【自爆畀羅志祥睇唔起？】周揚青有自信都要整容係因為…

2019-05-23

台灣歌手羅志祥（小豬）女友周揚青樣貌標緻，不過就被踢爆同以前係兩個樣，而之後佢本人就大方承認整容！

佢喺Instagram同網民互動，叫大家問佢問題，有人問佢點樣可以令自己更有自信，周揚青就話：「其實我的自信是天生的…我在自己最胖的時候都沒覺得自己醜過哈哈哈」

有網友就忍唔住問：「為什（甚）麼說自己一直很有自信，還要去整形？」而周揚青就話：「再有錢的人都還是會想要去賺錢啊，人生就是不斷的（地）變更好的過程」

而佢仲間接自爆畀小豬睇唔起：「我男朋友說　你每天會不會太閒啊　你要不要去找點事做啊」

所以佢就決定開網店，創一番事業，唔會畀男人睇唔起！而佢又提到未來奶奶，話相處得好好，會一齊用台語鬧人添！

(on.cc)

【曾多次報警求助】李璨琛突然發聲明宣佈…

2019-05-23

藝人李璨琛（Sam）除了經營自家品牌潮店外，他於2017年或在成都IFS國際金融中心內，與友人合資開設一間港式茶餐廳「森仔記」，當時他還以自己做生招牌。

茶餐廳主打港式食品。

藝人梁競徽（左）亦曾到場支持。

惟餐廳日前遭不明人士強行入侵、更改收銀系統兼霸佔經營。今日他在其微博發文，就此事作出聲明無奈宣佈「棄店」。

原來他這間餐廳早前被不明人士強行入侵，還將其收銀系統更改，強行霸佔經營，阿Sam曾多次在當地報警向成都公安求助，更懇求成都該商場盡快關閉此店舖，今日《蘋果》聯絡阿Sam了解，他回覆說︰「因為呢件事已交給律師處理，個聲明都係律師叫我發嘅，要講嘅都講咗，冇嘢再補充喇，唔該晒。」

全文如下：

本人參股並以本人藝人形象開設的成都IFS商場L708號「森仔記」餐廳被不明人士強行入侵，更改收銀系統，霸佔經營！為了維護我的藝人形象以及保障公司的利益，我在此聲明：2019年5月7日後，成都IFS商場「森仔記」餐廳的經營與本人無關。在諮詢國内法律人士後，我以及品牌經營方多次向成都公安機構報案，懇請成都IFS商場盡快關閉該店舖，以及拜託平安成都（官方微博）、成都公安機關介入調查，幫我維護合法權益。本人以及「森仔記」品牌方保留後續追究侵權責任的法律權利。

(綜合報道)

【畀鄭嘉穎笑：使唔使呀？】陳凱琳竟然收藏囝囝嘅…

2019-05-23

藝人陳凱琳（Grace）現身手袋活動，即場親手為幾位粉絲印製皮革卡片套，陳凱琳表示喜歡做些個人化的禮物，感覺較特別，將來亦可考慮做給老公鄭嘉穎和兒子，她說：「不過朋友已經送咗Mommy’s boy 和Daddy’s little king字樣tee畀我哋，一日我着，一日老公着，輪住着。」

提到剛過去的母親節，是她第一個母親節，只簡單在家食飯慶祝，她說BB還細，不方便帶出街，以免BB哭鬧時騷擾到人，她說：「BB滿三個月，開始定性。（嘉穎送禮物畀你？）冇，簡單屋企食餐飯，已好滿足，母親節應該仔送禮物畀我，佢好乖已經係禮物。（計劃定慶祝嘉穎第一個父親節？）好彩冇叫佢送母親節禮物咋，如果唔係要送番父親節禮物畀佢，叫個仔再乖啲當係禮物。」

她說今日請髮型師替兒子剪第一次頭髮，並把兒子的第一束收藏，她說嘉穎也取笑她：「使唔使呀？」Grace透露亦已珍藏了BB的臍帶和腳印仔等。

(on.cc)

【早前宣布奉子成婚】驚爆未婚夫一腳踏兩船

2019-05-23

兩人於去年10月合作而撻着，日前驚爆奉子成婚，並將於日內註冊。不過今日出版的雜誌卻爆料，拍拖期間男方疑一腳踏兩船，外界擔心大肚婆的精神狀態不穩定，亦令這段女尊男卑婚姻更不被看好。

曾於握手會遇襲被斬傷的24歲AKB48前成員川榮李奈，日前驚爆與32歲舞台劇演員廣瀨智紀奉子成婚，並將於日內註冊。

兩人於去年10月合演舞台劇而撻着，川榮現正懷孕5至6個月。但今日出版的雜誌《週刊文春》卻爆料，廣瀨與川榮拍拖期間疑一腳踏兩船。

據雜誌報道，廣瀨與川榮拍拖前，已有一名拍拖3年的圈外女友A小姐，兩人同居多時，已達談婚論嫁階段。

但去年底，廣瀨忽然以要專注事業為由向A小姐提出分手，又講大話日後會與她結婚，直至去年12月才結束同居關係。但想不到分手不足半年，男方忽然宣布奉子成婚，令A小姐大受打擊。

報道曝光後，川榮於Twitter留言：「真相只有本人才知道，無論是事實與否也會被人怨恨。」但其後她又將留言刪除。

(on.cc)

【問到心穎即…】馬國明：我唔會係行出嚟博同情嘅人

2019-05-23

無綫劇《降魔的2.0》拍攝降魔打鬥戲，劇中鄧佩儀和胡鴻鈞變身上陣，後者全程背對記者，以免造型提前曝光！貼心的他知道拍檔演打戲辛苦，特別「萬歲」請飲嘢，讓大家消暑解渴。

鄧佩儀變身打女入型入格，與麥凱程演「降魔姐弟」少不了動作戲，她指角色設計對比強烈，正常時是一位造型飄逸的設計師，變身降魔則會作全黑打扮。

她坦言為了動作利落，在武打方面下了不少苦功：「自己功課做足，事前一定拉筋，最大得着係之前拍另一套劇吊威吔拉傷韌帶，依家有經驗，所以拍動作鏡頭前會不斷拉筋，做足熱身！（愛做運動？）好鍾意！日日跑步半小時至一個鐘，泰拳都好鍾意，之前拍《降魔的》番外篇都用得着。（鍾意做打女？）好鍾意，希望公司畀機會我試唔同類型嘅角色，我知我個樣太似小學教師，其實我係好動型！」

至於馬國明全晚與謝雪心最多交流，表現亦到位，似乎未受女友黃心穎偷食事件影響心情。

提到劇集煞科後可以好好休息，是否需要整合心靈？

向來現實主義的他卻明言：「放假要做吓自己啲私人嘢，好似換車牌、銀行啲單都要搞，同埋要搵吓外快先啦！（唔使重整自己心靈？）唔使！有咩要重整？（心穎件事傷害咁大。）有幾大呀？唔係你哋諗得咁嚴重！（你EQ都幾好？）冇咩嘢喎，輕鬆過渡就算啦，總之我唔會係行出嚟博同情嘅人啦！（媽媽有冇擔心？）冇喎，佢好開心，今日仲去打牌！（聯絡心穎？）唔講喇！」

相關新聞：

【多謝監製馬國明寄語黃心穎…】https://bit.ly/2W8ejrB