黃子華、古巨基、蔡一智及古太Lorraine等，早前到蘇施黃及金燕玲的屋企食飯兼為「一月之星」慶祝生日，壽星有古太同蔡一智，基仔於社交網貼出合照!
並留言：「多謝廚神阿So宴客！」相中見全枱放滿美食，齊齊摸酒杯底，談笑風生、玩得盡興。
連蔡一智忍不住於社交網上載捧蛋糕相留言話：「畀我班朋友笑到我標眼水，蛋糕太有創意喲！」
睇嚟呢個蛋糕係最驚喜嘅生日禮物呀！蔡一智勁感動~
藝人林文龍同老婆郭可盈結婚咁多年來一直都好恩愛，兩個仲育有一個可愛囡囡津津！
郭可盈不時都會喺社交網曬下家庭樂，一家三口甜到漏。
而林文龍現正忙於為無綫劇集《致所有愛過的人》拍攝。
同劇演員仲有黃翠如、陳自瑤、連詩雅、馬貫東等等。
黃嘉樂、謝芷倫都有份參演。
而郭可盈罕有喺社交網公開讚老公！
可盈上載老公做Gym的照片，只見文龍手瓜起𦟌，佢留言話：「他實事求是，他努力不懈，這兩個月來默默地每天至少2個小時的勁量級操練，真是少一點毅力也不成，要放棄實在太容易。」突然show肌睇到網民嘩嘩聲！
而文龍亦發文多謝太太，更指自己要抒發一下，佢留言：「要人尊重你首先要尊重自己，一直以來，我都很尊重自己的職業，所以我會不辭勞苦地去鍛煉自己，務求做到最好。」
（綜合報道/IG/on.cc）
他自爆今次動用了「親情牌」：「我同靚靚有個秘密，同佢係『親戚』嚟，好細個十幾歲就識，佢叫我做『表哥』，我叫佢『表妹』。。。」
麥兆輝憑電影《無間道》成名，之後的《竊聽》系列奠定他跟莊文強黃金拍檔的關係。今年被喻為麥、莊的組合各自發展，先有莊文強的《無雙》早贏票房，而麥兆輝執導的《廉政風雲．煙幕》安排在農曆新年出擊，早前他為《廉》片宣傳接受訪問。
談到戲名由來，原來經歷一輪腦力遊戲，他說：「當個故仔寫好晒，係講走私煙仔，人物關係好複雜，好多煙幕令你唔知真相係乜嘢，當時諗咗個名叫《煙幕》，好鍾意呢個名，因為有雙重意思。但係遇到一個人嘅阻力，就係老闆楊生。我明白用《廉政風雲》易推廣做宣傳，最後我度咗條橋，話大題目係系列片，先有《煙幕》，之後會有《黑幕》同《內幕》咁拍落去。」麥兆輝笑言過了海做神仙，《廉政》系列日後是連續，還是獨立故事，已經是後話。
其實早在過老闆一關前，在選角時有另一重考驗，就是要找影后級的袁詠儀（靚靚）客串演反派角色，他自爆今次動用了「親情牌」：「我同靚靚有個秘密，同佢係『親戚』嚟，好細個十幾歲就識，佢叫我做『表哥』，我叫佢『表妹』，佢叫我媽咪做契媽，細個阿靚成日嚟我屋企玩。之後返嚟見到阿靚，點解佢咁靚嘅？之後佢去選港姐贏埋冠軍，做埋大明星，我繼續做副導演。」事實上，他們沒有血緣關係，但麥兆輝對這個「表妹」是有點怕，試過以副導演身份，在拍攝現場跟她有過一次接觸，他說：「佢好嘈，見我食煙，佢就話『哦，你食煙我話畀你阿媽聽，你講粗口話畀你阿媽聽』，成日都用話畀我阿媽聽嚟嚇我。」
他自言今趟是本着不妨一試的心態找對方，因為戲中阿靚跟劉青雲，會由讀書時的情侶，最後變成工作上的對頭人：「打電話畀佢，問佢會唔會畀面自己客串，仲同佢講『你唔做唔緊要，但唔好鬧我，唔好話畀我阿媽聽』。」
麥兆輝講到戲中另一位拍檔，就是初次合作的張家輝，曾有幕後行家問起：「『呢套戲你搵張家輝呀，你見咗佢未呀？佢都幾麻煩喎』，我話真係？麻煩乜嘢先？嗰位幕後話『唔知呀，總之好麻煩啦』。」之後他相約家輝傾談，原先以為一個小時可以講完，最後足足傾了三個鐘，麥兆輝說：「佢真係幾麻煩，佢所有問題都係問你角色問題，好在我寫劇本，所以答到佢。通過傾偈，我亦都更了解個角色，佢係麻煩，不過係麻煩緊專業工作範圍嘅嘢。佢冇話要七個保鑣圍住、去酒店明明一個人要三間房，我聽過有呢啲情況。」他更斷言張家輝雖然贏過多個影帝獎座，但仍是被低估的演員。
青雲先後演過三集《竊聽》系列，被喻為麥、莊的「御用演員」，麥兆輝自言不敢高攀，他笑說：「係就好呀，件事分開嚟講，拍《無間道》時自己係個細導演，雖然之前拍嘅戲有啲口碑，但唔係好收得。演員、老細都會揀，未必會畀到budget你去請大明星，所以《無間道》要有劉偉強喺度，至搵到梁朝偉同劉德華。相對而家，我當然有能力去搵大演員，寫劇本時冇諗用邊個演員，但相對而家搵演員容易咗，本身寫劇本都成熟咗。」
《廉政風雲》故事講私煙、殺手滅口的故事，不難令人聯想到多年前廉署證人徐道仁，在新加坡被殺的新聞，麥兆輝說：「嗰件事只係影子，徐道仁事件都好轟動。當時證人俾人殺咗，三個殺手都喺香港判咗刑，上年服完刑放咗監。呢件事係我做research時冇辦法知道真相，但有好多dramatic元素，於是我擺咗呢個背景，但唔係完全係嗰件事。」
(apple daily)
早前懷有身孕嘅準靚媽藝人陳嘉寶（Anjaylia），雖然卸貨在即，不過依舊周圍去，好彩有老公陪住！
不過一直將孕肚收得好秘密，多數相只係show上半身，不過網民見佢仲好瘦，經常大讚佢依然好靚！
安胎期間，家中就搞咗個小型生日會，一家人好開心！
仲獲同樣都就嚟生得嘅陳凱琳上門送上驚喜，兩個超好感情！
一直都無公開過BB性別嘅Anjaylia，剛剛傳來喜訊，已經順利誕B喇！BB趕得切喺農曆年前出世，仍然都係狗BB，下星期仲可以一家三口過年添！
於社交網上載B女相，宣佈已誕女並母女平安，BB改名Hosanna。
原文翻譯如下：「你好，世界！大家好👋！這是Hosanna與大家見面！感謝大家的祝福和關心，我好健康呀。我仍然有啲害羞和面紅，所以請給我一些空間，讓我可以慢慢探索這個充滿奇蹟和偉大的大世界。作為一個需求性很大的新生兒，Anjay和Epa現在忙於照顧我。如果他們沒有時間回覆大家的Message，請原諒他們。我們真的很感激你所有的愛和祝福。願上帝與你同在 ！ ❤」
佢仲用囡囡第一人稱，笑言「父母（即Anjaylia及老公黃頌祈）」依家忙住湊自己，唔得閒覆大家嘅恭喜Message，希望大家體諒！恭喜恭喜！
(ig)
陳豪同陳茵媺（Aimee）結婚以來一直都咁恩愛，三個仔女都咁得意！
雖然平日兩夫妻各有各忙，但佢哋都會爭取時間同仔女相處，陳豪早前亦曾透露過，幾個仔女都好喜歡黏父母。
Aimee不時都會喺IG晒家庭生活照，張張都咁溫馨甜蜜！
昨晚佢喺IG上載咗「2018年度家庭相簿」，相簿的封面印有陳豪一家五口的照片，孻女陳凱婷（Camilla）坐在父母及哥哥們的正中間，而長子陳梓燁（Aiden）和次子陳浩鋒（Nathan）分別坐在父母膝上，看到兩位囝囝的笑容都比較像媽媽陳茵媺。
Aimee以英語留言透露相簿全部共有180頁，刊登了逾2,000張照片，她指自己為了揀相及執相，已經捱了很多晚夜，但她覺得非常值得，而她現在也可以隨時、在不用輸入密碼的情況時，看到她的4位Darling！
Aimee仲上載咗一張陳豪陪住三個仔女一齊睇呢本年度家庭相簿嘅相，見到本相簿都相當厚，好比圖書館的參考書，而幾位陳家小朋友，就好似聽爸爸講故事咁安靜一齊睇，畫面真係好溫馨！網民見到之後都大讚佢哋一家超幸福，仲話三個仔女都好似Aimee！另外亦有網民問可以係邊到整咁有意義嘅相簿～
未知Aimee可會公諸同好，讓大家都有機會可以一睹這本她捱通宵的心血呢？
(綜合報道/IG/apple daily)
昆凌和周杰倫17日才迎來結婚四週年紀念日，夫妻倆飛往意大利佛羅倫斯度假，結婚多年依舊甜蜜蜜。
他們更重回五年前的同一地點約會，兩人一同戴上墨鏡、一身黑牽手漫步佛羅倫斯，一路走到繪有愛心的指示牌，同框比愛心呼應5年前的舊照，少了羞澀，卻逐年堆疊起越來越深厚的感情，慶祝周年紀念日的方式多了幾分浪漫。
近日有網民巧遇兩人到咖啡廳巡店，夫妻倆也大方答應合照。
不過照片曝光後，驚見她的肚子微微隆起，讓不少人猜測她是不是懷了第3胎，引起熱烈討論。
有網民日前到昆凌開的咖啡廳，巧遇昆凌和周杰倫夫妻巡店，也成功要到合照，只見昆凌穿著寬鬆黑色針織外套，戴著帽子和墨鏡，打扮頗為低調，和一身白的周杰倫剛好變成「黑白配」，襯到絕！
而最引人注意的是周太的肚子明顯隆起，且身形有些浮腫，被外界揣測她可能又有喜。
不少網民看到就立即留言恭喜周生周太再度有喜！看來又多一位豬寶寶出世了，希望他們快點公佈好消息吧~
唔少人因為工作煩忙都會請外傭幫手打理家頭細務，不過請到個有問題嘅家傭真係有排煩，好似已經慢慢淡出娛樂圈嘅汪琳發現外傭床下底收咗把菜刀…
「佢（外傭）床下底有把菜刀！」汪琳指出，她擁有多年聘請外傭經驗，亦遇上不少「博炒」女傭。她表示，早前一名外傭上任後兩個月即原形畢露，「我叫佢洗菜洗乾淨啲，佢竟然話『如果你唔滿意我，咪炒我囉，但你要賠番一個月錢同十四日假畀我』。」及後她更發現該外傭懷疑洩憤而破壞其家中衣櫃，她最終報警及即時將其辭退，惟在收拾該外傭的物件時，竟發現其床底藏有一把菜刀，令她膽戰心驚。她及後向有關中介公司反映，惟對方愛理不理。汪認為香港僱主聘請外傭欠缺監管，毫無保障。
孫耀威遭外傭偷嘢，最後終於忍無可忍報警。（相關新聞：https://goo.gl/JDrnJw）
鄭敬基就懷疑慘遭外傭落降頭16年！（相關新聞：https://goo.gl/g2DPPS）
今次就輪到育有一對孖女嘅熊黛林…
佢就喺社交網度呻，話突然收到財務公司嘅追債電話同埋信件，先至知道係辭職成個月嘅外傭設局!
「菲傭姐姐辭職回國已經一個多月了，家裏突然收到了財務公司的追債電話和信件，這讓我頓時明白了為甚麼一開始細心勤快的她，怎麼突然之間變得粗心大意，言語中還帶有諸多挑釁。」
「事到如今，慶幸當初自己沒有中她的計被她氣壞解雇她，只能感歎一句：『這裏面的套路怎麼這麼深吖！』好了發洩完了，記住，不開心的事情不要帶到第二天！晚安！」
唔少網民都留言戥佢慘，仲搞笑自薦話想做熊黛林嘅家傭，包保勤力用心實唔會出問題！
(綜合報道 / 微博 / on.cc)
拍拖四年幾感情穩定，去年佢接受訪問時談及感情，曾表示與男友認識了九年時間，拍拖四年。談到結婚，當時佢表示唔會爬Sherman頭，不過而家竟然。。。
同王君馨、G.E.M.、衛蘭、衛詩等都好好姊妹！
連鍾舒漫（Sherman）都話Sukie竟然快過佢有喜訊！問到係咪奉子成婚，Sherman就話。。。
33歲歌手鍾舒祺（Sukie），與年長三年的本地樂隊Ever結他手李恒韜拍拖四年多，感情相當穩定，日前更正式入紙排期註冊婚，其擬結婚通知書曝光，男方職業報稱音樂人，鍾舒祺則報稱藝人，二人報住大角咀同一地址。
熱愛音樂的Sukie推出過不少專輯和單曲作品，亦參加過不少歌唱比賽，近年更拍住家姐鍾舒漫合作。
去年她接受訪問時談及感情，曾表示與男友認識了九年時間，拍拖四年。談到結婚，當時她表示：「唔會爬家姐頭，一定要家姐結婚先，仲要佢生仔先。」誰知現在先一步公布喜訊。
Sherman受訪時對妹妹的婚事「被發現」感到意外：「估唔到咁快就畀人知，其實都係開心事，佢哋認識超過十年，希望佢哋嚟緊嘅日子，用夫婦嘅身份繼續走下去，妹妺結婚梗係開心啦，佢竟然快過我，但係見到自己個妹，有個咁錫佢嘅人係佢身邊，自己好滿足！」
問妹妹是否奉子成婚？她代否認：「絕對唔係，佢哋深思熟慮咗一段時間先決定結婚。」。
相信Sukie成班好姊妹都會好戥佢開心！恭喜晒！
(綜合報道/on.cc)
成龍和林鳳嬌兩人於1982年結婚，至今結婚37年。
今日係成龍太太林鳳嬌嘅66歲生日，雖然成龍未有喺社交網上載有關幫太太慶生嘅照片，但成龍媒體宣傳中心微博就有分享成龍送畀太太嘅生日祝福，網站轉載成龍嘅歌曲《謝謝一輩子》…
然後留言話：「To林鳳嬌：謝謝一輩子，謝謝這輩子，有你～成龍祝最美麗的大嫂，生日快樂。」
言簡意賅，相信林鳳嬌一定甜在心頭！另外，在其他微博上出現了成龍和林鳳嬌拿着生日蛋糕慶生的圖片，這是2014年的照片，十分溫馨。
藝人鄧麗欣（Stephy）盛裝現身國際車展，以前面Deep V加後面露白滑肉背上陣，相當吸睛！
揸開跑車的Stephy尷尬笑指曾收過「牛肉乾」：「揸車都係安全至上，唔會揸太快。」她又表示曾參加過賽車比賽勇奪亞軍：「自己都幾大膽，好鍾意玩機動遊戲呢啲速度感嘅嘢，依家有時都會玩高卡。」
男友邱勝翊（王子）可會禁止飛車？Stephy笑話男友都有微言指太危險：「平時我揸車佢都會叫我揸慢啲。」
Stephy另一身份為台式飲品店的老闆娘，傳有開分店的打算，她表示一直計劃中：「我哋都接受加盟店，依家都傾緊分店嘅地方。（會喺香港開？）希望今年開到，會早啲物色地方。（唔驚香港太多台式飲品店會過於飽和？）任何都飽和，所以會搵啲特別嘅地方，用多啲自己資源，係有難道但希望做到。」
有傳她睇舖同時亦有睇樓盤，密謀與男友於當地築愛巢「落地生根」，她承認…
有了解各地區行情但否認築愛巢：「冇咁快！自己對台灣唔熟，係睇舖嗰陣為咗想知邊一區多啲人流有留意吓，但冇真正去睇樓。（有置業打算？）冇諗過，係有留意嗰邊嘅樓市，因為八卦想睇。」
新年將至，她自爆會同男友去旅行過節，問到旅遊目的地時，她甜笑封口：「去之前會拜咗年先。（帶男友見家長？）睇時間啦！」
(on.cc)
