【邊個代替黃心穎角色？】陳煒：應該係6月開始重拍《法證先鋒IV》

2019-05-03

陳煒、關禮傑、王賢誌、文凱玲及張學潤等今日到石門為新戲《婚姻的童話？》進行開鏡拜神儀式，煒哥將於戲中以性感泳裝示人，更與小鮮肉阮頌揚有激情戲。煒哥表示泳裝由張學潤準備，坦言對自己身材有信心：「都性感架，要睇到嘅都會睇到，而家都有開始做下運動。」她笑指現實中沒有小鮮肉追求，於是在戲中嘗試。問煒哥可會接受如吳業坤這個類型的小鮮肉追求？她笑謂：「坤哥可以喎，佢最近有腹肌，唱歌又好聽，又識O氹人，但係再細啲變咗湊仔就唔好啦。」

談到電視劇《法證先鋒IV》因「安心偷食」事件要重拍，煒哥亦要參與其中：「應該係6月份開始，我牽涉嘅場口唔多，因為本身同心穎嘅對手戲都唔多，多數係探班嘅時候見到。」

她認為重拍不會浪費心機，假如劇集未能播出，反而更浪費：「補拍係最好嘅解決方法，我知道有啲場會改咗，但係故事上有冇改動就唔清楚，我亦都唔知道邊個代替心穎嘅角色。」早前有一段疑似煒哥的錄音流出，煒哥說：「大家都知嗰個唔係我，把聲完全唔似，不過我冇搵條聲係邊個，真假嘅嘢唔使去考究。」

而最近因「安心偷食」事件，張學潤在專欄影射圈中姊妹花搶人夫的事，張學潤受訪時強調不會透露當事人是誰：「我只係將朋友嘅經歷講出嚟，大家都知道我唔使博見報，有朋友話唔關我事唔需要我伸張正義，但係我認為that’s what friends are for。我加拿大嗰位朋友多謝我，為佢抒發多年來嘅一啖氣，廿幾年朋友咁樣已經好值得，其他人講乜都唔重要。」

至於卸任東華主席的王賢誌，於戲中與文凱玲飾演夫婦，他說：「我哋冇乜親密鏡頭，不過有嗌交戲。現實中我都係講道理嘅，但係我嗌交唔可以帶過第二日，無謂大家唔揪唔睬，而家都一把年紀啦，唔係後生仔嗰啲耍花槍。」問到校園墮樓事件的跟進，王賢誌表示雖然已卸任東華主席一職，但了解獨立調查小組仍然在調查中：「我唔可以成日問住，咁樣會影響佢哋工作，但係我會一路跟進。」

【晒兩兄弟五官…】坐月諸葛紫岐瘦過未生之前

2019-05-03

諸葛紫岐（Marie）與Neway老公薛嘉麟上星期公佈上月在加拿大秘密生豬B仔，今胎更表示以自然分娩生產，要體驗生B十級陣痛，而她們的大仔Arthur更為弟弟改名叫Andersen，由於Marie之前保密孕訊，加上她一月時出活動更毫無孕味，故有不少網民對她再做媽咪的新聞覺得驚訝，更有網民質疑她搵代母生B(相關新聞：https://bit.ly/2WaCiDd)。

Marie現已與Andersen返港坐月中，雖然之前因朋友不斷催她再生BB有壓力，故她與老公決定揀去加拿大安胎，現在BB健康出世，Marie當然心情暢快，享受再做人母的感覺。

昨日，她就擺了多張素顏併圖相上IG，更hashtag了「#我就是我」，相中的Marie面尖尖，皮膚白滑，分分鐘瘦過未生之前，真的令不少剛生完BB的媽媽妒忌，一點都沒有生完BB的腫脹。

到今日，輪到晒兩個囝囝的比對相，她將兩個囝囝的眼、鼻及口部作比對的併合相，簡單留了「#兄弟」的hashtag。

大家覺得兩兄弟似唔似呢？

(apple daily)

【53歲Keep得超好】李麗珍︰人哋話好容易復發，唔敢回望

2019-05-03

李麗珍、陳炳銓（Danny）、Error成員何啟華與黃奕晨，今日於香港仔拍攝ViuTV處境劇《娛樂風雲》，珍妹相隔多年再拍電視劇，53歲的她無論皮膚跟身形均狀態大勇，她說：「要一直keep，因為上鏡更肥，唔可以畀自己咁肥！之前操得好勁，會用3個鐘健身，而家減至半個鐘，其實開始減時有120幾磅，都有節食，而家減到100磅多啲，就係成日畀人話我肥，所以先減，個個都想保持苗條身形同童顏，難得瘦咗我唔想再肥番，夏天太肥會覺得好論盡，瘦啲靚啲，自己都開心啲。」

問到又靚又瘦的她可有追求者？珍妹說：「冇喎！唔覺！而家比較投入工作，做嘢就唔會去諗其他嘢。」提到是否跟潘源良的一段情傷得太深，還未準備接受新戀情？她即說：「我唔記得咗㗎嘞！你再提我又復發（情緒病），唔好呀！唔可以諗，再提唔擔保會復發㗎，人哋話好容易復發，千祈唔好，而家向前看，唔敢回望，唔准回望。」

會希望盡快有新戀情嗎？珍妹說：「希望啦！不過有新工作我都好開心，新工作咪係新戀情囉。」劇中珍妹與何啟華演母子戀，問她現實又可會接受？她說：「姊弟戀都可以接受，母子戀真的冇諗過，不過爺孫戀都有，母子戀都有可能啦！」

另外，Danny被問到之前跟女友李佳芯在街頭截的士被拒載，他謂當日因各有工作未能揸車載女友，平常出入也會做「柴可夫」，他更笑言跟女友出街被拍已是平常事。

(apple daily)

【有李澤楷帶住行】郭嘉文表現好大方

2019-05-03

51歲「小小超」李澤楷貴為超級鑽石筍盤，一向低調處理戀情，自2016年與港姐郭嘉文相戀，他罕有承認二人拍拖，3年來感情穩定，郭嘉文淡出娛圈後，只跟好姊妹林凱恩仍不時見面。

小小超上月28日攜女友郭嘉文現身沙田馬場看盃賽，小小超雖然和女友郭嘉文未有拖手出場，不過他們穿上藍色情侶裝大方合照。

今日有周刊報道稱林凱恩透露當日郭嘉文父母亦獲邀出席，他們坐在靠近主桌的一枱，看來小小超與郭家關係不錯，小小超原先坐在主桌，忽然走向郭嘉文，示意跟他行一個圈，介紹她給其他人認識時，郭嘉文亦表現大方。

林凱恩指自己不是第一次見小小超，其他就不願多說，稱郭嘉文開心，自己都會開心。

(apple daily)

【被爆有第三者】何艷娟吳志誠發表聯合聲明

2019-05-03

現時27歲的2014年香港小姐季軍何艷娟宣布與澳博營運總裁吳志誠已經離婚。

繼而爆出何艷娟與年約50歲的男士在中環藝穗會Party上又攬又錫。。。

今日兩人發表聯合聲明表示早在去年已經分開，表示雙方關係沒有金錢上的考慮及因素。

聲明如下：

為免不必要的揣測和誤會，其實我們早在去年已經分開，各自也有各自的生活，但不論私底下或出席公開場合我們一直保持好朋友關係。我們感謝彼此的相知相遇。我們的關係從來沒有涉及任何金錢上之考慮或因素。我們是在互相諒解和友好的情況下決定分開的。我們重申分開並沒有任何金錢的糾紛。我們再見亦是好朋友。

吳志誠先生與何艷娟小姐的聯合聲明

（on.cc）

【罕曬孖兩個仔仔合照】陳伶俐：背後藏著的真實故事….

2019-05-03

42歲的陳伶俐和前夫林敏驄育有兩子，分別是20歲大仔林肯和15歲二仔林善。

而伶俐和現任老公劉頌銘，亦育有一名快將五歲囝囝。

陳伶俐昨天在社交網罕有上載和大仔及二仔食拉麵照片，順道慶祝林善15歲生日。伶俐一時感觸寫道：「突然感觸起來~看似一張簡單的家庭照，背後藏著的真實故事….#有誰共鳴？﹗你們終於長大了…我只希望這倆（兩）兄弟，可以做自己喜歡做的事，好好發揮自己的武功，快快樂樂地活出自己的人生~一個二十、一個十五…還有一個五！

這是我的畢生任務~有時真的好攰 #😭…但你們帶給我的快樂，亦是之「最」！#沒有東西可以取代 #人人的故事不同 #尊重別人就是尊重自己 #好好活出自己的人生 #你看別人好 #別人看你好 #所以 #努力做好自己 #已足夠請相信「苦與樂」：其實都是同步的~當你有幾多苦的時候，你的快樂就會相對地送回給你 #0Li #過了某些年 #攰 #但我願意 #Yohji #今天 #生日快樂 #苦與樂 #樂與苦 #相對論」。