前年奉子成婚，去年2月誕下女兒Meghan後，早前再度宣布懷有第二胎，認真開心！
不時都會喺社交網PO自己同囡囡嘅合照。
當時喺IG中貼出一張大肚相，相中的她一手摸肚，另一隻手則拖着囡囡Meghan，並留言開心分享喜訊！
圈中好友朱晨麗、梁麗翹、林芊妤、許亦妮等得知她再佗B亦留言恭賀，網民紛紛送上祝福。
懷有4個多月嘅「神獸天使」蔡慧欣（Gemma）近日就同咗囡囡Meghan飛到布吉度假~
見佢穿上三點式，升晒Cup咁，而腹部亦微微隆起，至於Meghan着上潛水裝兼戴上水袖，擺出趣怪樣，簡直萌爆！
網友都讚Gemma果然係靚媽，Gemma亦留言：「Not having to care how big your gut is when your pregnant in a bikini (懷孕嘅時候着比堅尼係唔需要理多大嘅勇氣)」
(綜合報道)
今日(20日)清晨四時許，一名女子手抱一名22個月大昏迷女嬰往屯門醫院求醫，當時昏迷不醒，可惜最後經搶救後證實不治，醫生認為事件有可疑，轉介警方跟進。
警員經初步調查後，獲悉該名女子並不是B女媽媽，懷疑B女曾遭不人道對待，遂將其拘捕。
此案件交屯門警區重案組跟進，正聯絡女嬰父母協助調查。
(綜合報道)
藝人陳煒出席其代言的廚具品的活動，她稱跟品牌合作多年，除了酬勞有遞增之外，亦獲贊助劇集拍攝及廚具，笑言可以慳回不少。
陳煒廚藝精湛，問到有否想過到外地修讀藍帶課程？
她坦言從未想過：「我係由細培養，好多經驗累積，有時食過唔同餐廳覺得好食，再自己鑽研同創新。（有冇諗過做飲食生意？）做生意好困身，我需要多啲時間去學做生意，但從來冇人氹我投資。」
另外，提到她早前在節目《如果這樣生活》中重提離婚時表現略為激動…
《如果這樣生活》請來煒哥做嘉賓，重回她離婚傷心地台灣，放低過去，並嘗試尋找新的愛情。
她直言：「做時候要放下，都過咗咁多年，節目出街之後，我個心理學老師睇完話覺得我係仲未放低，佢話從我嘅表現之中睇到，我覺得我自己係放低咗，可能潛意識唔係，如果七月有時間都想去上心理學堂。」
(綜合報道 / on.cc)
劉嘉玲近日到意大利出席品牌活動，順道享受假期充電，影了不少靚相留念。
今日嘉玲便在社交網分享新一輯靚相，並留言「地中海水之藍源自光和沙之探戈」。
身穿藍黑色露肩低胸連身裙的嘉玲，美好身材表露無遺，加上面帶笑容，似很享受假日時光。
53歲的嘉玲，保養得宜，不少網民也讚她很美。
(mingpao)
今年二月大讚資深演員河國榮係「香港嘅寶物」，做戲好唱歌叻，仲話要叫對方做契爺，但對方一口拒絕，話頂多叫做Uncle就夠。
二月時為河國榮的音樂會擔任嘉賓，佢話：「我之前同佢一齊合作過電影，發現大家真係好夾，由未埋位就傾到埋位，佢好貼近依家潮流，完全冇代溝，佢對娛樂圈或者社會問題都好心水清，好有人生經驗。（你點解叫佢uncle？）我哋咁夾，原本想叫佢契爺，但佢話唔好，建議叫uncle。（想唔想喺音樂上再合作？）好呀，佢係香港嘅寶物，所以要好好保存，原來有好多人唔知佢除咗演戲仲識唱歌。」
話口未完，佢哋真係變咗契爺同契女！今日喺社交網上載上契儀式嘅相，自爆喺今年四月已經上咗契，佢留言：「我哋認識自2014年電影《死開啲啦》，叫咗佢5年Uncle，呢啲相係2019年4月18號，我哋上咗契。契爺，恕我不孝，belated『父親節快樂』」
雖然香港女歌手雷深如（J.Arie）同河國榮嘅上契儀式冇跪地斟茶，反而係以抹茶飲品代替，但河國榮都依足傳統，送咗條金鏈畀契女，而河國榮嘅太太Bonnie全程見證。
唔少網友都話呢個上契儀式夠潮之餘，仲反問佢哋兩父女平時係講英文定廣東話，J.Arie話契爺係香港人：「香港人梗係講廣東話！」
(ig / 綜合報道 / on.cc)
黃澤鋒今日到商台接受訪問。
太太陳麗麗將於下月卸貨，即將榮升爸爸的他心情緊張：「平時我都唔係瞓好多，不過而家成日紮醒睇吓太太。佢早兩日感冒入咗醫院，不過冇事啦，而家好精靈，係腳好腫，同埋成日去廁所。」
黃澤鋒透露經常與「小黃妃」傾偈：「佢會連環撐媽咪，我隔住肚皮叫佢唔好踢，佢真係會停，不過一轉身佢又踢。我成日都摸太太個肚皮，不過我一摸佢就唔郁。」
他坦言終點在望，心情很不同：「人生聚焦又唔同咗，我哋男人乜都做唔到，唯有睇多啲太太，睇吓有咩幫忙，不過『走佬袋』都未執，我淨係知要衛生巾。到時我會入產房陪佢，我唔怕血，反而最驚打針，講起都驚。」
黃澤鋒坦言早與太太商量自己做好人角色：「我成日要做嘢，好少時間見到佢吖嘛，梗係要做好人啦！太太下月中於生，不過我要教班唔可以停太耐工，最多3日。」
(apple daily)
張晉、鄭嘉穎、劉心悠、鄧麗欣和UFC拳王Anderson Silva等出席電影《九龍不敗》首映禮。
有仔萬事足的嘉穎表示未看過電影，但由於趕返家湊仔，所以活動結束後即離開。
不過嘉穎否認做爸爸後，沒有時間娛樂：「對我而言，對住兒子和太太家庭樂已是娛樂。之後會安排時間和太太看該戲，現在無論做什麼都要安排時間，盡量有一個留在家中照顧BB。」
太太陳凱琳（Grace）快將生日，嘉穎已安排出埠跟老婆慶祝，也與兒子三人行：「今次是囝囝第一次飛。」
心悠則坦言恨拍動作片：「被打和打人都想嘗試，不過我現在的身形不可以說服觀眾，要努力操練。（拍動作片不怕受傷？）不拍，拍得就預了。（想跟誰拍？）我是動作片初哥，沒資格揀人，所有拍動作片的演員都想合作。」
(mingpao)
無綫藝員陳豪、李佳芯、曹永廉、蕭正楠等在將軍澳電視城為新劇《愛美麗狂想曲》試造型。
曹永廉、蕭正楠兩位在試造型大會上備受矚目，到時拍戲肯定搶鏡過所有主角~
記得是那一套劇的組合嗎？今天重聚了~
陳豪與李佳芯再度拍檔，他在劇中風流倜儻有不少女友，但卻被李佳芯食住…
李佳芯笑說：「我係佢人生助理，幫佢追女仔。我哋好激，仲潛入佢屋企，瞓埋佢張床，但係冇嘢發生。」
陳豪被問到在屋企是否給老婆仔女食住？
他笑謂已經沒有自己：「由結婚開始已經冇咗一半，加埋三個小朋友，我只係得番五份一。」家中可有地位？他笑說：「地位係咩嚟？哈哈。」
(綜合報道 / on.cc)
歌手吳雨霏（Kary）2015年下嫁圈外男友洪立熙（Brian），去年誕下囝囝Asher後，今年四月宣布佗第二胎。
話咁快Asher已經一歲大喇！
今日Kary就發長文為阿仔慶生，佢話對當日生B嘅畫面依然歷歷在目，而呢一年時間除咗過得好快，亦都好攰，但佢同時都學到好多嘢：「更體會到當一位媽媽一點都不容易，天下的父母都一樣，對自己吝嗇，對孩子卻可以傾盡所有，真的要為所有的父母掌聲鼓勵鼓勵。」
Kary又好開心仔仔健健康康、肥肥白白：「謝謝你每一天帶給我們很多的歡樂，你是我認識最愛笑、最好脾氣的小寶寶，你永遠不會大吵大鬧，而且笑點好低，做個鬼臉又笑了。以後記得去到邊都要keep住你的招牌笑容和酒凹，祝你一歲生日快樂！爸爸媽媽好愛好愛你！」
不過Kary就貫徹低調作風，只分享咗阿仔嘅背影同蛋糕相，大家暫時無緣見到Asher嘅招牌笑容同酒凹喇！網友就紛紛送上生日祝福，仲話好希望遲啲可以見到Asher個萌樣呀！
全文如下：
一歲了
還記得一年前的今天凌晨2點入院
立刻9秒9衝去醫院
痛了十幾個鐘後見你的第一面
畫面還歷歷在目
這年的時間過得很快，也是超累的
但我學會了很多
更體會到當一位媽媽一點都不容易
天下的父母都一樣
對自己吝嗇 對孩子卻可以傾盡所有
真的要為所有的父母掌聲鼓勵鼓勵
感恩在神一直的帶領下
總算養到你健健康康，肥肥白白
謝謝你每一天帶給我們很多的歡樂
你是我認識最愛笑 最好脾氣的小寶寶
你永遠不會大吵大鬧
而且笑點好低 做個鬼臉又笑了
以後記得去到邊都要keep住你的招牌笑容和走粒
祝你一歲生日快樂
爸爸媽媽好愛好愛你！
(IG/on.cc)
男星吳尊不單為型男，更是好爸爸，湊仔功夫更是到家，平時更會紀錄一對子女們的成長趣事。
他在微博上載兒子Max剝牙的過程，剝牙方法夠曬傳統，就是由太太代勞，一手把乳齒脫下。
在短片中，見Max初時表現害怕，更大叫：「Wait! Wait！」
意指叫母親等等別下手，之後又見姐姐Nei Nei為他打氣，鏡頭後的吳尊也邊拍片邊鼓勵。
最後Max終於鼓起勇氣口張開，讓母親親自把牙拔掉。
而Max真的表現勇敢，剝牙後未有大哭大叫，反而對着鏡頭微笑…
網民大讚他這位小男神非常可愛，又指他顏值愈來愈高，將來比吳尊更帥！
(綜合報道 / on.cc)
