視后李佳芯（Ali）到快餐店出席AlipayHK活動，問到她可覺得自己改啱名，能夠代言這個品牌帶挈賺錢？她笑言：「呢個真係緣分，其實呢個名係我自己改嘅，細個時都要有自己嘅英文名，我本身想叫Alice，但係覺得Alice Lee呢個名好普通，所以就改做Ali。（呢個名為你帶挈幾多錢？）都係咁啱，呢幾年啲作品都開心有人記得，互相合作都係件好事。」
而問到她理財叻唔叻？她坦言：「以前好渣，股票都係跟人買，但依家就會知道要買磚頭，但我自己依家一舊都冇。（今年想唔想有買樓？）想啊，希望快啦，都有睇定啲，不過依家買都係用嚟投資，當然自住都得。（目標想買幾大嘅樓？）要求唔係咁高，可能千幾呎啦。」記者笑她要求不高，但就要千幾呎，她說：「我唔貪心㗎，不過依家都仲未買到，真係陰功。（你想買咩地區？）唔同階段想要唔同地區，依家就想要近返工嘅。」
問到如果買樓可會問男友陳炳銓意見？她表示：「佢對投資比我更冇concept，仲渣過我。（會唔會同男友一齊合資買樓？）會嘅，不過覺得拍拖都係財政獨立好啲，但到結婚就梗係想叫佢出糧直接入落我度，不過拍拖就真係獨立好啲。」
(on.cc)
熊黛林（Lynn）現在忙湊一對孖女Kaylor與Lyvia，兩個囡囡已經1歲大。
Lynn亦可以多點時間，照顧另一個「BB」，即之前與老公郭可頌合力搞的自家運動服品牌生意。
Lynn為了這個自家運動服品牌，最近就發起一個叫「Yoga Challenge Devi」的瑜伽公益挑戰，為乳癌病患者打氣，仲叫埋好朋友喺社交平台貼一張做瑜伽嘅相！
當中琦琦、汪詩詩、廖碧兒及馬詩慧已響應，之後有不少瑜伽愛好者加入，更有創意地在香港特色景點如獅子山、南豐紗廠等做這一個挑戰。
原來，Lynn表示這個瑜伽挑戰想以運動去推廣女性健康，皆因她做了媽媽，覺得要更着重自己的健康：「乳癌係女性的頭號敵人，所以希望以這個公益挑戰去令更多人關注乳癌問題。」
Lynn就帶頭召集做這個慈善推廣，籌錢方式以收集「Like」為單位，收集到一個「Like」，Lynn就會以運動品牌名義，以「你Like我捐的1 Like = $1 捐款方式（總上限為港幣$50,000元）」籌款，將活動中所得收益的5%，全數捐給乳癌基金會。
(apple daily)
騙徒手法層出不窮，估唔到今次中招的苦主，竟然是平日眉精眼企的－－張敬軒！
軒仔今日在社交網晒手提電話盒裝相片，以為收到粉絲大手筆送手機，點知原來被大整蠱，軒仔繪形繪聲細述「案」件詳情：「呢單嘢直情要上警訊我話你知，話說我喺屋企清理上次簽名會fans送嘅禮物，跟住見到有部大iPhone，心入邊內疚咗好耐：（#鄧碧雲媽打腔）我啲歌迷成日都咁破費，搵個錢唔容易，真係有我心 #粒眼淚真係爭啲就跌出嚟 #跟着心諗（轉 #李司棋真情阿家腔#司棋姐親自留言更正 #應該係善姨腔）既然人哋一番好意就唔好拒絕啦，啲電器擺得耐都會壞㗎！」
點知軒仔打開個盒，當堂晴天霹靂：「我變咗隻澳洲樹熊 #唔_係啩 #金莎嚟嘅趙李 #下邊佢仲要加塊鐵板扮重 #仲要exac7ly啱size #我當堂轉周星馳tone #吖好嘢好嘢 #我話你知我班fans真係食腦㗎 #正所謂有仇不報非君子 #你哋班嘢你ting住下次買碟收隻光酥餅喇你哋 #對上呢句記得用黃韻詩tone #亞叔你哋都呃真係好冇陰功」！
一班藝人好友齊齊剝花生，蔡卓妍留言：「人哋花咁多心思嚟呃你 都呃得抵啦」，何韻詩直情笑軒仔做懵炳：「無咗封膠你都收，正懵炳。」軒仔反駁：「佢係封咗膠紙原裝一樣㗎我頂佢，仲要唔知幾時擺落堆禮物度，我直情冇印象我有接過手！」網民都取笑埋一份：「有點嘅偶像就有點嘅fans」。
(apple daily)
陳小春正忙於巡迴演唱會，5月5日他將在北京五棵松凱迪拉克中心舉行，門票今日公開售票。因為之前七站皆爆滿，為避免今日開售出現人潮搶票令網絡癱瘓，主辦特別採取「先付先搶」網絡預售及正式開票雙結合的模式。
昨日（10日）小春出席內地一個活動，同場仲有王祖藍～
小春在活動上大談育兒心得，被主持問到是否贊成為兒子Jasper訂下規矩，小春直答：「規矩，男孩子要給他制訂規則，再分享故事給他。」
再問到點睇讓孩子自由成長？小春直說：「放手也是一種愛。我們對他的愛一直是比較自由的，因為希望Jasper可以盡早成為有責任心的男子漢，我們相信放手給他更多的自由可以幫助他能夠獨當一面，所以我們會鼓勵他自己的事情要自己去完成，作為家長不會輕易幫忙。通過這樣的方式，我們發現他真的能很好的處理自己的事情。」
小春指帶Jasper接觸大自然好重要，可以打開孩子潛能，所以Jasper很小的時候已鼓勵他去自己探索大自然，讓他通過眼睛去探索、去發現、去理解世界。
(on.cc)
無綫處境劇《愛．回家之開心速遞》不時引起網民討論，最新嘅一次就係飾演Terry嘅李偉健竟然由善良蠢笨變到奸險聰明，令人難以置信呀！
事源Terry接受針灸加電流治療想變醒目時，竟然因為一隻老鼠影響儀器，加大咗針灸電流量，搞到Terry變咗第二個人，從此踏上「黑化」之路！
唔再係純情小綿羊嘅Terry，比家姐「大小姐」（林淑敏飾）更加狠心，大小姐幾唔得人鍾意都有人性嘅一面，相反，「黑化」Terry唔只六親不認設計陷害阿哥Max（鄭世豪飾），最後仲想令對方坐監，為求目的連犯法嘢都想做埋！
而以往一直畀家姐指住嚟鬧嘅佢，嚟個大反擊兼引用對方名言兼指住嚟鬧：「呀，你真係蠢唔係扮㗎喎！」
仲踢走埋大小姐坐佢office個位謀權篡位添，真係勁冷血！
唔少人都喺佢Instagram留言大讚「『黑化』Terry好型」、「演技大爆發」、「睇唔慣呀」，其實唔只網友睇唔慣，連佢自己都話演唔慣，因為做咗傻仔咁多年，突然變奸都要一段時間適應，而佢仲多謝大小姐同「舅父KC」歐瑞偉嘅幫忙！
網民都話好期待之後嘅劇情，有人就好掛住傻頭傻腦嘅Terry、有啲仲幻想大小姐聯合Max對付番Terry添，唔知Terry之後會點呢？
(on.cc)
樂基兒（Gaile）為圈外老公Ian Chu懷第一胎BB已接近卸貨階段，現已踏入37周，即BB隨時出世，準備做新手媽媽，之前她陀B曾身體不適，更出現發冷、腳抽筋等徵狀，幸好現康復過來。
Gaile今日在IG貼了一幅大肚selfie，她身穿白tee及內褲，而肚已脹得頗大，她笑言難以抗拒貼大肚相，因早前的瑜伽動作，感到BB已開始向下滑。
她已暫時為腹中B仔改名叫Baby H，更透露已執了入醫院的「走佬袋」，笑言自己執了太多東西，個袋出現「overpacking」，所以徵求好友的意見要執甚麼入院必需品。
她的好友Ana R.、Cara G.都紛紛給「Like」，亦有友人向她送上意見，提她要帶可供餵人奶設計的背心、枕頭、腰封等用品。
（apple daily）
內地女星章子怡喺2015年為老公汪峰誕下女兒「醒醒」，近日有份參加節目《妻子的浪漫旅行》嘅佢，同一班人妻講番當日由懷孕到生BB嘅細節，佢仲提供兩張珍貴嘅相片畀節目組，之後再次上載喺微博同大家開心Share！
原來呢兩張相係子怡啱啱生完囡囡醒醒嘅相，見醒醒伏喺媽咪胸上，而子怡雖然剛剛生完但精神相當唔錯！
而另一張則係一家三口溫馨照，汪峰輕撫太太秀髮，子怡留言：「旅行中我們幾位妻子聊到孕期反應和生寶寶的一些細節！我提供了這張照片給節目組。這是2015.12.27，我人生中最值得驕傲的時刻，我想這也是我最美的樣子！分享給大家，願你們也可以大膽的活出自己的世界！」
(on.cc)
佢剛剛就喺社交網宣布佢即將做人妻喇～～～
Jessica在社交網上載二人煙韌合照，未婚夫攬到Jessica實一實，而Jessica手上嘅求婚戒指亦非常顯眼，二人笑容一致，又甜蜜對望，真係令人羨慕！
據知Jessica（蔡明思）嘅未婚夫係圈外人，雖然Jessica未有特別公開未婚夫身份，僅表示對方叫「陳冠」，不過佢就興奮指洗衫煮飯打掃全包佢身上，就算攰都好樂意，仲講到明等唔切要快啲嫁人添：
「我真的有好消息想告訴大家呀👫
首先恭喜陳生
他燒了三輩子的好香
這輩子終於可以娶我回家！
恭喜晒！！！🎉
之後恭喜自己榮升超人
從此之後
聽教聽話 洗衫煮飯打掃全包在我身上
聽落好像有點累
但我很樂意
因為♥️
#恭喜有情人終成眷屬
#人生很完滿 🌕
P.S 陳冠是我的天使，我每天都很想感謝他！
I can’t wait to marry you ♥️♥️♥️」
女子組合Super Girls（SG）2010成團，5位成員近年都分別投入唔同圈子作新嘗試，好似Cheronna同Yanny就行演戲路，Heidi就做Fashion達人。
(on.cc)
余文樂自從與台灣皮帶千金王棠云一索得男，誕下兒子余初見（Cody）後，型男華麗轉身變型爸，一有時間便照顧兒子。
不過忙於演藝工作，又要兼顧自家服裝店的余文樂，未必時時在家，所以就算人在外頭工作，也不時貼兒子的相片，表達思念之情。
今天余文樂在IG貼出兒子背影，留言說：「轉眼就11個月了。轉眼你已經學走路了。」見Cody腳仔頗有力，借茶几之力企得相當穩陣。
至於余太王棠云又如何呢？余文樂在限時動態share照片，相中的王棠云竟與另一男士撞衫，還是同款但黑白色之分，余文樂搞笑留言說：「 你們穿情侶裝，甚麼樣的巧合，這麼明目張膽。」
還加了個生氣的emoji，而穿「情侶裝」的王棠云更與該男人面向鏡頭擺出V手勢，難怪「正印」的余文樂要生氣了。
(apple daily)
同老公即將為人父母，她懷的雙胞胎的預產期是今個月！
早前舉行Baby Shower，係孖仔！
近日公開最新大肚寫真，肚子又大了不少，她表示懷孕至今已重了將近42磅，巨肚比上次公開的寫真又大了重了很多，她又公開幾張自己特寫面部的照片，顯得有點不安和緊張，她留言：「害怕，沒辦法我要吃三個人的飯。」有網友留言安慰她生完就瘦，不用擔心。
腹大便便的蒼井空昨日再更新網誌，透露雖然醫生表示她可以自然妢娩，但為了BB順利出世，決定會剖誕B。
蒼井空表示一直以來都好想體驗一下，作為女人生仔的痛楚，但自己陀住孖B又首次做媽咪，始終有一定風險，所以決定剖腹誕B。但同時她又擔心開刀完麻醉後的痛楚，以及會否留下傷痕。
不過，她早前跟曾經剖腹誕下第三胎的朋友見面，發現開刀後疤痕並也不明顯，而且直言今後不會再脫，也過了穿比堅尼的年紀。
(綜合報道)
