黎珈而（前名黎姿，GiGi）今日於中環主持卓珈控股主板上市儀式，身兼集團執行董事、主席兼行政總裁帶領集團由創業板轉到主板上市，GiGi難掩興奮心情，還指父母、弟弟黎嬰也有現身支持，她說：「屋企人嚟晒，好感動，一家人好支持，佢哋係我嘅精神支柱，多謝佢哋咁多年默默喺背後，畀不同意見、支持同鼓勵我。」
GiGi亦謂弟弟同樣感動，並望將弟弟對專業醫學美容概念發揚光大，希望大家都擁有自信與最美狀態。
提到有否慶祝活動？GiGi說：「都係食吓飯，而家開始上主板，對集團係起步點，我哋仲有好多將來發揮嘅空間。」至於家庭與事業的時間分配，GiGi說：「一半一半，一日24小時除咗幾個鐘瞓覺，一半係畀屋企人，一半係公司，非常非常充實。」
問到3個囡囡可有投訴？她笑說：「都有少少㗎，成日捉住要我陪佢哋玩，噚晚喺屋企預備時，佢哋以為我考試，因為書枱上好多文件，我同佢哋講『同你哋一樣，要做功課，勤力讀書先有好成績』。」
至於老公馬廷強見太太辛苦，也相當肉痛，GiGi說：「佢成日叫我唔好做得咁辛苦，叫我休息吓，成日都唔夠瞓，但我作為女性，我希望為女性、為家人做返一啲嘢，將醫學美容樹立最專業嘅定位。」
原來忙着自己事業的同時，GiGi靜下來時會想到過去拍戲的時光，談到會否有戲癮？她說：「都有掛住演戲，畢竟拍咗20幾年戲，靜落嚟嘅時候會諗返當時嘅感覺，睇番香港電視劇，都會幻想如果係我去演繹會係點？而家冇時間，工作家庭都好充實，所以冇打算返出幕前，但偶然會懷念我嘅演藝工作。」
(appledaily)
萬人迷碧咸（David Beckham）與太太Victoria對囡囡哈七（Harper Seven）寵愛有加，去到邊都帶住呢粒掌上明珠。
久未露面的方媛即使是腹大便便，依舊身穿迷你小短裙，搭配白色毛衣和黑色長筒靴，再搭配清爽的馬尾髮型，看起來減齡又可愛~
