謝賢與狄波拉所生的36歲細女謝婷婷在港絕跡1年，今個月2日忽然報喜，在IG宣佈已做了媽媽，BB女剛好100日大，更指女兒是她的「ou are my brightest light」
當時作為爸爸的四哥謝賢就表示開心，但就未見過外孫女。
而做外婆的狄坡拉接受傳媒訪問時，就表示已見過及抱過BB，更開心笑言自己同婷婷都靚，所以孫女都生得靚。
但就未有透露BB生父資料，有傳媒就指BB爸爸是婷婷在當地讀書時已識的朋友，是溫哥華富家子弟，更有人目睹二人出入當地豪華高級私人會所The Arbutus Club。
婷婷現在加拿大享受做新手媽媽的日子，相隔近一個月後，她今日罕有在IG story更新BB女的近況…
她上載了寶貝女穿上波鞋仔的影片，不過如上次帖文一樣，就未見B女面貌。B女已有4個月大，見一對腳仔肥肥，大髀與腳瓜仔都相當好肉地，估計是一名健康「米芝蓮」BB。
(綜合報道 / appledaily)
現年31歲藝人馬賽今年1月初宣布與圈外老公領證結婚，同月被爆懷孕，不時在社交網上載大肚照，分享懷孕日記。
今日馬賽在網上晒出BB腳印相，宣布誕下囡囡Camellia，母女平安！她留言：「謝謝妳如期如願順利地來到我的世界，豐富著（着）我的人生❤️🙏謝謝你選擇了我成為你的媽媽，媽媽還有太多需要學習，一定好好努力！愛你永遠！❤️」
見她在美國洛杉磯打卡，相信現時在當地專心養胎。
好消息一公布，不少好友紛紛留言送祝福，包括藝人姚子羚、內地作家鄭執等，升呢為新手媽媽的馬賽，似乎急不及待見好友，回覆鄭執：「卸貨後可以北京聚啦。」
姚子羚送祝福
(綜合報道 / ig)
藝人黎瑞恩（小恩子）嘅15歲大女曾凱栭（Sheree）及14歲細仔曾浩儒近年先後去到澳洲讀書。
身為廿四孝媽媽嘅小恩子密密飛過去探望仔女，繼今年2月齊齊過農曆新年，原來小恩子早前再度出發去到澳洲，仲留咗喺當地足足一個多月，實行全力做家庭主婦照顧小朋友！
小恩子喺社交網晒出多張合照，當中見一對仔女都大個咗唔少…
其中15歲大女亭亭玉立，Sheree愈大愈靚女，而小恩子亦保養得宜，唔少網民都話似兩姊妹多過兩母女！
Sheree靚女啊~
此外，原來今次好友黃寶欣亦有同行，小恩子就留言多謝對方相伴：「嘩，嚟咗澳洲差唔多一個月，原來做一個C9（師奶）真係唔簡單，好在有好友相伴，有傾有講真開心，向所有在職家庭主婦致敬，多謝酥妃王后幫手。」
同好友黃寶欣齊齊去澳洲探望一對寶貝仔女
(綜合報道 / on.cc)
45歲藝人蔡少芬（Ada）和老公張晉一直好恩愛，己有兩女的Ada日前宣佈懷第三胎，雖然不是計劃之内，但兩人仍受到大家的祝福。
而他昨日亦發文感謝大家的祝福…
「我們想也不曾想過，心裏也沒有準備，BB就突然來到我們的家，給我們帶來驚和喜！我們感恩天父給我們這份無價的禮物！PS：想要4個孩子的我。。。夢想成真！（加上小產的BB！）」
她還稱自己一直想要4個孩子，現在終於夢想成真了。
由於Ada稱「想要4個孩子」，有網民以為她高齡懷上雙胞胎，其實她是想表達，連之前小產的BB，的確是實現了自己的夢想，有四個孩子。
相關新聞：
【有咗大女唔敢出聲】蔡少芬承認佗第一胎時不幸小產 https://bit.ly/30cF258
(綜合報道 / on.cc)
人與人之間嘅緣分好奇妙，能夠做到相知嘅好朋友真係好難得！
好似前港姐朱千雪（Tracy）同岑杏賢（Jennifer）就係好例子，日前千雪趁住生日宣布同拍拖5年嘅醫生男友Justin結婚，將會成為人妻，作為好姊妹嘅Jennifer當然一早知道，亦戥Tracy好開心啦。
Jennifer喺網上上載二人手拖手合照，並以英文寫下同Tracy嘅友誼之情！
「從前有一對女孩叫Jen同Trace，佢哋喺2012年相識亦好快成為好友，有一日Trace公主同Justin王子訂婚，而Trace偷偷地話畀Jen知，仲話希望第時可以一齊成為媽媽入埋同一間醫院，一齊同我哋嘅小朋友慶祝，而我哋嘅下一代都可以成為好朋友，希望我哋將來老咗，仲係一齊食tea。」
非常感人！
而Tracy亦留言：「為了送我們結婚禮物，她特登飛了去愛爾蘭為我們拍照。七年前一起參加香港小姐後我們第一次出trip. 今次這輯照片非常有意義，由最好的朋友親自操刀，令愛情和友誼都添加了一份美好的回憶tea。」
一班粉絲都話睇完眼濕濕，仲話人生有好姊妹相伴支持，係最快樂嘅事呀！
(on.cc)
女神朱千雪昨趁31歲生日時，宣布與拍拖5年的青梅竹馬醫生男友吳昆倫（Justin）結婚，即將成為人妻的她未嫁時前先做孝順女親親媽媽。
今日約一時許，身穿花花衫的千雪做司機載一身貴婦打扮的媽媽，由寓所出發到灣仔潮州酒家飲茶食晏，甫落車，千雪媽媽快人一步一支箭般往酒樓方面行，而囡囡千雪看見傳媒出現，表現大方，笑容滿面受訪。
問她辦好嫁妝未？她話：「未呀。（係咪雙喜臨門有咗BB？）唔係呀，我仲咁瘦！（未來老公會唔會陪未來岳母飲茶呀？）佢唔嚟呀。」
而千雪媽媽見囡囡忙受訪，就折返陪愛女，還大方應邀合照，兩母女心情都同樣靚爆。
兩人約3時半飲完茶離開，因為由冷氣地方走到戶外，千雪媽媽的眼鏡即時起霧，合照時非常搞笑！問到婚禮點搞？千雪說：「所有嘢都仲Plan緊。（唔會喺香港擺酒？）睇吓點啦，未諗到咁遠。（有日子未？）未有，plan緊，之前入紙咋嘛！我哋之後會喺律師樓簽字，簡單處理。」
當記者再追問千雪男友點樣求婚？她一臉甜笑地說：「總之有誠意啦！唔講咁多！（有冇喊？）冇喊，但緊張，我唔知唔識反應，但開心。」千雪更晒出手上的求婚戒，閃到爆！
接受完記者訪問後往取車離開，她先在銅鑼灣放低媽咪，然後獨自駕車返回小西灣寓所。
(on.cc)
45歲的蔡少芬跟老公張晉已有兩女，但昨日他們開心公佈家中將再添新成員（相關新聞：https://bit.ly/2XCkgO7），蔡少芬意外下再陀第三胎，她不介意做高齡孕婦追多個，組織五口之家。
蔡少芬和張晉即將做第三任爸媽，但最近原來一家「六」口，連同張晉媽咪，三代同堂到了台北旅行，而張晉主演的新戲《九龍不敗》亦即將於台灣上映。
有讀者黃先生今日透過《蘋果》的「爆相爆片」，分享了昨晚在台北士林夜巿拍到蔡少芬夫婦帶着一對女兒及張晉媽咪遊夜巿享家庭樂的短片，亦是蔡少芬宣佈有孕後首度露面，片中看到蔡少芬和張晉都便服打扮，同時都戴上口罩，她傍實兩女兒，而揹上背囊的張晉殿後拍片兼護駕，十分細心。
蔡少芬穿上綠色背心，把小手袋掛在胸前，側身見到腰部圓潤有孕味，他們應在夜巿都有收穫，見到兩小女孩蹦蹦跳好開心走在前面。
而蔡少芬手上都拿了一個紙袋，她都有拖着女兒，當走到檔口買飲品，雖然戴了口罩，還是被檔主認出，反而途人卻未有指點。
黃先生今日接受電話訪問時說：「噚晚10點幾，我喺士林夜巿見到蔡少芬同老公，仲有兩個囡囡，一個老人家同行，應該係蔡少芬嘅奶奶。佢哋喺度買飲品，老闆娘認得佢，我仲聽到老闆娘同蔡少芬講：『多謝你光臨台灣』，老公張晉全程拎住cam影相，蔡少芬未見肚。」
(apple daily)
在亞洲各地擁有不少粉絲的韓國神劇《太陽的後裔》的宋仲基和宋慧喬前日宣佈協議離婚，結束1年8個月的婚姻。
雙宋離婚原因有不少謠言，當中包括有第三者介入、生B出現分歧，同時亦有指喬妹和宋仲基家人不和等，而《Channel A》昨晚更報道，宋仲基提出離婚前並沒有通知喬妹，更希望盡快完成離婚手續，同時又暗示如喬妹講大話將公開一切(相關新聞：https://bit.ly/2KLaOSA)，即時引來更多揣測。
而昨日微博更突然瘋傳一張雙宋的合照，當中上載照片的網民指照片是來自宋仲基父親手機，喬妹疑似在去年9月仍然為宋仲基慶祝生日。
據了解去年宋仲基9月生日，雙宋就返回宋仲基大田老家與家人一齊慶祝，兩人更親密地拍下合照，照片中可見喬妹拿着紅酒樽展示甜美笑容，而宋仲基就挨近老婆。從二人的髮型可見，當時喬妹應該正拍攝緊《男朋友》，而宋仲基則是束有微曲髮。
由於之前有韓媒指兩人早於去年9月分居，亦有人指是今年5月才分居，如果照片屬實，那麼雙宋去年感情仍未出現問題，估計兩人到今年才正式出現問題。
相關新聞：
【傳雙宋離婚係因為男方出軌 宋仲基經理人公司再發聲明】http://bit.ly/320gFc4
(apple daily)
內地藝人范冰冰同李晨拍拖四年，一向鍾意放閃晒甜蜜，早前突然宣布分手，消息除咗震驚一班網民之外，更加令粉絲們戥佢哋傷感！
不過事實似乎唔係咁，李晨嘅態度輕鬆瀟洒完全同悲傷拉唔上關係，唔通佢哋嘅分手有內情？
自從「晨冰」宣布分手後，佢哋即刻成為焦點人物，呢日有網民喺社交網甫相話見到回復單身嘅李晨，身穿格仔恤衫戴住黑超喺街頭現身。
心情大好仲同人揮手，點睇都唔似啱啱分手。
行去上車時，佢沿途不停跳跳紮，仲將兩隻手伸開好似細路仔扮飛機飛，完全察覺唔到佢啱啱受完情傷。
(on.cc)
太陽娛樂老闆周焯華（洗米華）的正印太太陳慧玲在澳門除了搞生意，還有在港澳兩地做慈善，她是仁愛堂副主席，而在澳門就搞了一個君慧慈善會，擔任會長一職。
昨晚，洗米嫂出席此會的慈善晚宴，她的家人包括老爺、媽媽、繼子周柏豪，以及與洗米華所生的兩名女兒周梓潼、周羨潼等都有出席撐場，同場還有住在澳門、黃心穎的家姐黃心妙，洗米嫂更身穿黑色性感開衩晚裝裙，大騷「黃金右腳」。
洗米嫂除了做搞手，更上台做表演嘉賓，並找來陳山聰與她合唱，細女更上台獻花。
而周柏豪在IG放了大合照。
但未見洗米華
之後，周柏豪再於IG限時動態上載視頻，影着兩個妹妹的食相，又有周梓潼負責彈琴，他負責唱歌的短片，兩兄妹揀了電影《A Star is born》（星夢情深）中，Lady GaGa與Bradley Cooper合唱的《Shallow》一曲，周柏豪相當有表演慾，一人分飾了男女聲，扮完女聲後，再唱男聲，周梓潼見到阿哥唱得誇張，亦大笑起來。
(apple daily)
