藝人陳凱琳（Grace）前年嫁鄭嘉穎，今年2月榮升人母，囝囝鄭承悅現4個月大，一家三口溫馨美滿。
今日係Grace嘅28歲生日，之前佢就透露正日會同老公鄭嘉穎及囝囝悦悦，一家三口去旅行慶祝，呢日佢就喺社交網大晒旅行片段，不過就好搞笑咁「埋怨」囝囝阻住佢哋兩公婆過二人世界，留言：「我諗住生日可以過二人世界…但係悦悦實在太恐怖啦~點都擺脫唔到佢。」
咁都未夠，佢哋仲發揮「戲精」本色，拍片作勢要將囝囝放到酲缸入面，實行諗計「擺脫」佢，片中嘉穎負責「落手」，Grace就喺隔籬「睇水」兼向途人示意唔好出聲。
至於悦悦全程勁淡定，似乎已經習慣晒父母嘅誇張舉動，場面非常搞笑。
唔少圈中好友，包括湯洛雯、朱千雪及陳嘉寶等都留言大讚悦悦可愛。
另一邊廂，Grace嘅「少婦聯盟」好姊妹龔嘉欣及譚凱琪，亦喺Grace出發旅行前率先同佢慶祝。
嘉欣喺社交網上載多張生日合照，並留言送上祝福：「謝謝緣分把我們連在一起，祝我們最美最甜的Grace生日快樂，繼續幸福滿滿，We love you」。
(綜合報道)
現年47歲嘅藝人袁詠儀（靚靚）近年多參加大陸真人騷拍攝，同老公張智霖孖住搵人仔，大Sell模範夫妻典範。
最近佢接受大陸時尚媒體專訪。
向來惜肉如金嘅佢以一襲Deep V高衩裙上陣，激罕大晒身材，長腿令人眼前一亮，連網友都紛紛大讚Keep得勁好！
訪問中提到佢同老公被公認係模範夫妻，佢笑說「模範」係指二人的相處模式：「並不是說我們就不可以有小矛盾或小爭吵，反正不管別人怎麼說，我們還是會按照自己的節奏生活。」
而結婚多年嘅佢，又認為愛應該係相互包容、相互珍惜，感情係需要兩人去經營：「平淡共度一生，才是最大的幸福、最浪漫的事情。」
(on.cc)
曾經是好姊妹的歌手吳雨霏（Kary）與楊愛瑾（Miki）自從2017年傳出不和後，從此姊妹們的聚會總是有你冇我。
昨日Kary為1歲大愛兒Asher搞生日會，請咗好多小朋友來開派對，Kary的閨密鄧麗欣、區文詩、曾昭怡等都有出席。
雖然Kary跟Miki擘面冇朋友做，但兩人依然好「有緣」，同日Miki又咁橋為囡囡Emma搞百日宴派對。
見Miki在Ig story上載的照片中，又見到鄧麗欣、曾昭怡兩位好友現身，她們一日連走兩場，都咪話唔忙喎！
唔知Miki跟Kary會唔會有和好如初一日，咁就唔使班姊妹走來走去，可以一齊搞派對方便啲嘛！
(on.cc)
本月15日，一位反對《逃犯條例》法案修訂的男子，在金鐘太古廣場的臨時平台掛上標語橫額，要求全面撤回送中條例及要求特首林鄭月娥下台，最終該名男子墮樓身亡，多位藝人包括鄭秀文、容祖兒和楊千嬅等先後於社交平台為墮樓男子致哀(相關新聞：https://bit.ly/2Ztoi8U)。
相關新聞：【鍾嘉欣PO囡囡小手 連大台藝人都忍唔住⋯】https://bit.ly/2KTTvhl
然而，近日卻有網民發現千嬅IG悼念該男子的「R.I.P.」圖片突然消失，而facebook專頁「King Jer 娛樂台」昨日亦有發文評論此事。King Jer指眾藝人於網上抒發哀傷獲網民稱讚，然而數日後，網民發現千嬅上載的「R.I.P」圖片失蹤，有千嬅粉絲在千嬅IG留言表示失望，亦有人指一向勇字行頭的千嬅不見了。
千嬅昨日在澳門舉行一連兩場的《MY Beautiful Live 楊千嬅世界巡迴演唱會》頭場。
她完騷後受訪時，被問到圖片消失一事，她說：「呢件事唔仔細回應喇，由始至終我都係嗰個楊千嬅，一直以嚟都係嗰個楊千嬅，明白我嘅人就會明白。」
對於不明白的人，她希望以後可以證明：「我相信時間可以證明好多嘢。」
至於被狠批，她說：「人生面對唔同嘅嘢，希望每個人活出更好的自己，平時點處理就點處理。」以往勇字行頭，今次她解釋：「其實冇甩過，每次遇到唔同嘅事擺喺唔同位置。」
(apple daily)
藝人岑麗香（香香）日前為囝囝Jacob大搞百日宴，廣邀圈中好友出席(相關新聞：https://bit.ly/2KxCM3T)！
而資深監製潘嘉德亦係座上客，仲滿場飛周圍集郵，並喺社交網同大家分享喜悅。
Jacob真係好可愛！！
唔少星級爸媽包括陳智燊同太太宋熙年、王祖藍同太太李亞男等都帶埋仔女到賀～
除咗佢哋，原來陳敏之都有帶埋仔仔嚟！
潘嘉德留言：「香香強強的BB Jacob百日Party👍🎊🎉年輕的爸媽們帶來他們的BB參加！好開心😃好熱鬧！㊗️Jacob BB快高長大💪㊗️香香強強Jacob幸福快樂健康美滿❤️」
(綜合報道/on.cc)
藝人陳展鵬、譚俊彥、麥明詩等到電視城出席慈善節目《明愛暖萬心》。
表演唱歌的展鵬表示最近在家中經常為愛女「小豬比」唱兒歌：「多數都係唱英文歌氹BB瞓覺，好似《Baby Shark》咁，依家啲英文咬字都準咗。（BB咩反應？）好似想跟住我唱咁，條脷伸吓伸吓，都差唔多識發音。」
問到想BB先叫媽媽還是爸爸？他說：「一定係媽媽，媽媽開心爸爸都開心，媽媽唔開心爸爸就唔開心，而且佢生BB咁辛苦，雖然好似話係爸爸比較易發音。」
講到太太單文柔似乎已收身成功，他表示對方懷孕時都有控制重量，不過仍然在收身中：「盆骨、身形都要啲時間鍛煉，而且佢開刀，唔可以做運動住。（太太幾時復工？）隨佢喜歡，最近都有做兒童節目嘉賓，我就話入行咁多年多姿多采，佢好不幸入行兩年就生BB，都想佢再睇多嘢。」
有老公錫住，難怪單文柔容光煥發、狀態大勇！
(綜合報道/on.cc)
藝人張名雅、張文慈、林秀怡、李日朗、陳靜堯等現身大埔超級城出席慈善活動，眾人落力賣福袋。
其中身穿碎花Tube Dress大騷長腿的名雅，表示私下經常做慈善義工活動。
她早前透露跟TVB續約，她再預告好消息！
「9、10月可能會開劇。（唔怕一入劇組會少咗同囝囝相處時間？）都會掛住，但做嘢行先，小朋友方面好好彩有家傭、媽媽、奶奶幫手湊，所以都好放心工作。（細仔斷咗人奶？）斷咗啦，佢冇哥哥食咁耐，依家都配合奶粉，始終都係第二個小朋友，會冇咁緊張。」
剛生完細仔約半年的她更自爆多一個仔：「係助養小朋友，不時都會收到佢啲卡，都有同大仔講，教識佢要分享，雖然佢得2歲，但都開始明白，想佢由細接觸，下次再有福袋義賣都想佢一齊嚟。（唔介意畀囝囝出鏡？）冇所謂，想佢多啲嘗試，都有啲親子廣告傾緊，其實仔仔之前喺TVB劇、綜藝節目都有亮過相。」
(on.cc)
藝人岑麗香（香香）今年3月為老公強強誕下囝囝Jacob，她為囝囝大搞百日宴，並邀請大批圈中好友到場一同慶祝！
當中包括陳煒、廖碧兒、趙希洛及監製梅小青等。。。
而李亞男、陳智燊及太太宋熙年、李漫芬等星級爸媽亦分別帶同小朋友現身，場面相當熱鬧。
李漫芬於社交網大晒合照！
當中見產後極速修身成功的香香，着上白色露膊長裙，盡顯弗爆身材，而Jacob則淡定與一眾賓客合照，呆萌表情非常可愛。
(on.cc)
對於烹飪，調味料是不可或缺的要素，這些調味料不僅能讓料理變得好吃，也具備很高的營養和藥用價值。《生命時報》訪問多名營養學家和醫師，分析多樣常見調味料的功效，以及怎樣幫助食物更美味。
食用醋裡有0.4～0.6％的醋酸成分，有利促進食慾、抑制細菌、減少維生素流失和增進鈣吸收。
紅糖中的「糖蜜」成分的多醣具較強的抗氧化功效，可以抗衰老。
肉桂性熱，可以散寒止痛、活血通經，成分中的揮發油能促進身體排汗、增進代謝。
生薑性微溫，能散寒、止吐、化痰止咳，其中含有生薑醇，能讓人發汗、加速新陳代謝。
薑黃性溫，能夠破血行氣、止痛，其中的薑黃素能提高身體代謝能力、抗氧化，讓身體不易發炎。
辣椒中的辣椒素能刺激新陳代謝，加速細胞活動，而且有研究指出，經常吃辣的人發胖機率較低。
花椒含揮發油、生物鹼、香豆素和有機酸，具陣痛、抗炎、抑菌、抗氧化、殺蟲等功效。
香菇、豆豉、蒜蓉、麻醬、蝦醬、蔥油、辣椒油等等，能夠讓素菜和豆腐這種味道較淡的食物，風味更濃郁鮮香。
肉類：花椒桂皮、胡椒、八角等香料，會和醛、酮類腥味成分產生氧化反應，去除豬肉、羊肉的腥味。
微量的鹽能讓有甜味的食物更甜，例如煮玉米時，在水滾後加入少許鹽，能提昇玉米口感；或是在咖啡裡加入一點鹽，能讓咖啡味道更香，口感溫潤順滑。
酸味有時能增強鹹味，例如炒土豆絲時加入一點醋，能讓鹹味提昇，減少放鹽，而且能保護其中的維生素C。
圖片／shutterstock
(元氣網)
藝人鍾麗緹同細12年嘅張倫碩結婚後人前表現非常恩愛，不過早前佢哋參加一個內地綜藝節目時，一開始就鬧交，好彩之後張倫碩都氹得番老婆，正當以為佢哋可以和好如初時，呢日佢哋又鬧交，鍾麗緹仲激動到踎喺街頭到喊，加上當時落緊雨真係睇見都心酸！
話說佢哋去咗西班牙，喺行街購物嘅時候，鍾麗緹不停問老公意見，但係每次張倫碩畀完意見，鍾麗緹都會反駁，玩得幾次搞到張倫碩勁冇癮，最後決定採取唔出聲嘅方法，當鍾麗緹察覺有異後認真同老公溝通，張倫碩無奈話：「我說甚麼都會被反駁，那我還不如不說。」雖然講到咁白，但係鍾麗緹都好似唔明仲話：「但是你不說話。」
溝通咗一段時間都冇結果，最後鍾麗緹無力地踎低爆喊，勁唔滿意老公敷衍佢嘅態度，張倫碩終於忍唔住大吼：「你這樣子我真的很累。」鍾麗緹不甘示弱怒吼反擊：「我也很累你知道嗎？」
好彩經過其他人嘅勸導之後，張倫碩知道自己喺相處之間嘅不足後肯低頭認錯，佢哋先至可以和好。
（on.cc）
