早前爆出黃心穎和許志安偷食事件，落選港男梁裕恆（Flow）即連日在社交網發文力撐黃心穎，聲稱要為對方討公道，即被網民狂批他抽水博上位。
被網民指為「新一代抽水王」的Flow，再度出撃發功，網晒多張WhatsApp群組對話截圖，內容關於近日因修訂《逃犯條例》引發的示威，當中一位簡稱為「M.Y」的群組成員說：「佢老味成班癲X咗。」Flow網上發千字文指「大明星M.Y」言論過份，事後更直指對方是無綫小生楊明(相關新聞:https://bit.ly/2XfJYYy)。
Flow把私人群組內容曝光，即令不少網友指他再抽水博見報，以及侵犯私隱，更指截圖內容不連貫，懷疑有人斷章取義。
楊明回覆東網說：「冇咩回應，佢想見報佢成功咗啦，呢啲斷章取義嘅嘢，唔使評論啦。」
至於楊明女友莊思明則在社交網上載吸濕器圖片明寸Flow，她留言：「近期係雨季成日落大雨，好多水要抽，小心浸死自己，各位要小心。」
(on.cc)
這個舉動，令人覺得他是愛意的表達，有網民留言：「認喇？」、「亂世，佳人」、「快D求婚啦，蘇州過後無艇搭喇！」、「心動不如行動」。。。
被譽爲絕世女朋友的唐詩詠去年被爆戀上「教育界王力宏」陳思銘（Samuel）。
雖然詩詠之後回應話佢哋只係朋友，但二人被指於大年初一結伴行山，並上載同一背景照「泄蜜」。(相關新聞：https://goo.gl/nhHp41)
而自稱「IFC 張智霖」的神秘博客葉朗程，早前在網上撰寫一篇相約「金牛座女子」到高級酒店「爆房」的故事，唐詩詠成為嫌疑女主角，不少網民估計葉朗程便是詩詠的緋聞男友陳思銘(Samuel)化身。
昨日葉朗程再次在其facebook出post，更是直接轉貼唐詩詠的FB截圖，內容是一張白蠟燭的照片，明顯是對前晚「反送中」的墮樓男子之悼念。
相關新聞：【多位藝人悼墮樓死者 壽星容祖兒：失眠夜】https://bit.ly/2Ztoi8U
【鍾嘉欣PO囡囡小手 連大台藝人都忍唔住⋯】https://bit.ly/2KTTvhl
唐詩詠身為大台藝人卻勇於表態，葉朗程留言﹕「教我如何不愛她。」
這個舉動，令人覺得他是愛意的表達，有網民留言：「認喇？」、「亂世，佳人」、「快D求婚啦，蘇州過後無艇搭喇！」、「心動不如行動」等，他則回答：「今日不談兒女私情，只求一仗功成。」
其實詩詠向來都好敢於表達，雖然被大台「禁聲」，但她仍在社交網以隱喻形式支持市民遊行示威。
今日她亦貼蠟燭相悼念，難怪有網民戲言：「叫佢離開無線更好」。
(綜合報道/apple daily)
梁競徽（前名梁烈唯）上星期「被洗底」，網上有眾多網民將唯唯過往的劇照、生活照配上反送中標語，令他由愛國份子，變成「將軍澳清泉」。
而大陸網民全盤接收，紛紛到唯唯微博鬧他：「你這個臭小子，敢利用我們中國人的愛國之心，你以後別再上來我們國家拍劇。」令唯唯勞氣解釋：「又一個造假，看來你們真的好空閒。」
引渡惡法事件發展至昨晚，有一反修例男子在金鐘太古廣場墮樓身亡，眾星終於打破沉默在IG致哀，這次事件唯唯亦有在IG上載一張白花照表態，並附上一個合十emoji。
白花相一個鐘內得到接近1700人按like。唯唯表態感動到好多人，網民就封唯唯做「愛國愛港真男神」，又呼籲唯唯今日「不撤不散一起遊行」。
(apple daily)
藝人歐陽震華（Bobby）、劉丹、單立文、呂慧儀、湯盈盈、許家傑、林淑敏及張景淳等到九龍灣出席《愛·回家之開心速遞》宣傳活動，Bobby與劇中愛慕他的「群姐」許詩敏合照時引起哄動，兩人手牽手作狀啜咀，相當搞笑！
Bobby客串的兩集將於本月24及25日播出，問是否玩夠？他笑說：「佢哋兩年都冇試過拍天光，我第一日就搞到佢哋係，第二日就冒住黃雨去飛鵝山發射站，同群姐、李楓一齊行山，加埋千歲宴，斜坡成45度啲，泥又滑潺潺，好驚佢哋整親。（再拍？）睇公司安排。」
問今次跟群姐有否親熱戲？Bobby笑言唔少得：「係情侶嗰隻，都佩服編劇組設計我哋呢Pair，睇出嚟唔核突，我哋成日情深款款對望嗒晒糖咁，當然唔係現實，係穿越時空，有兩個古代、一個民初、一個現代，古代係祝枝山同花魁，仲有梁山泊與祝英台，民初就係《色，戒》 梁朝偉、湯唯嘅角色，佢好似叫湯碗。（有冇好似電影度露咁多？）哈哈！《色，戒》幾多咪露幾多囉！到時大家睇吓有冇驚喜，聽聞要打馬賽克！（係咪從影最大膽一次？）我哋好純真㗎！」
活動尾聲，大會送上的宣傳牌寫錯歐陽「震」華做「振」，Bobby打圓場說：「同音就得啦！」其後大合照時以手按着錯字。
藝人洪欣早前同丈夫張丹峰發生「出軌風波」，仲有指仔仔張鎬濂企喺媽咪嗰邊，所以刪除微博上所有同張丹峰嘅合照。
不過事後佢已經作出否認，而事後亦有指張丹峰耍冧成功，兩公婆和好如初。
今日父親節，張鎬濂就趁機上載一家四口合照，仲留言話：「我和父親的獨家記憶，每一次重要的舞台，都有家人在身邊。」
相中張丹峰抱實囡囡，企中間嘅張鎬濂左右手搭住企兩邊嘅父母，四人都笑笑口，足見一家人情未變！
(on.cc)
昨日特首林鄭月娥宣佈暫緩《逃犯條例》修訂，但拒撤回，並將6月12日的示威定性為「暴動」，不少人都擔心學生及傷者。晚上一名穿黃色雨衣的男子帶同寫上「全面撤回送中，我們不是暴動，釋放學生傷者，林鄭下台，no extradition to China」的白色橫額，最終，林鄭仍未下台，該名男子已不幸墮樓身亡。
大家都感到傷痛，連「被滅聲」的大台藝人吳若希、胡鴻鈞、何雁詩、唐詩詠、林子善、陳瀅等也紛紛將頭像轉黑白，或貼燭光及白色鮮花相作悼念。
相關新聞：【多位藝人悼墮樓死者 壽星容祖兒：失眠夜】https://bit.ly/2Ztoi8U
向來敢言的馮盈盈在IG留言：「It’s 4am.I cannot sleep.So sad.Anyone same with me？#無心睡眠#遇上問題#積極找同伴傾訴開解#有人跟我一樣今晚都睡不着嗎？#YouAreNotAlone#黑夜終會過去#黎明即將來臨#堅持到天亮#Real#Insomnia#Patient」。
而前無綫藝員鍾嘉欣(Linda)雖然已定居加拿大，但亦關心香港事，借囡囡的小手來祈禱，寫着：「Our prayers are with you.」
她續說﹕「I pray you’ll be our eyes.And watch us where we go.And help us to be wise.In times when we don’t know.Let this be our prayer.As we go our way.Lead us to a place.Guide us with your Grace.To a place where we’ll be safe.Let this be our prayer.Let this be our prayer.」
而前無綫主播陳嘉倩亦表示心情好沉重：「今夜，很沉重。你的心意都聽到了，這個我生我長的地方定會更好的。願安息，RIP#沒有沉默的理由#一個也再不能少。」
(apple daily)
又到父親節，重視家庭節日的何雁詩因要到新加坡打高爾夫球比賽，所以已提前跟爸爸慶祝，她坦言以前都會買禮物，但近年就請爸爸食飯多，問何爸爸最難忘父親節？她在旁笑說：「大鑊喇！考起佢！」何父笑言最緊要一家人齊齊整整：「佢有時畫張卡，有時話爭住先，爭爭吓就唔記得咗。」
一家三口Golf情
何爸爸在阿詩六歲時開始培養她打Golf，這項運動已變成「何家的活動」，更是一門三傑，問到球技最叻是誰？阿詩指住爸爸笑說：「一定唔係佢。」兩父女即場爆料：「媽媽最叻，佢最近贏咗個比賽。」但何媽媽怕醜拒上鏡，八年前阿詩曾代表香港打亞運，去年強勢復出的她在香港女子業餘錦標賽封后，她說：「爹哋一直想我喺高爾夫球方面有啲成績，唔想我打咗咁多年嘥咗佢。」何爸爸說：「我個女何雁詩都唔差㗎，佢用功咁多年，好難打得咁高水準，依家再努力啲，希望佢可以有機會打奧運㗎」
重拾球桿望女兒明
她坦言當然想打奧運，但距離這個目標仲有好遠的路，她說：「首先要打番個信心返嚟先，呢排好多亞洲區比賽打，希望一個比一個打得好，打Golf冇年齡限制，睇我爸爸今年70歲仲打到，老虎活士同廿幾歲嘅鬥，今年仲贏咗大滿貫。」她自揭去年重拾球桿，因為當時她自覺思想好負面，身邊好似好黑暗，就回憶生命中覺得最正面的一刻，她就諗到高爾夫球，最令到她好激勵：「同娛樂圈唔同，打Golf高爾夫球只要你努力、調整好心態同身體狀況，你成績好就會贏，但娛樂圈唔係你唱得好演得好就得，會有其他因素影響，當時我想寧靜番個心態，就去打番golf。」
早年她患過情緒病，何爸爸坦言非常擔心：「做父母梗擔心，我哋得一粒女，惟有放低晒所有嘢睇住個女先，有時我哋都畀到壓力佢，父母梗係望子成龍，希望佢樣樣表現得出色啲，叫佢唱歌唱好啲，搵老師去學吓啦，又會話你孭住香港旗代表出去打波，咁講又會有壓力。」阿詩承認父親對她要求很高，但自細已慣了這模式生活，她反而覺得壓力來自對自己期望都好高，她說：「好記得爹哋講，你一係唔好打，一打就要打到最好，所以我希望樣樣都做到最好。」
男兒有淚不輕彈
阿詩最深刻是有次心情低落，她中學同學到家中陪伴她，爸爸突然走入房喊住說：「老竇得你一粒女，我真係好擔心你。」當時她就跟住喊，她說：「點解我咁大感覺，因為爹哋好少喊，佢好少喺人哋面前表露佢嘅情緒，嗰刻我就提自己要開始好起嚟。」
未來女婿好乖仔
她與鄭俊弘（Fred）拍拖兩年，曾經有傳何父不喜歡Fred，何爸爸親口否認，他表示過去對女兒交友沒有任何意見，他笑說：「因為我都唔知佢嚟真定嚟假，我點可以處理、加以評論呢，到佢哋話真係拍拖，我就擘大對眼睇吓，呢個男仔都幾好，又唔多聲氣，好尊重老人家，我覺得佢幾孝順，我覺得呢個男仔相當好嘅。」阿詩笑言早就放心了，因為父親與男友認識後，她覺得爹哋鍾意Fred多過自己：「佢哋好多嘢傾，傾得好投契，兩個口水佬。」問何父有跟Fred打高爾夫球？他笑說：「好多人練得唔好就忟，嗰啲人脾氣可能麻麻地，但我未見過佢練得唔好會忟。」他表示不會催女兒結婚：「我都好遲結婚。」阿詩笑言將來有小朋友，她最想由爹哋教個孫打波。
(on.cc)
繼6月9日103萬人上街反送中及連日在金鐘的示威後，行政長官林鄭月娥昨午終於會見傳媒，宣佈暫緩修例，然而，卻未見能平息民憤，昨日，一位反對修例的男子在金鐘太古廣場的臨時平台掛上標語橫額，要求全面撤回送中及林鄭下台。
最終，林鄭仍未下台，該名男子卻已墮樓身亡。
政治問題對藝人來說一向都是不便回應的問題，需知道某國人的玻璃心一觸即碎，連在社交網站like一張相片，都需要被清算。不過在良心面前，要說的總要說出來。
今日38歲生日的Joey在IG寫上「失眠夜」三個字，除此之外，昨晚起陸續有多位藝人於社交平台貼出純黑畫面或以其他圖片，暗示或明示地為墮樓死者致哀，當中包括有鄭秀文、楊千嬅、阿Sa、鄧麗欣、關智斌、張繼聰、陳家樂、鍾嘉欣、顏卓靈、馮盈盈、陳瀅、李靜儀Heidi@SuperGirls、蝦頭楊詩敏、903DJ麥濠麟Colin、填詞人黃偉文、沙律張沛樂等。
相關新聞：【鍾嘉欣PO囡囡小手 連大台藝人都忍唔住⋯】https://bit.ly/2KTTvhl
而鄧麗欣就寫上「就算只剩一點燭光 黑暗裡都能看見光明 願⋯」
另外，亦有藝人公開呼籲大家今日要上街，為自己表達訴求，小儀於IG貼出一堆《反斗奇兵》的玩偶並寫上「佢哋都話要出嚟」。
至於ViuTV女神李蔓瑩亦寫道：「請記住，去，都不是玩的。最重要是保護自己。」
而卓韻芝則貼上一幅「全面撤回送中，釋放學生傷者，林鄭下台，help Hong Kong」的相片。
(綜合報道/apple daily)
因港府強推「逃犯條例」而引發民怨，近日在香港上演第二次雨傘革命，警方出動催淚彈、橡膠子彈、布袋彈等具殺傷力武器驅趕示威者，造成多人受傷，其後特首林鄭月娥將示威定性為暴亂。
前港男梁裕恆(Flow)在IG貼了三張WhatsApp截圖，當中見到一名電話簡稱叫「M.Y」的人，看到一段有示威者挖磚頭影片後說：「佢老味成班癲X咗」，有人擔心又一次64，不久便有人陸續離開群組，M.Y再留言：「嘩，走兩件。」並附以4個笑到喊表情圖案。
Flow稱M.Y是大明星，明白藝人為保飯碗不表態很易理解，但斥示威者「癲X咗」好過份，他寫道：「想不到他們的憤怒會換成大明星的嘲笑。」
早前撐黃心穎是「受害人」，被指有心抽水。
網民即估M.Y是誰？有人心水清估是楊明（Ming Yeung），而Flow刪剩的電話號碼頭4個數字亦與楊明電話號碼一模一樣。記者今日致電Flow，他承認M.Y是楊明，而他所上載的對話截圖並不連貫，記者嘗試向Flow了解，他承認大前日（13日）先有人轉載示威者挖磚頭報道，直至翌日（14日）才有5位TVB員工相繼離開群組。
Flow透露群組是拍無綫劇《機場特警》時開設，除楊明外，還有蔡思貝、張振朗、湯洛雯等人，加埋幕後有數十人。
Flow說：「佢冇指明痴（黐）X咗係邊個，但上段片係關於示威者掟磚，直覺都係話緊佢哋。知道有啲人唔敢走（退group)，走咪表咗態囉。」
楊明被問到是否真有其事？他短訊回覆：「沒有回應。」
(綜合報道/apple daily)
時捷集團有限公司主席、仁濟醫院前主席嚴玉麟的女兒嚴紀雯（Carmen）昨天於灣仔設婚宴，身為伴娘的文詠珊（JM）全程伴在好友Carmen身邊，笑容燦爛，很替老友開心。
JM今年4月宣佈將於10月與富三代筍盤吳啟楠（Carl）在意大利舉行豪華婚禮。
被問到婚禮進展，她表示：「冇Update呀，我心都跌出嚟喇，驚到都想喊！因為意大利嗰邊好慢，連我嘅婚紗都未draft出嚟，真係好驚！因為自己都係一個好detail嘅人嚟，所以都好無奈，相信件事出到嚟係靚，但可能冇自己想像中咁完美。」
問到到場是否順道取經？JM說：「其實呢個都係我嘅心血，因為個婚禮對Carmen係好重要嘅，咁我作為佢嘅好朋友，都有畀意見，一齊去開會，呢個係我哋嘅心血。」問到有何祝福？JM說：「想佢快啲生多幾個小寶貝，畀我做契媽；希望佢老公日日幫佢搲痕，因為Carmen好鍾意搲痕嘅。我覺得佢好幸福，其實我都好鍾意搲痕，但係一講出口呢，佢（未婚夫）就一早瞓咗喇，可能佢太攰。（叫佢臨瞓前幫你搲囉？）唔work㗎。」
提到JM與未婚夫像老夫老妻一樣，JM說：「係呀，我哋一齊都5年，佢都有第二樣嘢好好嘅，希望嚟緊10月個婚禮都順利啦，姊妹團都係啲圈內嘅朋友，都有Carmen份。」
(apple daily)
