無綫處境劇《愛‧回家之開心速遞》一直收視高企，比其他二線及三線劇集更受觀眾歡迎。
今晚除咗大家期待咗好耐嘅「群姐」許思敏迷戀歐陽震華（Bobby）（相關新聞：https://bit.ly/31NPIYX），更有新主題曲！
事源黃心穎被爆偷食人夫許志安後，她在無綫演出的劇集受到牽連外，連她主唱的《愛．回家之開心速遞》主題曲《在心中》，因引起觀眾在網上熱烈抨擊而即時被抽起。
事隔兩個月，《愛》劇終於推出全新主題曲，全新的歌曲配《愛》劇全體演員大合唱，更有大家庭的感覺，日前經已錄音，快將播出。
「送水輝」許家傑接受電話訪問，他大賣關子由誰主唱主題曲：「我有份拍主題曲opening，好靚、好colourful，好似彩虹，希望大家鍾意。有十幾個人一齊拍，但如果全部人都唱，啲聲會好亂，所以只有8個人唱。」至於誰人唱，他叫大家自己聽，猜猜是誰的歌聲。
(綜合報道)
「港普教父」黎諾懿近期人氣不俗，原來身為小生的他私底下相當玩得，近日趁自己主持節目《懿想得到》推出在即，諾懿竟以「港英教父」陳偉霆早前引起熱話的廣告做藍本，拍攝節目的宣傳短片。近日積極跟老師學普通話的諾懿於短片內「自暴其短」，又chok扮陳偉霆笑聲，大收宣傳之效，令人忍俊不禁。
他將宣傳片轉發到自己社交平台，隨即已引起網民熱話。
唔少藝人睇完都有留言，好似湯洛雯就話：「我睇咗啲咩？」劉佩玥同吳若希分別留言話：「好彩有字幕。」
諾懿受訪時笑謂：「係網民提議嘅，話未見過無綫有普通話宣傳片，我口快快應承咗，所以要還債。拍得好快，5-10分鐘搞掂，但拍完都考慮咗一陣先決定推出，事關都驚敏感，畀人話抽水，後嚟覺得無傷大雅且得啖笑，咪出街囉。其實我跟老師學普通話之後已經進步咗，只係我明顯冇語言天分。」他搞笑指自己英語水平比普通話還「強勁」﹕「所以有人提議如果再拍第二輯《懿想得到》嘅話，叫我去英語國家好似加拿大取景，真係好想聽吓我講英文喎。」
(on.cc)
藝人車婉婉嘅2歲囝囝BBQ向來表充滿表演欲，除咗平時鍾意跳舞娛賓，估唔到佢仲遺傳咗媽媽嘅音樂天分，就連填詞都難佢唔到！
車婉婉喺社交網晒出一段BBQ唱歌片，片中見BBQ自己重新幫兒歌填詞。
BBQ唱出：「MaMa MaMa，What’s your name？車 Doon Doon 車 Doon Doon，that’s your name」，仲順勢幫媽媽改埋花名，相當搞笑。
而婉婉似乎相當滿意「車Doon Doon」呢個新名，佢留言笑指：「高齡日誌之新進填詞人，BBQ先生熱愛唱歌，繼上次Rap唱之後又一巨獻。Q MaMa發現佢自己會填詞添…各位觀眾，我係車Doon Doon！ 比佢笑死我啦！」
BBQ真係超得意！
上次Rap唱！一樣咁搞笑～
(綜合報道/on.cc)
藝人林盛斌（Bob）工作忙碌，照顧四個仔女嘅責任當然交畀太太Pearl（Bob嫂）。
日前Bob嫂喺社交網上載短片透露細仔Jaye jaye患手足口病。
Bob嫂留言：「Jaye jaye就算病都好乖，自己飲水，但係今次手足口病佢就連水都飲唔到，因為個口腔實在太痛，惟有變吓法子畀佢飲水。」
片中Jaye jaye用針筒飲水，表現乖巧。
睇得出佢無微不至咁照顧囝囝。
到咗尋日，Bob嫂話Jaye jaye終於好番，仲分享咗張合照。
見到Jaye jaye笑晒口，成個生猛番，Bob嫂開心留言：「細佬終於都肯食嘢啦！成個開心晒！而我終於由完全唔顧自己嘅狀態，到依家回復正常！其實我同好多媽媽一樣，成日掛住湊小朋友就忽略左自己，尤其係個樣！」
(on.cc)
歌手湯寶如日前突然PO相，仲留言話：「我懷孕了！好緊張，今次雙胞胎」
突然宣布有喜？
上載愛犬Pancake的X光照
湯記回覆東網說：「係呀，佢又有咗，上次佢已經生咗4隻，死咗3隻，得番一件畀咗好友Nelson，今年又大肚，依家有兩個BB喺入面，我唔想佢突然穿羊水，所以我決定幫佢開刀。」
湯記家中有兩隻狗狗，除了Pancake，還有狗仔Panda，Pancake今年4歲，她說：「佢一入我間屋未停過生BB，基本上只係抖咗一年，今次已經係第三胎，我想隔開佢哋，但一時唔小心，又畀狗仔圍住佢，佢今次生完真係要幫佢閹咗。」之前Pancake生的狗BB，她都送晒畀愛錫狗仔的朋友。
(on.cc)
一名1歲6個月的女嬰，日前突然長出青春期才會出現的胸部，家長驚嚇之餘趕緊送醫檢查。經詳細問診才得知，母親孕期愛喝熱湯，經常以塑膠袋盛熱湯買回家喝；加上又愛吃炸雞，結果吃進過多的雌激素，產後透過哺餵母奶將體內的塑化劑、雌激素給了女嬰，導致年紀小小的她出現性早熟的徵兆。所幸持續服用中藥3個月後，女嬰胸部終於恢復正常。
另一名3歲女童也又同樣有性早熟問題，因為奶奶寵孫，認為珍貴的蜂王乳可以幫孫女成長，促進發育；因此，將子女送她的蜂王漿全部餵了孫女，沒想到蜂王漿含有大量雌激素，女童短時間大量攝取，竟引發性早熟。
聶美華中醫師指出，以前性早熟的女童大都是小一、小二，月經提早報到，但現在年齡層直直落，幾乎都是家長提供孩童不當飲食所引起。許多父母愛給孩子吃炸雞等油炸食物，加上學童習慣熬夜晚睡、功課壓力沉重，結果創造出許多性早熟、長不高的孩子，一輩子因為身高問題在人前抬不起頭來。
家長想要孩子長高一定要把握兩個生長高峰期，第一個是出生到1足歲，若時常生病、不愛睡覺、時常哭鬧，可能比別人少長幾公分，一定要想辦法趕快追上來。第二個生長高峰期，約在9歲到14歲青春期剛開始，建議及早服用中藥調理體質，達到「追趕生長」的目的，年齡越小，追身高的效果越好。
兒時期的生理特點歸納為「稚陰稚陽，純陰純陽」，是指小朋友無論在物質基礎（陰）與功能活動（陽）上，均屬於幼稚，發育還沒有成熟，腑嬌嫩，形氣未充，因此小朋友無論在消化、呼吸、循環、骨骼、內分泌、生殖等系統，都有待悉心照顧，補充足夠的營養，才能慢慢發育完善。
中醫透過望聞問切來決定給小孩什麼藥方。有的適合用補藥，有的要用瀉藥，有的要用健胃消食藥，有的要滋陰、活血、補氣、解毒，用藥隨個人體質的調整，因此家長務必找專業治長高的中醫來調理孩子的身體，切勿拿來路不明的配方，例如鹿茸等壯陽藥亂給孩子吃，否則弄巧成拙，很可能造成孩童性早熟，長不高。
聶美華提醒家長，千萬不要隨意給孩子吃偏方，或是蜂王漿、炸雞等食物，想要讓孩子長得好，應該遵守「不要餵太好、吃太飽」等飲食原則，多吃新鮮蔬果。另外，想要孩子長高發育確實需要蛋白質，但如果只吃肉，飲食失衡，個子還是長不高，就有小男生念到國一，身高居然還不到130公分。
所以，塑化劑、雌激素恐引發女嬰性早熟，孕婦少碰為妙。
（元氣網）
歌手蘇永康在紅館舉行一連兩場演唱會，尾場獲謝霆鋒、張衞健、關之琳、徐濠縈、蘇志威、劉浩龍、湯寶如、汪詩詩、鄧萃雯、劉倩婷、Eric Kowk夫婦等到場支持。
跟頭場一樣，他跟大家分享上半生的音樂歷程，又繼續邀得彭家麗及胡定欣做嘉賓。
騷後受訪時，他透露其實公司年年都有問他入不入紙，直至前年與中樂團合作過後覺得好好玩，所以就嘗試今次的紅館騷。問到今次可會有巡迴？他表示有些困難，因為最貴是樂譜，而每個地方唱的歌亦會不同：「每份譜要成兩萬蚊，所以今次都使幾多錢，咁多首歌，成本唔會平過平時嘅騷，好貴，所以多謝公司畀我搞。」
講到兩歲的囝囝Jazz亦有來捧場，他笑言囝囝睇了三場：「因為前日綵排都有嚟睇，今日晏晝我仲帶咗佢上台感受吓，但佢企咗喺度，然後就捉住我老婆隻腳，因為佢驚，所以我都影唔切佢上台嘅相。」
他亦表示爺爺、爸爸及自己都是玩音樂，不知道將來囝囝可會玩埋一份，但希望他的天空會更大，不只是紅館。問到完騷可會放假？他表示：「抖一日，之後就返去拍《娛樂大家》，之前完騷都仲會去旅行，依家湊仔返學仲好。」
至於提到BIG FOUR中，唯獨許志安未有現身支持，而提到《愛．回家之開心速遞》對安仔偷食事件抽水，他坦言：「我唔知呀，雖然佢收視好高，不過我好少睇。（覺得重提件事會唔會唔係咁好？）冇話好唔好，如果編劇勒住，就會影響創作自由，呢件事大家慢慢會淡，絕對相信安仔會勇敢面對，就好似我自己件事（台灣涉毒），唔怕人提，唔可以逃避同驚，反而要去面對，所以冇話（抽水）啱唔啱，網上咪仲離譜。」
組合農夫成員陸永同老婆Reina生咗兩個寶貝女Hannah同Simsim，兩個女除咗又靚又可愛之餘，仲似足老竇一樣轉數咁快！
今日Hannah就派咗成績表，見佢成績相當唔錯，除咗普通話同體育之外，幾乎全部都係A，仲考到全級第四添！
考得咁好，Reina梗係要誇獎吓個女啦，佢就同Hannah講：「其實你成日睇電視都可以全級第四，真係好叻！」
都係一心想讚吓個女啫，點知Hannah反而怪佢話：「再睇多啲可能會考第一，不過你唔畀！」搞到Reina都標籤「咩對話笑咗出嚟」，不過一樣大讚阿女有進步同叻女。
此外，尋日佢哋一家四口就去咗沙灘玩，Reina都好有心機幫兩個女影吓靚相，但估唔到最搶鏡嘅始終係陸永！
事關平日大熱天時都包到冚嘅陸永，竟然着短袖衫同短褲上陣，搞到網友將注意力放晒喺佢身上。而Reina就搞笑留言話：「係，我迫佢着tee同短褲，破壞咗佢一直嘅形象，對唔住！🤣」
(on.cc)
大台處境劇《愛‧回家之開心速遞》晚晚陪觀眾開飯，大家除了追看「大小姐」林淑敏和「送水輝」許家傑這一對戀人外，明晚卻有「群姐」許思敏迷戀歐陽震華（Bobby）。
劇情交待清潔姐姐「群姐」視Bobby為偶像，她知道百貨公司以儲印花換Bobby的簽名相和精品，她就狂儲印花，但大小姐獲悉群姐喜好，就送她Bobby的精品，有一日兩人傾偈，二人惺惺相惜，並覺身同感受。
Bobby獲《愛‧回家》劇組邀請客串兩集，將於明晚和後晚播出，群姐跟Bobby在劇中有三世緣，二人會演出前世今生的內容，Bobby更會再扮經典劇《金裝四大才子》的造型。
林淑敏和Bobby近日分別把拍攝花絮相片放社交網，林淑敏今日在Instagram貼出作狀要嘴Bobby的紙版照。
佢留言：「一年前，導演呃我！話歐陽震華會嚟跟我和群姐拍戲…最後，交咗個紙板公仔出嚟。一年後，導演又講同一番說話，不過我仍然係相信。因為我知道人類只要堅持，甚麼都有可能！或者你會笑我太誇張，不過如果我話我偶像也是歐陽震華，你就明。」
而Bobby則在微搏貼出跟群姐做對手戲相片，群姐用雙手肉緊搣Bobby臉頰。現場拍攝時，有指群姐很緊張，但Bobby就向她大派定心丸，還叫群姐群輕鬆些，當自己是一線演員。
林淑敏今日回覆傳媒時，大讚跟Bobby合作開心：「我新入行，喺劇集《翻新大少》演過Bobby妹妹，今次再合作好開心，佢人好脾氣，好氣場，合作總係好順利。」
(apple daily)
藝人盧宛茵早前到銅鑼灣為《盧師動眾Madam Show棟篤笑》舉行記招，楊明等藝人前來支持。
盧宛茵指未試過做棟篤笑，故有今次嘗試挑戰自己，現在正度橋籌備中，內容包括會以婆媳關係、娛圈趣聞等話題，但她強調與新抱感情甚佳，這個騷除了笑聲外，亦有她感性一面：「我都驚到時忍唔住笑，同埋忍唔住喊。」
盧宛茵為劇集、電影演出無數，更演過超過七十多位藝人的媽媽，而有無綫御用媽打之稱，大會更因而為她申請一項「健力士世界紀錄」–飾演最多男藝人的母親：「可能唔止七十幾個，都已經唔記得，要上網搵番幾多個，好似古天樂、周星馳、鄭嘉穎等等，真係好多。」
身為她「孻仔」的楊明笑說：「我睇過個List全部都係巨星，包括我在內，等我掹吓車邊先，哈哈。」她又大讚楊明乖仔，開工不時會買東西給她吃。
盧宛茵當年演出的處境劇《卡拉屋企》最近深夜重播受到觀眾追捧，她近期更與眾演員聚會，十分長情及有人情味。
(on.cc)
