曾唱出不少膾炙人口名曲的張德蘭，和西九戲曲中心顧問小組主席，上周二(21日)舉行了結婚31周年慶祝宴。
席間，楊偉誠深情剖白深愛太太的原因，他說：「我哋拍咗13年拖至結婚，啱啱認識德蘭時，佢只得16歲，我當時喺無線做助理編導，啲人覺得冇前途，加上我性格火爆，冇人信我會事業有成，而且會對德蘭好，惟一係德蘭對我好信任，所以我一生都愛佢。」
至於德蘭眼中的楊偉誠又是一個怎樣的丈夫呢？她甜蜜的說：「既努力又好學，對我又好好，夫妻相處咗31年，我一直過得好開心。」楊偉誠則以「小籠包」理論形容兩人相處之道…
「婚姻就好似食小籠包，一定要小心經營，而家我每日都追求緊佢。好似小籠包，皮薄，內中有燙，兩個人雖然愛對方，但相處係另一回事，一唔小心，好易整爛個皮。」德蘭一路聽一路點頭，表明完全同意老公的見解，她補充說：「每個人都有優點同缺點，要學識欣賞對方嘅優點，包容對方嘅缺點，呢個至係夫妻相處之道。」
31年的婚姻生活中，難免會出現風波，例如某一方可能會出現傾慕者，但張德蘭和老公都堅拒誘惑，楊偉誠笑說：「我係絕緣體，只要我唔想過電，人哋點都進入唔到你個心。我同德蘭有共同信仰，大家都尊重婚姻承諾。」
楊偉誠更踢爆德蘭是「嫦娥」，他笑言：「日哦夜哦，但係，有一次，佢自己一個飛加拿大登台，一去就十幾日，頭兩日我冇王管，一次過將屋企啲薯片、公仔麵拎出嚟食晒，半夜三更又唔瞓，開心到不得了。但係，自由嘅快樂感覺只係維持咗兩三日，日子一長，打電話又搵唔到佢，我竟然覺得好寂寞，好唔習慣。直到佢返到香港，一見到佢，一天都光晒！之後我就好珍惜有佢相伴嘅時光。」
對張德蘭的愛，楊偉誠亳不掩飾，他深情的說﹕「以後嘅日子，我只願執子之手，與子偕老！」德蘭即依在老公懷中，然後甜笑着說﹕「我愛佢一生一世。」
下月，夫婦二人便會展開結婚紀念慶祝之旅，先到巴黎和倫敦，8月再到北京，9月到土耳其，盡情享受二人世界。
(綜合報道 / appledaily)
看來復出前真是喜事重重
