曾擔任兒童節目主持多年的藝人袁潔儀為電影《小英雄大銀幕》拍攝片花，與小朋友結片緣，她表示：「我喺戲中飾演老師，今日好開心，可以同劉錫賢同場，好似喺亞視嘅年代咁，當年我一開始主持兒童節目就係同佢拍檔。」
經過多年跟小朋友相處的經驗，令袁潔儀學懂如何應付小朋友：「6歲以下嘅小朋友好聽老師話，你只要扮到好似老師嘅口脗就得，對6至10歲嘅小朋友就要惡少少，要有老師嘅形象，但對10歲以上嘅小朋友就要似朋友，佢哋先會聽你講。（今日同小朋友做對手戲冇難度？）依家嘅小朋友好醒，比起當年更叻，尤其對演藝有興趣嘅小朋友，十足小演員咁。以前個年代都係媽咪帶小朋友參加節目，今日反而好多小朋友係由爸爸帶嚟，年代唔同都有轉變。」
問到潔儀會否有生育計劃？曾三度流產的她坦言怕怕：「冇，都試過，唔敢，好驚，係天意，所以唔可以強求。（會考慮領養？）我冇所謂，但我老公就想係自己生，所以要再溝通。」
(on.cc)
名模樂基兒（Gaile）四月誕下兒子Hunter，上月跟兒子共度首個母親節，本周日（16日）就輪到老公慶祝父親節！
廚藝出眾的Gaile決定親自下廚，為老公炮製大餐，代仔仔送上父親節禮物。
「我身體差不多復原，會買餸喺屋企煮飯食。自從Hunter出世，覺得每一刻都感恩同覺得好珍貴，佢個樣有時似我，有時似老公，每日都變樣。」早前穿起親子裝拍照，兩母子真的愈來愈似樣！
Gaile直言愛上做媽咪：「我好鍾意，每日都同BB講嘢，會將工作放喺第二位，老公好支持我。（會追第二個？）冇呢個計劃，希望照顧好Hunter先。」
祝Gaile仔仔快高長大啊！
(綜合報道 / on.cc)
藝人黃浩然忙於重拍《法證先鋒IV》，他日前與湯洛雯開工，因天氣時晴時雨，連不惹蚊的他都要「餵蚊」。但不要緊，他在外工作幾辛苦，回到家有一位入得廚房，出得廳堂的太太KaKa（莫家嘉）。
黃浩然的太太KaKa，本身是形象指導，平日都喜歡入廚樂，昨晚她在社交網分享相片，她穿起白色廚師服，原來她早前修讀泰國菜，昨日去領證書，老公黃浩然當然在場見證這一刻，他亦在社交網分享喜悅，「恭喜黃太考獲『泰國菜的一級證書』，感恩能見證她每個重要時刻。」
黃太KaKa貼相之外，還寫了一段長文的感言，她寫道︰「願天天也是天晴，讓繼續照耀着我們！給我們溫暖平安！很想和你們分享我今天的喜悅，幸運的我，今天我拿了人生中的另一個證明『泰國菜的一級證書』，順利明年可以考二級證書，泰國菜總共只有兩級！不敢相信今天竟然可以從泰國領事手上，得到這個認可證書。」
「今年的考生同學，除咗我之外，全部都係職業泰國廚師或其他廚師呢！很感恩我竟然也有這機會！我承諾她們明年一定要考二級廚師證書，謝謝各人的支持！特別多謝黃仔@wonghoyinraymond，在這個重要的時刻陪伴着我，領取這個對我人生中，十分有意義的認可證。特別鳴謝 @sinhoying 師傅，和泰國皇室御用大廚成哥，多謝你們對我的信任！我才有今天的成績！我會繼續為我的新目標去進發，努力加油下去！今天終於可以名正言順稱自己為Chef KakA啦！」
(facebook)
「跳水皇后」郭晶晶育有一個仔兩個女，第三個女已經一歲喇！郭晶晶出席慈善保齡球大賽，老爺霍震霆亦同場。晶晶今年初誕下第三胎後首度出席公開活動，見她很fit，看似已收身成功。
她笑言：「仲未瘦夠，差幾磅。（特別keep fit？）唔係，餵母乳就自然瘦。」她又謂今胎佗得不辛苦：「都好易湊，因為係第3個，都有經驗。（今胎係計劃之內？）係。」她又笑言已生夠：「應該夠，3個都幾好，屋企好多聲音，好熱鬧。」
她又謂大仔很疼錫兩個妹妹：「佢都想幫手湊，但係唔點知湊，所以叫佢小心啲。（湊3個仔女辛苦？）唔會，哥哥已經大個，可以自己照顧自己。（啟剛錫晒兩個女？）唔會，佢全部都錫。（老爺係咪好開心？）好開心，有時間就會過嚟同佢哋玩。」
講到明天就是父親節，她透露會跟老爺及老公一起食飯慶祝，問到小朋友可有準備禮物？她表示：「佢哋自己準備，畫畫同寫卡。」她又透露囡囡改名做Laurina。
父親節將至，藝人陳展鵬與單文柔於一年內完成結婚及生仔人生大事，之前女兒Quinta（小豬比）出世時，展鵬正為拍攝劇集《唐人街》忙個不停，到剛剛拍畢才有時間正式享受家庭、湊女樂。
今年亦是他首次以「爸爸」身份過父親節，展鵬笑言：「開心嘅，感覺好得意，但又好似唔係好習慣！」
展鵬接受專訪時表示有了小朋友就像新開始一樣，很神奇，每件事都覺得很有意義，他謂：「每朝見到小豬比，雖然可能要等幾秒先認到我係邊個，但佢已經識同我笑，同埋我成日同佢講，要叫媽咪先，要錫媽咪先，因為我都好錫媽咪，所以佢都要咁做，至於自己就會畀最好嘅佢哋，小豬比錫唔錫我，喺個心入面就OK嘅喇！」
他又表示到他60歲時，小豬比都20歲，希望盡自己能力給她更多，故現時對每件事都好有衝勁。
對於與小朋友相處，展鵬坦言起初信心不大，但現時卻有新看法。展鵬笑言：「我都適應到，佢好叻，一個月開始已經自己戒咗夜奶，依家開始識玩，要同佢玩一齊先肯食奶，開始要感受佢同適應佢嘅性格，先可以同佢相處到！」
始終「前世情人」往往可令一個男人軟化，亦有不少朋友覺得展鵬做了爸爸後轉變了，展鵬坦言：「我又覺得冇乜嘢唔同咗，只係好多嘢要兼顧，我不斷提自己一定要安排得好好，唔係問題就會出現，我諗係……好似小豬比佢啲便便整到我一身都係，我唔會覺得唔開心，咁都係我哋同佢包尿片包得唔好啫！」
「係我哋疏忽！佢唔會專登㗎嘛！潛移默化令我對好多嘢都會睇闊啲，包容度大啲，同埋有咗佢之後，同朋友話題多咗，之前講來講去都係工作，依家會講啲BB嘢！」展鵬坦言做了爸爸後，責任大了，都曾經想得太多想到驚，但好多時都是自己嚇自己。
(on.cc)
港府提出修訂《逃犯條例》草案，以引渡疑犯防止香港淪為「逃犯天堂」，但引來大批市民抗議反對，甚至發生「612暴動」衝擊立法會，令條例至今未能在立法會恢復二讀。
據了解，政府在衡量各種因素後決定暫緩修例，並重新展開諮詢，進行更多公眾解說工作。特首林鄭月娥今日(15日)下午3時在政府總部舉行記者會交代。
據悉，政府昨晚(14日)深夜召開全體司局長會議商討有關事宜，今日向全體建制派議員交代及解釋決定，之後便會向公眾宣布決定。有消息人士強調，暫緩並非等於撤回修訂條例，有關堵塞漏洞的工作仍會繼續進行。
特首林鄭月娥今午(15日)召開記者會，宣布暫緩修例工作，重新與社會各界溝通，做更多的解說。保安局局長將收回就條例草案恢復二讀的預告，即立法會審議工作將會暫停。
蘇永康近日接受港台《舊日的足跡》車淑梅訪問，談到許志安（安仔）與黃心穎爆出「安心事件」…
蘇永康曾表示希望安仔與太太鄭秀文（Sammi）可以拖手走過這一關，結果給他猜中。
蘇永康表示：「Sammi好快應了我，安仔是個需要沉澱的人。安仔後來同我們（Big Four）講對唔住…」
他反問：「我話『你傻㗎？，2002年我最低潮嘅時候，每朝早8點你帶住滑板搵我去滑水，當年安康演唱會因為我嘅事拖慢咗票房，你對我不離不棄，而家點可以講呢啲。』」
「我們是30幾年的朋友，我當然對他們有信心。的確，這件事是女士難接受，但他們有信仰，一定會過到。9月安仔取消了演唱會，其實他都需要休息，至於Sammi一定會好勇敢、好專業咁演出。Show must go on！」
車淑梅開玩笑問蘇永康會否他們欣賞他今個月紅館演唱會，蘇永康即大笑說：「如果我真的請他們，他們又肯來，大家是睇他們還是睇我呢？」
(綜合報道 / mingpao)
藝人謝安琪（Kay）與張繼聰出晒名係圈中模範夫婦，二人愈愛愈甜蜜！早年Kay誕下兒子張瞻後，前年更添了一名女兒張靖（Karina），湊到個「好」字。
聽日就係父親節，藝人張繼聰提早一日有禮物收！
仔仔張瞻親手整咗張父親節卡，卡上面仲寫上「愛你3000」，應該係受到著名電影《復仇者聯盟4：終局之戰》啟發喇！
一家四口喺曬張卡度，整得好有心機呀！個個人仔都好得意~
仔仔張瞻仲自爆呢張卡整咗兩個鐘，佢喺社交網留言話希望爸爸會鍾意…
而張繼聰都即時回覆：「The best gift（最好的禮物）」言簡意賅，爸爸非常感動！
（綜合報道 / on.cc）
41歲前港姐冠軍李珊珊早年為對抗病魔神隱七年，直至今年年初正式「出關」，逐漸重新活躍於娛圈。
早前自家製作一些短片，談運動篇、理髮篇等，在其社交網與網民分享，獲不少網民關注。積極面對生活的她，不時在微博談感受，甚至分享她的生活點滴。
昨晚她在微博貼了一張黑白相，相中她的手正做針灸，她還貼了一篇長文。本身接受緊中西合璧的治療方法的她，日前開始發燒，原本她過去一個星期接受的中藥療程，主治她發燒未治癒的疾病，怎料又節外生枝，希望她早日康復。
她留言這樣寫︰「話說昨天繼續看中醫，姨姨和我一起覆診去。我的情況，經醫生診斷後，已說不能急，身體問題要逐一解決，不能同時間處理各種毛病，那我也乖乖聽話，跟隨孫教授和林醫師指示。可是日前發燒，還以為吃了西藥沒事。醫生叫我張開口時，立即說『紅紅的』。即是這個星期的中藥，主治發燒未治癒的疾病。又節外生枝，多花時間讓人沮喪。而我針灸的時間，相對跟姨姨需時較長，因為身體正面和背面輪流針灸，反之姨姨主治腦部就快點。針灸完畢，姨姨又化身為『濕水欖核』，在登記處及休息大堂也不見蹤影，惟有致電給她才能找回來。而且又不願意去取藥，原因是，我去拿會多點山楂餅，她去沒有這麼多。」
(facebook / 綜合報道)
藝人陳豪現身活動，她表示有將家傳之寶留給子女：「做老竇，所有嘢將來都係畀仔女，但要諗點瓜分。我之前去完土耳其，買咗三樣唔同嘅玩具，佢哋會自己分配，三個小朋友感情好好，反而我指定邊樣畀邊個，佢哋會唔鍾意。當然佢哋有時都會爭嘢玩，但我會教佢哋要輪流玩，大家要學識分享。」
而細女就吼實太太陳茵媺的化妝品：「我個細女好貪靚，佢有次睇到網上短片教化妝，佢即時雙眼發光，成日搞媽咪嘅化妝品，不過女仔天生貪靚，都係好事，貪靚先會靚。」
「（怕唔怕囡囡畀男仔追走？）唔係我話事。我對個女有信心，佢唔係普通女仔，佢係小霸王、小老虎，會食住啲男仔，好清楚自己做乜。（點樣小霸王？）」
「佢做乜都好霸王，細細個已經好有波士性格，會指揮大家…你做乜。咁佢係孻女，大家都會對佢疼錫多少少。佢都會指揮我，叫我幫佢攞糖，又會指揮兩個哥哥，不過有時哥哥會唔聽佢講，佢又冇嘢㗎喎，真係獨立，幾叻女。（你偏心囡囡？）冇，個個都叻。」
(綜合報道 / on.cc)
