薛家燕與一眾藝人在電視城錄影《流行經典50年》節目。
薛家燕透露因食錯嘢搞到又屙又嘔：「母親節嗰日返咗大陸做商演，主辦單位請我食西餐，我就食咗啲生蠔，到第二日返嚟香港，個胃同個肚就好唔舒服，屙嘔咗好多次，有一次我忍唔住嘔咗落浴缸度，但醒嘅時候竟然發現自己塊面對住個浴缸底，手腳麻痹，隔籬就係啲嘔吐物，即係其實我係暈咗，於是就慢慢爬番起身叫個女同工人，我諗都暈咗有分零兩分鐘，好彩個浴缸冇水，如果有水我就浸咗落去。」
問之後可有入院檢查？她說：「冇呀！但有睇醫生。」樂觀的她笑言：「不過佢哋話我瘦咗好多，所以嚟緊六月尾嘅澳門演唱會，謝天華可以抱得起我啦！」
另外，早前拍檔黎小田肺炎入院，她說：「佢出咗院，應該冇乜嘢，依家就休息緊，佢都話好掛住大家。（佢幾時復工？）未知。」
(on.cc)
李佳芯（Ali）跟袁偉豪（Ben）晚上在銅鑼灣出席餐廳活動，他們被大會安排有如一對新人結婚進場。
Ali笑言：「好在我冇着白色裙，否則會畀人誤會我結婚。我平時入戲要啲時間，我比較慢熱，頭先都覺得我哋結婚呀？每次行旋轉樓梯，有晒spotlight射住，起晒音樂，全世界都望住你就會有咁嘅感覺。」
袁偉豪則笑言自己是伴郎，又像父親帶女兒進場。
李佳芯和袁偉豪各有拍拖對象，問到Ali可會雙喜臨門？她稱劇接劇的雙喜臨門就會，Ben直言Ali已奪視后，也是時候做人妻，Ali即說：「最重要係搵啱對象，拍拖同結婚係兩回事。」
問她是否意指現時男友並非結婚對象？她即時瞪大雙眼，並連說三次「唔係」，又指：「我係咪講錯嘢？我係話有時好男友未必係好老公同好爸爸，要Work落去先知，但如果佢唔好，我哋都唔會拍拖四年。我哋都想行去下一步，但要睇緣分。（差啲咩？）時辰同錢。」
袁偉豪坦言跟女友張寶兒有談過結婚的事，問到他夢想中的婚禮？Ben坦言：「大致上呢啲好基本，我覺得最重要係一班朋友、長輩玩得開心，希望佢哋可以玩到半夜，玩得盡興，我就好早瞓，留畀朋友自己玩。」
Ali即問對方是否會大搞？Ben認為大有大搞，細有細搞：「冇人知，睇心情。（有冇同女朋友傾過？）有傾過，都有諗過吓，都係順住去，反正依家話想結婚都要一年後，除非乜儀式都唔搞。」而他會否秘密結婚也是未知數：「唔知㗎，可能雙喜臨門，又或者有其他可能性。」
Ben又話：「我覺得結婚係兩個人嘅事，要兩個人嘅心態都好Ready，除非我所講嘅雙喜臨門，否則作為男性角度結咗婚加上有小朋友就乜玩具都唔使玩，要時間去適應。我希望工作上再衝刺，博多啲。」
(綜合報道)
處境劇《愛．回家之開心速遞》播出以來深受觀眾喜愛，劇中唔少角色都備受網民關注，好似「群姐」許思敏喺戲中出晒名鍾意「歐陽波比」（歐陽震華），早前佢哋終於有機會喺劇外合體，為商場拍攝母親節特輯，不過就有唔少網民依然希望佢哋可以喺劇中「團圓」。
之前「Dr.Koo」同「Tim Sir」都有合體！回憶即刻返晒嚟～
向來係無綫收視福將嘅歐陽震華（Bobby），佢喺社交網晒出一張同《愛．回家》劇組嘅合照，相中見Bobby以經典劇集《金裝四大才子》「祝枝山」一角嘅造型現身，佢更留言大賣關子：「為何『祝枝山』會出現在《愛回家》？謎底即將解開……..」呢張合照嘅另一個焦點，就係佢哋成枱都係薯條、煎釀三寶等做餸，咁樣點送飯食呢？
莫非真係登陸《愛．回家》？其實《金裝四大才子》當年最高收視有40點佳績，如果今次真係加入，相信會令收視再創高峰！
東網聯絡上Bobby，佢表示原來今次係以客串形式參與：「今次我會客串兩集，因為我一向都有留意劇入面嘅群姐好鍾意我，仲有我嘅紙牌公仔，所以一直都好想入去玩吓。有次我同珍姐（無綫高層曾勵珍）講有呢個諗法，佢以為我講吓笑，直至最近我同佢見面嘅時候再同佢傾，就達成咗今次嘅客串，希望群姐唔使再對住紙牌，可以見到真人，幫佢圓夢啦。（你以古裝扮相出場？）劇情有少少講穿越，觀眾記住留意啦。」
真係超期待呀！
(on.cc)
上星期，有報道指今年37歲的陳法拉會與拍拖3年的法籍男友Emmanuel Straschnov在法國結婚。
而法拉前夫Neway太子爺薛世恒亦承認知道陳法拉會再婚。
至於被問上周再婚的事，陳法拉就回應：「日後有好消息一定會跟大家分享。」
事隔幾日，早前表示要飛返巴黎繼續為HBO新劇《Undoing》開工的法拉，今日終於在其IG貼出一張素顏的側面新相，更hashtag了「#nofilter #nomakeup #sunset #travelwithfala」
不過她hashtag的地點並非在秘傳結婚的法國，而是在瑞士。希望法拉可以跟大家分享好消息吧。
(apple daily)
曾經，方力申同鄧麗欣十分愛，滄海桑田，10年感情未能開花結果，可惜可惜！
現在女方已搵到佢嘅王子（邱勝翊），男方仍孑然一身。
其實當年有傳分手原因係第三者介入，但當事人都予以強烈否認！到底係唔係呢？謎底今日終於喺一個音樂平台揭盅，原來「第三者」係人夫方中信！唔知莫可欣知道呢個消息未呢？
其實是咁的！某音樂平台當你輸入方力申，但就會驚變方中信！
圖片就冇錯，但所有由方力申演唱歌曲都變成方中信。
而小方同鄧麗欣合唱嘅經典歌《十分愛》都變成同方中信合唱，笑爆一眾網民。
不過輸入英文Alex Fong又冇錯喎！
原因應該係方力申同方中信英文名都叫Alex，應該就係音樂平台中文系統翻譯搞錯咗喇！好多網民都有一個疑問，究竟同鄧麗欣十分愛嘅係方力申定方中信呢？
方力申都喺社交網回應番呢個錯名事件，佢話：「唔知遲d（啲）會唔會search方力申，出方中信個名，見石修個樣呢？（不過其實都唔出奇，因為以前方中sir個女都試過認錯，當咗我係佢老豆（竇）：事緣當日我哋都係帶（戴）cap帽，黑色tee，着藍色牛仔褲）p.s 我真幸福，無論修哥或方sir 都是超級型男，又man，更是好男人，可以拉埋嚟講，係我嘅福氣。」
(on.cc)
藝人吳綺莉（Elaine）女兒吳卓林與Andi結婚半年，豈料近日突然傳出疑似婚變(相關新聞:https://bit.ly/2VZwLTc)！
今日下午3時許，Elaine獨自駕車到寓所附近的油站購買飲品。
當記者追問到卓林是否婚變一事？
她不願多談：「唔講喇！」
然後續說：「幫我搵工好過啦！」買完飲品，她便匆匆駕車返回寓所。
內地男星李亞鵬早前被影到與一名神似王菲嘅短髮女子拖手散步，被問到感情事時，佢亦封口拒談。
而有網民人肉起底該名女士，指佢係一位企業家兼身家豐厚，坐擁超過500億元人民幣（約578億港元）身家。
李亞鵬喺網上承認戀情，並澄清女方唔係外界所指嘅傳聞，更希望大家能給予尊重 ：「不是企業家，沒有500億，只是一位偶爾喜歡唱唱爵士的文字工作者， 一位令人欣賞的獨立女性。我理解媒體需要流量，但希望能給予一些基本的尊重 謝謝！」
(on.cc)
市場有不少拖板產品都具備USB接口，方便用家同時為智能電話、平板電腦等用品充電。消費者委員會測試市面15款拖板，發現13款未能通過全部安全測試，當中3款的防觸電保護不足，有1款更要回收。消委會提醒，市民應選擇插座設獨立開關掣的型號或有總開關掣的型號。
測試的15款拖板價錢介乎128至299港元，分別設有3至6個13A英式方腳插座，當中9款的拖板插座設有獨立開關掣。消委會按英國標準BS1363-2及國際標準IEC60950-1為拖板作安全測試，最終只有2款通過。
其中「Ldnio」的拖板，插頭及拖板上沒有任何保險絲，額定電流只有10A，不足法例規定的13A，其電源線的絕緣外皮較單薄，安全活門設計亦不理想，電源線標示的銅線導體更容易過熱，不符香港《電氣產品安全規例》要求。機電工程署去年12月已刊登回收通知，呼籲消費者馬上停用「Ldnio」及同一牌子的另外2款拖板型號。
測試又包括拖板的防觸電保護，15款中有3款的表現欠佳，包括「aMagic」、「Marble」、「Ldnio」，3款的USB電路絕緣電氣強度不足，不能通過3000V高電壓測試，市民使用時容易觸電。連同以上3款，另有6款樣本的絕緣距離不足。有2款的電源線未有繞過輸出低壓部分或加上保護套，可與插座的導體直接接觸，一旦電線上基本絕緣損壞，市民接觸插座及充電線時可能帶電，增加觸電風險。
除了防觸電外，該會測試拖板物料的耐熱程度，「aMagic」及「Promate」未能通過全部測試，其裝置加熱着火30秒後，火燄不能自行熄滅。「aMagic」代理商回應指，涉事產品已於2017年停產，認為不符合標準的可能屬個別情況，該公司又已即時停售2款同類產品。「Marble」代理商表示，產品在生產前已經過機電署認可的檢測，證明合格，表明不同意該會的測試結果。
(東方日報)
賭王何鴻燊四房兒子何猷君前日（13日）喺媽媽梁安琪旗下嘅商場向女友奚夢瑤求婚(相關新聞:https://bit.ly/2YokR2H)，更以99,999朵玫瑰布置場地，非常誇張。
又在名牌戒指盒寫上「小明，你覺得我倆有可能在一起嗎？」，還有Yes or No的tick box，花了很多心思。
何猷君當日化身白馬王子，穿起純白色的西裝，官仔骨骨，而奚夢瑤穿上粉紅色百褶連身裙現身，配搭輕便的白色波鞋，襯公主式手套與皇冠，與粉紅色的場面相當合襯。
但被傳媒指肚凸凸疑似有喜，Mario又曾傳出外面有私生子的消息。不過Mario月前已在IG否認，更特意註冊了電郵，叫人帶小孩來做鑑定，如果成功便送一億，霸氣還擊。
而今日求婚戒指更終於曝光！友人喺社交網上載與兩人合照，猷君開心舉起奚夢瑤隻手，向鏡頭展示巨形鵝蛋形戒指，表示求婚成功。
網民都紛紛熱議，相信價值不菲呀！
(綜合報道)
富豪劉鑾雄（大劉）太太甘比（陳凱韻）日前落區派飯行善，昨日她更新自己的社交網，在IG貼出早前復活節假期一家五口出遊倫敦和多倫多的照片，他們一歲多的細女Josie與爸爸大劉真是餅印一樣。從照片中，看到大劉精神狀態很好，不單沒有用枴杖，又可以單手抱起Josie。
甘比留言透露：「剛過去的復活節假期，帶了孩子們到倫敦走走，參觀車路士球場，之後又到了多倫多2天探望當地的姑姐！孩子們仍然懷念着姑姐的招待呢！感恩一家人聚在一起，很開心！」
不少人以為大劉今次是因《逃犯條例》遠走他鄉，以為他與妻兒到英國及加拿大度假後，便一個人留在海外不敢回港，甘比則帶同子女回香港生活。事實上大劉上月中跟家人出遊後，跟甘比及家人一起回港，上周有人目睹他們一家幾口出現在中環吃日本菜，日前又有人見到他去皇室堡戲院看電影，看來他沒有受《逃犯條例》影響心情。
《蘋果》聯絡甘比，問大劉是否已經返港，她說：「係呀，我哋一家人都返咗香港喇！」
大劉早年被指賄賂澳門前運輸工務司司長歐文龍，被澳門法院於2014年裁定判囚5年3個月，由於港澳未有引渡移交犯人協議，大劉一直未有到澳門服刑。不過，最近港府硬推《逃犯條例》，一旦通過，大劉有可能被引渡去澳門服刑，他以不想被迫流亡到海外為由，向法庭申請覆核《逃犯條例》，法庭已定於下月21日進行覆核許可申請的聆訊。
(apple daily)
