藝人陳豪日前帶同媽媽到壁屋懲教所，出席父親節活動「等一家人的咖啡」，探望年輕在囚人士分享沖調咖啡的技巧。
提到父親節，陳豪稱要留待老婆陳茵媺安排，但女兒的一句說話已溶化他！
「前幾晚返屋企錫吓個女，個女醒咗話Daddy我整緊張卡畀你呀，聽到都好開心。一路都教仔女要做啲嘢表達心意，無論整得靚唔靚都一樣咁開心，最緊要係心意。」
陳豪表示第一次到監獄探訪，故專程帶同熱心善事的媽媽同行，對於學員所沖的咖啡讚不絶口，認為沖得很用心：「佢哋只係學咗兩個月，成績好好，最緊要係對咖啡有心同有興趣。」
(on.cc)
現年25歲的藝人吳千語與林峯分手後被指與身家逾百億的施伯雄拍拖，但早前她突然表示單身。。。
暗示與男方甩拖的她，前晚與數名男女友人於九龍城開餐，當中有松岡李那舊愛Philip，戴上鴨舌帽的千語心情大靚，席上與友人邊食邊傾，及至約十一時埋單離開。
Philip與千語前後腳步出，見他們不時保持距離沒甚交流，不過當與友人道別後，千語即極速上了身旁一部過百萬港元的名車，Philip見狀亦急急腳上了司機位，雙雙直駛往何文田的豪宅，逗留至深夜仍未見他們離開。
而Philip所駕駛的名車，根據車輛登記資料顯示，持有人是施伯雄家族的公司擁有，三角關係可謂撲朔迷離，此外亦有指千語與施伯雄只是假分手，並計劃明年尾結婚。
(on.cc)
賭王何鴻燊四房女兒何超盈雖然腹大便便，但仍不怕辛苦出席好友嚴紀雯（Carmen）的婚宴，並擔任姐妹團之一，親身見證對方的人生大事。
獨自接受訪問的超盈，指未婚夫辛奇隆也有到場。
更笑言：「今日Carmen大晒，佢叫我做咩就做咩！Carmen係我好朋友，所以辛苦啲都要嚟見證。佢都好sweet，特登訂造條裙畀我，預我都好大條，因為我個肚好巨型。（佢要摸你肚沾你嘅旺氣？）呢個婚禮我點都要嚟睇。」
穿上紗裙現身的超盈，談起佗女經時說為人母親真的不易，期間兩度被問到增磅多少，她未有透露數字，只說醫生指是正常。她說：「第一次佗BB，真係唔知道原來係咁辛苦，依家長期都覺得好攰，已經冇返工。（你增磅幾多？）醫生話我係正常，BB女係比其他BB女嘅size大咗兩個星期。媽咪都好緊張，我都有做body check同量血壓。未做媽咪前，我係唔識呢啲嘢，依家識咗好多。」
她透露預產期本來是九月，但現在有變，她說：「預產期喺八月底，會喺香港開刀生，已請晒陪月同埋買晒嘢準備，由媽咪一手包辦。」兩位好友即Carmen及Moiselle太子爺陳栢熹分別是「大契媽」及「大契爺」。
早前過大禮時排場奢華兼金銀珠寶堆如山，成為全城熱話，而當日以「皇后look」上陣的她說：「當日我着嘅係特登訂造嘅中國傳統服飾，係我煲劇時見到嗰件衫，個wedding planner都同我講一生人一次，所以都叫我試吓咁着。」
對於父親何鴻燊送上價值五億元的豪宅別墅作嫁妝，她說：「依家咩都畀晒BB，嗰間屋係新屋。（BB房裝修未？）未可以裝修住，依家大緊肚，媽咪喺呢方面好迷信，話生完先搞。」她續說BB女的名字暫未有頭緒外，她表示婚禮將會在葡萄牙舉行，「香港就應該唔會啦，之前做咗過大禮儀式，有宴請家人。」故未必在港搞婚宴。
(綜合報道/on.cc)
歌手側田昨晚假紅館舉行《側田My Beautiful Curse演唱會2019》尾場。
唱到《幸福止痛》前，側田被問到「最後一刻想打給誰？」繼而他手執電話說：「阿女，Daddy對你唔住，冇陪你長大、保護你，但我係一世最愛係你。」
側田獻唱《我不是好人》中段時，他不禁哭起來，要用衫袖抹淚。當唱出《情永落》前，他自爆要多謝第一個飛起他的女友，不然的話他都不會開始作曲：「當時受咗重傷，失去咗瞓身愛人嘅軟件，但容易受傷係福氣，唔使太擔心。」最後側田Encore兩次演唱會正式結束。
完成一連兩場紅館騷的側田騷後受訪，他表示好滿足：「籌備咗成年、幻想咗好耐，終於成事！要多謝好多人、好多個腦免費幫手，大家好齊心，要珍惜呢個合作，以後做事都要保持呢種態度。（點樣報答團隊？）在心中就得，我哋唔講錢，個Project出到嚟好就足夠，等我老咗睇番原來我做過呢啲。」
講到演唱會期間致電給「阿女」，問到幾時生咗「阿女」以及「她」是否有到現場？側田聞言先飲啖香檳定驚，然後說：「佢有嚟睇，好少帶佢出街，低調啲好，都係唔好講呢啲，我準備好就會公開講。」簡直語出驚人！
話畢他又改口風話：「其實嗰Part係一個比喻，劇情嚟，我好認真咁諗呢段深情嘢，但講咗出嚟啲觀眾笑，我一『喂』，佢哋又『喂』，都有畀佢哋塞咗少少，咁我都唔係專業演員，從來都未演過，所以都係一個突破。」
隨即他宣傳會舉行3場巡演，目的地為中山、廣州及悉尼，又希望演唱會去到更多地方，問到是否會帶同棺材走Tour？側田表示未必每個國家都接受，或會作出更改：「帶鞦韆去，開心啲。其實一開始因為要瞓棺材，都有收利是，不過自己覺得只係一個藝術嘅表達，所以冇諗唔好意頭嘅嘢。」
無綫花旦朱晨麗（朱朱）近日忙於拍攝無綫新劇《大醬園》，據悉由於劇情牽涉製作豉油工序，故外景頗多，朱朱為求演出神似，經常唔錫身落手落腳去洗缸，由於天氣愈來愈熱加上休息不足，日前她於外景場地突然休克暈倒，要麻煩工作人員幫她即場撥扇及搽精油降溫，最後更驚動監製到場地慰問！
對於暈倒，朱朱接受訪問說：「以前我好似隻牛咁捱得，但今年天氣特別熱，加上近呢3年自己除咗拍劇，真係冇乜點放過假，近期都發現身體的確弱咗好多，而當日又冇乜瞓過，結果搞到曬一曬就即場暈咗。」在中暑暈倒之前，她已感覺到有點不舒服，之後就不知不覺暈低。
對於監製梁材遠聞訊後特意前來慰問，朱朱說：「估唔到搞到咁大陣仗，其實呢套劇大家合作得好開心，有時趕戲好辛苦，一眾女演員好似我同楊卓娜咁，會排隊按摩，幫彼此減壓，之前又寓工作於娛樂齊齊包糉應節，真係好有愛。」
(on.cc)
除了遺傳自父母，後天的環境因素及飲食亦有機會令小孩引發濕疹，美國兒料專科營養師詹佩鳳（Katrina）指出注意飲食是對付濕疹最有效的方法，她列出會引發濕疹的9大類食物，又提醒家長要小心查看食物成分表。
Katrina育有一對孖女，雖然她與先生二人都沒有濕疹，但孖女現時有輕微濕疹情況：「我和先生都有鼻敏感，所以囡囡的體質亦較易有敏感情況，一次她們玩過泥膠後，雙手便引發濕疹，雙手紅通通，非常痕癢。」自此每當兩位囡囡進食奶類或海鮮類後，亦會令濕疹情況惡化。「她們吃蝦後情況會特別嚴重，一旦發作便要完全戒口一個月。」
曾擔任兒童節目主持多年的藝人袁潔儀為電影《小英雄大銀幕》拍攝片花，與小朋友結片緣，她表示：「我喺戲中飾演老師，今日好開心，可以同劉錫賢同場，好似喺亞視嘅年代咁，當年我一開始主持兒童節目就係同佢拍檔。」
經過多年跟小朋友相處的經驗，令袁潔儀學懂如何應付小朋友：「6歲以下嘅小朋友好聽老師話，你只要扮到好似老師嘅口脗就得，對6至10歲嘅小朋友就要惡少少，要有老師嘅形象，但對10歲以上嘅小朋友就要似朋友，佢哋先會聽你講。（今日同小朋友做對手戲冇難度？）依家嘅小朋友好醒，比起當年更叻，尤其對演藝有興趣嘅小朋友，十足小演員咁。以前個年代都係媽咪帶小朋友參加節目，今日反而好多小朋友係由爸爸帶嚟，年代唔同都有轉變。」
問到潔儀會否有生育計劃？曾三度流產的她坦言怕怕：「冇，都試過，唔敢，好驚，係天意，所以唔可以強求。（會考慮領養？）我冇所謂，但我老公就想係自己生，所以要再溝通。」
(on.cc)
名模樂基兒（Gaile）四月誕下兒子Hunter，上月跟兒子共度首個母親節，本周日（16日）就輪到老公慶祝父親節！
廚藝出眾的Gaile決定親自下廚，為老公炮製大餐，代仔仔送上父親節禮物。
「我身體差不多復原，會買餸喺屋企煮飯食。自從Hunter出世，覺得每一刻都感恩同覺得好珍貴，佢個樣有時似我，有時似老公，每日都變樣。」早前穿起親子裝拍照，兩母子真的愈來愈似樣！
Gaile直言愛上做媽咪：「我好鍾意，每日都同BB講嘢，會將工作放喺第二位，老公好支持我。（會追第二個？）冇呢個計劃，希望照顧好Hunter先。」
祝Gaile仔仔快高長大啊！
(綜合報道 / on.cc)
藝人黃浩然忙於重拍《法證先鋒IV》，他日前與湯洛雯開工，因天氣時晴時雨，連不惹蚊的他都要「餵蚊」。但不要緊，他在外工作幾辛苦，回到家有一位入得廚房，出得廳堂的太太KaKa（莫家嘉）。
黃浩然的太太KaKa，本身是形象指導，平日都喜歡入廚樂，昨晚她在社交網分享相片，她穿起白色廚師服，原來她早前修讀泰國菜，昨日去領證書，老公黃浩然當然在場見證這一刻，他亦在社交網分享喜悅，「恭喜黃太考獲『泰國菜的一級證書』，感恩能見證她每個重要時刻。」
黃太KaKa貼相之外，還寫了一段長文的感言，她寫道︰「願天天也是天晴，讓繼續照耀着我們！給我們溫暖平安！很想和你們分享我今天的喜悅，幸運的我，今天我拿了人生中的另一個證明『泰國菜的一級證書』，順利明年可以考二級證書，泰國菜總共只有兩級！不敢相信今天竟然可以從泰國領事手上，得到這個認可證書。」
「今年的考生同學，除咗我之外，全部都係職業泰國廚師或其他廚師呢！很感恩我竟然也有這機會！我承諾她們明年一定要考二級廚師證書，謝謝各人的支持！特別多謝黃仔@wonghoyinraymond，在這個重要的時刻陪伴着我，領取這個對我人生中，十分有意義的認可證。特別鳴謝 @sinhoying 師傅，和泰國皇室御用大廚成哥，多謝你們對我的信任！我才有今天的成績！我會繼續為我的新目標去進發，努力加油下去！今天終於可以名正言順稱自己為Chef KakA啦！」
(facebook)
「跳水皇后」郭晶晶育有一個仔兩個女，第三個女已經一歲喇！郭晶晶出席慈善保齡球大賽，老爺霍震霆亦同場。晶晶今年初誕下第三胎後首度出席公開活動，見她很fit，看似已收身成功。
她笑言：「仲未瘦夠，差幾磅。（特別keep fit？）唔係，餵母乳就自然瘦。」她又謂今胎佗得不辛苦：「都好易湊，因為係第3個，都有經驗。（今胎係計劃之內？）係。」她又笑言已生夠：「應該夠，3個都幾好，屋企好多聲音，好熱鬧。」
她又謂大仔很疼錫兩個妹妹：「佢都想幫手湊，但係唔點知湊，所以叫佢小心啲。（湊3個仔女辛苦？）唔會，哥哥已經大個，可以自己照顧自己。（啟剛錫晒兩個女？）唔會，佢全部都錫。（老爺係咪好開心？）好開心，有時間就會過嚟同佢哋玩。」
講到明天就是父親節，她透露會跟老爺及老公一起食飯慶祝，問到小朋友可有準備禮物？她表示：「佢哋自己準備，畫畫同寫卡。」她又透露囡囡改名做Laurina。
