前港姐冠軍曹敏莉（Mandy）最近撇低三個仔女，同金融才俊老公張家傑（Jacky）去咗旅行過二人世界，原來此行係為老公慶祝生日！
Mandy喺社交網上載合照，多謝老公令佢每日都笑，仲話冇男人可以再比佢老公更好，希望可以一齊變老，共同探索更多嘅地方！
而Mandy連日都大晒靚相，佢仲着上低胸泳衣半浸於水中，若隱若現，笑言老公啲影相技術改善咗！
佢又曬太陽自拍影長腿，仲同老公踩單車，幾咁寫意，不過佢都冇忘記幾個細路：「快樂時間過得特別快。今天真的過得很輕鬆很自在~當然也掛住家中的三個寶貝。」
網民都大讚佢生咗三個都咁Fit同靚，好有港姐嘅氣質，仲有網民問佢係咪諗住造人生第四胎呀！
(on.cc)
馮鎵瀠（Naomi）前日忽然在facebook轉貼52歲林利的婚訊，爆seed寸他的未婚妻陳貞鈞（Erin），更稱對方是「情敵」（相關新聞:https://bit.ly/2JCao0e），Naomi還貼出Erin舊相，讓友人評頭品足。
身在台灣的林利接受《蘋果》電話訪問，對於Naomi指跟其未婚妻Erin是舊情敵，還聲稱Erin曾做出恐怖行動。林利就回應話：「好事，好多朋友、唔識嘅人都會送祝福，但借呢啲事嚟抽水，仲要踩人，呢個女人（Naomi）我又唔識佢，我諗佢好極有限，大家唔識嘅，你做咩要無端端講呢啲咁嘅嘢，無憑無據，仲要編一個咁冇邏輯嘅古仔出嚟，個故事仲咁渣，佢呢個人好X衰。」
林利愈講愈㷫說：「我娶老婆，我娶乜人關你X事，係咪？點可以咁樣寫『恭喜我娶咗啲咁嘅人！』我依家娶咗個咩人呀，我又唔X識你，依家咩事，做乜嘢要借我嚟宣傳，你咩料呀，我唔會再回應，不過呢個人好打有限，X佢就X佢，大家又不相識，人哋咁喜慶時候，又唔關你事，你攞出嚟炒新聞，仲要係十幾年前嘢，又引證唔到，我哋都唔記得十年前嘅嘢，我娶乜人關佢Q事，所以一定要X。」
林利強調：「我問過老婆，都話唔識佢，成篇故仔睇唔明，又跳車又反鎖，全部老作，借我哋過橋真係cheap，我真係X佢，再講我告佢！」
對於被林利斥「老作」見報，Naomi今日回覆《蘋果》稱好嬲：「唔想幫一個喺香港零知名度嘅台灣女人見報。麻煩轉告前輩，我係一個網民去回憶我嘅往事，炒新聞我要用都會用我表哥（林俊賢），唔需要用到佢，祝佢復出後大紅大紫⋯⋯。如果林前輩他日上到紅館開演唱會，我一定買飛入場支持佢。以示尊敬前輩！我就無咁嘅機會，所以唔需要做宣傳。」問到當年與Erin爭誰？她說：「我唔回應個男士嘅身份啦。」
（綜合報道）
「女廚神」朱庭萱（Bonnie）在將軍澳出席節目《媽媽唔易”造”》記者會。Bonnie閨蜜姚子羚被指偷食人夫Raymond陷四角戀，更有「床照」流出，Bonnie指與姚子羚每日也有聯絡，她情況OK、但情緒難免受影響，但也很堅強正面面對。
問到Bonnie可擔心姚子羚再有其他床照曝光？她說：「肯定冇。（佢之前畀人影咗都唔知？）咁沖緊涼，喺清醒嘅情況下，佢知道自己冇影過一啲情慾照，唔清醒嘅情況就係瞓緊覺，所以就有嗰一張。（淨係得嗰張？）係。（戥姚子羚唔抵？）男女拍拖，好就一齊，唔好就冇辦法，冇話抵唔抵，大家都有付出。我只可以講男方喺感情控制或者處理都係非常混亂，先會有呢件事發生。但我認識男方為人唔會報料傷害Elaine，我覺得呢件事上好明顯有人想做一啲破壞影響某啲人，成件事邊個係大贏家邊個係大輸家，大家都有眼睇。」
問到是否認識Raymond前妻蔡宛珊？她說：「識，但唔算深交，佢係一個好Sweet嘅女仔。（蔡宛珊最大嫌疑？）我唔想去推測，牽涉嘅人唔係好多，留番畀大家去諗。（蔡宛珊應該唔會有嗰張床照？）咁仲有一個人，成件事牽涉得幾個人，但係點得嚟我就唔去估，我知道係喺不法途徑得番嚟，但係會唔交畀警方處理，就留番佢哋自己決定。呢件事好多人企出嚟支持佢，希望大家了解到Elaine嘅為人，唔好再抺黑佢就OK喇。」
相關新聞:【近日負面新聞纏身 姚子羚因禍得福！？】https://bit.ly/2W6db8I
(on.cc)
無綫藝人姚子羚最近被指捲入四角關係，雖然負面新聞纏身，但無阻幕前事業發展，她將與老拍檔陳山聰齊齊開拍以跑步為題材的新劇。
二人同是Crazy Runner成員，今次角色可謂為二人度身訂造，而其他演員還有跑開馬拉松的跑友胡諾言、蔣志光及劉穎鏇等。
據知，姚子羚還未有時間傾劇本，對於八月要開拍新劇，她接受訪問時謂：「其實今年不停咁拍，真係冇抖過，依家太多動作戲，我都想拍完《唐人街》休息一下先，要調理吓身體。」她又表示現時周身傷，之後都要去看跌打，又謂：「之前畀展鵬踩親腳，隻腳瘀咗個幾星期，佢都好唔好意思，每隔兩日就打一個電話問候我，到依家佢仲欠我一餐飯。」
姚子羚在將軍澳電視城為劇集《唐人街》埋尾拍攝，對於有報道指她擔心有情慾片曝光，姚子羚肯定表示沒有拍片，她說：「要回應已經回應咗、唔再回應，我相信自己，支持我嘅人都知道姚子羚係咩為人，唔回應咁多。（好友朱庭萱話你只係有嗰張「床照」？）唔回應咁多，上次交代晒，其實某程度嗰啲都係我嘅私隱，我啲相畀人公開咗，我都係受害者。（會唔會報警？）要同公司商量，現階段希望件事盡快完結。（朱庭萱暗示爆料人係Raymond二奶？）唔評論，大家都未搵出發生咩事。（有冇聯絡Raymond？）大家都係當事人，所以有聯絡。（朱庭萱話Raymond處理感情好混亂？）呢個係Bonnie嘅回應，我就唔回應喇。」
有指Raymond賣樓給前妻贍養費，姚子羚指是他們兩人的事，不方便評論。姚子羚亦不願評論有指她威脅Raymond要在前妻與她作出選擇，她說：「要向公眾解釋嘅已經有澄清晒，我同Raymond已經回復朋友嘅關係，唔再回應其他。（仲可以做到朋友？）呢啲係兩個人之間嘅私事，普通朋友都可以做嘅。」
而圈中最跑得的「跑男」山聰受訪時坦言非常之開心，笑言：「今次真正開正我嗰範，一個咁好嘅題材，除咗講跑步，當中仲包含溫情同愛情。」據知，今次山聰再同姚子羚飾演一對，而劇中山聰是一名跑步教練，更有一名女兒。問他拍完《唐人街》後只得兩個月時間準備，最急切要準備的是甚麼時，他坦言：「要搵番我對腳出嚟先，因為之前一直要開工，自己真係跑少咗好多，而且依家拍《唐人街》，一直都要顧住排朱古力，真係要操番跑步先，（兩個月夠時間嗎？）都夠嘅！不過夏天跑步係辛苦嘅，自己都會搵番啲專業嘅跑手嚟操吓，同佢哋一齊練習，喺佢哋身上都可以搵番一啲角色上嘅形態同感覺。」
此外，說到子羚，問之前的事怕否會影響對方工作情緒，山聰對子羚甚有信心謂：「姚子羚係我認識當中一個好堅強嘅人，工作方面亦好專業，所以我絕對唔擔心佢會受任何嘢影響工作。」
(on.cc)
前年奉子成婚，去年2月誕下女兒Meghan，有女萬事足的她不時在社交網貼出自己與囡囡的合照。
而今日她就在IG宣佈佗第二胎。
神獸天使「騰騰雞」蔡慧欣在IG中貼出一張大肚相，相中的她一手摸肚，另一隻手則拖着囡囡Meghan，並留言開心分享喜訊！
她指囡囡即將做家姐，但就沒透露腹中胎兒的性別，按照傳統佗B三個月才可以公佈喜訊，不過目測她的孕肚，就似乎已懷孕約4、5個月。
圈中好友朱晨麗、梁麗翹、林芊妤、許亦妮等得知她再佗B亦留言恭賀，網民紛紛送上祝福。
(apple daily)
同岑麗香一樣係無綫出身，亦不約而同出去外闖發展，原來佢哋都住得好近！
藝人岑麗香（香香）今年三月為老公強強誕下囝囝Jacob，之後就一直深居簡出，專心湊仔。至於BB，香香更十分保護，只影了BB的側面和手仔相。
不過之後香香就罕有晒B仔正面照！
眼仔睩睩超可愛！
呢日楊潮凱帶埋囡囡Catharine去探香香兩母子，見到現時專心湊囝囝Jacob嘅香香精神唔錯，而Catharine就好鬼精靈，又戴住蝴蝶結髮飾，十分可愛！
楊潮凱話：「When Catharine BB meet Jacob BB.#新手爸爸之日常」唔少網民都話佢哋可以考慮對親家，到時就可以親上加親啦！
48歲洪欣與38歲老公張丹峰婚後一直恩愛，惟兩個月前爆出男方背妻搭上經理人畢瀅，婚姻亮起紅燈。
洪欣除了沒開腔撐老公外，更一度取消關注老公及畢瀅的微博，就連兒子張鎬濂亦被發現刪除張丹峰的相片，有指他揚言落力搜集有關畢瀅與張丹峰「婚外情」的證據，為母親大反擊。
據悉，張丹峰捲入桃色風波後，不停出招挽救婚姻，最近更豪擲150萬港元，送了一部新款保時捷Cayenne S予愛妻。他又中港兩邊走，不用工作即回港陪伴老婆。
曾表示賺來的錢全交給老婆的張丹峰，昨日（23日）下午3時許，駕駛新車與老婆合體往跑馬地的銀行，似乎將身家轉予老婆。
難怪「人財兩得」的洪欣表現風騷，接受東網訪問時力證與老公情不變，以下是記者與張丹峰夫婦的對話。
還是覺得老婆最好
記：記者 洪：洪欣 張：張丹峰
記：上次畢瀅件事，依家咩情況？
洪：Sorry，冇事喇。（在旁的張丹峰頻頻點頭。）
記：你個仔清空晒同張丹峰微博嘅相？
洪：嗰啲係佢公司整，其實一年前已經清咗。唔好意思，我哋要去街市呀。
記：你兩個之前一齊去銀行整啲咩？（洪笑而不答。）係咪畢瀅轉移咗張丹峰啲資產，依家嚟銀行轉番畀老婆？（洪、張擰擰頭微笑。）
記：其實畢瀅係咪第三者，會唔會再澄清？
洪：我哋唔會再講咁多嘢，我老公之前喺微博講咗好多，解釋得好清楚，唔再講咁多喇。
記：張丹峰會唔會再講多啲，顯示真係好有誠意？
洪：唔好意思，我老公已經冇嘢講喇。
張：唔好意思。
記：張丹峰覺得始終都係老婆最好？
洪：（偷笑）其實佢之前都解釋晒，唔需要再解釋。
訪問後，二人往藥房及家品店購物，看來是重新打造「安樂窩」，期間他們十指緊扣兼咬耳仔，揀選家品時有商有量，表現恩愛。
露出勝利笑容的洪欣與老公之後又往花店揀蘭花，逗留約15分鐘，購下不少靚花，張丹峰見老婆付款，即主動上前做阿四，手持多袋戰利品先往取車。
與老公和好如初的洪欣，臨上車時還展現「大婆」風範，大方笑笑口揮手道別。
相關新聞：
【堅稱係P圖 畢瀅被指意有所指：香港女人真厲害】https://bit.ly/2JCyPux
【洪欣張丹峰和好如初 畢瀅被捕獲…】https://bit.ly/2HjYTYI
【有指洪欣幫張丹峰…張鎬濂首發聲表態】https://bit.ly/2vYPgsi
【傳出軌後首合體！洪欣孖張丹峰出席⋯】https://bit.ly/2HgWFJP
【張丹峰疑出軌 傳將有大決定】洪欣現身回應 https://bit.ly/2WyUTsM
【張丹峰重新關注畢瀅微博 不過最爆嘅係洪欣竟然…】https://bit.ly/306PX0j
【張丹峰微博已清空合照 疑似畢瀅朋友圈曝光！】https://bit.ly/2JnbBaP
【承認與洪欣有爭執 張丹峰宣布…】https://bit.ly/301UIbF
【傳洪欣兩母子正收集證據反擊】張丹峰現發出聲明 https://bit.ly/2PMPcoB
【洪欣同仔仔一致刪除…】傳兩母子正收集證據反擊張丹峰https://bit.ly/2vBeLzF
【為張丹峰瞞婚三年 洪欣：等他事業越來越好了再公開】https://bit.ly/2H2Ng8v
【屢傳張丹峰出軌】洪欣笑笑口現身 網民大讚明艷照人 https://bit.ly/2V31or1
【大合照畢瀅企正中間位 網民直指：這應該是洪欣的位置吧？】https://bit.ly/2PsEAuR
【張丹峰發聲後 「畢瀅小號」終於現身⋯】https://bit.ly/2VXSPKy
【瘋傳出軌 畢瀅有喜】張丹峰終於在事發十日後… https://bit.ly/2IvyARg
【張丹峰已被除名 網民直斥：不配做英雄】https://bit.ly/2UlhXJq
【畢瀅被爆係「富二代殺手」有網民捕獲洪欣張丹峰一家⋯】https://bit.ly/2IkFLfg
【疑出軌 畢瀅疑有咗】緊急開會後 張丹峰或被… https://bit.ly/2IAKbxT
【聞好姊妹洪欣婚變】陳慧珊：自己揀自己條路 https://bit.ly/2GkyjOY
【瘋傳張丹峰出軌 畢瀅疑有喜】洪欣終於現身 https://bit.ly/2ZhI0VQ
【洪欣被爆曾一氣之下走人】畢瀅手執疑似驗孕棒 有咗！？https://bit.ly/2ItO2MW
【離婚後乜都無】傳洪欣財產被轉移 同仔仔借錢度日 https://bit.ly/2IbJBHe
【張丹峰再被爆…畢瀅着睡袍收快遞】https://bit.ly/2OZSap6
【蔡少芬曾反對洪欣同張丹峰拍拖 網民大讚眼光獨到】https://bit.ly/2Z1PL1L
【張丹峰再次被爆同畢瀅密會 洪欣舊愛莫少聰發文似乎暗示…】https://bit.ly/2WWk0W8
【洪欣秒刪昔日放閃合照 疑似畢瀅：我委屈了自己三年】https://bit.ly/2GbrOxW
【細洪欣9年老公被指斷正疑出軌】張丹峰首回應 https://bit.ly/2UFBAjK
【屢傳婚變家暴】洪欣老公張丹峰疑酒店密會3個鐘斷正 https://bit.ly/2I3BegT
(on.cc)
洗衣服不只是件麻煩事而且還有很多學問，像是洗劑要先溶解還是淋在衣服上好？衣服要如何洗才不會變皺？為了幫大家解決難題，日本網站「LOCARI」邀請洗衣達人中村祐一，跟大家分享正確又實用的衣服技巧！
1 不能洗就乾刷
有些衣服材質不能丟洗衣機，像是皮衣、麂皮，大家為了省乾洗費久久送洗一次，中村祐一表示，這類型衣服雖然不能經常清洗，但穿完一定要用洗衣刷輕輕刷除衣服上的灰塵與污垢，養成清潔習慣才能讓衣服穿得更久。
2 養成「吊衣服」習慣
穿過的衣服如果沒有要清洗，隔天還想再穿一定要用衣架吊掛在通風處，幫助散去一整天吸收的濕氣與味道，防止衣服發霉外也能避免隔天穿上同件衣服飄出異味。
3 髒污要盡快處理
處理衣服上的髒污就是要跟時間賽跑，只要污漬停留時間越久就越難處理。建議發現當下先用乾的紙巾或毛巾擦拭，接著用水沾濕衛生紙覆蓋在髒污處，以扭毛巾的方式扭轉，回家後將洗劑塗抹在污漬處，最後用清水沾濕清洗。
4 洗劑溶解後再放衣服
很多人都習慣把衣服丟進洗衣機，再把洗劑淋在衣服上，最後加入清水，其實這個方法不正確，會使洗劑無法均勻溶解，洗滌效果大打折扣，中村祐一表示正確的洗衣方法是，在約30℃清水中加入中性洗衣劑，等洗劑完全溶解後再把衣服放入水中，如果是手洗可輕輕搓揉衣物，放置約5～10分鐘之後拿出沖洗，最後放入已加入柔軟精的清水再浸泡3分鐘即可！
5 脫水時間短一點
平常洗衣服都希望把衣服脫乾一點，會把脫水時間設定較長，但這會造成衣服有太多皺褶，中村祐一表示，把脫水時間設短一點約5分鐘，之後選擇不會破壞衣服肩型的衣架，把衣服吊掛在通風良好的地方，如此一來洗好的衣服就不會皺囉！
6 潤髮乳還原縮水衣
洗衣服時水分進入纖維中導致其膨脹，再快速乾燥的情況下就會使纖維分子間的間隔縮小，導致衣服縮水。日本生活網站「Nanapi」指出，潤髮乳中添加的聚二甲基矽氧烷，能加寬纖維分子間距，讓已經膨脹變粗的衣物纖維變得更細長。首先將衣物放進臉盆，水量要淹過衣服，擠3～4下潤髮乳浸泡30分鐘，接著用清水沖洗至無泡沫，放入洗衣機脫水就完成。
(綜合報道)
現年52歲的林利前年患上直腸癌，並動手術切除，重過健康生活，本月初又成功在機場向台灣女友Erin求婚成功。
當別人恩愛過新婚生活的時候，「小便女」馮鎵瀠（Naomi）忽然重提Erin的舊情史，更稱對方是「情敵」，此舉令人費解，Naomi昨日忽然在facebook轉貼林利婚訊後，爆seed寸爆他的未婚妻Erin，大爆女方中文名叫陳貞鈞，貼出她的舊照，跟現在樣貌有差異。
Naomi留言：「當年情敵喎⋯⋯當年偷用男方MSN搵我，試過我哋揸緊車返屋企，陳小姐就SMS男方話喺佢屋企附近等緊佢，我話唔去見佢會點？男方話唔見佢就會call記者，所以我要跳車逃走避開見到佢，然後入屋反鎖自己喺入面，驚對方會傷害到我。人生嘅情敵當中，呢個都係高級組，我印象深刻，娶到佢。我真係恭喜你吖！」
Naomi友人好奇留言問積怨因由，Naomi解釋：「男同佢拍拖先，分手後識咗我，但佢（陳貞鈞）不停要復合，最尾搞到上晒封面，佢call咗狗仔。我唔跳車，會影到我，上咗封面後我終於知道乜事，因為男方爭佢錢，所以好驚佢，但分咗手、錢已還，封面照上，但她說要復合，復合期間，又同我另一個圈中朋友有X關係喎⋯⋯」
Naomi還貼出陳貞鈞舊相，讓友人評頭品足，友人再揶揄對方：「皇馬點會走去同愉園比！」Naomi回覆：「佢唯一贏我就係身高，我都唔係贏到盡嘅。」
以前
依家
雖然這件事發生在2008年，計起都11年前，但因為「爭仔」，向來敢言的Naomi重提此事仍然嬲爆，《蘋果》今日聯絡Naomi，她說：「我同個男仔其後分手，男方都結咗婚，雖然我冇正面見過佢（陳貞鈞)，不過呢個係我以前喺台灣發展嘅一件往事，我好記得呢個人，大家雖然冇正面見過，但佢做嘅嘢，喺我人生裏面，我覺得好恐怖。」
(apple daily)
藝人陳敏之與李彩華識於微時，出道時被喻為「孖妹」，如今都升呢做人妻。
日前李彩華返港工作，呢對好姊妹便相約出來敍舊。
陳敏之在社交網上載二人合照，見到李彩華肉緊得向她獻吻，連陳敏之都羨慕對方表示：「為什（甚）麼你那麼多年都沒有改變，仍然是可以吃很多..很多，但一點都不長肉！」
兩人玩返老還童app時，仲似足雙胞胎，李彩華搞笑地問網友：「估吓我係細妹定家姐？」
陳敏之就話：「我似細妹定家姐呢？你哋估吓。點解你（李彩華）好似冇變咁嘅，我就好似Celine妹妹咁嘅。」陳敏之留言：「我們不是雙胞胎，只是復（複）製人」網友都大讚二人雖已為人妻，但顏值仍然高企！
(on.cc)
