謝霆鋒主理嘅美食節目《鋒味》集集都有星級嘉賓。
有好朋友Twins~
有近期好紅嘅佘詩曼！
男神吳彥祖
當然唔少得爸爸謝賢同埋汪阿姐！
仲有G.E.M.等藝人，真係星光熠熠！
呢集嚟到香港拍攝，嘉賓係佢！
霆鋒一盡地主之誼帶佢搭電車，又專誠邀請好友蔡卓妍（阿Sa）。林俊傑（JJ）見到多年冇見嘅老友阿Sa，當然相當驚喜！
當年JJ同阿Sa合唱《小酒窩》紅極一時，呢次佢哋難得聚首，梗係要再次合唱啦，一眾網民都直呼回憶返晒嚟呀！
阿Sa喺社交網留言：「不知不覺，小酒窩十年了，多謝霆鋒的安排，讓我和林俊傑老友重逢，驚喜嗎？也不得不說，其實真正的鋒味已經五年了，而我，居然每一年都參與了，厲害嗎？ 」
(綜合報道/weibo/on.cc)
藝人鍾嘉欣依家喺加拿大忙住照顧兩位小朋友…
鍾嘉欣上周日患感冒，鼻塞、發燒及身體忽冷忽熱，雖然她帶病在身，當晚仍堅持出席活動唱《Hero》，發揮穩定。
當晚病住表演！
歌手出身的鍾嘉欣，演技歌藝均獲備受觀衆喜愛，曾唱《其實我不快樂》、《不顧一切》等大熱歌曲，拿過很多歌曲獎項！
亦曾獲偶像Kelly陳慧琳現身演唱會合唱和鼓勵自己，嘉欣甚爲感動！
當年嘉欣除了拍劇，2006年更踏入歌壇，唱第一首歌曲《發誓》，其後獲無綫重用，開拓唱歌事業，曾唱多首無綫劇集主題曲或片尾曲，2008年正式成為歌手。
擁有一班不離不棄的歌迷，她曾連續三年獲得「新城勁爆女歌手」獎，去年1月約滿離開無綫。她近年主力接商演及登台唱歌，難怪一眾fans期待她的新作品「出爐」。
未知是否長居加拿大，忽然歌癮起。嘉欣昨日於facebook貼出身處錄音室的相片，見曲譜架放了一張英文歌詞紙，她留言：「讓我音樂夢想成真的過程……我太興奮了……等不及！」
看來嘉欣想轉型做唱作歌手，暗示將會再度踏入樂壇！
她表示努力創作當中，不少fans表示支持她復出唱歌，另有粉絲問「你何時才拍新劇」、「很喜歡聽你的歌，也喜歡你演的電視劇」。
(綜合報道)
豬年將至，藝人古天樂旗下公司的一眾藝人包括余香凝（Jennifer）、廖子妤、麥子樂與陳穎欣（Yanny）齊齊寫揮春應節。
Jennifer早前憑《逆流大叔》大獲好評，她希望能接拍更多實況電影：「想拍多啲小本製作、反映社會問題嘅電影，希望可以引起觀眾共鳴。」
她又自爆容易緊張，希望能學懂放鬆：「有時拍完場戲，覺得自己表現唔係太好，會不斷反覆去諗，搞到整晚都瞓唔到覺，亦因為咁而情緒出現問題，賀爾蒙失調，上年發現患有卵巢囊腫初期，所以新一年我要懂得釋放情緒。」剛完成《飛虎2》拍攝的她，透露將會放假去旅行，待四月再開拍兩部新電影。
至於廖子妤則笑言每年新春都寄望戒凍飲、夜瞓、遲到等陋習，不過最終都未能實現，來到豬年，她最希望學懂理財：「從來都唔知自己賺咗幾多錢，亦都唔知道錢花咗喺邊，近半年恃住自己工作辛苦，見到想買嘅嘢就買，愈使愈多錢，所以豬年我要好好理財。」
新加盟的麥子樂與Yanny透露剛完成新片拍攝，Yanny首次參演喜劇，談到新年願望，她表示：「希望報讀配音班，學習準確咬字，戒掉多年嘅懶音。」
麥子樂則希望能與老闆古天樂合拍電影：「希望可以接觸唔同嘅電影範疇，依家寫緊兩部電影，期望得到電影公司垂青。」提到感情問題，他坦言隨遇而安，更笑指自己擇偶條件好膚淺，最緊要是外表合眼緣。
(on.cc)
40歲楊思琦離開大台四年幾，要同時兼顧工作同家庭，由一開始戴著港姐冠軍的光環，喺公司獲照顧同安排好一切事宜，到今天憑自己一細步一細步走出一片自由天地，令佢擁有此無比毅力嘅能量就係愛女卓穎。密密接Job，獨自湊大囡囡真係唔容易。。。
思琦去年推出首本寫真集，大受歡迎！
今年思琦愈戰愈勇，決定勇闖樂壇做新人推出處女新歌《愛的森林》，於年廿九舉行簽唱會，以吊帶白色裙大騷事業線，吸引不少Fans捧場。
當她唱畢歌後，女兒更走上台抱着媽媽雙腿，思琦即冧爆說：「我嘅小寶貝。」畫面十分溫馨！
早前有康華以47歲之齡闖入樂壇做Rapper(相關新聞:https://goo.gl/S7bF2j)，依家思琦都加入，愈嚟愈熱鬧！
而年廿九亦適逢思琦媽媽正日生日，可說雙喜臨門。而思琦對做樂壇新人坦言很緊張，但是她夢寐以求的事。對首次公開演唱自己的新歌，她說緊張致失眠，凌晨四點便醒了。問到可有計劃推出專輯？她說是她一個心願，出單曲是和唱片公司一次合作，有自資一部分，但數目就不透露了，反而開心有新嘗試。
會否角逐年底新人獎？她笑言未知，有得參與已很開心。新歌已拍了MV，自言拍得她好靚：「我都未見過自己咁靚。」她稱MV男主角叫太子，是朋友借來的一隻有藍色眼的貓咪。 
講到媽媽生日，她稱開心媽媽能過來見證她人生的一次難忘時刻。家人對她歌藝評價？她笑言：「佢哋已經被我洗腦，日日都聽，佢哋梗話好聽仲畀100分。
(綜合報道/on.cc)
藝人吳綺莉與女兒卓林母女關係時好時壞，卓林曾離家出走到多倫多，直到去年11月與網紅Andi於溫哥華註冊結婚後返港，因冇錢交租被迫遷離，最後由吳綺莉接濟。雖然母女「團聚」，但母女關係繼續時好時壞，仲話要「磨合期」。
吳綺莉琴晚突然喺社交網上載「新抱」Andi嘅多張性感舊照，當中仲有去年4月卓林求救嘅對話截圖，上面寫住「I am in danger（我有危險）」似乎意有所指！
之後仲以英文留言：「施比受更有福，親愛的，新年快樂，祝你萬事如意，免費午餐和自由戀愛。（More blessed to give than to receive my dearest, happy new year, wish you all the best. free lunch and free love）」祝福網民新年快樂之餘，仲疑似揶揄Andi！
佢又覆好友話：「沒好好教好孩子，不想朋友們白幫。」
有傳傳媒聯絡吳綺莉，問佢其實咩事？
之後佢爆Andi大鑊，指Andi同卓林出走後周圍租地方住，但又唔肯搵工，不停向佢嘅朋友借錢，令佢感到好為難…
「我嘅朋友唔係白幫㗎，幫都有限度，唔想欠人太多人情！（你有冇出手？）梗係有！其實我個女得19歲，又冇讀書，佢哋都可以搵份工啫，餐廳侍應都係一份工，職業無分貴賤！（佢哋唔肯搵工？）佢（指Andi）同我講當年教幼稚園月入30幾萬，佢話自己患有人群恐懼症，唔可以隨便搵一份要面對多人嘅工！」今次吳綺莉講呢件事出嚟，似係想斷卓林Andi「米路」。
講到卓林求救截圖，吳綺莉就話原來係求佢幫Andi，令佢好無奈：「我個女震晒咁同我講，話覺得自己辜負咗太太，搞到佢咁，叫我幫佢，咁我係咪要幫佢籌錢畀佢醫病？公立醫院唔知有冇得睇呢種恐懼症呢？」
至於卓琳就回覆傳媒：「其實我現在都好努力做嘢support自己，佢要無端端cap低一張一張咁load上去都好花時間，佢明明後面都好晦氣，明明係想attack我，所以有少少唔開心。」
(綜合報道 / on.cc / appledaily)
近日有人爆料指鄭俊弘(Fred)疑似偷食，背住女友何雁詩在峇里激咀爆乳女模Bebi（相關新聞：https://goo.gl/j3KSdz）。Fred今日如常為《法政先鋒IV》到大網仔村開工，同場還有黃浩然、黃心穎、陳煒、黎燕珊和李施嬅。
西裝骨骨的Fred精神不俗，似乎未有受緋聞影響心情。埋位前，Fred都有跟其他演員傾偈，與陳煒有說有笑。
記者亦有趁機會問Fred是否與Bebi激咀的男主角？他笑笑口說﹕「唔方便答。係咪你？當然唔係啦，新年流流搞啲咁嘢。」
何雁詩坦言報道未出街前，已收到一個唔認識的人傳相片給她，與Fred溝通後，亦相信對方（相關新聞：https://goo.gl/8Rq2DX）。
而女模Bebi在報道出街後，今早亦有在Ig story上載Fred的歌曲《投降吧》MV，但很快便刪掉，隨後以英文澄清與她激咀的男子不是Fred，當中夾雜粗口，她說﹕「我唔認識Fred，只係欣賞佢唱歌把聲，睇佢嘅video…it’s not fxxking Fred(激咀男)，唔該唔好煩我。我只係佢嘅粉絲。」
(apple daily)
無綫處境劇《愛．回家之開心速遞》播出至今差不多兩年，口碑及收視不俗。早前舉行慶功宴時高層曾勵珍透露劇集暫時已預計加到720集。
劇情溫馨又搞笑，當中幾條感情線都備受關注。
張景淳憑「龔燁」一角而人氣急升，近日佢為一個公司晚宴擔任MC，因為晚宴係以劇集《延禧攻略》為主題，所以佢都扮演「富察景淳」，並大讚好有新鮮感！
他說：「除咗拍劇，真係唔會着古裝，加上我冇剃頭，所以成件事其實好有現代感。」而上月生日嘅佢，更獲得經理人送上蛋糕慶祝生日，令佢大為感動！
講到依家有賺外快，之前話唔敢加兩蚊凍飲嘅佢，係咪可以闊佬少少？他說：「哈哈，如果Keep住每個月賺外快就得！」
講到有唔少網友都好期待佢同「熊若水」呂慧儀一齊，佢向大家派定心丸：「咁龔燁連傑叔呢件事都放低咗，相信嚟緊都可以追阿水喇，又話唔定可以互追呢！（幾時一齊？）相信都應該係今年內發生嘅事。」
歌手盧巧音（Candy）同樂隊Kolor主音老公蘇浩才（Sammy）結婚已經踏入第6年，而今日更加係兩人一齊10年嘅紀念日！
Candy喺社交網上載兩公婆合照，留言話：「一起10年❤」而Sammy就大晒兩公婆婚戒，喺相寫住：「love you babe」，冧死人喇！
另外佢又上載一張豐富嘅早餐相，Sammy留言話：「咁快就一齊左（咗）十年❤十年後又會點呢？」幸福就係咁簡單，一齊咁多年都仲咁有情趣，真係甜到漏！
(on.cc)
懷孕6個多月的岑麗香（香香）早前夥拍王浩信為王祖藍處男執導賀歲片《你咪理，我愛你！》拍攝一場極盡視聽之娛的「型男索女」戲份。
二人一個大晒健康性感及纖腰，一個爆肌大晒麒麟臂，身材弗到漏油，獲不少工作人員激讚「鼻血指數」爆燈。
香香拍攝當日狀態大勇，以超熱褲上陣的她，從頭到腳零孕味，故當工作人員事後知道她拍攝期間已懷有身孕時，均嘖嘖稱奇，並大讚她為支持好友祖藍豁出去。
香香早前出席首映禮已經自爆過初期開工原來已有B，直到拍至尾段才發現：「覺得個人上鏡有少少肥，試過攝影師叫我縮肚，我答佢會盡力，其實心諗都收唔到咁多，嗰時又未夠3個月唔講得。」
雖然香香與王浩信出演的只是「幻想畫面」，但導演祖藍拍攝時比其他場面更為認真，出名「一TAKE收貨」的他，單是一幕「倒奶」鏡頭，便拍了足足超過一小時。事後問到為何對香香及王浩信特別嚴苛時，他笑言：「因為我覺得佢哋兩個都好有魅力，為咗唔好辜負佢哋嘅氣質同埋咁弗嘅身材，所以想將畫面拍攝到好唯美同埋吸引。結果剪完出嚟好多人都大讚佢哋兩個好鬼正，場戲好好睇、好深刻，我即刻放下咗心頭大石，亦叫對得住呢兩位咁幫手嘅演員。」
至於香香，她則笑言為祖藍變咗「臭臭」：「為咗營造Sexy感，導演要我哋濕身擺甫士，所以倒咗有顏色嘅奶落我同浩信度。因為啲奶係好高咁倒落嚟，射到周圍都係。雖然我返到屋企已經第一時間沖涼，但就坐坐吓聞到異味，原來我啲衫同袋都畀奶濺到，啲奶過咗段時間開始發臭，咁我咪惟有成晚喺度洗洗洗。」
(綜合報道/on.cc)
恭喜晒～喜事一浪接一浪！繼農夫的C君求婚成功後，再有藝人求婚！
「我哋喺1999開始拍拖，到而家都就嚟廿年。當日我哋屋企團年叫佢嚟食飯，喺卡啦OK房準備咗一啲『Marry Me』嘅佈置，扮玩遊戲要佢幪面，又安排佢最後一個入嚟，我等佢入嚟就俾驚喜佢。」
歌手梁焯皓在昨晚原來亦已向拍拖接近20年的女友戴辛尉（爸爸是已故歌唱老師戴思聰）求婚成功，戴辛尉是霆鋒初戀女友。梁焯皓的胞姐，即前港姐梁佩瑚更在社交網開心share弟弟的求婚過程，更寫着：「Congratulations to my Alan & Wancy #AW愛你永久」
片段一開始，先見梁佩瑚拖着被蒙眼的戴辛尉進入卡拉OK房，其間戴辛尉更問梁佩瑚：「做咩？」梁焯皓則唱着許志安的《唯獨你是不可取替》，之後梁佩瑚拿走戴辛尉的眼罩，此時拿着戒指的梁焯皓便走到戴辛尉面前，然後半跪下向她求婚，戴辛尉表現得又驚又喜，一直狂叫。
而最後她亦攬着梁焯皓示意答應，之後戴辛尉更主動咀嘴梁焯皓，而最後梁焯皓亦有為戴辛尉戴上戒指，場面非常溫馨。
梁焯皓今日回覆《蘋果》表示：「我同辛尉喺1999開始拍拖，到而家都就嚟廿年。當日我哋屋企團年叫佢嚟食飯，喺卡啦OK房準備咗一啲『Marry Me』嘅佈置，扮玩遊戲要佢幪面，又安排佢最後一個入嚟，我等佢入嚟就俾驚喜佢。」梁焯皓又多謝胞姐佩瑚幫手準備戒指。
梁焯皓又說19年時光過得飛快：「我屋企同佢屋企關係好似自己人咁，時間過得好快，過時過節去旅行都係一齊，我唔覺得話好長。其實一年前已經決定結婚，一個女仔同咗你咁耐，我覺得都係時候。」
談到婚禮安排，梁焯皓希望在豬年完成：「盡量喺19年入面結婚，而家都係好初步，唔知要請幾多人，香港訂酒席都幾麻煩，問緊朋友邊度好可以插隊，希望豬年可以搞掂。」
梁佩瑚就向《蘋果》透露，梁焯皓的求婚戒指重兩卡：「其實梁焯皓有求婚呢個構思都係年幾前嘅事，戒指係我幫佢鑲，不過佢一直都冇行動。直至上個月佢同我講要做嘢，團年多人係最好時機。我覺得求婚咁大件事，梗係要有特色嘢，所以我設計咗個蒙眼卡啦OK計劃。」梁佩瑚又補充：「當然好開心，焯皓係我哋兄弟姊妹入面最遲一個成家立室嘅人，所以好開心。我同Wancy識咗好多年，當時一齊學唱歌，我以為佢會感動到喊，反而師母就喊，大家都好開心。」
(apple daily)
