杜汶澤同田蕊妮拍拖6年，二人喺2005年拉埋天窗，當時出動華仔色誘眾姊妹。阿澤曾經講過：「太太16歲識我，如果我哋好彩行到尾，佢一生只得16年冇我喺隔籬，我過澳門探班，佢問我點解對佢咁好？我話以前對你好差咩？佢話：『簡直離X晒譜！』」阿澤搖頭自爆：「以前自己好離譜，試過太太返到屋企，見到我同個女仔一齊，衣衫不整。」

親眼目睹老公出軌，難得阿田仍冷靜地為老公着想，阿澤內疚說：「佢話我點對佢唔重要，最重要點對自己，萬一我車住條女俾人影到，有冇諗過自己玩完？佢永遠唔介意我點對佢，只介意我點對自己，過咗咁多年，我嘗試學過唔同生活，到頭來發現最好係老婆，呢幾年老婆唔check我，我問佢點解咁信我？老婆話：『我唔驚，我使乜睇住你，黎智英會睇住你！』哈哈，好多男藝人老婆，其實暗地裏喜歡傳媒。」

佢哋結婚近14年，二人多年嚟遇過感情危機、阿澤曾患罕見疾病「米勒費雪症候群（Miller Fisher Syndrome）」，必須停工，田蕊妮當時喺寧波拍戲，自責未能喺阿澤身邊陪伴，阿澤仲安慰番佢轉頭，令田蕊妮佩服阿澤遇到逆境，仍能安然面對，讚阿澤係佢「心目中的巨人」。

田蕊妮返港後，每日喺醫院照顧老公，阿澤曾指佢同阿田係「威士忌愛情」越嗒越有味，杜汶澤講過愛的宣言「以前誤會以為成功就會得到女人，但原來得到一個好的女人就等如成功」。患難見真情，感情更勝從前。

阿澤亦喺上年結婚週年紀念日時發表愛的宣言：「今天是我們的結婚週年紀念……曾經有人跟我說，婚姻，就是將錯就錯。感謝妳這十三年來的將就，祝妳健康、快樂！」

真係好感動！

(蘋果日報)

現年34歲的沈卓盈早年與陳凱琳、譚凱琪與龔嘉欣組成「少婦聯盟」，除了龔嘉欣感情未有着落外，陳凱琳已成「嘉」立室兼榮升媽咪級，譚凱琪亦早已被「私有化」，近日更透露與拍拖七年的男友莊日宇隨時閃婚！

至於沈卓盈同樣唔輸蝕，入行多年的她緋聞雖不多，但男友個個非富則貴，包括飛機師Simon、曾與楊秀惠拍拖的金融才俊麥偉汶，近年則與家族經營內衣褲生意的Calvin拍拖。

自與居於京士柏山億元豪宅的富二代男友Calvin相戀三年以來，兩人極為甜蜜，她還深得男方家長歡心，去年已發表恨嫁宣言指已等足10年，又表示與男友有共識向結婚出發。為了配合男家的低調作風，她近年已謝絕性感，有富貴男友力撐下更決心與無綫「斬纜」，結束16年賓主關係，鋪定路入門等做豬年新娘。

回復自由身的沈卓盈近日預演定其「賢妻」生活，不時管接管送為未來老公做司機，日前便於銅鑼灣工作後，急急腳往取車，再直駛男友於附近工作的大廈。

泊車後，她直往男友的辦公室等對方收工，期間Calvin曾落樓往她的座駕取物件後再折返上樓。約半小時後，沈卓盈施施然步上車，並坐於乘客位，男友則顯得極為避忌，相隔數分鐘後才前後腳步出，並急急腳步上司機位駕車離開，再到附近油站入油。

等入油時，她曾落車前往該處超市，極速購下大袋戰利品上車，早已進駐男友億元豪宅的她，由Calvin接載下雙雙返回何文田京士柏山愛巢二人世界。

之前表示隨時閃婚的沈卓盈接受東網訪問時，被問到是否嫁得？她笑言：「有好消息會同大家分享，依家大家感情好穩定、好開心，都朝住呢個方向，不過啱啱踏入工作的另一個新開始，依家想專注做嘢先。」

而事實上她的工作可說是有增無減，事業愈來愈好，她亦不諱言：「依家真係我事業上嘅搏殺期，好多客戶都好錫我，呢段時間我好滿足、好充實，依家先係我夢寐以求嘅生活，希望自己繼續忙落去。」

(on.cc)