藝人陳展鵬、唐詩詠、陳山聰和伍允龍等到將軍澳電視城拍攝劇集《唐人街》，展鵬透露劇中有大量動作戲。
但最辛苦及大型的場面尚未拍攝，他直言不會因即將做爸爸而錫身，提到經常打到周身瘀傷，太太單文柔可有幫他捽跌打酒？
他笑說：「有時由朝打到晚，好攰，佢會幫我按摩，佢都好關心我。」
講到太太正佗B，預產期更疊住劇集拍攝時間，他表示有親戚照顧，叫大家不用太擔心…
「所有嘢都自自然然就得喇！一有好消息就同大家宣布，依家最緊要太太情緒好。（大肚婆有冇好任性嘅時候？）都過咗喇！習慣咗就冇嘢，可能開頭有好多嘢想食唔食得，我哋都有聽長輩嘅吩咐。」
（綜合報道/on.cc）
女星洪欣與細9歲嘅老公張丹峰舊年爆出婚變傳聞，當時有指張丹峰偷食經理人畢瀅及家暴，不過都一一被洪欣否認。
但相隔9個月，今日再有大内地傳媒爆料，圖文並茂影住張丹峰同畢瀅喺酒店房夜會3小時，令洪欣同張丹峰婚變傳聞再次甚囂塵上。
據報道指，畢瀅自舊年嘅傳聞後已促促「被消失」，無再經常現身喺張丹峰身邊…
不過日前佢又再被拍得拎住張丹峰酒店房卡自出自入，夜晚時分佢更身穿睡褲拖鞋入張丹峰酒店房間，直到凌晨一點多才離開，兩人在房間中單獨共處3小時。兩人至今都未有回應…
相關新聞：
【細洪欣9年老公被指斷正疑出軌】張丹峰首回應 https://bit.ly/2UFBAjK
【一提婚變傳聞就…】洪欣：呢個係佢自己選擇 https://bit.ly/2HVSt3J
（綜合報道 / on.cc）
現在已經成爲女強人的黎姿昨日亦在社交網晒20多年前舊相，其中大合照就驚見郭富城、張衞健、杜德偉和呂方。
黎姿寫道：「朋友在收拾舊物的時候，找到這幾張20多年前的舊照片，實在是時光飛逝。當年一臉稚氣未脫的我還在華納唱片，與朋友們出席電台活動。成長總是在不經意之間，年輕學會的一點一滴，都變成了我們成長後的智慧，讓我們如今在不同的領域都各有成績，很感激一路走來有很多朋友陪伴和支持，令我無論在工作或生活中得到能量。」
現年47歲的黎姿，除了在電影《古惑仔》扮演「細細粒」討觀眾歡心外，亦曾憑劇集《金枝慾孽》奪大台視后…
黎姿除了演技出色之外，其實都做過歌手出過唱片，仲有一首飲歌《白恤衫》，當年黎姿做歌手時，不時出席電台活動，相中的她戴粗框眼鏡，笑到四萬咁口，網民紛紛讚：「永遠的女神」、「我好愛你呀，你是我從小到大最最最最最喜歡的女演員」。
但有眼利網民發現相中的城城疑似冇拉褲鏈，而黎姿在社交網只@郭富城、杜德偉和呂方，卻遺漏了張衞健，不知是否黎姿認不出仍有頭髮的健仔呢？
相中的健仔攬着曾航生擺出單腳獨立甫士，在大腿上掛了一支五星旗，十分抵死，網民留言：「張衞健那時候還有頭髮」、「張衛健是真的帥」、「天啊！看看健Dicky萌哭了」！
(綜合報道/appledaily)
藝人麥明詩（Louisa）自從同林作分手之後，感情一直未有着落，不過身邊嘅朋友陸續結婚，琴日就係佢圈外好友大婚之日…
今次Louisa決定反傳統，唔做伴娘改做伴郎！佢着上吊帶西裝，配上白色尖頭高踭鞋，型格十足！
Louisa仲拖住花仔花女行紅地氈，入場之前，足足有三個助手幫佢補妝，唔講仲以為佢係新郎添！
拖住花仔花女，好有氣勢！
佢其後喺社交網都笑稱：「我以為我自己結婚！」好多網民都借機叫佢都快啲搵番個真命天子。
(綜合報道)
兩人於2016年結婚，隔年太太為他誕下女兒「小小愛」。
今早終於傳來喜訊，宣佈太太已在4月3日生下第二胎，仔仔「小小傑」體重3110公克，身高51公分，母子均安。
老公江宏傑透露，老婆福原愛歷經一個月的假性陣痛，相當辛苦…
江宏傑為台灣國家代表隊選手乒乓球手，與日本同樣為乒乓球手的福原愛譜出戀曲爲人所熟悉，不知道大家有否看過他們的比賽呢？
之後兩人就組織一家三口的家庭，經常在網上曬愛。
今天他發文宣佈太太順利誕下六磅B仔：「4月3日下午帥氣的小小傑來地球上報到啦！辛苦小愛(太太)了，謝謝大家的關心哦。」
之前江宏傑曾分享他為老婆準備待產產情形，當時還帶了一個kitty公仔，被網友笑稱太可愛…
如今兒子平安出生，成功湊個「好」字，他們夫妻都十分開心，囡囡小小愛也將多了弟弟陪伴。
假性陣痛特徵：
(綜合報道 / facebook)
藝人鍾麗緹（Christy）近日屢傳懷孕，雖然暫時仲未有喜訊公布，不過呢日佢就有另一個好消息..
就係二女Jaden贏出跳舞比賽，仲一口氣勇奪八個獎項。
其實Jaden向來擅長跳舞，之前就試過孖住爸爸張倫碩上台跳舞，氹媽媽開心。
Christy喺社交網上載出兩張Jaden同跳舞老師嘅合照，並留言大讚…
「感謝老師的培養，我們家的Jaden今晚得了8個獎盃！但是我們還要繼續努力，5月11日還要比賽！加油！」
Jaden真係好叻女，希望佢之後比賽繼續順順利利！唔少網民都讚Jaden唔只個樣越來越似媽咪，連演藝細胞都同媽咪有得揮，繼續加油呀！
(綜合報道 / on.cc)
藝人陳琪與胡諾言（胡仔）早前撇低三個仔女，出發台灣二人世界！
雖然短短三日兩夜，但已相當盡與，期間胡仔「龍友」上身，去到邊影到邊，還逼老婆做御用模特兒，陳琪笑說：「今次唔使帶細路，所以咪孭咗部相機去，成日要我做model，影到我都覺得悶，後來佢咪自己影啲花花草草過手癮。」
沒有仔女在旁，他們無需再到遊樂場，反而休閒地四圍逛浸溫泉，更影下「浴照」：「近年都開始唔記得咗原來去旅行應該係咁樣，今次主要浸溫泉同食嘢，睇風景都係其次，因為我哋已經錯過咗櫻花嘅季節，冇計，始終都要就小朋友返學嘅時間，只能夠揀一個星期六、日，原來兩個人去真係好舒服，以後真係要多啲撇低啲細路出去先。」
而二人於田園取景拍照時搞笑被田園主人玩謝，陳琪說：「佢（胡仔）畀阿婆逼買花嚟送畀我，否則唔畀佢入去影相，變相我有花收。」
(on.cc)
72歲藝人羅家英早前因進行前列腺穿刺手術而受細菌感染，在聖德肋撒醫院留醫，今日約下午3時半，羅家英在女友人陪同下離開醫院。
雖然今日氣溫高達28度，但他頭戴魚夫帽、口罩及黑超，身穿長褲、長袖衫及外套，以反季節裝束上陣，包到實一實！
問他是否出院？他坦言：「未出得住。（幾時出得？）最快都要聽日。（你依家去邊？）我同朋友有啲嘢要傾，之後會返嚟。（醫生有冇話你身體點？）醫生話我好好。」
至於之前的檢查報告出了沒有，他未有回答便登車離開。
(on.cc)
藝人張智霖（Chilam）同老婆同袁詠儀（靚靚）結婚多年依然好恩愛，兩公婆不時被拍到拖手行街，兩夫妻情羡煞旁人。
呢日Chilam上載咗一張老公視角嘅相放閃，靚靚素顔出鏡，一臉滿足地望住眼前塊Pancake，Chilam留言：「又來了…」
原來佢哋有個Pancake之約，不過佢兩個食極都咁Fit，令網民超羡慕！
網民大讚Chilam不愧係「愛妻號」，唔使開工就抽時間陪靚靚，超寵老婆的絕世好男人！
有網民就翻查Chilam 2月3號都上載過陪靚靚歎Pancake嘅相，之後話靚靚對Pancake嘅愛果然係風雨不改！唔少人都問咁究竟袁詠儀愛Pancake多啲定老公張智霖多啲呢？
(綜合報道)
電影世界總會有人說要和對方生下一支足球隊，日本有一個家庭真的做到﹗來自日本琦玉縣的漆山家，47歲的爸爸漆山亨和42歲的媽媽漆山佳月現時育有6子6女，長子20歲，最小的只有1歲。
爸爸於市內經營美容院，媽媽於店內任職美容師和照顧一家十四口的生活。由於人數眾多，每天要開4-5次洗衣機才能把所有衣服洗淨。衣櫃也特別設計將儲物空間延伸至天花板。
每天早上5時，媽媽便起牀準備13個便當及煮早餐，漆山家每個月能夠吃掉近60公斤的食物。他們表示外出吃迴轉壽司的話，可以獨佔一行坐滿。食量當然也驚人，一家能吃掉逾百碟壽司，還未計算味噌湯和飲料。
爸爸和媽媽因為太愛小朋友，所以這幾年也是密密生BB。20歲長子漆山葵，更有意繼承父親美容院的生意，所以於美容專門學校讀美髮專業。太多小朋友關係，17歲二女兒漆山海音也成為媽媽的好幫手，不論做家務還是煮食也十分能幹。
三女兒正就讀高中。四兒子、五兒子及六兒子因為年齡相若，所以同屬一個足球興趣班學踢波。七女兒、八女兒及九女兒經常3個圍著玩，最小的十女兒、十一兒子和十二兒子還需要大人照顧。
為減輕媽媽的負擔，爸爸早上也會幫忙叫醒子女。雖然孩子眾多，父母們也沒有忽略任何一個。每個也有成長紀念冊，爸媽親手為他們寫下日記及保存照片。還教導他們兄弟姊妹之間要互相幫忙、忍讓及照顧，大家才能維繫這大家庭。
(綜合報道 /singtao)
