藝人岑麗香（香香）日前為囝囝Jacob大搞百日宴，廣邀圈中好友出席(相關新聞：https://bit.ly/2KxCM3T)！
而資深監製潘嘉德亦係座上客，仲滿場飛周圍集郵，並喺社交網同大家分享喜悅。
Jacob真係好可愛！！
唔少星級爸媽包括陳智燊同太太宋熙年、王祖藍同太太李亞男等都帶埋仔女到賀～
除咗佢哋，原來陳敏之都有帶埋仔仔嚟！
潘嘉德留言：「香香強強的BB Jacob百日Party👍🎊🎉年輕的爸媽們帶來他們的BB參加！好開心😃好熱鬧！㊗️Jacob BB快高長大💪㊗️香香強強Jacob幸福快樂健康美滿❤️」
(綜合報道/on.cc)
藝人陳展鵬、譚俊彥、麥明詩等到電視城出席慈善節目《明愛暖萬心》。
表演唱歌的展鵬表示最近在家中經常為愛女「小豬比」唱兒歌：「多數都係唱英文歌氹BB瞓覺，好似《Baby Shark》咁，依家啲英文咬字都準咗。（BB咩反應？）好似想跟住我唱咁，條脷伸吓伸吓，都差唔多識發音。」
問到想BB先叫媽媽還是爸爸？他說：「一定係媽媽，媽媽開心爸爸都開心，媽媽唔開心爸爸就唔開心，而且佢生BB咁辛苦，雖然好似話係爸爸比較易發音。」
講到太太單文柔似乎已收身成功，他表示對方懷孕時都有控制重量，不過仍然在收身中：「盆骨、身形都要啲時間鍛煉，而且佢開刀，唔可以做運動住。（太太幾時復工？）隨佢喜歡，最近都有做兒童節目嘉賓，我就話入行咁多年多姿多采，佢好不幸入行兩年就生BB，都想佢再睇多嘢。」
有老公錫住，難怪單文柔容光煥發、狀態大勇！
(綜合報道/on.cc)
藝人張名雅、張文慈、林秀怡、李日朗、陳靜堯等現身大埔超級城出席慈善活動，眾人落力賣福袋。
其中身穿碎花Tube Dress大騷長腿的名雅，表示私下經常做慈善義工活動。
她早前透露跟TVB續約，她再預告好消息！
「9、10月可能會開劇。（唔怕一入劇組會少咗同囝囝相處時間？）都會掛住，但做嘢行先，小朋友方面好好彩有家傭、媽媽、奶奶幫手湊，所以都好放心工作。（細仔斷咗人奶？）斷咗啦，佢冇哥哥食咁耐，依家都配合奶粉，始終都係第二個小朋友，會冇咁緊張。」
剛生完細仔約半年的她更自爆多一個仔：「係助養小朋友，不時都會收到佢啲卡，都有同大仔講，教識佢要分享，雖然佢得2歲，但都開始明白，想佢由細接觸，下次再有福袋義賣都想佢一齊嚟。（唔介意畀囝囝出鏡？）冇所謂，想佢多啲嘗試，都有啲親子廣告傾緊，其實仔仔之前喺TVB劇、綜藝節目都有亮過相。」
(on.cc)
藝人岑麗香（香香）今年3月為老公強強誕下囝囝Jacob，她為囝囝大搞百日宴，並邀請大批圈中好友到場一同慶祝！
當中包括陳煒、廖碧兒、趙希洛及監製梅小青等。。。
而李亞男、陳智燊及太太宋熙年、李漫芬等星級爸媽亦分別帶同小朋友現身，場面相當熱鬧。
李漫芬於社交網大晒合照！
當中見產後極速修身成功的香香，着上白色露膊長裙，盡顯弗爆身材，而Jacob則淡定與一眾賓客合照，呆萌表情非常可愛。
(on.cc)
對於烹飪，調味料是不可或缺的要素，這些調味料不僅能讓料理變得好吃，也具備很高的營養和藥用價值。《生命時報》訪問多名營養學家和醫師，分析多樣常見調味料的功效，以及怎樣幫助食物更美味。
食用醋裡有0.4～0.6％的醋酸成分，有利促進食慾、抑制細菌、減少維生素流失和增進鈣吸收。
紅糖中的「糖蜜」成分的多醣具較強的抗氧化功效，可以抗衰老。
肉桂性熱，可以散寒止痛、活血通經，成分中的揮發油能促進身體排汗、增進代謝。
生薑性微溫，能散寒、止吐、化痰止咳，其中含有生薑醇，能讓人發汗、加速新陳代謝。
薑黃性溫，能夠破血行氣、止痛，其中的薑黃素能提高身體代謝能力、抗氧化，讓身體不易發炎。
辣椒中的辣椒素能刺激新陳代謝，加速細胞活動，而且有研究指出，經常吃辣的人發胖機率較低。
花椒含揮發油、生物鹼、香豆素和有機酸，具陣痛、抗炎、抑菌、抗氧化、殺蟲等功效。
香菇、豆豉、蒜蓉、麻醬、蝦醬、蔥油、辣椒油等等，能夠讓素菜和豆腐這種味道較淡的食物，風味更濃郁鮮香。
肉類：花椒桂皮、胡椒、八角等香料，會和醛、酮類腥味成分產生氧化反應，去除豬肉、羊肉的腥味。
微量的鹽能讓有甜味的食物更甜，例如煮玉米時，在水滾後加入少許鹽，能提昇玉米口感；或是在咖啡裡加入一點鹽，能讓咖啡味道更香，口感溫潤順滑。
酸味有時能增強鹹味，例如炒土豆絲時加入一點醋，能讓鹹味提昇，減少放鹽，而且能保護其中的維生素C。
圖片／shutterstock
(元氣網)
藝人鍾麗緹同細12年嘅張倫碩結婚後人前表現非常恩愛，不過早前佢哋參加一個內地綜藝節目時，一開始就鬧交，好彩之後張倫碩都氹得番老婆，正當以為佢哋可以和好如初時，呢日佢哋又鬧交，鍾麗緹仲激動到踎喺街頭到喊，加上當時落緊雨真係睇見都心酸！
話說佢哋去咗西班牙，喺行街購物嘅時候，鍾麗緹不停問老公意見，但係每次張倫碩畀完意見，鍾麗緹都會反駁，玩得幾次搞到張倫碩勁冇癮，最後決定採取唔出聲嘅方法，當鍾麗緹察覺有異後認真同老公溝通，張倫碩無奈話：「我說甚麼都會被反駁，那我還不如不說。」雖然講到咁白，但係鍾麗緹都好似唔明仲話：「但是你不說話。」
溝通咗一段時間都冇結果，最後鍾麗緹無力地踎低爆喊，勁唔滿意老公敷衍佢嘅態度，張倫碩終於忍唔住大吼：「你這樣子我真的很累。」鍾麗緹不甘示弱怒吼反擊：「我也很累你知道嗎？」
好彩經過其他人嘅勸導之後，張倫碩知道自己喺相處之間嘅不足後肯低頭認錯，佢哋先至可以和好。
（on.cc）
王菲的大女竇靖童，今年已經22歲，她遺傳了媽媽的音樂天分，以創作女歌手不時推出新歌。至於她近年喜歡中性打扮，網民亦有讚有彈。
昨日童童獨自現身北京機場，戴住墨鏡的她，最近留了長髮。她不經意地束起頭頂的頭髮，同時又戴住耳筒聽歌，頭和頸都戴上紅色繩子，左邊耳仔戴了吊飾形的耳環。頭部打扮較女性化，但身上卻穿了男裝款的綠色橫間扣鈕上衣，下身搭黑色吊腳褲，這身裝束卻很男性化。
加上童童左手手臂上的紋身，一手拖住行李喼，一手拿住滑板，再配民族風的斜孭布袋，邊行邊吹口哨，行為舉止卻很man。
不少網民讚她這身打扮很有性格和個人風格，不過亦有網民指她又紅又綠，如一棵「行走中的聖誕樹」，更甚的直指她醜出了新角度，儼如菜市場的大媽。雖然網民有不同的評論，但童童向來都是我行我素，一於少理，其間還跟路過的人影合照。
(appledaily)
現年31歲的前港姐季軍馬賽，今年1月宣佈已婚，老公是圈外人，一直盛傳她是奉子成婚。直至上月她才宣佈陀B，與此同時她亦身在美國待產，她不時在社交平台上載與家人遊美國西岸、大峽谷等照片，陀住BB的她不忘旅遊，生活無憂。
今日下午身在洛杉磯的馬賽，在其微博貼出新相，腹大便便的她仍未「卸貨」。
一臉素顏兼幸福肥的她，穿上黃色T恤，內搭白色長袖衫，打扮十分樸素，而她雙手托住大如籮的孕肚，估計有9個多月身孕，隨時生得。
她站在佛苑前留影，全因她剛完成了學佛修行之旅，她還以慚愧修行人自居，留言謂︰「豬寶很乖地陪着媽媽圓滿完成了，2019學佛修行之旅。學佛5年，越是深入經藏，越是慚愧自己知道的實在是太少，『願消三障諸煩惱，願得智慧真明瞭』，時時刻刻提醒自己，向慈悲的佛陀師父學習，以慚愧修行人自居，願真正能做到：無我，乃大成！與同修共勉！」
《蘋果日報》聯絡馬賽：「現在39周，馬上到預產期，目標係順產，也希望順產可以順利。」隨時生得的馬賽在美國過了一個悠長假期，她續說：「因為回內地拍戲後，一直周圍飛拍戲忙於工作，難得懷孕期間，停工有足夠時間陪伴家人。可以話入行以來，未放過這麼長的假期。上個月同老公帶老爺奶奶旅行，今個月又帶住我爸爸媽媽遊玩，同埋接引他們參加佛教活動，一切都很圓滿，感恩！」
馬賽一直有透露腹中塊肉性別，她揭盅：「係女仔，好乖。」即將卸貨的馬賽表示：「懷孕後胃口一直好好，又睡得好，也沒有特別水腫，亦沒有行動不便，感恩。」
希望馬賽一切順順利利啊！
(綜合報道 / appledaily)
藝人楊思琦出席芭蕾舞學校分校開幕任剪綵嘉賓，她並帶同囡囡Krystal一齊出席，原來Krystal也正在學Hip Hop和芭蕾舞，Krystal到場後，看見好朋友新美心妹妹Keicy特別開心。
思琦透露下周便與囡囡及父母到美國LA，陪囡囡放暑假…
她說：「因為好遲先知要嚟呢個活動，如果唔係今日就趕唔切，Krystal兩三年前放假去過，佢啲表哥表姐都喺嗰邊，想同佢哋玩，暑假前才返。（暑假全程陪女？）主力陪佢，呢個假期佢好重視。（有錢都唔搵？）睇情況，有需要都會飛嚟飛去。」
她說好鍾意放假黐着囡囡，囡囡又愛黐她，笑言大家互黐。
（綜合報道 / on.cc）
藝人羅霖以一身低胸紅色連身裙出席活動，講到嚟緊佢出寫真，佢澄清其實呢本係美容書，但透露有少少阻滯：「出版商當初承諾我會喺內地出版，但依家未必做到，我希望佢可以履行當初承諾。呢本書由頭到尾，由資金同資料搜集等，都係我做。尋日我有睇過本書，見到好多嘢都出錯，好似我影咗一千張相，已經揀剩百幾張，有啲相都放唔落，同埋我又有教人化妝扮靚，但點知佢又將化妝品嘅產品相擺咗成頁，我覺得有啲喧賓奪主。（同出版商第一次合作？）係呀，因為呢間出版商都大間有信譽，其實都有幾間搵我，但最後我都揀咗呢間，但香港出書係冇問題。」
講到另一位美魔女溫碧霞都出寫真，她說：「我知傳媒都會將我同佢比較，但佢係寫真，我係教人化妝同食療，大家唔同。」
現年52歲溫碧霞即將再出寫真
佢透露近日家傭放假，所以呢排要做家務：「要煮飯同拖地，琴日我抱隻狗唔小心跌親，PatPat位附近瘀晒，今日着高踭鞋都有少少痛，原來工人姐姐係咁緊要。之前同細仔去咗旅行，洗衫都洗到凌晨五點。」
講到有指其前夫劉坤銘同女朋友打邊爐傾裝修，對此羅霖表示：「祝佢幸福。」
（綜合報道 / on.cc）
