內地女星楊冪去年與劉愷威發出聯合聲明宣布離婚，二人協議共同撫養女兒小糯米。
而小糯米則繼續留港讀書，心繫愛女的楊冪早前曾被拍得現身香港探女。
今天是小糯米的5歲生日，昨日有網友在機場偶遇楊冪，相中見她穿上黑色有帽衞衣及同色短褲，並戴上漁夫帽及口罩，只露出一雙眼睛，非常低調。
不過晒出招牌「筷子腳」的她，依然難逃粉絲法眼，不少人都舉起手機圍觀，而楊冪亦禮貌地邊和粉絲們打招呼，邊步入貴賓侯機區。
相信楊冪此行是來港為愛女慶生，未知會否為小糯米而與前夫劉愷威同場呢？
(on.cc)
【宣布離婚後】何艷娟首PO相現身⋯
2014年香港小姐季軍何艷娟早前宣布同與比自己大40年嘅澳博營運總裁吳志誠離婚，結束8個月婚姻。
雖然離咗婚，但見佢生活無憂，繼續去旅行歎世界。
爆出離婚消息後，隨即傳出佢同逾百億身家嘅已故知名教育家陳樹渠嘅長子陳燿璋過從甚密。
變番單身嘅佢，生活質素仍然冇改變，幾乎每個月都去旅行，真係令唔少人羨慕！
但喺劇集《愛．回家之開心速遞》飾演「龍作蜜」嘅佢，估唔到佢仍然熱愛幕前工作，在宣布離婚後，佢首次喺社交網「現身」，見佢上載張拍《愛》劇照片，繼續貼地返工努力搵錢。
唔少網友都話好驚訝佢仍然努力工作，仲話見佢咁勤力，希望可以喺《愛》劇見多啲佢！
(on.cc)
【疑似聲帶流出】姚子羚親自回應⋯
姚子羚昨日再被爆與疑似「二奶」的錄音聲帶對話流出。
子羚講出Raymond未能挽救婚姻的原因，其實是因為一直不夠成熟，而且周圍媾女，「如果佢可以成熟啲諗嘢，你老婆就唔會離開你啦」（相關新聞：http://bit.ly/30WeLse）。
子羚回覆傳媒時說﹕「要澄清嘅，我之前已澄清咗。其實我同Raymond已經回復普通朋友關係。所以關於佢嘅嘢，我唔方便再作回應。事情已經告一段落，所以再發放一啲有我嘅相片或對話，其實係無意義嘅。我嘅心情同工作都唔會受呢件事影響。多謝大家關心。」
而Raymond前妻蔡宛珊（Sarika）日前亦有表示不會深究「二奶」、「三奶」的問題，問離婚是否因為Raymond太花弗？她說：「之前都講過，一齊咁多年，分開唔止一、兩個原因。」
(apple dialy)
【張倫碩感動到眼紅紅】48歲鍾麗緹：人生最重要的是愛與被愛
女星鍾麗緹（Christy）同老公張倫碩最近參加大陸真大騷《我最愛的女人們》，將不滿擺上枱，不過只係耍吓花槍啫！最新一集講到Christy要挑戰高空項目挑戰，就對老公同奶奶深情告白：「我們一起白頭到老，有很多地方可以體驗，我願意在你旁邊支持你，愛你。」
之後Christy仲向奶奶揚言話生第四胎添：「我希望我可以做更好的兒媳婦，如果滿分是十分，我現在做到九分吧，還差一分我就希望可以給你一個健康漂亮的孫子。」
令喺廳內嘅奶奶聞言即刻笑到見牙唔見眼，而張倫碩就感動得眼紅紅！
事後，Christy表示：「我特別想看他當個暖爸爸，而且婆婆很開心，然後我先生會很開心。如果有屬於我們兩個的孩子，會更精彩！」而張倫碩就話：「她特別想跟我有孩子，她覺得有孩子對我來說是一個改變。我覺得現在我們家的這幾個孩子，跟我關係也特別好，沒有讓我覺得我生命裏多麼的孤單，或者缺失甚麼！」
而唔少網民一直對佢話要生第四個有意見，覺得佢48歲仲咁博命，只係因為愛情至上，又話佢係受奶奶壓力而要為張倫碩生仔！鐘麗緹接受訪問時就反擊：「我哪裏是傻子呢？人生最重要的是愛與被愛，愛給我很多力量、很多動力，可能是他們太理性了吧。其實他們不懂我真的很喜歡孩子，雖然我已經生了三個了，但我每天都做運動，我的生活習慣挺健康，所以再生一個孩子也挺好，希望大家別擔心我年紀大。」
(on.cc)
【「二奶閨蜜」再爆料】蔡宛珊：我同Elaine都係受害者
藝人姚子羚因與模特兒蔡宛珊（Sarika）前夫Raymond拍拖而成為傳媒焦點，雖然Sarika與子羚先後已跟男方分手，二人亦已放下，重回自己的路，而正印Sarika亦不深究甚麼所謂「重疊」時間，不過，似乎仍有人放不低，不時爆相爆聲帶，但傳聞中的「二奶」從沒現身，亦只是所謂的二奶「閨蜜」爆料。
雖然今次有子羚與Raymond「開眼」合照，好似同上次子羚聲稱自己不知情況下而「被合照」的相片很相似，但細看下，兩張相片根本不同時間拍攝的，上次子羚「被合照」的相片是化了妝，而今次的郤是素顏及穿泳衣拍攝，再講，情侶影合照，去泰國又好、美國也好，一般的情侶合照，有何相干？而聲帶中，內容未有「逼分」，只是姚子羚似向二奶埋怨Raymond不夠成熟，子羚更勸Raymond改好重投Sarika身邊，又有何居心？
以下是五段疑似姚子羚的錄音聲帶：
「即係佢咪就係咁囉，如果佢可以成熟啲諗嘢，你老婆就唔會離開你啦。呢句說話我都不下一次同佢講，我話我終於明白，點解你老婆會離開你嘞。」
「當然佢唔會話畀我聽，佢老婆離開佢，係因為佢flirt女啦，中間。佢都係講話Sarika唔開心，因為佢冇時間陪佢，因為佢喺夜場返工，日日做到好夜，等佢返嚟瞓呀。佢就話我邊有時間啫，佢都知我係咁樣工作㗎啦，佢覺得以前冇錢，覺得有時間，好喇！但而家做咗嗰度份工，佢搵到錢喇，但就冇時間囉！」
「佢而家仲覺得，橫掂我老婆都會離開我㗎啦，咁我使乜做好我自己。我心諗佢都特登咁去做放縱自己，但呢樣嘢係你自己去決定啫，如果你真係有心想Sarika返去你身邊，咁點解你唔利用佢離開你呢段時間，好好哋做好自己，證明畀你老婆知，你真係愛佢，所以為咗你，我做好我自己，希望你返嚟我身邊，而唔係繼續flirt女、媾女、食女。」
「最終我拆穿咗佢，話我有朋友識你老婆，同埋有朋友喺IG見到你老婆，影到你喎。佢冇得唔認，因為之前我問咗佢好多次，我話我再問多你一次，你係咪去咗見你老婆？佢死口唔認嘅。」
「唔係呀，我哋返緊去佢嗰度時，佢突然之間停車，就話覺得佢好似見到你喺佢屋企樓下等。我話係咩，我唔見喎，我覺得佢呢個舉動，係想扮晒嘢，等我知難而退，咁我就唔會上佢嗰度，我當然唔會啦，我梗係特登上佢度。」
對此，東網記者聯絡Sarika，她再次重申謂：「其實我同Raymond於2017年年初分居，之後Elaine（姚子羚）或者其他異性幾時出現，有冇重疊呢啲嘢，我唔清楚，亦唔想深究。」問到覺得是誰繼續不斷放料時，她謂：「唔知，唔想猜測。（係咪覺得有人放唔低？）唔想猜測，已經唔關我事！」再問她覺得子羚是否受害者時，Sarika坦言：「個個都係受害者，因為我同Elaine係圈中人，仲有影響Raymond同所有牽涉事件嘅人，希望事件快啲完結！」
（綜合報道）
【似足大口仔】樂基兒再晒囝囝Hunter可愛相
樂基兒（Gaile）上月底為老公Ian Chu生下B仔，B仔改名叫Hunter，她現專心留在家中湊仔。
想不到在外國長大的她亦跟足中國坐月習俗，日前透露已有一個月冇沖涼洗頭，還用碌柚葉薑水洗邋遢。
今日，Gaile就再貼了一張Hunter BB的新相，雖然他瞇埋眼仔，但已見到眼線長長，再加上他擘大口唞氣兼有濃密頭髮，似十足日本卡通人物大口仔Tabo，而Gaile就留言再介紹他：「My name is Hunter, hear me roar」，形容囝囝擘大口似老虎吼叫，之後她更hashtag了#babyhunter #5weeksold，原來BB已有五周大。
Gaile的朋友見到Hunter BB可愛相就給like，而貝安琪就留言：「So cute!! Looking forward to meet Hunter」，而Ana R.就留言大讚他可愛。
(apple daily)
【吳香倫出院後再入院】陳榮峻：又被醫院急call回去
無綫資深藝人陳榮峻（原名陳榮基）喺社交網透露太太吳香倫入咗院，佢上載吳香倫喺病床上嘅相片，雖然佢戴上口罩，仲揸住集《愛．回家之開心速遞》劇本，精神尚算不錯，不過右手食指就包住沙布。
陳榮峻留言表示：「容儀剛出院2天，又被醫院急call回去，希望早日出院，繼續拍攝開心速遞。譚道德，譚何容儀，開心速遞。」網民都大讚吳香倫工作態度認真，入院都劇本不離手，令人尊敬！要多啲休息早日康復呀！
而陳榮峻回覆東網說：「太太10個月前肺炎，到現在還是肺炎，從來冇好過，早幾日入院洗支氣管，洗走啲痰，及組織去化驗，又抽手指肌肉去化驗，今次是抽大髀肌肉化驗。」
(on.cc)
【執定走佬袋預演去醫院路線後】IG報喜：母子平安
早前宣布太太再度懷孕，預產期係6月初，之前佢已經話執好「走佬袋」兼預演去醫院路線。
仲成家出動，代細佬買禮物畀哥哥莫朗翹！
點知莫家淦今日喺社交網透露，太太已經生咗，母子平安。
雖然未有一家四口最新照片，但獲得唔少好友留言祝福，恭喜佢再做爸爸！
(on.cc)
【冧爆陳妍希】陳曉激罕放閃：真不是刻意捧你
台灣女神陳妍希今日37歲生日，一向甚少喺社交網放閃嘅老公陳曉，晨早就難得大放閃光彈，上載老婆側面靚相！
佢留言：「—祝老婆生日快樂🎂平安，健康，順心更希望你耗時近兩年的作品能早日讓觀眾看見，你的努力，我自愧不如，真不是刻意捧你」
唔知係咪尋晚撇低囝囝撐枱腳過二人世界呢？
仲成個少女咁，一啲都唔似已經做咗媽咪！
(綜合報道/on.cc)
【好似經期咁多血】黃澤鋒太太高齡懷孕唔容易：試過地下成灘血以為…
現年52歲嘅藝人黃澤鋒去年宣布太太陳麗麗佗B，而令人驚訝嘅係麗麗51歲仲可以自然懷有第一胎，佢就喺無綫節目《媽媽唔易”造”》中，分享高齡懷孕心情同埋當中嘅苦與樂！
麗麗直言做運動係令佢懷孕嘅最大因素，佢喺10年前先開始學泰拳，覺得身體打好基礎，當想生BB時，無論咩年紀，成功懷孕機會都大啲！不過懷孕頭3個月，係流產高危期，而佢都有驚險情況出現：「出過血，自己好擔心，難得有（BB），會唔會係一陣間嘅開心呢？」
佢憶述當時情況：「有一晚12點幾，我咳！去洗手間時候，咦！點解有灘血嘅？」到凌晨2點幾再去廁所，發現流得更多血，好似經期流量咁多，而老公都好緊張！之後即刻預約醫生，檢查後發現係胎兒下神經線嘅微絲血管喺佢咳嘅時候谷爆咗，不過傷口會癒合，令佢終於安心番！經歷此事後，佢依家都好頻密做產檢，照超聲波見到BB輪廓時佢都一面滿足，而醫生都話好健康！
麗麗亦透露宣布喜訊後，帶咗好正面訊息畀大家，令唔少朋友都好有希望！不過都有負面反應！佢話：「有啲好絕，咒你（BB）有唐氏綜合症呀、生出嚟養唔大呀！」
當講到陪伴小朋友成長「有限期」時，麗麗就話對身體健康要求好高，先可以睇到佢成長，希望教曉囡囡點樣思考、想像、長大，將最好嘅嘢教畀佢！
(on.cc)