藝人袁偉豪（Ben）為眼藥水廣告拍攝外景，這是他在2019年的第一個廣告，他謂是個好開始，十分開心，並已接下年底的登台騷。
他表示忙完這幾天便正式收爐，新年會留港陪媽媽過年。
Ben希望在新一年賺多啲，並在角色上有所突破及挑戰馬拉松。
問會否到女友張寶兒（Bowie）家拜年？他說：「當然會，其實平時都會同雙方長輩食飯，所以都熟。」
提到結婚大計，他笑笑口話：「有諗過，但未正式傾過。（2019年計劃之一？）我想神秘啲，不過都會互相探口風，唔想到時咩唔啱心水就唔好啦！」
(綜合報道 / on.cc)
47歲嘅康華早前宣布闖入樂壇，推出Rap歌《拼火花》，發布會當日獲多位圈中好友現身支持，包括陳煒、姜皓文、陳慧珊、湯鎮業、阮兆祥、張文慈、謝雪心、梁靖琪、湯盈盈、譚小環夫婦等，幾乎半個無綫都嚟到賀！
相關新聞:
【歐陽震華胡杏兒馬國明等力撐 康華好多謝佘詩曼：都真係好唔好意思】https://goo.gl/S7bF2j
【曾因大台「御用情婦」之稱斷送兩段情 康華直認將踏入人生大事】https://goo.gl/cb4YDe
【康華開心佢都開心 佘詩曼：少少心意啫！】https://goo.gl/WysVSt
早前康華於《流行經典50年》翻唱台灣歌手黃品源的經典歌《你怎麼捨得我難過》一鳴驚人，加上她於劇集《宮心計2深宮計》的押韻對白，被網民封為「唐代Rapper」。
好友陳煒更拍片支持康華！兩個超好感情～
但原來除咗陳煒，仲有另一個好閨蜜！康華最近拍攝緊無綫新劇《法證先鋒IV》同佢結緣，二人亦成為了閨蜜！
康華笑言：「加埋煒哥，我哋就係『三個女人一個墟』，拍劇一有休息時間，我哋就不停傾女人心事，雞啄唔斷，傾到畀導演截停，搞到我連對白都會忘記，哈哈！」
原來係鄭希怡（Yumiko）！最近她與陳煒和康華為無綫新劇《法證先鋒IV》開工。
三女日拍夜拍成為「閨蜜」，康華除了將自己的新碟送給歌手Yumiko，二人惺惺相惜，私下感情更好。
(綜合報道/on.cc)
農曆新年除咗放假之外，想新一年過得順順利利，不妨留意吓以下嘅新年禁忌！
喺新年掃地同倒垃圾都有可能會趕走財運。大家或者可以揀俗稱「破五」嘅初五掉垃圾，呢日有「送年」意思，禁忌都可以送走埋。
好多人都會喺屋企貼揮春做裝飾，但小心唔好喺同一個位置貼四張揮春，因為傳統上四字唔好意頭。
想打扮得靚一靚去拜年都好正常，但正月咪去剪頭髮，剪髮剪髮，新年發嘅財好容易畀你剪走晒。
另外，大家亦要忍手唔好買鞋住，因為「鞋鞋」聲唔吉利。
如果新年打爛嘢嘅話都唔使慌，記得講返句歲歲平安。仲有，記住唔好同瞓喺床上嘅人拜年，否則坊間流傳話對方會病足一年！
喺新年催人起身都係大忌，因為咁樣可能會令對方成年都畀人催做嘢㗎。最後都要講返句，禁忌呢回事「信則有，不信則無」，最緊要心安理得就可以喇！
(蘋果日報)
一直對舞台劇很有興趣，日前她前往欣賞由林海峰、潘燦良、楊詩敏（蝦頭）、禤思敏演出的舞台劇尾場，完場後，她在網上發文表示：「短暫的婚姻尾場，林公子演技大爆發，把聲好好聽，婚姻這東西好深奧。好彩有排都未到我。」
完場後，她走入後台與一眾演員見面，更開心得來個大合照。
原來是天后Joey容祖兒
林海峰樣子非常開心，更一度肉緊捉實Joey手臂，像是很感激好友的捧場。
適逢昨日（28日）是林海峰的生日，大會安排了生日蛋糕為壽星仔慶生，祖兒亦參與其中…
一齊為林海峰慶祝生日
(綜合報道 / facebok / on.cc)
藝人陳凱琳（Grace）同鄭嘉穎於上年8月拉埋天窗，結婚冇耐就有好消息！
佢哋喺同年12月宣布佗B，之後更公布係B仔！
依家兩公婆就等緊「小嘉穎」出世。
而Grace近日就搞咗個Baby Shower(相關新聞:https://goo.gl/rHGGpA)，曬完「少婦聯盟」後，原來仲有Part 2㗎！
Grace再度晒出多張同朋友嘅合照。
仲有張甜笑電鏡頭嘅獨照。
唔認真睇都唔覺佢大緊肚！
佢留言表示嚟到香港已經有5年以上，而佢同囝囝「Baby R」都好幸運，從未想過自己會如此幸運，會遇到咁多美好嘅人，之後更表示一定會教仔仔向成班姐姐講「thank you」！
網民都話好期待「Baby R」嘅來臨，心情同Grace一樣緊張又興奮，相信爸爸鄭嘉穎都一樣咁激動呀！
早前準爸爸鄭嘉穎於社交網站貼出自己拿着有「帥」字的BB衫仔，露出一副慈父冧笑樣~
相關新聞:【大肚陳凱琳預產期喺…鄭嘉穎笑得勁冧：開始學習…】https://goo.gl/gZZURT
(綜合報道/IG/on.cc)
藝人王祖藍現身深水埗出席宣傳活動，與途人互動和寫揮春，落力宣傳新戲。
他坦言不慢怠慢，會四出謝票及宣傳，新年都要照開工~
「會一直做到2月14日情人節，因為嗰日係我同太太（李亞男）結婚周年，我哋會飛去日本，佢坐完月，食得生冷嘢。（會唔會唔捨得B女？）唔捨得都要捨得。要錫住太太先，佢做媽咪最大壓力，唔想佢日日對住（囡囡）咁大壓力。」
他又表示太太會在其電影的首映中現身撐場，正式出關…
「佢好想喺戲院睇，其實套戲佢睇過好多次，不過係喺睡房睇。」
首次執導的他亦非常緊張票房：「今年太多大片，我哋呢套係歌舞片，係新嘗試，不過都好有信心，因為我哋係唯一一套歌舞片，香港咁耐以來都未試過有歌舞賀歲片。（預期有幾多票房？）唔夠膽講。（邊套戲係最大對手？）全部都係對手。個個都咁勁。不過要贏人先贏自己，希望贏到個口碑先。」
（on.cc）
雷頌德（Mark）同老婆梁家玉(Jade)結婚以來一直都咁恩愛！問到點相識，Mark抵死話：「拍戲識囉！Jade成個男人咁，又同我一樣揸電單車！」
鄭紹康問Jade當年帶住個仔嫁畀Mark，本身有冇顧累，Mark又搶住答：「都咁老囉，仲有咩顧慮呀？」Jade即對住老公反白眼話：「當時我得廿幾歲，你係咪想死呀！」
不過Jade事後就指Mark係個愛屋及烏嘅人：「真係唔可以唔嫁畀佢！」Mark亦不諱言：「我都係單親家庭長大，自細跟住媽媽，所以我好清楚Jade嘅情況，亦好明白作為一個後父嘅責任！」
身為天王黎明御用音樂總監嘅Mark，就自爆曾經同黎明喺韓國晚晚蒲夜名。Mark解釋話：「當年黎明去咗韓國一轉，返嚟同我講要唱快歌！我心諗快歌，我拿手啦！點知寫畀佢，佢話：『都跳唔到舞嘅，聽咗都唔想郁』，最後佢捉咗我去韓國兩個禮拜！」
Mark回想嗰段日子，日日去唔同夜店觀摩，佢話：「黎明要我觀察，到底播咩歌先會令人跳舞，嗰次真係一個好好嘅經驗！」
本身讀土木工程嘅Mark，最後行咗音樂路，Mark係怕萬一做音樂賺唔到錢時，仲有工作可做；正如啱啱出道，佢同馮德倫組成Dry，最後分道揚鑣，Mark笑言：「咪就係因為冇錢賺囉！個個都叫我哋去唱，但個個都唔俾錢，免費唱，喂，我件件衫都好貴o架，冇回報做嚟仲乜？唔好嘥時間啦！」
(蘋果日報)
藝人鄧健泓(Patrick)與石詠莉(Sukie)於2017年結婚，一直以來人前人後都好恩愛。
不過，呢日有報道指Patrick與舊愛李施嬅(Selena)拍拖期間，曾共同撫養過兩隻狗Snowy(白色)和Naughty(灰色)，日前Patrick帶埋兩隻「定情狗」私會李施嬅，結果辣㷫老婆大人石詠莉！
有指Sukie更在IG狂呻﹕「這麼多年來我一直都在看着，而我一直都在沉默，我的沉默並不代表我沒有任何感覺。記着，我也是有我的底線！」
對此，Patrick接受訪問時表示：「呢啲報道好得意，好耐冇呢啲看圖作文嘅報道囉！我同Selena分開咗之後仲有聯絡，就係因為我哋個女Snowy、Naughty啦！因為我哋係輪流照顧佢哋，所以有人影到我拎隻狗畀Selena，呢啲係事實，經常都發生。」
說到太太Sukie於社交網的留言，Patrick謂：「唔關事，嗰個Post唔係講感情嘢，佢係講對工作同娛樂圈睇法啫！冇關係嘅！有一個重點係，我同Selena對寵物嘅承諾，唔會因為我哋嘅關係而改變，呢個好緊要，要養一隻狗，係一生一世的承諾。」
Sukie回覆東網時語調輕鬆笑說：「當我收到呢個消息時覺得係幾得意嘅，幾好笑。」她幾乎笑不停，更不忘宣傳情人節將推出的新歌《動態回顧》：「當係動態回顧一下，同我首歌名一樣，其實都唔係咩新鮮事，大家如果有留意我哋溉新聞，我同Selena都係朋友，仲好熟，會一齊食飯，呢個新聞係不實報道，我係好清楚知道，雖然佢哋以前分開咗，每個人都有自己經歷，能夠做番朋友，我覺得係佢哋嘅事，我覺得開心，Selenaa係個好好嘅女仔，我自己都覺得冇問題，睇完報道笑咗出嚟，得啖笑，唯一一個唔係好好，就係拎咗我個人嘅Post留言，譬如張相就話我話老公，根本都冇啲咁嘅事，我都唔係講Selena同我老公。」
愛夫情切的她說：「咁多年嚟我係覺得身邊有好多唔係咁認識Patrick嘅人，甚至乎唔係好認識我嘅人，生活喺娛樂圈有好多是是非非，黑黑白白嘅，通常我同佢都會一笑置之，但太過分嘅，我做人都會有底線，我唔會睇唔到聽唔到，我表面上雖然好似呆呆地，但我唔係傻，成件事只不過係咁樣，但有人就套落佢哋要寫嘅新聞，我覺得要以正視聽。」
Sukie對Patrick絕對百分百信任：「每一次我老公去邊度見邊個人，佢都會好清楚話番畀我聽，包括呢一次帶隻狗畀Selena照顧，我係完全知情，亦都唔會介意，因為我都好知道佢哋分開咗，但佢哋對狗仔愛錫唔會減少，係好錫佢哋嘅狗寶貝，我自己都好喜歡狗，好鍾意寵物，一樣好錫佢哋，亦都好明白。」
Sukie親揭自己的留言真意：「其實I am watching you嗰個私人發嘅Post，因為呢幾年由我同Patrick拍拖到，甚至乎到依家，我都不停聽到好多流言蜚語講緊佢，當然我覺得每個人都會有佢嘅經歷，但係我好相信時間係好好嘅證人，我好清楚Patrick為人，佢冇咩秘密隱瞞過我，佢係好誠實嘅人，當每次有人同我講唔好聽嘅說話去抹黑佢，其實我個心係好痛，我個Post係想講我沉默唔係代表我係冇感覺，如果有時有啲人講得太過難聽，我做人亦都有底線，成件事就係咁簡單，但我冇諗過嗰Post人拎嚟斷章取義，用一把刀去傷害我身邊最愛嘅人。」
(綜合報道)
邵氏網劇《守護神之保險調查》演員徐子珊到葵涌參與「慶團年盆菜宴」探訪長者，子珊「S」身形愈來愈突出…
原來與正修讀心理學碩士有關，她笑說：「冇特別去keep fit，只係食少咗嘢，因為依家讀緊心理學碩士最後一年忙緊寫論文，壓力都好大，自己都好緊張，食少咗嘢。」
就連新年放假也要寫論文：「之前試過一邊拍劇入邊返學都幾辛苦，所以想趁新年嘅假期寫論文，因為新年之後都要開劇。」
問到她可有輔導一下腳傷的黃宗澤？她笑說：「我諗佢冇創傷後遺症，佢冇事啦。我都未有資格去輔導人，遲啲可以做吓心理醫生或者病人角色。」
(on.cc)
去年誕下囝囝James，話咁快James已經出世100日，Liddy同老公為愛子搞咗個盛大百日宴，邀請多位親朋好友出席。
場地布置咗好多唔同氣球，又預備咗一個3層高嘅蛋糕，認真有心思！
Liddy仲同老公抱住囝囝影全家福，James個樣好精靈，非常可愛！
Liddy除咗多謝親朋好友賞面到場，原來仲好有心咁準備咗大抽獎答謝大家…
「你們滿滿的愛我和家人們都收到哂！在心中！亦恭喜得到我們$38888大抽獎的幸運兒！為答謝各位的來臨，我們一家小小心意。希望大家過個愉快開心嘅肥年！感謝為兒子表演的四川變面老師和小丑雜耍！祝兒子包子身體健康！肥肥白白！聽教聽話！」
前藝人李悅彤（Liddy）
（ig/ on.cc)
