內地女星劉詩詩今年四月為老公吳奇隆一索得男生豬B，之前有傳佢患上產後抑鬱，兼有婆媳糾紛。。。
有關工作人員即時作出澄清話冇咁嘅事！
今日詩詩更新微博，並罕有上載兒子照片，不過當然例牌用公仔遮樣。
更為內地高考嘅一班考生講加油，她說：「高考衝鴨（高考衝呀），必勝！」
(on.cc)
【網民笑指嘟姐「靚抽」】鄭裕玲都忍唔住暗寸陸永
唔知大家仲記唔記得，之前藝人陸永因為想氹老婆Reina開心，買埋相機兼報讀攝影課程，希望可以幫佢三母女影靚相。
有少少攝影底子嘅佢，近期佢孖住鄭裕玲出差拍嘢，呢個時候鄭裕玲梗係唔放棄任何機會，喺社交網透露請教吓對方，仲叫佢做「陸大師」。
她留言：「#do姐晚間看地球會去幾個國家拍攝，我想影多啲靚相同大家分享，但因本人攝影技術有限，好彩同行有學過攝影的陸永，我請求陸大師指點，陸大師也悉心教導，循循善誘。」
去到拍攝地方，「陸大師」即親自示範，叫鄭裕玲做模特兒畀佢影，點知……鄭裕玲個樣out晒Focus，令到鄭裕玲都忍唔住暗寸佢：「最後那張照片便是陸大師的作品。原來我呢世人都唔識影相！Focus是要放在後面的，這樣相中人才有朦朧美！此種攝影方式相當難掌握，本人正在努力學習中！在此多謝陸大師賜教！」
唔少網友都笑指鄭裕玲「靚抽」，又話叫陸永睇嚟要惡補吓攝影技術！
(on.cc)
【覺得好值得】孫耀威爆一早已經同陳美詩分房瞓
歌手孫耀威（Eric）與老婆陳美詩是圈中的模範夫婦，結婚快兩年，經常出雙入對，人前恩愛，但原來人後。。。
他與陳美詩對生B計劃隨緣，卻意外地爆出兩人早已分房睡。
他解釋：「因為我領養咗四隻貓，仲有隻狗，狗同貓唔可以成日喺埋一齊，所以將貓養喺一間房，狗喺另一間房，為咗要令佢哋有公平對待，我會同老婆分房瞓，我去啲貓度瞓一晚，佢就同隻狗瞓，第二日就調轉，你唔陪佢哋，佢哋好慘㗎！」坦言寧願與貓狗同睡。
Eric覺得自己是寵物生活的全部，為了寵物獲得他的愛，他認為與老婆分房睡好值得，生仔的機率豈不大大降低？他笑說：「我覺得生仔唔需要太計算，唔需要太多計劃，佢係會自然有機地出現，會有Organic仔。」
他分享自己一定要裸睡的習慣，坦承家中會「吊吊揈」，不得了！原來鏡頭前的他斯斯文文，鏡頭後另一個樣，十分Open，尤其到外地，他會隨街唱歌，高談闊論，不修邊幅的孫耀威，你又見過沒有？
(on.cc)
【突發聲明】陳貝兒：保留法律追究權利
藝人陳貝兒早前忙拍無綫節目《嫁到這世界邊端》，點知佢昨日突然喺社交網發聲明。。。
佢指近日有唔同嘅網上平台，指佢為拓展個人美容事業而退出幕前工作，佢即發聲明指係虛假消息，又指該品牌唔係佢代言嘅產品，表示會保留法律追究權利。
佢留言話：「嚴正聲明 ！！！近日於不同網上平台有消息報道有關於本人為了拓展個人美容事業而退出幕前演出工作，此報導實為虛假。同時，有不法之徒利用報道去詐騙本人的粉絲及支持者進入一個網購站購物，本人深表憤怒。現在嚴正聲明，本人對虛假消息報道保留法律追究權利。」
(on.cc)
【興奮到轉晒圈】原來容祖兒「雙喜臨門」！
樂壇天后容祖兒（Joey）細佬尋日小登科（相關新聞：http://bit.ly/2WkHmUx），Joey榮升大姑奶！
不過尋日除咗係細佬Big Day外，原來都係祖兒農曆生日，認真雙喜臨門！
佢只係簡簡單單咁許咗個願身體健康。
Joey忙咗成日但似乎都意猶未盡，將場內片段放上社交網同大家分享佢嘅喜悅，見Joey喺場內興奮轉圈，唔知以為佢結婚添。
佢又多謝關智斌（Kenny）放工趕到幫手迷倒場內少女，更拍低一對新人讀誓言時的甜蜜場面。
另外，主持人Naomi（馮鎵瀠）亦是賓客之一，佢滿場飛與新人及祖兒合照，一睇就知佢興奮喇！
(on.cc)
【講到謝婷婷BB爸爸就話…】鄭欣宜：佢係一個肥美嘅BB
歌手鄭欣宜在九龍塘出席活動，講到由細玩到大的好友謝婷婷有傳在溫哥華與富二代秘密產女。
欣宜最初亦避談早在去年八月與婷婷見面時已得知她有喜，但後來亦抵不住追問，並透露上月到過溫哥華探望過BB，問到BB可似謝婷婷？
她說：「佢係一個肥美嘅BB，同BB玩過，佢好結實、好開心，係個結實嘅BB，我仲幫佢改咗個名叫做Jelly Bean。」
欣宜又大讚婷婷是個稱職的媽媽，落手落腳親自照顧BB，照顧起BB更相當熟手。
鄭欣宜同謝婷婷向來都係矚目嘅星二代，因為肥姐沈殿霞與狄波拉同謝賢相熟，所以欣宜同婷婷都係由細friend到大。
不過，提到有傳BB爸爸是溫哥華富二代，她則避談說：「自己入行咁耐都聽過好多傳聞，最緊要母女平安。」
問到會否做B女契媽？欣宜笑說：「唔會輪到我，但係都會好錫佢。」
相關新聞：
【有人目睹佢同BB…】謝婷婷B女生父身份揭盅 https://bit.ly/2wGZOfH
【秘密誕女】汪明荃榮升契婆 爆謝婷婷原來一直都… https://bit.ly/2Wmg4lU
【謝婷婷秘密誕女】狄波拉：小孫女肥肥白白 https://bit.ly/2WaW14H
【被問到B女爸爸…】契媽汪明荃替謝婷婷非常開心 https://bit.ly/2Wzciox
【與謝婷婷曾談婚論嫁 惜未能開花結果】安志杰有回應 https://bit.ly/2EMCrWI
【謝婷婷秘密產女】謝賢被問到B女生父… https://bit.ly/2XjZob9
【大肚照曝光】原來謝婷婷早有暗示兼用長褸遮肚 https://bit.ly/2wubClE
【謝婷婷秘密產女】謝賢第一下反應：乜嘢話？ https://bit.ly/2EQUB9U
【囡囡一百日大】謝婷婷消失一年 突然報喜 https://bit.ly/2MlWPnN
(on.cc)
【被爆秘密發展姊弟戀】捕獲十指緊扣遊銅鑼灣！
被爆秘密發展姊弟戀，二人背景相若。據知，二人去年開始發展，起初都低調拍拖，直至去年底，女方帶男友出席出席友人的婚禮，之後又擺男友攬腰相上網放閃，更大讚男友是「The best arm candy」，二人今年4月還一齊去法國出席友人婚禮，可見二人感情穩定。。。
已故全國政協副主席霍英東孫女、現年26歲的霍詠盈（Caroline），上月被爆與細她兩年、前港姐吳婉芳與胡家驊所生的大仔胡智略（Caspar）秘密發展姊弟戀。二人背景相若，同樣是富三代、擁有高學歷背景，男方是倫敦大學經濟系一級榮譽畢業，之後再修讀碩士，而女方於皇家藝術學院建築系碩士畢業，加上外形相襯，朋友圈中都大讚他們郎才女貌。
於17年，胡家驊過身時，吳婉芳帶同大仔胡智略（左一）、二仔胡智同（右一）及細女出席喪禮。
霍詠盈（左一）是霍英東孫女，與姐姐霍詠詩及哥哥霍智謙感情很好。
去年12月，霍詠盈在IG放男友攬腰相，大方放閃。
二人今年4月，去法國出席友人的婚禮。
《蘋果》連日來直擊Caspar在中環返工，之後就約會女友Caroline，24歲的Caspar在英國讀完書後，現已回流香港工作，記者見他大概每日下午2時從跑馬地寓所出來，由司機車到中環ifc返工。前日下午，他如常西裝骨骨打扮返工，工作2個多小時後，他就由辦公室去到商場「放風」，見他漫無目的在商場逛了一會，再走入一間便利店，兩手插袋專注望雜誌架上的刊物，看了一陣，甚麼都沒有購買，就返上樓繼續開工。
到6時許，Caspar就離開，登上另一架7人車座駕，去到中環郵政總局等人，在車廂等人期間，他公然在車廂內換衫，換了白tee、有帽外套及皮褸的型仔造型，更綁了髮髻，與返工時的上班西裝服造型風格截然不同。Caspar「變身」後，再等了女友約15分鐘，身穿黑色外套短褲的Caroline終於現身會合男友，二人去了銅鑼灣的Sogo，直踩入地庫的超市。
在超市內，二人已有明確的目標，Caspar推着購物車，而Caroline尾隨行到賣日本清酒的貨架，隱約聽到二人商量買幾多支酒，Caroline見男友在雪櫃拎了一支大清酒，就向男友表示一支應該不夠，二人隨即向店員詢問，之後就再買多一支酒，再到收銀處結賬。
二人甚有默契，Caroline將盛載清酒的膠袋給男友拎，再一起離開向利園方向步行，Caspar一手拎酒，另一隻手就與Caroline十指緊扣，行到去利園附近，二人就除下外套，Caroline相當貼心幫男友拎外套。
原來二人約了友人在附近的酒吧Happy hour。相對之前二人世界時手拖手，Caspar與Caroline會合了朋友就顯得有些拘謹，少了之前的情侶互動，Caroline就主力與男友人不斷傾偈。
連同Caspar與Caroline及3名友人，合共5人在酒吧逗留了一個多小時後再轉場，行到附近的白沙道一幢商業大廈的樓上餐廳醫肚，眾人食足3小時至晚上11點離開。
離開時，Caroline就幫男友拎外套，而Caspar就拎住電話，估計他叫司機來接送，二人上返7人車直接回Caspar的跑馬地寓所，直至凌晨12時都未見Caroline離開。
(apple daily)
【關智斌霍汶希楊受成等到賀】昨晚擺酒恭喜晒！
容祖兒昨天早上在IG story上載風和日麗相，寫住「BIG DAY」及婚戒的圖案。
祖兒再於IG上載多張照片，見她飲弟婦茶時非常冧，她更感動落淚！
其中一張更見她踩上「新床」，未知是否恨嫁想沾旺氣呢？
祖兒昨天榮升「大姑奶」，其胞弟容逸恆（Samuel）與拍拖多年的「翻版阿嬌」女友Samantha Lee！
她留言：「今天是我家大日子，我大頭細佬娶靚老婆啦！畢竟這一生也只有這一次的經驗，所以當下我真不知道應該用怎麼說話來形容這當下的心情。」見到弟弟的長大成人，她十分感動：「從小到大，我希望看到這位和我血脈相連小男孩，可以一天一天的成長，成為一位有責任，也有能力照顧自己，也能照顧別人的真漢子！」最後她更催細佬快啲生B！
相關新聞：【興奮到轉晒圈 原來容祖兒「雙喜臨門」！】http://bit.ly/2EUp1YT
昨晚舉行喜宴～因容祖兒的弟弟是圈外人，且出席婚宴大部份來賓都是圈外人及雙方親友，出席喜宴的圈中好友不多，包括有老闆楊受成、經理人霍汶希、好友關智斌及填詞人黃偉文等，雖然大喜事，但表現得相當低調。
在擺喜宴的酒店大禮堂，約四時許已開始布置，旋轉樓梯綁上汽球，有電蠟燭及粉紅及白色的玫瑰花，還有Samuel和Samantha相擁的結婚相，營造出浪漫溫馨的感覺。
祖兒身穿黑色貼身大露背長裙現身，提到之前已送了樓給細佬的她，問再有送咩畀細佬？她說：「酒席，同埋細個已經送咗隻錶畀佢，叫佢第時結婚戴，今日佢就戴咗。」
講到榮升大姑奶的心情，她說：「多咗一個特別嘅身份唔識點形容，今晚參加個Party，成個婚禮都係由細佬佢哋一手一腳策劃，佢話唔使我幫手，佢成熟處理得好妥當，我尋晚心情都冇話特別激動，不過就開心，呢個小朋友我由細睇到佢大，到佢今日成家立室，覺得好感動，佢終於大個仔，好大嘅高興，佢可以搵到一個人生嘅伴侶。」問到斟茶時可有感動到喊？她說：「有啊，大妗姐叫我講祝福說話，我就同細佬講要互相愛護、互相照顧，我都冇講啲乜但已經有啲眼淚，就係血濃於水嘅感覺。（唔捨得？）又唔會，係多咗個屋企人，佢會令家庭愈嚟愈強大，最好有咁大得咁大。」她又謂媽咪都很開心：「最開心佢哋搵到一個人互相照顧，媽咪又放心。」
她表示筵開20多席：「唔算好多，但由細嘅場地轉去大嘅場地，本身諗住簡單啲，但唔掂，所以去大啲。」她透露好姊妹Twins不在香港，關智斌剛收工趕來，公司同事都有來，因他們由細睇住細佬大，及一些親戚朋友。問可會上台唱歌？她說：「冇呀，我迫細佬表演佢唔肯，佢話好大壓力，我覺得我今日唔出聲好啲，靜心感受婚禮喜悅。」問到今晚可會不醉無歸？她說：「一滴不沾，因為啱啱好番，我唔使飲酒都可以好High㗎。」
經理人霍汶希出席容祖兒細佬的婚禮，講到祖兒榮升大姑奶，她說：「係呀，佢好開心，笑咗好耐，因為佢好錫細佬，佢哋自細同媽咪相依為命，佢哋感情特別好。（佢會唔會唔捨得細佬結婚？）佢好開心！依家多咗個新成員。」她又謂今晚是簡單和溫馨婚宴，故祖兒應該不會唱歌：「佢忙住招呼賓客。」
問送咩畀細佬？她笑言：「都係好老土咁帶咗一抽金豬送畀細佬，陣間幫佢戴上去，因為見新娘心口同成隻手都戴滿晒龍鳳鈪，細佬應該冇咩人送嘢畀佢，所以就送畀細佬。」問可有趁機向祖兒催婚？她表示：「唔使催，順其自然，最緊要佢遇到鍾意嘅人。（幫佢物色好男仔？）有呀，幫下眼咁，但唔戥佢心急，因為佢性格好得人鍾意。」
而老闆楊受成、唱片監製舒文亦有到賀。
另外，霍汶希在社交網上載和身穿大露背裝的祖兒合照，以及一對新人向老闆楊受成斟茶等的相片，留言：「恭喜祖祖榮升大姑奶，金鳯榮升奶奶，仲有恭喜細佬娶老婆。」
問到關智斌送了甚麼？他說：「其實好尷尬，有啲倉促，其實我喺香港拍緊劇，之前祖兒叫我嚟，但我未應承實，到今朝見到佢個post，就醒起原來係今晚，本身我係開緊工嘅，即刻問佢仲有冇留位畀我，所以收工過嚟，但就準備唔切禮物，但人情就會做到足，補數。（幾足？）講出嚟就冇意思啦。」
講到祖兒榮升大姑奶，他笑言：「戥佢高興，佢想做長輩好耐，如果佢細佬生埋，佢就做姑媽，希望佢可以快啲做埋姑媽，希望容家快啲開枝散葉。」問到可會介紹男仔畀祖兒識？他笑言：「佢介紹我先啦，大家都介紹吓，盡早脫單。」
(綜合報道)
【便秘？腸道鬧情緒？】請少食呢四種食物！
醫生指出，腸躁症是現代文明病，屬於大腸功能障礙，病徵為便秘、腹瀉交錯，造成的真正原因不明，不過，可以透過生活習慣及「少吃4類食物」緩解症狀。
腸躁症是大腸激躁症的簡稱，又稱過敏性腸道症候群，是一種良性的、慢性的腸道功能障礙的疾病，主要與工作壓力，以及精神疾病有密切的關係。
大腸激躁症 自律神經失調
其中，「自律神經失調」是造成「腸道蠕動異常」的重要因素之一。而長期累積的不正常飲食、作息、情緒、壓力，以及藥物使用、腸道菌種環境失去平衡等，更是與其脫不了關係。
一旦自律神經功能失調，腸道蠕動變得不正常（忽強忽弱），產生腸道的痙攣及大腸神經的敏感度增加，繼而會引起各種腸胃不適症狀，包括：噁心、嘔吐、胃酸過多、屁多、排便異常（便祕或腹瀉，包括次數）、腹脹、腹痛等諸多症狀。
緩解腸躁症 飲食調整搭配運動減壓
腸躁症不是構造性疾病，而是功能性失調，在國內盛行率約1成，成因可能與壓力、易緊張有關，男女比例差不多，但男性較多拉肚子、女性則多以便祕表現，通常都會建議患者可從飲食調整，且作息要正常。
除非症狀已嚴重影響生活，如每天排便4到5次以上，否則應先從飲食調整做起，且可搭配運動與減壓，若都無效，再考慮用藥治療。比如腹瀉型病人就開止瀉藥，便祕型的就用軟便劑或緩瀉劑，也可能用一些抗焦慮、鎮靜藥物幫助患者放鬆。
多吃燕麥 少吃4類食物
患有腸躁症的民眾，建議可多吃燕麥、海帶、蘋果、香蕉等含水溶性纖維的食物，有助緩解水便和便祕；同時為了減少腸道「鬧情緒」的頻率，建議患者得稍微忌口，「少吃4類食物」，包括：
1.少吃刺激腸胃的食物：過甜、過辣、過油的食物、濃茶及咖啡都不宜多吃。
咖啡No！
2.少吃易產氣的食物：如各種豆類、地瓜、芋頭、甘藍菜、包心菜、青椒、洋蔥、花椰菜、堅果、碳酸飲料。
3.少吃不易消化的食物：如糯米製品。
糯米飯No ！
4.腹瀉型患者少吃高纖、有潤腸效果的食物及寒涼瓜果：如筍、黑白木耳、秋葵、鳳梨、木瓜、火龍果、奇異果；反之便祕型患者可以多吃點這些食物。
（SINA ）
【身教重要性】陳茵媺身體力行教仔女：最初佢哋唔肯，要…
藝人陳茵媺在主題公園出席無飲管活動…
講到工作陳茵媺透露有電影洽談中，但因做了媽媽，拍劇就較難遷就時間。問到老公陳豪可支持？她說：「拍劇時間上就比較難就啲，老公支持我工作，因為佢知道我鍾意演戲嘅，我都同佢講話唔公平，你就可以做嘢。」
她表示由屋企做起，身體力行支持「走塑」：「老公陳豪（阿Mo）都話我好適合做呢個活動，話我係環保大使，平時盡量減少用塑膠，出街都會帶可以循環再用嘅膠盒，或者玻璃去裝嘢。」
又指她的環保意識由媽媽教導，亦希望傳承給自己的小朋友……
她說：「細細個教佢哋就會變成生活習慣，唔使大個咗先至改變。佢哋依家都唔用飲管，最初佢哋唔肯，要慢慢氹佢哋。」
「最初都唔肯，因為BB出世時候都習慣用飲管，但我會諗辦法o氹佢哋，其中一個方法可以走冰，飲料可以多啲，佢哋聽到就會接受，到現時為止佢哋都好乖，習慣咗。」
（綜合報道 / on.cc）