【網民留言勁讚】呂慧儀：真愛始終會來臨

2019-04-16

藝人呂慧儀（長腳蟹）上月宣布同黃文迪結束7年婚姻後，好快收拾心情投入工作，仲不時出席大大小小嘅聚會。

不過一個女人仔總有孤獨嘅時候，佢喺社交網晒出一張獨照，並以英文留言指毋須要刻意去尋找愛，因為愛一早存在喺佢身邊，佢仲hashtag上「being loved（被愛）」、「no matter how long it takes（無論需要多長時間）」、「the real love will find you（真愛始終會來臨）」、「who meant to be will be（命中注定的人總會出現）」等字眼，唔少網民都讚佢好靚，更為佢打氣，話囝囝蟹籽同大家一定喺佢身邊咁話！

而尋晚其實佢係去咗好友曾志偉嘅生日party，晒出多張與鄭伊健、謝天華及衛詩等人嘅合照，唔知係咪因為見到咁多好友支持自己，所以一時感觸有感而發呢？

「清醒」過後，長腳蟹今朝一早晒出多張水着照，為《愛．回家之開心速遞》造勢，睇嚟大家要擔定櫈仔喇！

(on.cc)

【去年突然宣佈閃婚】今日被爆疑低調秘密做產檢

2019-04-16

兩人於去年十月突然宣佈結婚，不少網民和粉絲替他們高興之餘，還被他們閃婚的舉動嚇了一跳，實在太驚喜了，因此有個説法兩人疑奉子成婚！

兩人因2011年拍攝電視劇《亂世佳人》而認識，之後被打造成金童玉女，故兩人的合作機會多了，很快就互生情愫，漸漸變成戀人。

2016年女方主動公開這段地下情。當時正值她演藝事業的巔峰，而男方的演藝事業卻停滯不前，所以當女方主動公開與他的戀情時的確令很多人感到意外。

最近就有媒體拍到他們兩公婆前往醫院的照片。當天下午兩人全身黑衣配情侶鴨嘴罩帽打扮離開寓所，外父一早駛來一部四驅車，他即第一時間將拖篋交給外父。

藝人唐嫣和羅晉上車後，車一直駛往上海浦東區某醫院，兩人到達醫院後便直奔上二樓，之後才發現該醫院二樓設有醫學影像科（當中包括磁力共振造影），因此大批網民估計唐嫣是在羅晉陪同之下做產前檢查。

此程兩人十分低調~

不知道是不是真的懷上了寳寳呢？就有待唐嫣和羅晉兩人回應傳媒了！

(綜合報道)

【真係好開心】張栢芝狀態大勇！

2019-04-15

張栢芝昨日以一身亮麗打扮現身「新加玻紅星大獎2019頒獎盛典」，並為該頒獎禮擔任壓軸頒獎嘉賓，頒發當晚大獎「十大最受歡迎男女藝人」！

事有湊巧，昨晚，前老爺謝賢與劉曉慶都在不同地方的頒獎禮獲得「終身成就獎」。

對此，栢芝笑言：「真的很開心，昨晚很多朋友、合作過的前輩都獲獎，每一位前輩們都非常實至名歸，替他們開心，祝福他們！」

(on.cc)

【腸胃有問題？】寶寶吐奶正唔正常？

2019-04-15

問：寶寶喝完牛奶會吐奶，是不是正常的？

康奈爾大學下城醫院兒科主治醫生、幸福兒科診所院長黃彥鈜：
剛剛出生的嬰兒，吐奶的情況一般比成長中的嬰兒多。我們要怎麼判斷嬰兒吐奶什麼情況正常、什麼情況要去看醫生？大部分嬰兒的吐奶，只是少少的奶從嘴角流出來。這就不是什麼大問題，只是奶量大了，容易反上口腔。
但有幾個情況要注意。比如說，如果寶寶吐奶，是像噴泉一樣把奶噴出來，而且每一次都是這樣，特別是兩三個月的嬰兒，就可能是腸胃有問題了。或者吐出來的不是乳白色的奶，而是綠色的東西，或者裡面有血絲，就可能是腸胃堵塞，或者腸胃發育不全，就應及時去看醫生。

(大紀元)

【除咗徐子淇仲有佢！】黎姿曬好姊妹合照

2019-04-15

47歲的黎姿（GiGi），向來是「凍齡美女」，已是三女之母的她，要忙住湊女打點家庭，又要打理上市的美容生意，加上又要照顧父母及弟弟，真是分身不暇。

不過總有休息時間，近日學校的復活假期展開，黎姿可以暫時放下3位小公主的學習。

今日她難得忙裡偷閒，約了一班好姊妹茶敍。

她們身處一個環境佈置十分繽紛的地方，放在她們面前有三個蛋糕，一個蛋糕寫有名字，且插了生日牌，相信是其中一位好姊妹生日。

至於另一個大蛋糕，造型似cup cake。

徐子淇、鄺文珣、雷林靜怡等都有出席！

她們大合照時，見到鄺文珣手上有一個錘子，原來這個大蛋糕，表面是可以扑碎的糖膠，內藏大堆糖果，黎姿和徐子淇看到蛋糕內有糖果，十分興奮，她們如大細路般開心地拿起糖果來拍照。

黎姿還在社交網開心分享相片，她還留言︰「難得大家都從忙碌的工作及家庭當中偷閒，所以每次也十分享受和一班姊妹們談天說地，盡情開懷大笑的時候。」

幾個靚媽都Keep得好好啊！

(綜合報道/apple daily)

【消委會測試】7款循環風扇未能通過安全測試

2019-04-15

炎炎夏日將至，家中的一把電風扇不可或缺，近年興起體積細小的循環風扇是不少港人蝸居之選。消委會測試市面上14款循環扇的安全及效能表現，發現當中7款未能通過部分安全測試，樣本的送風量最多相差約60%，而能源效益最多相差約70%。

消委會指，是次測試的14款循環扇，售價由480元至1,698元不等，扇葉直徑由15厘米至22.3厘米，測試涵蓋送風量、安全、省電、寧靜、耐用及使用方便程度。

消委會指「Gemini」、「惠而浦Whirlpool」、「Turbo Italy」及「奧高Origo」樣本通過所有安全測試項目。另外「Olympia」、「德國卓爾Summe」及「無印良品Muji」3品牌樣本被指消委會指，標示說明上有輕微不足。

「奧高Origo」（左）為其中一個表現優秀的循環扇。

未能通過測試的樣本包括「Vornado」630-HK、「伊瑪牌」IFQ-23JR、「德國寶」EFS-3608、「ecHome」DF9CRM、「愛麗思」PCFC18T、「Innotec」IC-3643及「樂斯牌」NDC-8。當中最貴的「Vornado」未能通過絕緣及防觸電保護測試，除下風扇罩後成人手指可接觸到摩打外殼，有機會觸電；此樣本同時有電線未適當固定及絕緣距離不足的問題。

最便宜的「德國寶」部分外殼膠料及內部塑膠元件不能通過750°C及860°C灼熱線測試，物料在高溫下會着火自燃。「Innotec」樣本的外殼部分阻燃能力同樣未合乎標準要求。「德國寶」及「Innotec」均未能通過阻燃性測試，即風扇着火後未能在 30 秒內自動熄滅，不符合標準要求。另外，2款樣本在機械安全性方面未達標，其中「愛麗思」樣本後網罩的其中一個間隙，成人手指可申入觸碰到扇葉；而「樂斯牌」樣本自動上下搖擺時，小童手指可被夾於風扇頭及底座之間。消委會提醒市民若家中有小孩，宜將風扇放在小孩未能觸及的地方。
在送風量表現方面，扇葉直徑較大的樣本送風量一般較高，表現最佳的是「Vornado」每分鐘送風量達19.9立方米；表現最差的樣本為售799元的「ecHome」，每分鐘送風量僅得7.5立方米，與最佳樣本相差達62%。

風扇是否慳電亦是消費者考慮因素之一。14個樣本中，送風量較低及不設自動搖擺功能的「無印良品」MJ-CF18UK樣本輸入功率最低，使用10小時僅耗0.1度電；此樣本的能源效益同樣最高，每瓦特可產生0.7立方米/分鐘的送風量。能源效益最低樣本為「Innotec」，每瓦特僅可產生0.2立方米的送風量，比最高樣本差67%。

Vornado循環扇（右）的送風量最高，但其量得輸入功率亦最高，耗電量最強。

消委會總幹事黃鳳嫺表示，已將測試結果交予機電工程署跟進，署方檢視後認為產品即使有不完善之處，但若正常使用風險不大，故毋須下架。另外，消委會去年接獲63宗電風扇投訴個案，較前年大幅增加37%，投訴類型主要涉及貨物品質或包裝不佳、廠商拒絕或拖延維修保養，及送貨延誤等問題。黃指，其中與送貨延誤相關投訴由前年的3宗，大幅增至去年13宗，主要因現時更多消費者透過網上購物，出現遲遲不送貨或送錯貨問題。

(綜合報道)

【有指被胡鴻鈞寸唱功】林峯：喺我印象中佢…

2019-04-15

藝人古天樂和林峯出席電影《P風暴》慶功宴，電影港上映10日已有1200萬票房，內地更達6億佳績，問到可想過有這成績？古仔表示：「一向都冇理票房，只係想拍好佢，咁一部一部上，每集比上一集票房好已好開心。（有信心過10億？）吓，冇乜目標，成績好就好開心。」問到可有分紅？古仔竟謂：「冇㗎，唔使啦！（因已係老闆？）唔係，同黃生（黃百鳴）識咗廿幾年，自己亦不嬲唔計錢，一直拍戲都冇要求分紅。」而在旁的林峯亦謂拍戲都沒試過收分紅，亦會跟老闆一樣。

古仔解釋不收分紅原因：「一部票房好啫，咁都有其他戲票房唔理想，何必要畀壓力呢？當然希望部部都好收，最緊要係做好香港電影，一齊做好個市。」而現場亦宣布開拍第5集《G風暴》，古仔謂今年內會開拍，他已預留檔期拍攝，現正拍《尋秦記》，之後更要完成2部電影先。至於慶功宴後，古仔和林峯即返內地為電影開工，古仔稱今次有好多高難度的危險動作。

不怕弄傷舊患？他直言：「都驚㗎，不過最難唔係拍動作，而係要度喜劇位，諗到𢱑晒頭先度到。」提到獲封「新一代電影大亨」，古仔反應是：「哈哈！（有冇壓力？）呢個冇回應。（會開多啲戲？）我冇回應，放過我啦！」

至於林峯表示多得古仔給他新戲路嘗試，已有一段時間未有拍電影，更是首次演奸角。現票房大收，他坦言：「算係安樂少少。（可以結婚喇？）呢個就冇回應。」

問到可知胡鴻鈞是誰？林峯說：「知道。」

講到有指胡鴻鈞人紅變囂張，在人前說唱歌叻過林峯，搞到被星夢雪藏懲戒，林峯謂：「呢個冇回應，不過當年喺無綫時曾經有合作過，覺得佢個人好Nice，佢好上進嘅，喺我印象中佢非常之好。（覺得佢唱歌點？）好聽呀！」

(on.cc)

【用唔完美去成就完美】楊千嬅感動到喊：其實我好脆弱

2019-04-15

楊千嬅日前到珠海舉行「MY BEAUTIFUL LIVE楊千嬅世界巡迴演唱會」，第二站巡演獲《春嬌與志明》好姊妹谷祖琳、林兆霞及陳逸寧專程去捧場。今次的場館是在戶外體育場，當日天氣欠佳，滂沱大雨，兼有雷暴警告，令千嬅擔心不已，幸好在正式開騷前十分鐘終於停雨，千嬅說：「最驚係冒雨唱歌會有觸電危險，因為以前試過被咪電到手，又擔心台下觀眾淋濕身，知道停雨嗰刻心情真係開心到大叫咗出嚟。」

Encore時，《小星星》前奏音樂響起之際，全場觀眾相當配合打開手機燈，千嬅看見眼前一片星海，感動流淚：「多謝你哋，好靚呀！我第一次喺自己個舞台度得到好多小星星，都唔算太遲。」台下有觀眾大叫：「終於等到你嚟到珠海呀！」千嬅哽咽着說：「我咁樣好難搞喎！有冇人可以畀張紙巾我呀?」

觀眾的喝彩聲此起彼落，千嬅說：「上次喺廣州做真係好驚，因為我第一次做室外演唱，仲要咁多人，某程度我個膽好大，心口掛個勇字，其實我好脆弱，你哋唔信呀？咁我係咪要繼續唱？定要繼續喊？咁我成晚喊，好過唱係咪？我會記住呢個畫面好靚，我已經印咗喺個我腦入面，希望我唔好咁快有腦退化就可以一直記落去，因為我記性好差，頭先出場見到你哋舉紫色棒時我又發台瘟喇！我想唱多次水瓶座得唔得呀?會唔會好麻煩？我成日就係話用唔完美去成就完美，頭先發一句台瘟，我會覺得好唔完美，個心會梗住，畀我唱多次會好啲，我哋一齊唱，我一生都會記住你哋畀咗咁好嘅回憶我。」

珠海雖然是第二站，不過千嬅已經有捨不得的感覺，忍不住吐心聲：「我突然好感動，點算而家？雖然係第2場，點解好似好唔捨得咁，呢件事對嚟講好變態，但係我好開心，開心得嚟又有眼淚，係咪因為年紀大咗呢？」千嬅自言歌曲記載着人生路上不同階段的自己，多年來經歷不少痛苦失敗，有時突然會唱到哭，穿越了24年，希望未來繼續得到大家的陪伴。

稍後千嬅還有深圳、佛山、澳門及北京等地區的巡演，其中深圳站首日開售即爆滿，將會加開一場。

(apple daily)

【連梁浸浸都…】阿Sa：笑死我又感動死我

2019-04-15

《第38屆香港電影金像獎頒獎典禮》昨晚完滿結束，雖然蔡卓妍（阿Sa）被視為大熱之一嘅，但最終未能奪得影后寶座，不過相信佢喺唔少粉絲心目中永遠都係最佳女主角！而阿Sa一班好友包括容祖兒、鍾欣潼（阿嬌）、關智斌（Kenny）及張致恒（Steven）亦有留意頒獎禮，個個仲睇得好緊張，阿Sa喺社交網晒出佢哋當時嘅表情。

見到阿嬌緊張到食拳頭、祖兒不停飲汽水同食橙、Steven就食飯，而Kenny緊張到食蕉，真係睇見都笑死人！

就連鄭希怡嘅囡囡「梁浸浸」亦都有拍片為阿Sa打氣，一班好友咁有心，難怪阿Sa咁感動！

佢留言：「禽（尋）晚現場收唔到電話，完咗一出去，就睇到呢一堆msg（Message），笑死我又感動死我，人生有一班真正朋友的確好極，感謝個天，俾（畀）我認識到咁多錫我嘅人，一定係前世同前世嘅前世同前世嘅前世嘅前世都做咗好多好事，今世有咁多人錫我，坦白講我一啲都唔緊張，因為我心裏有數，反而見到啲屋企人，同埋好朋友仲有fans為我咁緊張，心裏面真係好感動，但更多嘅係唔好意思。#小女子無以為報#惟有唔好諗多#係以愛相許，同埋繼續努力。」