自從結婚生B之後就主力湊女，甚少公開露面，不過不時都會同一班好姊妹聚下咁，好多時都喺從佢好姊妹嘅社交網先見到佢嘅蹤影。
之前仲有出席苗僑偉（三哥）為戚美珍（三嫂）搞嘅生日P！
佘詩曼、姚樂怡、梁靖琪、周家蔚、鍾麗淇、湯盈盈同文頌嫻組成嘅「七魔女」感情超好！
早前文頌嫻（文女）終於開咗Instagram啦！
佢除咗分享囡囡Jamie嘅日常，更會晒出同姊妹聚會時嘅合照。
最近文女仲染咗紅色頭髮，皮膚依然透亮白晢，完完全全唔似42歲，可以話少女味勁濃！
好多網民都留言大讚文女保養得宜，凍齡有術，一啲都冇變呀～
仲回味番佢以前嘅作品《帝女花》、《錦繡良緣》、《天子尋龍》等。
個個都話佢係古裝美人，又識做戲，有外又有內呀！
(on.cc)
天王郭富城結婚後，老婆方媛為佢生下囡囡Chantelle，早前宣布即將再做爸爸，三年抱兩真係超開心！
呢期撞正城城搞緊世界巡迴演唱會，真係想抽多啲時間陪吓老婆方媛都唔得。
好似之前就見到方媛去買BB用品都係自己一個人。
有見及此，方媛決定做跟得夫人陪住老公去巡唱，尋晚城城去到澳門開騷，不過粗身大勢嘅方媛竟然冇匿喺後台，反而好大方安坐觀眾席睇表演！
佢仲拍片同網民開心Share，見佢興奮咁不停揮住螢光棒，雖然佢仲係面尖尖，但係着住鬆身衫都明顯見到肚凸凸。
齋睇樣真係估唔到佢已經佗B五個幾月，真係得天獨厚！
(綜合報道/on.cc)
藝人陳浩民同老婆蔣麗莎（Lisa）婚後育有三女一仔，要湊四個小朋友絕對唔係咁簡單！
而大女陳雅薷（Elizabeth）唔經唔覺已經7歲，上年Lisa擺咗個大烏龍，話大女連跳兩級升小三，實質只係計錯數，不過今次真係有喜事！
佢喺社交網上載咗張Elizabeth獲頒全校優秀生獎嘅相片，大讚囡囡好叻，仲話比起見到老公得獎更加開心呀！
佢留言話：「全校優秀學生頒獎典禮，恭喜雅薷，以你為榮……加油小妞。媽媽永遠是你們的鐵粉[愛你]2019繼續保持，戒驕戒躁（看你拿獎，比看爸爸拿獎更加激動，莫名感動[笑cry]）」
網民都話佢係超能媽媽，教得好好呀！
此外，Lisa趁住「10 Year Challenge」晒出一張出海舊相，佢身穿黑色單肩連身裙，頭髮隨住海風而飄逸，相當煞食！佢留言：「#十年對比挑戰# 頭髮短了，見識長了；青澀少了，睿智多了；腰變粗了，孩子多了；十年前的單身一人，到今日的六口之家。這個十年很特別～」
(綜合報道/on.cc)
唐詩詠昨日喺銅鑼灣出席商場嘅迎新春揭幕禮，佢喺活動上表示今年以跑到半馬為目標，藉此挑戰自己體能。
事後佢話：「首先跑到10K先，因為我0依家套新劇要打功夫，所以就去咗跑步，而且每年我都想挑戰一下自己。」會唔會約陳山聰、袁偉豪、胡諾言一齊跑？唐詩詠話：「佢哋太高層次，我唔想拖累佢哋。」提到農曆新年將至，佢表示會放年初一至年初三，可以陪爸爸買嘢：「每年都會買對波鞋，平時叫佢買，佢唔肯，佢覺得嘥錢，唯獨是新年，佢先肯買。」對於佢之前講過有圈外追求者，會唔會趁農曆新年買嘢送畀對方？佢話：「係朋友！」
談及佢喺Instagram上載一張有佢自己、黃翠如、C君未婚妻黃天頤同一位圈外朋友嘅合照，並留言「下年（今年）呢個時候，就變成有3位可愛人妻。」
因此有傳唐詩詠自爆今年結婚，佢解畫：「嗰個圈外朋友結咗婚，第二個係翠如，第三個咪就係天頤，唔係我，我會努力啲。（新年會唔會布桃花陣？）不嬲都冇喎！定係去轉日本搵真桃花樹？」
問到現時追求者嘅呼聲高唔高？佢笑住話：「食下飯啫，每個人都有機會，唔會放棄呢啲機會，同佢可以食飯傾偈，總之係一個好開始。」笑問觀察期要幾耐？佢表示：「我0依家開劇，係一個好好嘅試煉，睇下佢接唔接受到我嘅工作時間。」佢直言冇期限畀自己，但唔排除會閃婚。
(綜合報道/apple daily)
藝人楊怡與羅仲謙結婚兩年多，屢傳有喜，而佢哋都不時開口恨有喜。
早前完成舞台劇演出後，阿怡「放長假」專心調理身體等做媽咪。
儘管兩口子不時因工作分隔兩地，不過感情有增無減，近期放聲氣正落力追B。而「愛妻號」謙仔趁農曆新年將至，出冧招氹太太！
日前，一身Smart casual打扮的阿謙被發現現身尖沙咀，先相約一名男性友人在對正維港的餐廳午膳，兩支公邊食邊望海聊天，阿謙似乎心情不錯，全程笑唔停，約個多小時後埋單離開「趕下場」。
兩人離開餐廳後步行往廣東道一帶，他們走進其中一間名店，「瞄準」放在當眼處、新到春裝及手袋款，謙仔左挑右選並頻頻問店員，期間不時玩電話，相信是向太太攞意見。
之後他轉場到附近另一間店舖，逗留一會但未有斬獲，隨即與友人折返之前的名店，最終扑槌花六位數買了新款手袋。
拿着戰利品的謙仔離開時剛巧碰上熟人，他禮貌停步打招呼及閒聊幾句，期間被途人認出行注目禮，即報以微笑。
未知是否Shopping癮起，買了手袋的謙仔未收手，之後再走入附近商場繼續逛名店。入店後，他第一時間向店員展示手機查問，然後走向女裝鞋櫃指點，並拿起其中一款鞋研究一番，店員則在旁用電腦Check貨，但似乎因尺碼或顏色問題，他最終未有買到心頭好，並與友人步向中港碼頭方向離開。
據悉，謙仔近日拍竣經理人公司投資的電影後，目前休息待下月開拍新網劇。這段時間除了繼續忙於操肌外，他亦爭取機會過二人世界，曾表示即使要開工，亦希望盡可能留港工作方便慰妻。至於阿怡近期工作以出席活動為主，謝絕一切操勞工作，努力靜待「豬B」。
早前受訪時談到有傳太太有喜，阿謙即興奮表示：「如果真係有B嘅話，我諗我會忍唔住，第一時間公告天下，大家唔使擔心！」兩夫妻恨B恨到出口，好消息指日可待！
(on.cc)
一向都係媒體關注對象，而佢多年來嘅感情生活亦好精彩，包括同前組合2R成員Race（黃婉佩）分手後，被爆同時在香港及內地，有模特兒女友CoCo及西安演員王秋紫，王秋紫更向傳媒表示懷有向佐骨肉。
不過，呢啲已經係幾年前嘅事喇，現年34歲嘅向佐被爆同台灣女藝人兼模特兒郭碧婷拍拖。
日前有網友喺社交網，上載一輯攝於台北當代藝術館嘅照片，見向佐同郭碧婷手拖手逛展覽，其後有傳媒聯絡上向佐公司代表，問關於二人拍拖一事，向佐透過工作人員回應：「你看到什麼就是什麼囉！」向佐默認戀情，網民普遍都認為二人好相襯，最重要係向太對於呢位「未來新袍」都讚不絕口。
郭碧婷前日剛度過35歲生日，向佐喺凌晨時份，即踏入女友生日不久，透過社交網為女友送上祝福，以行動證明郭碧婷喺佢心目中嘅地位有多重要。而郭碧婷雖然比向佐年長半歲，但長長頭髮嘅佢清秀可人，睇起嚟比實際年齡後生，而且形象向來唔錯，更被封為女神。
據悉向佐同郭碧婷於去年年初認識，兩人齊齊帶家長現身真人騷《最美的時光》，當日向佐帶向太一齊拍節目。
郭碧婷就攜父親一齊拍攝，當時向太已經講過，覺得向佐同郭碧婷好襯，提到郭碧婷時更加笑得好開心，郭碧婷父親就喺節目中搞笑話，如果向佐要娶佢個女，就要買一間大房子畀佢養寵物，因為女兒好喜歡小動物。
(apple daily)
入行22年的藝人周家怡，曾參演超過90部影視作品，被公認為「好戲王」在「娘家」無綫以劇集《火舞黃沙》中飾演「茅小琴」和《花花世界花家姐》的「哈皎皎」為人熟悉，演技獲得認同，惟她未能「遇上對的時間」，之後她由無綫到香港電視（遇上香港電視不獲發牌的低潮）再到ViuTV，演藝路途並不平坦，家怡卻認為有經歷才是人生、有苦才有甜：「自己比上不足、比下有餘啦，崎嶇都係一個過程，係個好嘅人生經歷，對演戲都有幫助，太順又好難演啲有經歷嘅角色。」
家怡無悔過往在「娘家」所過的日子，視為磨練，同時亦令她珍惜往後每一個機會：「以前細個唔會諗咁多，一路有劇拍維持到生計就得，加上當時喺入面朋友多，又學到嘢，只要盡力做就唔怕冇收入。」
提到好姊妹佘詩曼一出道就擔正當女一，去年更憑內地劇《延禧攻略》再度爆紅兼開拓內地市場，家怡從來不會「人比人」：「我從來冇呢個諗法，唔會覺得自己會有機會做主角，更加唔會同一個香港小姐比，大家個距離好遠，但我同阿佘係緣分注定，特別投契，一世都係好姊妹，大家一直互相支持。」
不過，機會總是留給有準備的人，早前她在電影《無雙》中飾演「何蔚藍」督察，獲導演莊文強力讚兼推薦予英皇老闆楊受成，家怡說：「呢套戲成功係靠成個團隊嘅合作，感謝導演嘅推薦，希望可以同楊生有多啲合作。」
(on.cc)
14年結婚，17年7月誕下囡囡，兩夫妻都好鍾意小朋友，佢哋一直都打算再生。當然都想追個仔做前世情人，同時湊個好字！
早前宣佈再度有喜。
將於6月為丈夫誕下第二胎，昨晚她獲邀欣賞音樂劇《MAMMA MIA》時笑言要睇音樂劇當胎教。
腹大便便嘅佢一身白色裙配平底鞋睇騷，幸福滿瀉：「咁快又嚟嘞！預產期係6月。」問到佢咁大個肚都出嚟？黃婉曼（Icy）話：「呢個係最舒服嘅時候，頭3個月唔係穩定期，今次第二胎都習慣咗，上一胎嘔得好犀利。」
問到佢今胎係仔定女？佢就話想有驚喜：「今胎好活潑，3個月嘅時候已經有郁喇，而家係最幸福嘅時間，家姐已經一歲半，現時仲未知道有弟弟或妹妹，但就成日摸住我個肚，希望佢ready做姐姐，應該唔會呷醋。」
至於會唔會再生？婉曼就話：「一路嘅過程都好辛苦，但係見到佢哋大個就會忘記晒，呢一胎都好舒服，而家已經駕輕就熟，有能力嘅都會努力，係好開心嘅。」佢仲爆囡囡現在唯一識叫就係爸爸，全世界嘅嘢都係叫爸爸，老公冧爆。
(綜合報道)
藝人佘詩曼（阿佘）、菊梓喬及堪輿學家李丞責到跑馬地馬場出席記者會，李丞責表示新一年穿金銀白較旺，碰巧阿佘穿了銀色bling bling鞋。
阿佘希望可以夠旺氣贏3T，她說：「希望有運行，都好耐冇中過馬。（想贏1億2000萬？）咁貪心嘅？希望發小新年財啦！都未試過年初三赤口咁多人約我，因為佢哋知我今年會入馬場，個個都問我攞tips，但我冇咩tips嘅，希望帶到運氣畀佢哋。（有冇諗過做馬主？）都有嘅，但唔係咁易，又要抽，而且我追求完美，要搵一匹真係好鍾意嘅，身形要好流線型。
（擇偶都要完美？）我諗係喇！身形唔一定嘅，但喺我心目中要完美，內外都要。（搵師傅贈兩句催旺姻緣？）順其自然啦！（擺桃花陣？）得唔得㗎？努力啲靠自己啦！我相信努力會成功，無論係事業抑或各方面。」
講到康華舉行新碟發布會時感激阿佘出錢又出力，並為她諗造型（相關新聞：https://goo.gl/S7bF2j），阿佘話：「少少心意啫！佢之前畀我睇海報，我覺得造型唔襯佢隻歌，我就話咁辛苦做隻歌唔好浪費，咁啱有幾個鐘大家得閒，就做咗呢件事，佢開心我都開心。（你哋識咗幾耐？）以前一齊拍過幾套劇。（會唔會一齊唱番首？）邊度夠佢唱！佢Rap喎！（平時有一齊唱K？）都有嘅，都係玩啫！依家佢係職業。」
阿佘真係好好啊！希望佢快啲搵到佢嘅Mr Right啦~
(綜合報道/on.cc)
問到子丹有冇驚？詩詩就話：「冇驚，認識佢（子丹）咁多年，佢都曾經推咗好多荷里活嘅大戲，當中都有關於呢啲（詆毀華人）角色，我哋要正面、有愛，任何詆毀（華人）嘅嘢都唔會支持。」問到子丹事後會唔會好嬲？詩詩話：「其實係唔開心嘅，嗰個設計師係老公嘅大fans，見面嘅時候佢已經認識晒子丹嘅電影，佢了解同埋知道老公係對團隊好尊重，呢件事真係好震驚。」
汪詩詩噚晚去咗灣仔睇音樂劇《Mamma Mia！》。提到老公甄子丹之前到米蘭行騷，該品牌涉有辱華前科(相關新聞：https://goo.gl/Fkhbda)，詩詩話：「我哋當然唔知道佢嘅歷史，知道一定唔會接呢個job，之後知道呢件事係喺10年前，喺德國發生都估唔到，係一個不幸。」
詩詩媽咪早前60歲生日，一家人拍攝全家福留念(相關新聞：https://goo.gl/ff9Bqw)，詩詩話：「因為大家成日都好忙，所以趁機會影相留念。」詩詩笑言媽咪搶鏡，仲話希望自己大個咗都要似媽咪咁靚。
有傳詩詩爸爸患胰臟癌，問到爸爸嘅健康狀況，詩詩話：「ok嘅，都recover番，而家穩定。」問佢使唔使做療程？詩詩就話唔使，強調一切已經穩定，現時會留喺香港休養，一家人關係好好，成日都會聚埋一齊。
(apple daily)
