藝人徐榮出咗名係圈中慈父，成日都同一對仔女徐朗（Karson）及徐心怡（包包）親子樂，都算係半個湊仔公。
不過最近佢就要為新劇日以繼夜咁開工，連仔女都見唔到，搞到佢都心掛掛，有見及此，尋日難得有幾個鐘頭休息，佢都即刻飛返屋企睇細路，仲帶埋「特色手信」畀包包添！
雖然話係休息時間，不過轉頭又要繼續開工，新劇造型都唔可以轉住，所以佢就戴住個長假髮連髮夾返屋企，點知就引起包包嘅興趣，一路攬住嗲哋一路玩佢啲「長髮」，仲好細心咁研究點樣要令啲長髮唔打結，真係可愛爆燈！
而徐榮都好有耐性咁同包包解釋啲頭髮係假髮，放咗工返到屋企就會冇咗：「連續日以繼夜咁返工📽難得有幾個鐘頭休息時間都飛返嚟睇佢兩個寶貝👦🏻👧🏻阿包對👨🏻長髮造型表示得相當興奮😜不停同👨🏻交流長髮嘅心得🤣👧🏻認真地話爸爸你啲頭髮打晒結呀 你睇吓我嗰啲頭髮冇打結㗎！」
可愛爆登！
(on.cc)
再度榮升做爸爸、誕下第二名小公主的天王郭富城風騷出席環保活動，支持香港首個「無膠日」。甫受訪，一臉慈父樣的城城難掩喜悅，主動向記者分享「二寶」！
「細女出世之後未見過大家，二寶喺4月出世，中文名仲研究緊，英文名叫Charlotte，因為想同大女（Chantelle）一樣都係用『Ch』開頭。」
之前太太方媛（Moka）出Post爆大女呷醋？城城笑住承認：「有少少啦！我抱住BB佢就有少少呷醋，咁我都仲係新手，都慢慢學習緊，都OK嘅，會氹吓大女。（可以一湊二？）細女都仲細，得個幾月未出得街，遲啲一家大細再去公園玩。」
講到Moka得天獨厚極速收身成功大露纖腰，城城冧笑話「OK」，然後心痛謂：「佢好辛苦！（點樣獎勵佢？）錫佢多啲！自從今次二寶出世，發覺媽媽真係好偉大，佢兩次都係順產，過程都好辛苦。」
續透露兩次都有入產房陪同太太，更有幫手剪臍帶：「睇住佢哋兩個出世，覺得好開心、好幸福、好感動。（有冇眼濕濕？）唔可以用言語去表達，心入面個感覺好唔同，係好幸福嘅感覺！」全程笑笑口回答，認真幸福滿瀉！
問到可會繼續追「慈姑椗」？城城肯定謂：「暫時唔會住，呢個世代嘅思想，仔女都真係冇所謂，最緊要係健健康康，我唔知有仔仔係咩感受，但依家有兩個女都好滿足！睇到太太喺分娩過程好辛苦，真係好偉大，想太太休息吓先！」名乎其實是愛妻號！
講到環保方面，他大力支持宣揚環保訊息：「唔單止自己，亦提醒咗我要教育下一代，要做好榜樣。例如教囡囡用環保餐具，減少用一次性塑膠，灌輸保護地球的重要與責任，呢樣係累積番嚟嘅美德。」
城城更自爆每朝都會食菠蘿包做早餐，會叫家傭攜環保飯盒去購買，亦會用咖啡壺去買咖啡。
(on.cc)
歌手陳奕迅太太徐濠縈出席護膚品牌活動，透露14歲女兒陳康堤都貪靚，平時會化淡妝亦會敷面膜保護肌膚。
問到徐濠縈會否幫老公護膚？她表示老公有化妝師睇住。
至於女兒拍拖，她即大讚其男友！
「佢好乖，一表人材。（佢適應咗阿女係焦點人物未？）相比起個女比較有童年陰影，成日都唔敢出街，或者叫我車佢去啲僻遠嘅地方，好似偷情咁，不過咁都安全，有時個男仔都會嚟屋企拍拖，我主動鼓勵佢哋出去，唔好成日留喺屋企，驚悶親個男仔，一係好靜地方，一係喺屋企，咁樣好唔健康。（個男仔有冇問請教你點面對傳媒？）冇，我諗佢唔敢問，但我個女就採取逃避。」
(on.cc)
藝人張可頤雖然少咗幕前演出，但依然要保持最佳狀態，點都唔放過空閒時間，佢於社交網留言：「又是一個人消磨的光陰，但非常Ok。」
原來佢喺屋企狂操Body，穿上Bra Top及「底褲仔」露腰嘅相，身材fit爆，十分吸睛，仲話：「我在努力找回馬甲線路上啦。」
雖然佢已經50歲，但無論個樣或身材都凍齡咗，真係令人羨慕，但竟然有人留言：「原來明星脫了衣服也就那樣，還不如穿衣服好看。」本應令人震怒，但「智者」可頤好親切回覆對方：「親愛的，第一我沒脫衣服，正常日用運動服，就這樣，仍有些小微肚子，倒沒有三腿四臂，跟性感拉不上絲毫哈，讓你奇特的思維頻道失望了👎。」
網民都力撐可頤「你天生身材好呀，誰能跟你比」、「你叫他親愛的，便宜了他」！
可頤之前都有晒過泳衣照，唔只Fit爆，皮膚仲好好！
(綜合報道)
藝人湯洛雯（靚湯）於無綫新劇《婚姻合伙人》中演護士，處事愛恨分明，遇上黃德斌飾演的花花公子，難免存有偏見，在一次偶然機會下，靚湯獲安排照顧受傷的黃德斌，二人成了歡喜冤家，及後靚湯更暗生情愫，劇中兩人有場激烈咀戲，笑言此乃演員生涯最強之吻！
以往多於浪漫氣氛下拍攝咀戲的她，以強吻來形容今次與德斌之吻：「係拍攝生涯入面比較激烈嘅一次，咀起嚟有少少緊張，德斌畀人大哥哥感覺，好冷靜，呢套劇係兩年前拍，當時自己係半新人，好多人問我同佢拍會唔會驚，但我同佢雞啄唔斷，第一次合作已經好愉快。」
談到角色性格愛恨分明，現實中又如何？靚湯自嘲於愛情方面欠理智，向來以感覺行先：「咁多次拍拖都係咁，可能本身冇咩安全感，要對方好鍾意我，先可以放開個心去鍾意佢。」
與舊愛羅天宇分手一年半，早前雙雙出埠拍節目。。。
不過即使朝夕相對，可是再無觸電感覺，反而昇華至老朋友關係：「個節目喺舒服狀態去拍，唔會有芥蒂，如果有觸電感覺就唔會分開啦！真係冇。（冇一絲留戀？）分開係成熟嘅決定，經過深思熟慮，依家保持朋友關係可以好好相處。
（身邊人有冇催你拍拖？）自己好宅，朋友叫我出街識新朋友，但我又唔想，平時返工扮靚已經好攰，個男仔係就會出現啦！我唔會去相睇，對自己仲有信心，愈刻意搵愈唔會搵到，反而突然之間就會遇到，一見鍾情都可能會。（主動出擊？）唔會啦！一見只會係有好感，會等個男仔主動開口囉！」
(on.cc)
藝人鍾麗緹同內地男星張倫碩婚後不時高調放閃，但早前佢哋拍攝內地真人騷《我最愛的女人們》時，多次發生口角，鍾麗緹仲呻過老公婚前婚後好大落差，雖然事後張倫碩跪榴槤道歉，但依然令大家關注佢哋嘅夫妻關係。
日前兩公婆接受媒體採訪，講到婚前婚後變化大，張倫碩直言：「很正常，但這種變化可能變簡單了，並不是變不好了。」
佢又解釋：「婚後更多是理智的表達，比如說婚前老婆肚子疼，會給你揉揉，那婚後可能就是，老婆你這兩天別去幹嘛了，你別去運動了，『大姨媽』不可以跑步。這其實也是愛的體現，只是方法不一樣了。」
而講到二人不時吵架，張倫碩表示：「爭吵雖然這個方法不對，但其實是自我內心感受表達的一種方法。對於這件事，其實我們看得沒有那麼的嚴重，就覺得好像是偶爾感冒一樣。」
而鍾麗緹都認同老公，表示依家只係結咗婚三年，仲有好多地方要溝通，仲冧爆話：「我願意跟我老公吵一輩子。」
(on.cc)
由林峯、蔡卓妍、方中信領銜主演的年度超級網劇《PTU機動部隊》正熱播，當中飾演林峯「爛賭」母親的苑瓊丹（苑仔），在戲裏不乏惹笑「爆肚」。
擅演喜劇的苑仔，在《PTU》中再次發揮喜感本色，飾演林峯「爛賭」母親，二人母子情戲份既搞笑又煸情，其中苑仔更不時「爆肚」兼開「黃腔」，對此苑仔表示：「我都唔記得有講過『黃色笑話』，成日都『爆肚』。」
除了對白之外，苑仔透露為配合「爛賭」造型，她亦出動私伙耳環，她說：「劇中我戴住隻關刀耳環，賭錢嘅時候就劈劈劈，呢隻玉造關刀耳環，係我開拍前特登花咗五千蚊買返嚟，呢隻關刀耳環由一千蚊到五千蚊都有得賣，我有朋友話隻耳環用嚟拍戲，唔需要買太貴，幾百蚊買隻就得，不過我對自己係有要求，所以買咗最貴嗰隻。」
此外，《PTU》中有一幕講述黑幫為威脅林峯，綁架苑仔用吊車把她吊在十層樓高半空，雖然驚險，但拍攝期間苑仔堅持親自上陣，事後她表示：「依家嘅威吔好似麻繩咁粗，唔會驚，加上幕後工作人員同我好熟，唔會整蠱我，我都好放心拍攝呢場戲。」
（on.cc）
唐詩詠最近與網上作家葉朗程扯上關係，事緣對方早前撰文分享與一名金牛座女性在酒店密會慶生的文章，並上載一張女性背面照，由於髮型及服飾跟唐詩詠極為酷似，令網民質疑女主角就是唐詩詠本人。
唐詩詠昨晚在新劇《唐人街》飯局上表示，指今年生日在公司開工度過，劇組還送上蛋糕，而且過程難忘。
對於被指疑似故事女主角，詩詠直言有很多人問她，但不關她事，亦不是事實的事就不回應了，對她而言只是一篇文章。對於相中人背極似她本人？
唐詩詠早前發佈在酒店慶祝生日的相片…
詩詠說：「我都有那條裙，是很似的，也穿過跟朋友去餐廳吃飯。」
網上作家葉朗程上載這張疑似「唐詩詠」照片，並發表一篇與「金牛座女生」酒店相聚的文章
至於有傳葉朗程的身分是其緋聞男友？詩詠直言不認識這位作家，如果擺我張相上去的人是我朋友的話會嬲死，皆因感覺擺她上枱，是她的朋友一定不會這樣做。
(mingpao)
天后容祖兒與關智斌（Kenny）早前到日本拍攝一系列「斌祖二世古」滑雪片，在北海道最後一日兩人深情對話，Kenny想起一件連自己都忘記的事，原來早在十幾年前，他曾為祖兒寫了一首《勇氣情歌》，祖兒冇想過Kenny會為她寫歌，但當返到屋企後，靜心欣賞那首歌時，就感動到起雞皮。
為報答Kenny的窩心舉動，祖兒返港後立即入錄音室重新演繹《勇氣情歌》，新版《勇氣情歌》MV甚有心意，祖兒專登找了她與Kenny多年來的合照放入MV內，有些照片連Kenny也未見過，好多網民看完MV亦感動到喊。
看完MV的Kenny，亦於深夜發文，他說：「有一年在頒獎禮她給觀眾發出噓聲嘅時候，想着想着就猛然想起寫勇氣情歌的因由」寫完首歌後Kenny又覺得有點唐突，故最後也藏於心底：「我們在這個大家庭成長很多年，比較偏向於心照不宣，有甚麼不開心就會慰問兩句然後就唱K食飯轉換心情，等你能量滿滿瞓醒一覺再重新出發……上天的安排有時很有趣，有時候你以為做的東西是徒勞無功，又或者有的時候覺得白費心血……他會用一個很有趣的方法告訴你，天道酬勤！容祖兒就是一個最好的例子。」
祖兒亦都留言話：「這一刻只想在你懷中大哭一場。」係愛呀！
(on.cc)
關節是連結我們人體的樞紐，不適當的動作會造成關節損傷，有時這些動作藏在我們每天的生活習慣中。《生命時報》訪問骨科醫師，列出一些生活中常見的動作，其實是相當傷關節的，積年累月下來不改進，年老了恐造成無法挽回的傷害。
長期低頭唸書、工作和滑手機，容易造成頸椎疾病，還會使肩關節、指關節出現損傷。
建議：每小時上下左右轉動頸部、活動全身關節，讓緊繃的肌肉放鬆，如果出現暈眩、上肢麻痺等症狀，代表頸椎損傷嚴重，應盡早就醫。
長時間使用滑鼠的上班族，由於握滑鼠時手背彎曲，容易引起腕管綜合症，使得手部腫痛、麻痺無法動彈。
建議：應該每隔半小時活動下腕關節，或是按摩手部關節。
有些人習慣性的掰手指、扭脖子，發出咔咔響的聲音，這對關節有害，建議不要做。
單腿站立會讓膝關節承重加倍，上樓梯要承受3～4倍的壓力，下樓梯則增加5～7倍。
建議：45歲以上的人少爬樓梯、爬山和做蹲下站起的動作，若有需要可戴護膝，保暖又防撞。
騎單車時膝關節經歷彎曲90度再伸直的過程，還要踩腳踏板克服前進阻力，可能造成損傷。如果膝關節長時間處於慢性損傷或疼痛，就不宜騎單車。
建議：膝蓋不好的人也不建議打籃球、羽球、網球等，可以嘗試游泳、慢跑等運動。
深蹲時膝蓋的負重是身體的3～6倍，若如廁久蹲，會加劇關節和韌帶負擔，膝蓋不好的人建議選擇坐式馬桶。
搬重物彎腰時，重物和腰骶部（軀幹中上身與下身相互連接的樞紐）支點有一定距離，距離愈大支點受力愈大，腰椎所受壓力也愈大。
建議：先蹲下，再直起腰用腿發力。
穿高跟鞋時，全身重量都壓在腳趾尖，時間長了會出現拇指外翻，甚至引起皮膚潰瘍，還有人會變成扁平足。
建議：在非正式場合和腳部疼痛時穿平底鞋或運動鞋。
（元氣網）
