陳豪和老婆陳茵媺(Aimee)生了兩子一女，一家五口認真熱鬧！

有仔女萬事足外，陳豪亦非常錫老婆，是演藝圈出名的愛妻號，不時都會製造浪漫二人世界，難怪他向傳媒講老婆是他心目中的「Queen」。

今個情人節，原來陳豪與Aimee去旅行過二人世界，兩公婆到了西班牙馬略卡度假，Aimee就在IG貼相放閃，貼了多張與陳豪嘅旅行相，二人攬實坐馬車，Aimee仲挨落老公膊頭，真係sweet到爆！

在當地買了字母磁磚砌了「CHAN」字樣的裝飾，她提到二人的年度旅行在情人節發生，浪漫難忘，笑老公是她的性感西班牙男友。

提到今年的情人節禮物，她就用了二人的舊相做了一本「Our Love Story」的相簿，更稱呼陳豪是「Baby Baby」，放了二人多年內的拍拖相。

她表示要捱夜上網、在手機搵舊相。由於相嘅數量太多，所以前前後後花咗一個星期去製作，佢仲特登揀番第一張同阿Mo嘅合照嚟做封面，相當有心思。

當時大家互不相識，還未合作拍劇，她以英文留言感恩搵到一個「心跳一樣」的伴侶：「 I am so lucky to have a boyfriend, husband, confidant, and a best friend in you. My heart belongs to you and yours only… now and forever.（我相當幸運，有你做我的男友、丈夫及最好的朋友，我的心屬於你。）」真係冧到暈呀！

(綜合報道)

昨日情人節，大家準備甚麼驚喜給情人，張繼聰一向愛整蠱太太謝安琪(Kay)，昨日貼出與愛女張靖的照片，祝大家情人節快樂，笑這張相是激嬲老婆系列。

相中見佢拎開張靖的奶嘴，與女兒錫嘴，而張靖相當配合爸爸的鬼主意，嘟嘴錫一錫，阿Kay當然唔會嬲，因為佢當晚即向太太Kay送了一份禮物。

張繼聰昨晚於尖沙嘴海旁，自彈自唱《每天愛你多一些》，當眾向妻子示愛，Kay一臉幸福，場面感人，現場觀眾紛紛拿出手機拍片，張繼聰唱完，全場歡呼大叫「Encore」，他禮貌地歸還結他給歌手，「唔好意思，打攪晒，唔好！唔好！」張繼聰與謝安琪更碰到周國賢(Endy)夫婦，周國賢唱《目黑》贈妻。

張繼聰之後在Ig貼出唱歌片，留言：「老婆話唔要啲物質禮物，但係要難忘嘅冧豬嘅幾十年後都記得嘅，於是我帶佢去海旁，問班年輕人借咗啲架生，講都無人信，仲要撞到Endy同阿嫂，o氹老婆嘅嘢，梗係搵啲志同道合嘅人一齊啦（主要係互相拍片）P.S.十分感謝借樂器畀我哋嘅年輕人s，打攪晒！」他更笑言如果唱得不好，叫大家別介意：「好耐冇試過，邊唱邊淆，誠意搭救，退咗役係咁上下。」

周國賢則在Ig留言：「兄弟，記得對上一次同你喺街Jam嘢，係2003年~!呢16年過得好快～希望下次再喺街同你一齊唱歌，唔使等16年，Love You Bro！」相信周國賢韓籍老婆李美英應該聽到很陶醉。

好友杜汶澤亦有轉貼影片，在facebook寫道：「此舉令我聯想起當年富商劉鑾雄在母親節時，給母親送上私人飛機一架作賀禮，令天下間所有人即時成為不孝子，本人予以強烈譴責，張某把愛妻表現平均線在一夜之間急速拉高，喂！兄弟，畀條路行下好喎！你咁樣我哋好難做人喎！」難怪網民慨嘆「全世界男人都輸了」。

View this post on Instagram

《做d顛嘢系列》 . . 老婆話唔要d物質禮物，但係要難忘嘅冧豬嘅幾十年後都記得嘅🍃 於是我帶佢去海旁，問班年輕人借咗d架生…… . . 講都無人信，仲要撞到Endy同阿嫂 😂 氹老婆嘅嘢，梗係搵啲志同道合嘅人一齊啦（主要係互相拍片😂）P.S.十分感謝借樂器比我地嘅年輕人s😘🙏🏻打攪晒😅🙏🏻 . . #唱得唔好都冇得介意🤣 #好耐冇試過 #邊唱邊淆 #誠意搭夠 #退咗役係咁上下😝 #Endy真係好正😍 最後最後 , @kaytse #每天愛你多一些❤️ #happyvalentinesday @endychowjaugwokyin

A post shared by 張繼聰 Louis (@louischeung2013) on Feb 14, 2019 at 8:19am PST

（apple daily）

細看一對新人貼出的婚照，他們分別在無名指紋身做「婚戒」，非常特別，Sukie今日回覆《蘋果》時說：「係呀，紋身嚟，我哋今日先去紋㗎，佢彈結他，戴戒指會刮到，唔方便，紋身都痛，呢件事我哋都刻骨銘心，開心咗成日。」

(綜合報道)