藝人王祖藍同李亞男去年底誕下愛女王天韻（Gabrielle），雖然呢對新手父母忙於照顧囡囡，但仍然爭取時間過二人世界！
近日佢兩個飛到巴塞隆拿旅行，作為遊客梗係要去名勝朝聖，見佢兩個喺聖家大教堂前面影打卡，見到李亞男着住平底鞋都高過王祖藍展現「長短腳」，雖然祖藍矮過李亞男，但唔少網友都大讚攝影師技巧唔錯，因為影到王祖藍隻腳特別修長！
另外，又見李亞男喺社交網上載多張飲飲食食嘅相，其中着住小背心嘅佢，騷出少少「事業線」，真係點睇都唔似生過！
(on.cc)
【粉絲勁送祝福】林志玲婚後首發文
44歲台灣第一名模林志玲，日前忽然在社交網站宣佈，與今年37歲的日本組合EXILE成員AKIRA結婚，林志玲之後更貼出一封公開信，表示「愛情有一天會眷顧於我」，同時亦希望每個相信愛情的人，都能擁有屬於自己的幸福。
對於林志玲終於得到幸福，很多fans與藝人均對她送上祝福！
而得到幸福的第3日，林志玲剛剛再在社交網站留言感謝大家對她的所有祝福，同時她亦希望所有真心都可以化成美好，真心以待：「難以言喻由衷感謝大家的祝福，我們會把這份祝福，化成溫暖的力量~ 盡我一生所能，將愛、夢想與幸福傳遞給所有的人，願世間所有的真心都能化為美好~ 所有的美好都能被真心以待」
而林志玲更於文中加上感謝、錫錫及心心的emoji，可見她婚後心情非常好，至於一眾fans看完後，亦再一次向林志玲送上祝福，更有人留言叫她盡快生B。
(apple daily)
【佗B五個月】吳雨霏首晒孕肚
歌手吳雨霏（Kary）今年四月宣布佗第二胎，今日正日33歲生日嘅Kary喺社交網上載近照，相中嘅佢着住白色連身褲，佗B五個幾月但身材依然纖瘦，只係腹部微隆，手腳完全冇水腫問題，絕對係得天獨厚！
Kary留言話：「33 doesn’t look too bad, right? THANK YOU all for the birthday wishes（33歲看起來不太糟糕吧？謝謝大家的生日祝福）」
之後Kary又再上載一段文字，多謝粉絲冇忘記佢，仲為佢製作一段生日短片，佢仲叫大家耐心等候，因為好快會同大家見面。
【開刀生B？】黃澤鋒太太：留喺肚裏面多一日都有危險
藝人黃澤鋒夫婦和林曉峰等，下午現身九龍灣，錄影ViuTV節目《估你唔到》。
黃澤鋒太太7月尾臨盆，醫生建議剖腹產子，二人表示稍後再見醫生決定，黃太表示：「醫生話留喺肚裏面多1日（指孕婦年紀問題）都有危險，不過擇日開刀都要同屋企人商量吓。」
她透露腹中塊肉已經4磅多：「發育得好好，我自己戒口同少食多餐，因為驚皮膚敏感復發。」黃澤鋒則笑言自己對生產「冇慨念」：「所以準備走佬袋都要問佢（太太）。（諗住獎乜畀太太？）我咪獎左自己畀佢囉，我有戶口但係鍾意儲現金多啲，總之我唔貼第二個，淨係貼我老婆咪得囉。」
他又指黃母以往有幫人照顧小朋友：「所以我會負責餵夜奶，最多都係辛苦三個月啫。」談到早前太太懷孕初期曾被網友咀咒，黃澤鋒顯得相當樂觀：「其實乜都有人講，又有啲網民見到黃翠如結婚，已經咒定人離婚，所以唔需要咁認真，總之乜都有人講。」黃太在旁補充：「我唔係圈中人，所以起初反應都大，但依家會視為一種警惕，佢哋話第時小朋友要照顧番我，但我只要保持健康，就唔需要佢照顧喇！」
(on.cc)
【媽咪都會關心】余德丞爆喊：嗰刻係真情流露出嚟
藝人余德丞出席活動，提到他有份拍的節目《如果這樣生活》將播出，他稱拍攝的一集，是到日本偏僻的小島取景3日，坐了3小時車，再搭3小時船才去到，感受到日本寧靜的一面 。
因每集藝人都分享一件感動經歷，他謂：「我都有嘅，亦有講番昏迷件事，都有講到喊。（會唔會特別叫阿媽睇？）其實媽咪有跟埋我去拍嘅，不論我開心唔開心嘅嘢，媽咪都會關心。有人話喊係咪假㗎？我可以講唔係，嗰刻係真情流露出嚟。」
他近日忙於拍攝《娛樂大家》和《香港原味道》，他開心表示《娛》因反應好而添食。
問到和汪明荃（阿姐）合作了一段時間，是否已少了點壓力？他坦言：「咁真係冇咁驚，開頭係怯怯哋嘅，但相處耐咗，阿姐都好鍾意問我哋依家興啲乜嘢，玩啲乜，好似之前興影BB相。（你有教阿姐？）會講佢聽興咩，邊啲靚呀咁囉。」
(on.cc)
【爆張茜當年買二手婚紗】張衞健親手整頭紗解心結
「愛妻號」的張衞健同太太張茜結婚多年，一直非常恩愛。
近日兩公婆一齊上內地綜藝節目《熟悉的味道》，最新一集講到張衞健為老婆送上連串驚喜！當日張衞健落手落腳煮牛扒畀張茜食，佢話因為太太第一次煮嘢畀佢食，就係寫牛扒，而對方烹調嘅牛扒仲令佢刻骨銘心！
事關當時張茜煮到塊牛扒全黑色，咬落仲似橡筋，不過佢都照單全收食晒，係愛呀！而今次因為張衞健煮嘅牛扒望落太美味，所以張茜一見到就懷疑係咪老公親手煮，雖然張衞健言之鑿鑿話：「當然是我做的啦！」
但就唔小心做咗斗雞眼，令張茜識穿佢講大話，仲大爆老公一講大話就會斗雞眼，認真搞笑！
不過張衞健真係有幫吓手嘅！
食飽飽，張衞健繼續送驚喜，今次就係一個佢親自設計嘅頭紗。
佢解釋因為當年結婚時經濟條件比較緊張，張茜為咗唔增加佢嘅負擔，好貼心咁自己喺網上買咗二手婚紗，令佢相當感動同時一直記喺心入面，所以就整咗呢個咁有意義嘅頭紗。
張衞健為老婆戴上頭紗之後，仲重演婚禮上跳舞一幕，Sweet到暈！佢其後仲話：「我覺得我們是一對老夫老妻，但是還是可以一直在談戀愛的。」
真係閃到觀眾盲喇！
【突然性情大變】囡囡搞到利嘉兒一頭煙：呢排好似癲咗咁
藝人利嘉兒（Lily）出席慈善晚宴活動，佢自爆最近被8個月大嘅囡囡劉書雅（Karyssa）搞到一頭煙：
「囡囡出世以嚟一直都好乖，點知踏入八個月就突然性情大變，變得好有主見、好有性格，無論做咩都Say No，沖涼換衫全部都扭計，最慘係有時要同佢鬥力，佢人仔細細其實好大力，我又怕整傷佢，所以每次都好攰，呢排好似癲咗咁，冇諗過咁快就反叛期。」
她續指囡囡最近有不少第一次：「佢已經識自己飲水、攞零食，仲識得嗌爸爸媽媽，雖然係好冧，但就慘啦，因為佢乜嘢都嗌媽媽，之前我仲可以交畀傭人幫手，依家就真係行唔開。（老公有冇幫手？）佢係豬隊友，因為囡囡要乜佢都話好，但我就想嚴厲啲，雖然呢胎得來不易，有時會不由自主咁縱佢，但最基本都希望佢有良好嘅品格。」
至於講到升學，她表示希望囡囡在快樂中成長，不想畀太多壓力，所以尚未安排任何面試。
(on.cc)
【去年三月高調認愛】宣布分手：願今後一切安好
去年3月被捕獲拍拖，隨後公開認愛，之後時不時都會晒恩愛。不過年初傳出二人分手消息，他們當時未有回應事件。。。
景甜今晨在微博寫上：「感恩曾經相遇，願今後一切安好。」疑似宣布與張繼科分手。
其工作人員接受內地媒體訪問時確認分手消息，表示「感謝大家關心，想說的她微博都說了。」
景甜與張繼科出席好友的生日會時玩得好開心和親密，不過已成為過去。
其實中國乒球國手張繼科早前已換掉與景甜的情侶頭像，並向粉絲表示不過情人節，而他暫未就分手事件發表回應。
(on.cc)
【與姚子羚閨密情不再？】傳龔嘉欣將是非當人情⋯
姚子羚（Elaine）最近真是很頭痕，早前因前男友Raymond而捲入四角關係，近日又有報道指她與閨密龔嘉欣（Katy）反面！
姚子羚與龔嘉欣一直好老友，2014年曾一同租住將軍澳的屋苑，翌年又搬到同區村屋，還一齊收養一隻被遺棄的唐狗「通仔」，現在已由Elaine負責照顧。
但自從Elaine於2015年與富家闊少鄭子邦（的士邦）拍拖，兼搬到男友位於赤柱的紅山半島豪宅同居後，Elaine與Katy這對閨蜜的關係便開始起了變化。指Katy會將是非當人情，爆Elaine與的士邦拍拖好甜蜜，而Elaine身邊人亦多次提醒要小心，盡量不將感情事告知對方。
而Katy亦曾跟友人說過遭Elaine責怪，叮囑她不要對外亂說話，之後再有傳媒提問有關Elaine的感情事，Katy都不敢多講。
有指自從Katy與Elaine沒有再一齊住之後，即各自組閨蜜圈子，分別是Elaine的「胡說八道會」以及Katy的「少婦聯盟」，兩人的聯絡少之又少，更甚在電視城碰面亦沒有打招呼。
不過，Elaine和Katy接受傳媒訪問時均否認，Katy更斥報道失實:「無中生有，冇啲咁嘅事 一路都係好好朋友，亦都好支持佢。」Elaine則說:「冇啲咁嘅事！我哋仲係好朋友，之前我首飾品牌推出，嘉欣都幫我戴去出活動支持！」
而事實上，Katy和Elaine在去年2月還一齊去沖繩旅行，當時Elaine應剛與鄭子邦分手，應是療傷之旅；而日前Katy還親自試戴Elaine設計的吊飾耳環，貼在IG為對方做免費宣傳，看來姊妹情未變，難怪兩位當時人要立即澄清。
(apple daily)
【超浪漫啊】吳奇隆劉詩詩B囝名字曝光！
台灣藝人吳奇隆同內地女星劉詩詩結婚後，今年四月生埋個B仔變一家三口！
佢哋好保護囝囝，一直冇公開個樣之餘，就連名字都係保密～
呢一日囝囝個名終於曝光，DJ Vani話同吳奇隆飯敍，睇到B仔嘅相大讚可愛。
佢留言話：「初次見到他兒子『步步』的照片，沒想到我會感動得哭了出來！」
仲話兩父子超似樣，完全就係小奇隆，相信長大之後步步一定好靚仔。
吳奇隆同劉詩詩合作劇集《步步驚心》後撻着，跟住戲假情真拍拖結婚生埋B，呢套劇絕對係佢哋嘅定情作，囝囝個名用定情作嚟做紀念，睇唔出吳奇隆份人平時咁低調，原來都可以好浪漫！
(on.cc)