去年3月被捕獲拍拖，隨後公開認愛，之後時不時都會晒恩愛。不過年初傳出二人分手消息，他們當時未有回應事件。。。
景甜今晨在微博寫上：「感恩曾經相遇，願今後一切安好。」疑似宣布與張繼科分手。
其工作人員接受內地媒體訪問時確認分手消息，表示「感謝大家關心，想說的她微博都說了。」
景甜與張繼科出席好友的生日會時玩得好開心和親密，不過已成為過去。
其實中國乒球國手張繼科早前已換掉與景甜的情侶頭像，並向粉絲表示不過情人節，而他暫未就分手事件發表回應。
(on.cc)
【與姚子羚閨密情不再？】傳龔嘉欣將是非當人情⋯
姚子羚（Elaine）最近真是很頭痕，早前因前男友Raymond而捲入四角關係，近日又有報道指她與閨密龔嘉欣（Katy）反面！
姚子羚與龔嘉欣一直好老友，2014年曾一同租住將軍澳的屋苑，翌年又搬到同區村屋，還一齊收養一隻被遺棄的唐狗「通仔」，現在已由Elaine負責照顧。
但自從Elaine於2015年與富家闊少鄭子邦（的士邦）拍拖，兼搬到男友位於赤柱的紅山半島豪宅同居後，Elaine與Katy這對閨蜜的關係便開始起了變化。指Katy會將是非當人情，爆Elaine與的士邦拍拖好甜蜜，而Elaine身邊人亦多次提醒要小心，盡量不將感情事告知對方。
而Katy亦曾跟友人說過遭Elaine責怪，叮囑她不要對外亂說話，之後再有傳媒提問有關Elaine的感情事，Katy都不敢多講。
有指自從Katy與Elaine沒有再一齊住之後，即各自組閨蜜圈子，分別是Elaine的「胡說八道會」以及Katy的「少婦聯盟」，兩人的聯絡少之又少，更甚在電視城碰面亦沒有打招呼。
不過，Elaine和Katy接受傳媒訪問時均否認，Katy更斥報道失實:「無中生有，冇啲咁嘅事 一路都係好好朋友，亦都好支持佢。」Elaine則說:「冇啲咁嘅事！我哋仲係好朋友，之前我首飾品牌推出，嘉欣都幫我戴去出活動支持！」
而事實上，Katy和Elaine在去年2月還一齊去沖繩旅行，當時Elaine應剛與鄭子邦分手，應是療傷之旅；而日前Katy還親自試戴Elaine設計的吊飾耳環，貼在IG為對方做免費宣傳，看來姊妹情未變，難怪兩位當時人要立即澄清。
(apple daily)
【超浪漫啊】吳奇隆劉詩詩B囝名字曝光！
台灣藝人吳奇隆同內地女星劉詩詩結婚後，今年四月生埋個B仔變一家三口！
佢哋好保護囝囝，一直冇公開個樣之餘，就連名字都係保密～
呢一日囝囝個名終於曝光，DJ Vani話同吳奇隆飯敍，睇到B仔嘅相大讚可愛。
佢留言話：「初次見到他兒子『步步』的照片，沒想到我會感動得哭了出來！」
仲話兩父子超似樣，完全就係小奇隆，相信長大之後步步一定好靚仔。
吳奇隆同劉詩詩合作劇集《步步驚心》後撻着，跟住戲假情真拍拖結婚生埋B，呢套劇絕對係佢哋嘅定情作，囝囝個名用定情作嚟做紀念，睇唔出吳奇隆份人平時咁低調，原來都可以好浪漫！
(on.cc)
【區永權送上祝福】《東張》李旻芳直播宣布結婚：佢求咗三次先成功！
藝人李旻芳同男友黃耀英感情穩定，李旻芳昨日喺做緊《東張西望》直播時宣布訂婚消息！
佢話：「我要結婚喇，求婚過程好Sweet！有兩隻愛犬陪住，又有我鍾意嘅音樂，最後我哋兩個攬埋一齊跳舞，多謝你黃耀英！」
正式封盤，真係恭喜晒！
李旻芳嘅好拍檔區永權都送上祝賀，佢晒出同李旻芳嘅合照，並留言：「我今晚嘅呢位拍檔，喺節目度正式宣布已經訂婚，將做人妻，恭喜恭喜！」區永權仲喺節目上祝佢百頭到老，永結同心呀！
準新娘李旻芳回覆東網，佢爆男友求咗三次婚先成功：「係呀！尋晚求咗婚，但好好笑，因為佢求咗三次先成功！！第一次佢緊張得滯，蒙住咗我對眼，忘記叫我除眼罩，好蝦碌！第二次佢又停咗個音樂，到第三次先圓滿，我哋有狗狗陪伴住進行，一齊跳咗隻舞，好開心！」佢仲話婚禮定咗喺今年11月5日。
(on.cc)
【仲要留喺樂壇…】欣宜好大聲鬧許廷鏗
歌手許廷鏗到科學園，為自己有份配音的電影《樣衰衰奇兵》宣傳，席間與一眾小朋友將自己收藏的毛公仔捐出作慈善用途。今次他除與好友鄭欣宜參與配音工作外，他還負責演唱主題曲，由於曲風走輕快路線，與以往作品大相逕庭，他大感好玩。
談到配音難忘事，許廷鏗謂：「其實6、7年前都參與過配音工作，嗰時有配音界資深前輩指點，不過今次相隔得太耐。同欣宜一齊配音有默契，不過佢似乎投入得滯，因配音時我跟稿講，要話佢樣衰，點知事後我打畀佢，佢竟然好大聲咁鬧番我，話我做乜寸佢樣衰，仲要留喺樂壇，佢真係諗多咗啦，哈哈。」
話雖如此，欣宜有讚他表現「合格以上」，問到許廷鏗會否考慮有聲演變成幕前演出，他說：「有呀，其實入行咁耐我都冇乜拍過嘢，自己都想演喜劇。（最想同邊位演員合作？）葉德嫻，我知道如果要同佢合作到，起碼要努力10年，不過係自己嘅心願。」
(on.cc)
【林志玲閃婚】言承旭：是我不夠好，不成熟
「台灣第一名模」林志玲日前突然宣佈閃婚，下嫁日本天團EXILE成員AKIRA，呢個喜訊震驚一眾粉絲同網民！
不過相信收到消息最大打擊嘅，都係曾經被熱傳同林志玲復合嘅言承旭。佢哋嘅戀情兜轉17年，言承旭更被爆視林志玲為一生中最愛，但最終都未能修成正果。
雖然佢當日收到消息時，就大方向舊愛送上祝福，但佢近日現身機場時心情就似乎麻麻。言承旭以一身全黑打扮上陣，仲戴埋帽同口罩包到冚，相當低調。佢全程一言不發低頭急步行，粉絲們亦好似知道偶像「受情傷」，所以默默咁跟住佢行。
網友都話此情此景，完全明白晒「愛人結婚了，新郎不是我」有幾咁Hurt！仲話言承旭呢個孤寂嘅背影好催淚，希望佢都早日搵到屬於自己嘅幸福！
此外，有傳言承旭一早就知林志玲要閃婚，更被爆出佢有幾封未寄出嘅道歉信，當中寫上：「是我不夠好，不成熟，太過孩子氣，不敢讓她等我長大」、「跟女友分手後，彼此在跟朋友講到對方時，都會忍不住掉眼淚」，又指對方曾公開指自己係全世界對佢最好嘅人，所以網民都推測啲信係寫畀林志玲。
(on.cc)
【已有一仔一女】鍾嘉欣急揾陳茵媺請教點樣湊三個小朋友
藝人鍾嘉欣出席活動，她稱今次返港宣傳新歌《做你的晨曦》，這首歌是嘉欣寫給大女梁愛晨。
嘉欣表示歌曲是特別寫給女兒，歌詞中亦有女兒名字「愛晨」，並指該曲包含了支持囡囡、以及永遠做她後盾的意思：「我由細到大經歷都有爸爸媽媽支持，我想成為阿女最大推動力，陪佢度過每個難關。」嘉欣更開心地表示囡囡聽完後，竟然可以整首廣東歌重唱。
至於今次回港，女兒和細仔及父母都有一齊回來，她稱婚後是首次和父母回來，而丈夫因要工作所以未能同行。今次嘉欣帶同子女和父母齊齊返港，兩姐弟在飛機上一同看電影、睡覺，嘉欣指婚後已很少和父母一起出埠，今次與他們同行，可以回顧自己做小朋友的時候，更直言：「而家俾爸爸媽媽呵護番我同啲孫，好開心。」由於老公因工作不便一起回港，故小朋友要父母幫手湊。
嘉欣稱女兒快將3歲，囝囝就9個月大，還餵緊人奶，兩人坐飛機都算乖，肯瞓覺，瞓醒就睇動畫，阿女更攬着細佬一齊睇。問到留港多久？
她稱不是太長時間，因母親要趕回去幫家姐照顧小朋友：「會一齊返去，我自己一個好難帶住兩個。（ 陳茵媺一個帶三個返加拿大探親！）佢一個人？咁我真係要打畀佢請教吓。」
(綜合報道)
【佗B九個月】帶17套衫影超靚大肚寫真：第一次著咁少影相
今日是她和澳門百億CEO陳榮煉結婚2周年的紀念日子，早前她在註冊結婚2周年的日子，公佈即將成為豬爸爸和豬媽媽的喜訊，預產期在7月。今天又在這特別日子，分享她的孕婦寫真。
原來上月她和老公陳榮煉飛往越南影孕婦寫真，今次行程逗留了3日，其間準備了17套衣服，當中月包括有比堅尼…
幸運的是，她的肚子雖大但沒有任何妊娠紋，拍攝期間沒有任何不舒服，小寶貝66也很配合，直到回程開始覺得不舒服，有點疲憊。
一向不愛運動的安以軒，在懷孕最多散步，最近開始睡得不好，有時候會覺得喘，也開始有胃酸倒流的症狀，可能因為胎位一直變來變去…
她笑說：「老公跟他講話會找寶寶的頭位置在哪，一直摸，寶寶就動作很大，這次產檢和下次位置竟然180度翻轉，有次還站起來了，我叫他不要再摸了，這樣我很困擾。」
其後安以軒亦有在網上留言：
「這就是～傳說中的～《大！肚！照！》，人生第一次拍照不用努力收小腹還可以盡情的凸出來（女孩們都懂的），也一定要紀念一下身體這不可思議的神奇變化（望着自己的肚子還是無法相信怎麼可以大成這樣）為了把66放出來，第一次穿那麼少拍照，真的會緊張不自在！所以拉着小叮噹陪我！！！66拔拔（爸爸）人真好～就這樣他的上衣被我收走了。」她還說：「#2017.6.5 在夏威夷披着白紗出嫁～2年後的今天我們收穫了上天給我們最棒的禮物⋯一切都是最好的時間&安排！二周年結婚快樂#取名小名66是因為拔拔叫65～後來才想起我們在夏威夷結婚，而夏威夷語「Aloha~阿囉哈～」本來意指：希望、愛、和平、幸福，後來才成為問候語：你好。而阿囉哈拍照的手勢比法就是66，喜歡這樣的巧合～」
(weibo / 綜合報道 / appledaily)
【血糖高到測唔到】60歲大叔連食兩隻粽昏迷即送院
六十多歲的李大叔家住臨平，雖然得糖尿病十多年了，但平時他堅持嚴格控制飲食，每天定時注射兩次胰島素，身體一直還不錯。沒想到，端午節前吃了兩個大肉粽，竟把自己送進了急症室。
大叔送到餘杭區第一人民醫院時，李大伯已經陷入了昏迷狀態，一測血糖，竟然高到儀器都測不出了！
內分泌科主任蔣忠華考慮到李大伯有糖尿病病史，馬上判斷患者這是糖尿病酮症酸中毒了，需要立即打胰島素，以緩和體內酸中毒的情況。經過胰島素的靜脈注射，同時補充生理鹽水，一小時後，李大伯醒了過來。
「哎，都怪我一時嘴饞，真是太不注意了。」醒過來的李大伯很是懊悔。原來，李大伯看到家裡煮的粽子實在是太香，一時沒忍住連吃兩個大肉粽，過了把嘴癮。
看李大伯的情況有所好轉，蔣忠華將他轉移到了普通病房。蔣忠華說道：「糖尿病酮症酸中毒有很多不同的誘因，一定要謹慎排查。」幸運的是，為李大伯做了一系列檢查後，發現他的身體其他指標都沒有問題，日常血糖的控制情況也不錯，沒有產生其他併發症。
一周内李大伯恢復了往日的精氣神，家人陪他出了院。「以後可一定要控制飲食啊，一點都不能疏忽的。」臨走時，蔣忠華再三叮囑李大伯。
浙江醫院營養科主任鄭培奮也說：「糖尿病人並不是不能吃粽子。粽子是糯米做的，和米飯相比，糯米吃下去消化、吸收慢，餐後血糖反而不會升得太高、太快。重要的是平時吃多少米飯，吃粽子就對應吃多少的量，不要吃了粽子再吃其它主食。如果你平時吃1兩米飯，那相應的，粽子也只能吃一兩。」
(綜合報道)
【網民勁鬧】囡囡上堂突然嘔 母堅拒清理轉身走人：見到都想嘔，唔會清潔囉
孩子生病，最難受最辛苦的一定是父母，除了要照顧生病的子女外，亦要為他們清理嘔吐物等。不過有興趣班前職員就在社交網站分享，指曾遇過一名母親得知女兒上課期間不適嘔吐後，竟掉頭離開，拒絕接走女兒，當職員要求她清潔地方時，更失控狂叫「唔得㗎，我一見到啲嘔嘢，我自己都想嘔㗎，唔掂㗎，唔可以㗎，我唔會清潔囉！」，最終女童的父親得知後，趕至收拾殘局。事件其後引發網民熱論。
該名前職員在社交網站Facebook群組「生仔要考牌系列」發文，指曾經有女童在上興趣班時感到不適，於是通知其媽媽將她接走。誰知女童突然嘔吐大作，其母親見狀不但未有上前安慰，更轉身離開。職員隨即叫停該名媽媽，「我叫住佢，同佢講小妹妹應該好驚，你過去安慰下佢」，惟該名媽媽連聲拒絕：「我唔得㗎！唔掂㗎！！」而女童見到媽媽離開的身影，亦落淚痛哭。
樓主又稱，該名媽媽其後行至中心大堂，期間口中一直反復說著：「我搞唔掂！」。由於中心當日無清潔工當值，於是其他職員上前要求該名媽媽清理女童的嘔吐物。樓主形容該名媽媽聞言如同失控，不停話：「我唔得㗎，我一見到啲嘔嘢，我自己都想嘔㗎，唔掂㗎，唔可以㗎，我唔會清潔囉！！」。
而在職員堅持下，該名媽媽最終讓步，致電女童的父親到場清理。女童父親花約10分鐘趕至後，隨即衝入課室安慰女兒，「個爸爸趕到嚟，第一時間就衝咗入課室安慰個女，叫個女唔好驚，話一陣帶佢去睇醫生，又畀啖水個女飲，個女先情緒穩定啲」，該名父親又不斷道歉，其後親自清理地上的嘔吐物。
樓主續說，一家三口離開時，該名媽媽仍然不停地說：「我真係一見到就想嘔呀，好嘔心呀！！」樓主不禁慨嘆「我覺得個小妹妹一定好難受呢」。
事件引起不少網民爭議，有人批評該名媽媽沒有責任感，只懂推卸責任，「佢無資格做媽媽」、「其實我見到嘔吐物都會作嘔，嘔埋一份，但做咗媽媽點都要頂硬上，清埋自己嘔嗰份囉，唔係點呀」，不過亦有人認為該名媽媽或患有情緒病，「亦有可能媽媽都有某程度精神健康問題，可能係焦慮、抑鬱等。爸爸亦好樂意負返責任，亦深知已經影響到人而覺得抱歉，相信爸爸已經承受一定壓力，所以覺得唔應該再批判媽媽。」、「每個人都有好怕嘅野，好似有人見血會暈，可能個阿媽真係有嚴重潔癖，睇佢同老公嘅反應唔似單單怕污穢」。
（facebook / singtao）