾因趕時間要身穿晚裝為兒子煮飯，全因珍惜親子時間：「有時凌晨兩、三點返到屋企，兩個仔話想同我傾心事，我就算好攰好想瞓都會傾，我知嗰一刻放棄，佢就唔會繼續搵我。」說到這裏，她突然忍不住眼濕濕，想起一幕幕獨力支撐頭家的不易，她哽咽說：「有時閂埋房門祈禱會喊，好感恩呢幾年有宗教信仰，有朋友同父母支持，先可以捱到今日。每個月開支非常大，基本上呢頭賺完嗰頭已經使晒，因為二仔喺美國讀書一年已經要五十萬學費，養一個小朋友開支真係好大，我仲要三個更加犀利。我有紅酒同美容院生意係固定收入，如果冇嘅話真係瞓街㗎！娛樂圈嘅工作唔穩定，可能呢個月有，下個月冇，感恩我暫時個個月都有工開，唔使降價，但可能過多兩年老啲就要，如果真係要我降價都願意，為咗屋企冇問題。」
(on.cc)
