藝人吳君如同老公陳可辛育有女兒陳是知，雖然兩公婆未算唔畀囡囡出鏡，不過喺社交網都好少見是知嘅蹤影。
對上一次晒愛女張相，已經去到舊年嘅事…
唔經唔覺，原來是知已經13歲喇！吳君如罕有地喺社交網晒咗是知13歲生日嘅相！
今次難得見到是知正面，兩母女攬肩並肩影相，大個女嘅佢長髮及肩，成個少女樣出晒嚟～相中見是知臉圓圓，比較像爸爸陳可辛，眼仔大大精靈可愛。
正值青春年華嘅佢笑容含蓄，坐到直一直咁同媽咪合照，相反吳君如又挨又碰，不過當佢同差不多大嘅小閨蜜合照時，個蠱惑樣即刻出晒嚟，啲相真係又溫馨又搞笑。
至於兩個生日蛋糕都非常搶眼，其中一個上面插有一支心型棉花燈，另一個就放上了一粒超巨型士多啤梨。君如留言：「Happy birthday to my teenage daughter.」
(綜合報道)
陽光甜美形象亦深入民心，估唔到連媽媽都咁靚！媽媽臉上幾乎冇留低歲月嘅痕迹，一啲都睇唔出佢今年已經53歲，凍齡技術相當驚人！
馬來西亞女神林明禎樣靚身材正，佢近日去咗浮羅交怡小島渡假兼慶祝母親的生日，連日嚟都晒咗唔少靚相。
點知最驚為天人嘅唔係佢啲性感相，而佢53歲嘅媽媽「凍齡術」，嚇親唔少網友！
林媽媽都係有料之人，個樣都唔似53歲，話佢哋兩母女係兩姊妹都有人信呀！
其實早前佢都有PO過同媽媽嘅合照！佢飛返馬來西亞度假嘅時候，就同模特兒姐姐林詩枝影旗袍「寫真」，再Post上網同Fans開心Share，着上紫色系緊身入膊旗袍嘅兩姊妹，簡直係完美嘅S身段，而佢哋嘅甜美笑容更係瞬間迷倒一眾Fans！
不過「重頭戲」就落喺另一張相度，明禎嘅媽媽同樣都係着上緊身旗袍，手拎兩個橙同明禎兩姊妹影相，3個人企埋一齊嘅呢張合照十足三姊妹，其中明禎同媽媽直頭係餅印款咁一模一樣，超強基因！
母女3人同時露出燦爛笑容，媽媽臉上幾乎冇留低歲月嘅痕迹，一啲都睇唔出佢今年已經53歲，凍齡技術相當驚人！
(綜合報道)
藝人余德丞去年突然昏迷入院，他謂自此家人都有一直提點他要小心身體，問到緋聞女友蔡思貝都可有提點？他表示：「有，譬如呢個禮拜拍三、四日外景，再做個job，佢都會叫我小心啲。（佢好了解你行蹤？）我哋會講吓呢個禮拜有咩做咁嘅。」
講到之前他入院，思貝是唯一一個緋聞女友到醫院探他，他大讚對方有情有義：「但唔關有冇嚟探我，只要有問候都係有心意。」
問到媽咪可有讚思貝是好女仔？
他表示：「媽咪冇乜講，冇乜特別講邊個好唔好。（對你之前啲女朋友冇評語？）佢冇乜嘢，佢覺得我係認真嘅就去拍拖，佢唔想講完之後影響咗我，佢不嬲唔係呢個style嘅人。」
(綜合報道)
藝人楊思琦錄影無綫節目《流行經典50年》，她表示是首次上這個節目，自己都很期待，會唱許美靜的歌，問是否聲沙沙？
她說：「就係囉，每次要唱歌時就沙聲，早一兩日綵排時就好啲。（怕唔怕影響演出？）希望唔好大影響啦。（緊張？）又開心又緊張，因為爸爸媽媽同個女都會嚟，囡囡仲好雀躍話要嚟。」
她笑言囡囡一直以為她是歌手：「佢開頭唔知我係香港小姐，大個之後就知，因為有啲auntie同佢講。（佢有冇話第時都想選？）佢成日介紹啲同學仔話媽咪係香港小姐，我就話好耐之前啦，係18年前啦，真係嚇死人！」
「同埋我個女之前先睇番我攞獎條片，就恭喜我，我未試過隔咗十幾年後先有人恭喜我，同埋上年佢睇港姐，問我係咪要出場，所以佢好搞笑。」
問可會培育囡囡將來選港姐？她表示：「又唔會刻意，如果佢鍾意又有勇氣都會鼓勵佢，但唔會特登訓練佢跟住呢條路嚟行。（佢會佢會攞啲后冠玩具玩？）佢鍾意揸槍多啲，哈哈。」
(on.cc)
藝人陳慧珊（Flora）今日出席口腔護理產品活動，見她全程戴住黑超，Flora甫受訪先致歉並解釋：「唔好意思，琴日出咗小小意外，兩隻眼變咗兩個波咁，依家睇嘢都係一條線咁，費時嚇親大家就戴番副超。（咩意外？）可能掂到啲污糟嘢敏感。」
於美國長大的Flora表示由細到大都使用該口腔產品，剛巧產品宣傳手法與現時拍攝的教育節目不謀而合：「我係每樣嘢都要做到最好，介紹產品都係要用過先，今次佢哋主題係發放正能量。」
續指為產品遠赴瑞士拍攝宣傳短片，與先生同行，更首次「拋棄」11歲大的女兒：「放咗佢喺屋企人度一星期，都希望佢可以變得獨立，每晚都會同佢WhatsApp講Good Night，如果佢有需要會Call我，都唔想佢太掛住我。（個女黐你？）一向都係，但今次返嚟覺得佢真係獨立咗、成長咗，有望遲啲我可以有時間去旅行。」
而出發去瑞士前一星期，Flora就孖好友宣萱、胡杏兒去美國利物浦拍攝節目，分享校園留宿往事…
「當初搵佢哋兩個都即刻二話不說幫手，宣萱本身都好忙，佢依家忙喺內地拍《尋秦記》電影，但佢話因為兩年幾前應承咗我，就抽時間嚟，好守承諾，而杏兒大住個肚都嚟，我仲同佢講雖然應承咗我，但唔一定要嚟，不過佢都堅持參加，好多謝佢哋咁重視對我嘅承諾。」
講到好姊妹洪欣近日傳婚變，問到可有聯絡對方？
Flora表示最近較少聯絡：「都有聽到呢個消息，但我冇直接問佢，所以唔好講呢件事。（有講番話蔡少芬當初係反對佢哋兩個一齊，而你係支持？）唔記得咗啦，自己揀自己條路，我唔可以幫佢判斷佢嘅人生，佢開心嘅話我就支持。」
相關新聞：
【疑出軌 畢瀅疑有咗】緊急開會後 張丹峰或被… https://bit.ly/2IAKbxT
【瘋傳張丹峰出軌 畢瀅疑有喜】洪欣終於現身 https://bit.ly/2ZhI0VQ
【洪欣被爆曾一氣之下走人】畢瀅手執疑似驗孕棒 有咗！？https://bit.ly/2ItO2MW
【離婚後乜都無】傳洪欣財產被轉移 同仔仔借錢度日 https://bit.ly/2IbJBHe
【張丹峰再被爆…畢瀅着睡袍收快遞】https://bit.ly/2OZSap6
【蔡少芬曾反對洪欣同張丹峰拍拖 網民大讚眼光獨到】https://bit.ly/2Z1PL1L
【張丹峰再次被爆同畢瀅密會 洪欣舊愛莫少聰發文似乎暗示…】https://bit.ly/2WWk0W8
【洪欣秒刪昔日放閃合照 疑似畢瀅：我委屈了自己三年】https://bit.ly/2GbrOxW
【細洪欣9年老公被指斷正疑出軌】張丹峰首回應 https://bit.ly/2UFBAjK
【屢傳婚變家暴】洪欣老公張丹峰疑酒店密會3個鐘斷正 https://bit.ly/2I3BegT
（on.cc）
內地男星張丹峰與經理人畢瀅酒店夜會風波繼續發酵，愈炒愈熱！
但張丹峰太太洪欣一直未有發聲，但最近出席活動時，狀態甚佳，心情似乎未受影響~
有網民看到照片後直言：「48歲的洪欣顏值氣質一點不比26歲的畢瀅差，張丹峰是眼瞎嗎？」
風波同樣受業内人士關注並緊急開會，傳出不會再用張丹峰。不過張丹峰早前剛拍完一部電影，是講述消防員的故事，主題正能量，但爆出風波後，有網民因不屑他所作，連帶對電影也提不起興趣。
該片的製作方也表示，正在等待張丹峰對事件的回應，若證實有人出軌，或會考慮要求賠償因負面消息引起的經濟損失。
張丹峰或被全面封殺
相關新聞：
【聞好姊妹洪欣婚變】陳慧珊：自己揀自己條路 https://bit.ly/2GkyjOY
【瘋傳張丹峰出軌 畢瀅疑有喜】洪欣終於現身 https://bit.ly/2ZhI0VQ
【洪欣被爆曾一氣之下走人】畢瀅手執疑似驗孕棒 有咗！？https://bit.ly/2ItO2MW
【離婚後乜都無】傳洪欣財產被轉移 同仔仔借錢度日 https://bit.ly/2IbJBHe
【張丹峰再被爆…畢瀅着睡袍收快遞】https://bit.ly/2OZSap6
【蔡少芬曾反對洪欣同張丹峰拍拖 網民大讚眼光獨到】https://bit.ly/2Z1PL1L
【張丹峰再次被爆同畢瀅密會 洪欣舊愛莫少聰發文似乎暗示…】https://bit.ly/2WWk0W8
【洪欣秒刪昔日放閃合照 疑似畢瀅：我委屈了自己三年】https://bit.ly/2GbrOxW
【細洪欣9年老公被指斷正疑出軌】張丹峰首回應 https://bit.ly/2UFBAjK
【屢傳婚變家暴】洪欣老公張丹峰疑酒店密會3個鐘斷正 https://bit.ly/2I3BegT
(on.cc)
囡囡一直深受網民喜愛同熱捧，顏值超班嘅佢更被喻為「最索星二代」之一。雖然佢依家同富三代男友施仲樂打得火熱，但佢將屋企人永遠放喺第一位，琴日踏入22歲嘅佢就選擇咗同屋企人慶祝。
名媛上山詩鈉女兒Hilary喺社交網分享多張慶生嘅相片，見到張智霖同太太袁詠儀、張智霖媽媽同曹查理等一眾親戚都有現身…
張智霖夫婦同Hilary合照時搞笑地又搣又摸佢下巴仔…
媽媽上山詩鈉仲留言多謝佢哋兩人一直當Hilary係自己個女咁錫添！
不過相信令壽星女最開心嘅，莫過於老友竇靖童都有出席生日派對，兩個一見面就攬頭攬頸，仲面貼面一齊扮鬼臉~
上山詩鈉亦留言話：「They always go crazy when see each others!（佢哋每次一見到對方就興奮到癲！）」
雖然男友冇份出席，不過相信Hilary呢個生日都過得好開心呀！
（on.cc）
古巨基演唱會請得李克勤做嘉賓，已為人父的克勤，十分擔心古巨基（基仔）結婚五年仲未有BB，合唱完《夏日之神話》後，克勤就開始放笑彈：「我聽講尋晚個嘉賓（容祖兒）爆你兩公婆成日摸手摸腳。」基仔回話：「係啦，都唔知有咩咁出奇…」
克勤再話：「其實呢啲情景我都見過呀！哈哈，但係我好想問你，點解你剩係摸呢？點解咁耐都摸唔出啲咩嚟㗎？」觀眾聞言即起哄和應，大力拍掌兼大笑，克勤再繼續：「你唔好剩係摸得㗎，要有舉同埋動先得呀！」
基仔就虛心向克勤請教：「我知你堅呀，你出咗兩大舊！我都要向你請教！」克勤就教路：「我都係譚詠麟教我，你想生仔定生女？生仔呢，阿倫話要倒掛金鈎！生女就要用一招腳趾尾拉西！」
聽到一頭霧水的基仔，唔知好嬲定好笑，反問：「我想問，倒掛金鈎，你掛定老婆掛？拉西我剩係覺得腳趾尾好赤喎！用邊個腳趾尾先？哈哈哈！」
克勤抵死話：「呢啲只可以意會啦！講出嚟冇意思，哈哈哈！你Feel唔Feel到？Feel唔到去問吓校長啦，叫佢詳細教你。」
(facebook / on.cc)
藝人陳敏之抱恙出席仁濟醫院青少年及幼兒服務舉辦的「凝心聚力·守護幼兒」宣誓禮暨「家庭義工推廣計劃分享日」。
近年甚少拍劇的她坦言自從有了小朋友後要減產，每年只能拍一至兩部劇，因為要分配時間給家庭及曲奇餅生意…
「最近曲奇餅生意幾好，啱啱研發另一隻餅，忙緊試食。囝囝依家兩歲，好好玩，我唔想錯過咗佢嘅童年，劇就幾時都可以拍，如果我有經濟問題，就話要拋個身出嚟啫，但依家各方面都好穩定。啱啱幫囝囝報咗學前班，8月開學。依家小朋友學嘅嘢好深，我唔係怪獸家長，但如果將來我將來教唔到，我會搵專業人士去教，但我會陪喺佢身邊。」
身穿羽絨外套的敏之透露因近日天氣忽冷忽熱而氣管不適，更要與心愛的囝囝保持距離：「唔可以錫佢，我喺屋企都戴口罩。」
敏之稱下星期便飛往加拿大登台及宣傳無綫節目，她笑言：「我都想快啲離開香港，唔想傳染到個仔。（去登台使唔使練定歌？）我主持《流行經典50年》都會經常唱歌，係個好訓練，都儲埋幾多歌。」
(on.cc)
藝人傅穎以組合Cookies成員身份出道，至今多個年頭但不時被外界拿她的樣貌進化為話題….
佢喺社交網發長文否認「變臉」，她指有同事拿相關報道給她看，表示：「畢竟新同事不知道我已面對了這些報道N年了，小事一椿，時代不同了，沒有包袱，想說的話就趕快說，前提是不傷害別人。」
傅穎問心無愧從來不膠，並指：「人云亦云的膠到底有多膠？這個『膠』不只是指膠面，還可以被解讀成 — 假/虛偽。我問心從小到大一點也不膠，會化妝是真的，想要怎樣改都不難。性格是完全膠不起來，活脫脫的娛樂圏案例，能膠一點也不至於被寫死。晉升到第幾個version也好，人確實是要進步的，如果可以被人一直說膠十幾年，也是一種本事。」
傅穎覺得再多解釋也沒有用，只會愈描愈黑，所以這幾年就不反駁了：「衷心希望在以後的日子裏，當你們覺得冤枉，覺得委屈，覺得跳進黃河都沒有用的時候，想想香港還有個女藝人，叫傅穎，被批評，恥笑，攻擊，往死裏寫，往死裏屈，她還好好的活着呢！你還有甚麼好愁的？」
（facebook / on.cc）
