藝人龔嘉欣近日忙於拍攝無綫新劇《大醬園》。
她先在社交網發文，表示已經連續數天出現耳水不平衡的情況，問題日漸變得嚴重更出現耳鳴，拍攝時又忘了帶藥開工，回家後即出現嘔吐，並指翌日又要如常開工，直言演員不易做。
但表示這十多來都是這樣捱過去，沒有東西會難倒她。
因耳水不平衡需要入院休息。
言猶在耳，未幾她在社交網上載了一張醫院病房內的相片，並留言：「結果都係要嚟，耳水不平衡嘅問題比之前更加嚴重，尤其是耳鳴同頭暈，呢幾日可能真係瞓得比較少，所以都出現嘔嘅情況，我已經盡量喺拍攝嘅時候，冇表現出嚟，亦都唔想大家擔心我，放心就快拍完，幫我加吓油，就得㗎啦，頂得住。」
好友陳凱琳都留言：「God bless babe」至於張繼聰則留言︰「Take care」作安慰。
(on.cc)
葉璇、溫碧霞（Irene）與丈夫何祖光、岑潔儀一家等，昨晚於金鐘出席微笑行動慈善晚宴，葉璇跟Irene均為支持微笑行動主席趙曾學韞，齊來幫助有需要的小孩，Irene更捐出80本寫真作慈善義賣。
久未在港露面的葉璇大爆趙太是她的恩人與伯樂，皆因趙太是99年葉璇參選國際中華小姐的評審之一，她說：「其實我係因為佢先可以入行，當年我選國際中華小姐，佢係評判，直至幾年前有次喺機場佢見到我，所以我哋就相遇番，佢係我嘅恩人同伯樂，有咗佢個票先令我人生改變咗，所以嗰次之後就會參加佢嘅活動。」
葉璇現時長駐北京，主要拍劇、拍電影及演話劇，問到可會有機會在香港幕前演出？她說：「睇機會，因為我哋都醞釀緊一個純香港嘅劇本，投資咗寫緊，希望盡快，因為香港影視培養咗我，我對香港感情都深。」
至於她的感情生活？她笑說：「都係咁，呢幾年都穩定。」問到她與男友小默有好消息了嗎？她說：「結婚？我唔覺得結婚先係好消息，有人同你相愛先至重要，可以做個伴，結唔結婚唔重要，如果要等呢個好消息，你哋要等好耐，我唔係唔想，而係大家真心相愛就唔需要結婚。」
問到她會為生小孩而結婚嗎？葉璇說：「我幾年前已經喺外國雪卵，呢個已經係保險，唔使擔心，而家享受二人世界先，小朋友應該係喺伴侶之後，唔會排喺老公之前。」
另外提到之前跟男友舊愛打官司，期間有跟小默分手的傳聞，葉璇澄清說：「好多傳聞，係亂講，我唔會講呢個人，有人主要目的係宣傳，佢有舖頭賣嘢，再講對佢都唔公平，因為佢有自己嘅實力。」
問到這事會否影響跟小默的感情？葉璇堅定說：「唔會有負面影響，只會係正面影響，大家更加珍惜彼此，我都同情嗰個女仔。」
(綜合報道)
陳凱琳（Grace）孖老公鄭嘉穎及囝囝鄭承悅（Rafael），一家三口出埠慶祝她的28歲生日。
連日嚟Grace都同大家些牙咗唔少搞笑又Sweet嘅旅行片段(相關新聞：https://bit.ly/2RrYvuX)，之前鄭嘉穎扮收埋仔仔令到唔少網民都話好好笑！
陳凱琳呢日就喺社交網分享兩母子在沙灘的溫馨合照，大騷自己美腿。
而Rafael就騷肥美的豬腳仔，當然嘉穎就負責影相，Grace亦留言大讚影得好，令她一對美腿影出來比實際長得多。
陳凱琳留言話：「When your hubby knows how to make your legs look much longer than they actually are Well done sir, well done.」
Grace呢個生日一定過得好開心！
(綜合報道)
韓國神劇《太陽的後裔》宋仲基和宋慧喬前日宣佈離婚，當中喬妹的聲明中提及與宋仲基因性格不合而分開。
不過外界對二人離婚有不少揣測，當中更有傳有第三者介入，亦有指因為二人對生B有分歧而不歡而散。
而根據韓媒《Channel A》報道，原來雙宋離婚是宋仲基一方決定，事前更沒有通知女方，報道指宋仲基在遞交離婚資料前一刻亦沒有告知喬妹，到遞交資料後才於第二日通知女方，亦沒有要求贍養費，只求盡快解決離婚程序，決心要離婚。
根據宋仲基方面的相關人士透露宋仲基的做法是具有警告喬妹的意思，提醒喬妹：「如果散佈結婚生活和離婚原因等謊言，我可以公開一切。」
而兩人的離婚程序最快在1個月後有結果。
相關新聞：
【傳雙宋離婚係因為男方出軌 宋仲基經理人公司再發聲明】http://bit.ly/320gFc4
(apple daily)
天后容祖兒跟老闆楊受成細仔楊政龍（Alex）盛傳秘撻4個月(相關新聞：http://bit.ly/31V3EAo)，Alex在社交網上載很多與祖兒攬頭攬頸的親蜜照。
近日為演唱會閉關排練的祖兒，在社交網上載與Alex合照。
親自為緋聞解話，指這是一個美麗的誤會，她坦言兩人真係「Friend過打Band」，但就唔係拍拖，更爆Alex已有女朋友：「正所謂唔好阻住啲後生做正經嘢，都唔好阻住我啦，有女朋友㗎啦，幾唔錯添㗎，楊仔我識唔識做先！」
(on.cc)
蔡少芬和張晉於2008年結婚，2011年誕下長女楚兒，到2013年再為張晉添一女信兒，一家四口生活幸福，蔡少芬早前在大陸節目中透露2010年拍攝《後宮甄嬛傳》時不幸小產，所以知道懷有楚兒時，她跟老公很感恩，亦小心安胎，不少網民得知她當年曾小產，現時再陀第三胎，也很替他們兩公婆開心，今日他們拍片宣佈有喜，即獲許多大陸網民祝福。
張晉接受《蘋果》訪問時說：「BB都有一段時間，揀男定女，呢啲有得揀咩，唔揀啦，係乜嘢就乜嘢，到時就知，總之係開心嘅，多謝大家，都唔係計劃，呢個係意外，上天要畀我哋就開心接受，多謝大家！」
影片中，一開始先是老公張晉問蔡少芬有沒有問題，蔡少芬模訪之前網上瘋傳的巴士司機與男乘客經典對白場面，她反問張晉：「有咩問題，唔知就行開啦！有咩事……」之後張晉再講「你、我兩個人」、「十個月」，蔡少芬扮不耐煩：「係咁㗎啦！係要咁長時間㗎啦！如果唔係，你唔好搞啲咁嘅嘢，自然定律囉，安全嘛。」
他們擾攘一段時間，張晉再問：「你個肚係唔係有一個人。」蔡少芬仍然好入戲：「係呀！」張晉搞鬼追問：「我嘅？」蔡少芬再答：「係呀！」蔡少芬宣佈喜訊後，笑笑口問老公張晉：「捱十個月驚唔驚？」老公用手輕輕摸蔡少芬下巴，然後深情講：「驚咩呀？」片尾大放幸福閃光彈。
張晉在微博上載影片20分鐘已經有759個like，同時網民亦相當驚訝，紛紛留言「真的是三胎嗎？這麼刺激」、「一個人、10個月、你懂了沒」、「要有小小晉或者小芬芬嗎」。
(apple daily)
女神朱千雪喺31歲生日，宣布下嫁醫生男友Justin，全城都戥佢開心！不少圈中好友包括何雁詩、宋熙年、單立文夫婦、楊潮凱及江嘉敏等，亦紛紛送上祝福。
Tracy喺社交網大晒同男友係教堂前嘅合照同婚紗照，Tracy更手捧鮮花，相信係求婚成功後嘅合照。
原來佢哋只差三日出世，仲要係同一間醫院出世，一對青梅竹馬兩小口到大個結為夫婦，緣分呢家嘢，真係好微妙。
千雪接受東網訪問，首談當人妻心情，問可會有埋BB就三喜臨門…
佢話：「no i am not pregnant haha！（我冇懷孕！哈哈！）我哋其實係之前去旅行嘅時候訂婚，但係最近因為入咗紙所以記者都開始問了。我哋所有嘢都還係Planning階段，因為我哋嘅家人都係圈外人，所以會盡量簡單處理。謝謝大家關心！」
(綜合報道)
韓國神劇《太陽的後裔》的金童玉女宋仲基及宋慧喬童話破滅，昨日宣佈離婚結束1年8個月的婚姻，震驚全城。
喬妹和宋仲基由相愛到結婚一直表現得甜甜蜜蜜，宋仲基每次與喬妹外遊都會被拍到貼心保護愛妻的樣子，就連其家人都愛屋及烏，不時力挺喬妹的劇集。
雖然曾經傳出宋仲基的爸爸不滿喬妹年紀大過兒子，但最終因尊重宋仲基的選擇而接受喬妹這位新抱，當日喬妹新劇《男朋友》開播，宋仲基的父親亦曾發短訊給親朋戚友，叫大家記得要支持「優秀的新抱」喬妹的新劇，又表示：「自古都話新抱嘅關愛來自老爺，希望我新抱仔嘅電視劇得到好評，希望佢能得到全世界嘅喜愛。」估不到如今雙宋離婚收場，宋仲基爸爸亦疑似將老家有關《太陽》的物品移走。
而宋仲基的哥哥亦曾高調撐喬妹主演的《男朋友》，由於《男朋友》是喬妹婚後首部作品，所以宋仲基全家都力挺喬妹。
宋仲基的哥哥於去年11月在《男朋友》開播當日，曾在IG上載一家四口坐於電視機前睇《男朋友》的背影照，而電視畫面正播出喬妹的背影。
不過現時在宋仲基胞兄的IG已經不見該張照片，同時有網民亦發現宋仲基胞兄的IG已取消關注喬妹，雖然未知是近日取消關注還是一早已取消關注，但此舉無疑是令人揣測宋仲基家人是否與喬妹割席。
(apple daily)
藝人朱千雪今日31歲生日，佢更趁機透過社交網宣布即將同男友組織家庭，認真雙囍臨門！
佢晒出兩張同男友的合照，並以英文留言指同男友生日只係相隔三日，並指：「Now, we are ready to build a life and one day to have a family of our own.（我們已經準備好創造一個新生命，並有一天擁有自己的家庭。）」
好Sweet呀~恭喜晒千雪BB！
(on.cc)
31歲的前港姐馬賽今年年初宣佈與圈外男友結婚，不久即公佈懷孕喜訊。
早前終於開估BB性別，係B囡啊！
不經不覺，馬賽已進入「卸貨期」，懷孕40周的她隨時生得。現已到美國待產的馬賽，連日來都有在社交平台貼相，她先到當地名勝遊覽，更與腹中BB「母女」一齊學佛。
話晒都係第一胎點都要影番輯靚靚大肚寫真先得，呢日佢就喺社交網上載穿上比堅尼嘅孕照，相中所見佢已經肚大如籮，但肥肚唔肥人，四肢仍然纖幼，認真得天獨厚！
佢穿上三點式在沙灘漫步睇日落，仲留言話：「感恩佛菩薩加持，孕期一切順遂❤️Mom is waiting for you❤️Camellia，are you ready？」
幸福之情表露無遺，佢更無意間透露已經為BB改定英文名，與陳豪陳茵媺囡囡一樣叫Camellia。
（綜合報道）
