藝人岑麗香（香香）現時懷孕6個多月，日前喺老公陪同下返港出席活動，並答應完成工作後，會留在加拿大待產。

日前佢趁快將離港，相約朋友食飯兼辦年貨。

當日下午佢現身王祖藍位於觀塘的公司，見到香香穿上平底鞋，身形明顯腫脹不少，眼見街上人多車多，佢亦行得特別小心。

期間香香發現記者拍照，即笑容滿面並揮手打招呼。

佢表示日內會飛回加國過農曆新年，雖然有指佢佗男B，但佢繼續保持神秘不開估。

未幾，佢下樓走人，返回將軍澳寓所。

見同行助手拿着十多袋賀年食品上車，本來香香想上前幫忙，不過遭助手當面拒絕，始終大肚婆不宜拎重件，「鬼妹仔」嘅佢反而百無禁忌。

(on.cc)

其圈中好友胡杏兒、姚子羚、楊怡和高海寧等都替她高興，曾搵她擔任伴娘的杏兒接受訪問時說：「係開心事，當然恭喜佢啦！依家佢住喺內地，少啲見面，但都有Whatsapp佢，恭喜佢生個豬寶寶呀！」

而子羚則說：「我哋都有個群組，之前都恭喜咗佢結婚，但就唔知佢有咗BB，咁依家就雙喜臨門啦！佢喺內地生活都好好、好開心，希望佢幸福快樂啦！」

而同樣搵過佢做伴娘嘅楊怡亦表示不知情，但就話：「咁梗係會恭喜佢，依家我立刻恭喜！」高海寧說：「之前同佢一直都少聯絡，不過如果係都恭喜佢！」

31歲的馬賽近年低調處理感情事，但本月5日突然在社交網上載與老公領證結婚照片自爆婚訊，對於人生大事只留言「往後餘生」輕輕帶過，老公身份更「隻字不提」，只透露對方是圈外人，希望大家給予空間。

婚事來得突然，據知她其實已懷有5個月身孕，奉子成婚更一索得男。有指其丈夫為身家豐厚的富二代，馬賽婚後過着少奶奶生活，可喜可賀。

現居於北京的馬賽仍未決定在內地還是返港分娩，但對於腹中的「金叵羅」已相當緊張，不但全面停工，深居簡出，更出盡法寶養胎。懷孕後，其母立即飛抵北京貼身照顧，馬賽亦不時煲補身湯水及吃清淡食物養生，並多次在社交網上載健康營養餐，留言：「雖然賣相普通，但可以自己煮無添加健康餐都係好幸福，煮飯同演戲一樣，創作靈感好重要。」

此外，篤信佛教的她經常分享抄經作品，透過抄經來洗滌心靈。據知，她私底下曾向朋友表示現時較以往勤看佛經，全為替BB和家人添福。

雖然在內地安胎，但她不時與香港的圈中好友胡杏兒及姚子羚等保持聯絡。去年12月，她返港與藝人楊埕、郭千瑜等一同出席在「闊太姊妹」李美慧家中舉行的聖誕及新年派對。

當時懷有4個月身孕的她淡妝上陣，全黑打扮刻意遮肚，但略為水腫浮現「孕味」。當日她對李美慧的囡囡「小糖心」愛不釋手，不時肉緊抱實瘋狂合照，散發母愛。

馬賽接受訪問，被問「雙喜臨門」時笑得非常開心，她默認說：「多謝大家關心，遲啲有消息會同大家講，我依家生活得好開心。」

並再次強調不希望影響丈夫：「老爺奶奶都好錫我，對我好好，但始終老公係圈外人，所以想保持低調，唔講咁多。」至於當日有份出席派對的楊埕表示：「我唔知道，如果真係嘅話，當然恭喜佢。（當日佢精神點？圓潤咗？）精神好好，做人妻當然幸福肥啦！」

(綜合報道/on.cc)