【即引來揣測⋯】吳若希：想死的心也有了

2019-01-26

近期不時在社交網發表個人感受的吳若希（Jinny）頻頻「躺着也中槍」，有讀者爆料指Jinny在Facebook透露有輕生念頭，因她寫了：「想死的心也有了」。

Jinny回覆東網時，劈頭第一句就是「好無聊呀」：「其實我寫咗個post話『可以告訴我到底現在是甚麼季節，穿兩件（衫）很熱，穿一件又好冷』，有個fans就同我講：『唔好亂講嘢，一陣畀人話你厭世』，我咪講笑咁答佢：『想死的心也有了』，其實擺到明係講笑啦。」

(on.cc)

【拍拖七年】譚凱琪坦言：最初以為對方只係玩玩吓

2019-01-26

譚凱琪(Zoie)最近因為在《大帥哥》飾演日本間諜「天嬌」而被網民盛讚。

相關新聞：
【網民感動到喊大帥哥張衞健：唔要權唔要勢唔要錢只要⋯】https://goo.gl/7Amwu1
【《大帥哥》大結局洪永城寫信畀張衞健：大哥，你成功了！】https://goo.gl/W1JEKv
【入行18年終於憑《大帥哥》彈起「天嬌」譚凱琪：做豬年新娘都唔錯】https://goo.gl/rTerZN

她的感情生活亦被人關注，不過Zoie身邊已經有一位拍拖7年的富貴男友莊日宇(Enrico)，日前她接受周刊訪問，分享與男友的相處點滴。

對於有指Enrico在3年前已經在九龍塘置業，甚至曾經將名下餐廳的股份轉贈給女友，不過Zoie坦言不想評論男友的家境，她覺得兩個人的相處，比其他事來得更加重要，事實上他們一直很努力工作，買樓只不過為將來做打算，大家都以結婚這目標交往。

她亦讚男友很明白她的工作，不但百分百信任，最初交往以為對方只是「玩玩吓」，但相處後亦變成一個重視家庭的人，談到結婚，Zoie笑稱年輕的時候有很多憧憬，但長大後希望在事業上有點成就，才考慮這件事，目前大家有共識，已經認定男友為結婚對象，不希望為了結婚而結婚，只要時間一到，隨時會閃婚。

(apple daily)

【預演婚禮？】張馨月傍實林峯甜到漏

2019-01-26

貴為廈門首富之子的藝人林峯自同吳千語分手後，同內地模特兒張馨月拍拖，但佢一改過往作風，低調護愛苗！

雖然平時林峯唔肯講同張馨月有幾好，但就不時被讀者撞破佢兩個孖公仔，之前更喺內地出席張馨月細佬婚禮，睇嚟都已經見晒家長！

今日又有讀者爆料，指林峯今日帶埋「未婚妻」張馨月同成班親戚返石獅祭祖，兩人都着到紅噹噹，胸前仲有個綵球，似足預演婚禮！

而張馨月亦好識做，企喺林峯隔籬傍實。

林峯除咗介紹佢畀親戚好友認識之外，仲盡顯母愛同BB傾偈。

之後仲齊齊化寶，實行學定點做林家新抱！

(on.cc)

【帶小新去酒店住】李蘊擔心到喊：每日要視像十次..

2019-01-26

呢日藝人李蘊（Renee）喺社交網發文，仲表示好唔捨得、擔心到喊。。。

佢晒出一張同囡囡嘅合照，並留言指因為怕細仔小新會被傳染，所以暫時要同囡囡分開一段時間，佢仲盡訴心中不捨：「唉..啱啱睇醫生..我個女甲流..因為傳染性太高..我依家要帶小新去酒店住..晞晞..你要乖乖食藥快啲好返（番）知唔知？媽媽要幾日後先可以見到你..每日要視像十次..」最後更表示自己擔心到喊。

近日流感高峰期，圈中唔少藝人如田蕊妮、薛凱琪、阿嬌等都相繼中招。

(on.cc)

【郭藹明黃秋生任達華等都有出席】張家輝心情複雜：覺得冇咗個好朋友

2019-01-26

郭藹明、張耀揚、麥嘉、張同祖、黃秋生、盧海鵬、導演林德祿、阮世生、杜琪峯夫婦、泰迪羅賓等都有出席追思會，但未停步受訪。其中見杜琪峯心情已好轉不少。

影帝張家輝由經理人鍾珍陪同下，中午現身林嶺東追思會。談到與林導的交往，他透露：「以前我住喺佢隔籬，但大家唔太了解對方，直至佢去年想開部文戲，講一個警察嘅態度及做人宗旨，正正係佢前半生嘅領悟，我有幸畀佢揀中咗嚟演出，而去年尾嗰幾個月我哋不時開會傾偈，會議好長，彼此了解咗好多，當時一切正常。佢形容自己同杜琪峯『青梅竹馬』，又話搵我拍嘅原因，亦係覺得我只要認為係啱嘅事，都會不顧一切咁堅持！」

家輝形容接到對方死訊，自己心情複雜：「覺得冇咗個好朋友、好導演，同時間亦冇咗個好project。成套戲即刻叫停，冇晒一切嘢。（你幫手完成埋佢？）呢個係佢個人對人生嘅領悟及睇法，冇人可以操控到。」

而任達華於林嶺東追思會中逗留1小時離開，期間手持追思會小冊子，封面的林導戴上太陽鏡，面露笑容。題為「林嶺東幸福的生活」。

問到追思會上氣氛如何，他說：「大家食飯、食雪茄、飲紅酒，同佢（林導）喺空氣中見面，亦有播歌，係由佢哥哥南燕寫嘅。」

(on.cc)

【睇到網民嘩嘩聲】蔣雅文激罕曬泳衣照

2019-01-26

36歲文青女神蔣雅文（Mandy）一向樣靚身材正，不過佢平時衣着包到密密實實，十分保守。

尋日佢竟然喺社交網上載一張索爆水着相，騷出弗爆身材！

相中見到Mandy坐喺沙灘，以黑色Deep V泳衣上陣，睇到網民嘩嘩聲，佢搞笑留言用「奶奶」比喻成上圍：「難得帶長輩到海邊露露臉，沒辦法…奶奶個性比較內向」

好多網民都話睇到流鼻血，仲叫Mandy奶奶唔好咁怕醜，多啲同大家見面啦！

(on.cc)

【就快升呢做金太】驚喜到眼泛淚光！

2019-01-26

即將與男友金承威（Kenneth）拉埋天窗，佢尋日就獲汪詩詩聯同一眾親朋好友，為佢大搞驚喜告別單身派對。

身為經理人嘅詩詩事前向Jessica表示有美容品牌嘅拍攝工作，吩咐佢要事先着上金色主題嘅服裝。

直至佢去到現場，先發現原來一眾好友早已齊集為她慶祝，就連長居美國嘅婆婆都有出席，令Jessica立即眼泛淚光、驚喜交集，完全不能置信。

Jessica婆婆從美國返港參加。

而喺派對上所有姊妹都以白色打扮襯托呢位靚靚準新娘，活動上仲大玩小遊戲，考考姊妹們對準新娘嘅認識，場面相當熱鬧。

楊洛婷、陳靜都有出席。

攬實楊洛婷合照。

汪詩詩表妹湛琪清（Jessica）去年5月接受拍拖兩年嘅富二代男友金承威（Kenneth）求婚。

(on.cc)

【激似爸爸】蘇志威19嵗大女女大十八變

2019-01-26

圈中好多廿四孝好爸爸，就算工作再忙都將家庭放第一位，好似藝人蘇志威咁，結婚多年零緋聞，就算大女Yumi選舉唔讀大學，去追逐夢想學整甜品，呢位爸爸都支持到底，難得係老婆劉小慧都思想一致，放心畀大女去做自己喜歡嘅工作。

早前蘇志威就上載大女同JJ林俊杰合照，透露Yumi將會到日本深造學整甜品，呢個好爸爸話：「約咗大女兒Yumi去欣賞林俊傑演唱會，JJ被譽為‘行走中的CD’果然名不虛傳。呢個咁精彩嘅演唱會亦係我送俾（畀）Yumi去日本讀書前嘅禮物。一早親自送佢去機場，希望佢好好學習！」