林夏薇、吳國敬、鄧小巧等藝人在會展出席《博愛醫院百周年（己亥年）董事局就職晚宴》。
林夏薇以黑色晚裝裙亮相，配合雅致的妝容更顯高貴，精神亦比以前好…
她笑說：「可能唔使拍劇出外景啩，少咗幕前演出係多咗時間陪屋企人同打理飲食生意，會再開分店，亦會同其他品牌合作。」
最近堂兄林峯重返娘家再拍劇，堂妹林夏薇被問到會否像堂兄一樣再拍劇？
她無奈表示：「唔好提，提起我就有戲癮，自己鍾意演戲，但係依家生活方式唔同，有機會先啦，都有電影、電視劇搵我，但依家想陪家人先。」
講到是否努力「造人」？她笑說：「係啦，順其自然。」她又指老公很支持她工作，自己也不怕拍劇辛苦，只是拍劇就沒有私人時間，也要照顧屋企及打理生意。
(綜合報道)
1996年香港小姐季軍及《國際親善小姐》袁彩雲，最近與老公和女兒到了馬爾代夫旅行慶祝結婚十周年。
她在社交網上載旅行相，見佢抱住5歲大嘅囡囡Alycia一齊睇日落，相當有意景。
見到Alycia眼仔睩睩相當可愛，五官標誌遺傳咗阿媽美人胚子，兩母女長得餅印一樣，同樣省鏡。
袁彩雲感性留言「一家人齊齊整整一條心，扒獨木舟去睇日出！美得不得了，現場看這晨光第一線是更加美麗！這會永遠在我們的腦海中。」
無綫劇《大帥哥》之前播出時掀起追劇潮，除咗因為張衞健回巢夠吸引之外，一班同劇演員如楊秀惠、譚凱琪等嘅發揮都好出色。
相關新聞：
【網民感動到喊 大帥哥張衞健：唔要權唔要勢唔要錢只要⋯】https://goo.gl/7Amwu1
【《大帥哥》大結局 洪永城寫信畀張衞健：大哥，你成功了！】https://goo.gl/W1JEKv
【入行18年終於憑《大帥哥》彈起 「天嬌」譚凱琪：做豬年新娘都唔錯】https://goo.gl/rTerZN
【入行14年終被認同 楊秀惠：一路睇都一路震】https://goo.gl/qsK8kj
呢日楊秀惠喺社交網上載咗張「家庭聚會」嘅相，原來係《大帥哥》班底嘅飯敍！「大帥哥」、「天嬌」、「艾妞」、「沅婉」、「馬炭」、「羅義」、「顧落蘆」、「冬來」同「細龜」都喺齊度，睇劇時啲回憶返晒嚟！
譚凱琪透露呢個飯局約足大半年先人齊，而楊秀惠留言表示：「今日出席家庭聚會✌️#大帥哥 圖三：洪爺，你把聲🎤好響咯😅 @guruhung」
有份出席嘅蔡思貝都有晒大合照，仲感性表示：「在他們面前，我可以坦然自在的做自己，我想，這種像家人般的相處，是一種緣份（分）。」佢仲搞笑咁話同呢班人食飯，似係好似有幾廿個嗲哋媽咪夾餸畀佢添，聽落都覺得好溫馨呀。
睇番啲相，見個個都笑容滿面，連喺電梯裏面都要影搞鬼合照，三位「姨太」仲大玩變臉App，key住個貓樣嘟嘴賣萌兼放電，迷人又可愛，電到班粉絲暈晒大浪！
(綜合報道/on.cc)
藝人郭藹明與老公劉青雲公認是圈中恩愛模範夫妻，除了和老公二人世界出動， 已經甚少在公開場合露面，但每逢現身都風采依然，身形和皮膚都保持在最佳狀態。
藝人郭藹明在酒店出席護膚品活動，受訪時表示開始喜歡煮餸，故不時發掘新食譜，老公劉青雲則充當「白老鼠」試食。問到青雲對飲食可奄尖？她笑說：「一時時啦，有時都會嫌棄，佢會好老實講整得好食唔好食，有時我聽到都會沮喪，但佢會解釋番，希望我進步。」
郭藹明又稱老公是食神，吃東西有獨特口味，她笑說：「好似佢鍾意食硬啲嘅麵，有次我煮多咗1至3秒，佢都食得出話腍咗喎，但係佢都會照食晒嘅。」但又澄清青雲不是對她要求特別高，只是他很喜歡吃東西，外出食飯也會品評一番。
問到老公可拿手下廚？她笑說：「佢獨沽一味煎牛扒，牛扒就一定佢整，我超越唔到佢，情人節心型牛扒當然係交畀佢啦。」
她又指不會煮東西去探老公班，怕阻礙他開工。講到護膚，郭藹明指有用過好的產品也會給老公用，更指對方開始有細紋，所以也會自覺乖乖護膚，她笑說：「以前拍拖就肯畀我幫佢做Facial，依家唔肯，怕我整蠱佢。」
（綜合報道 / on.cc）
女星莫文蔚於銅鑼灣出席腕錶活動，莫文蔚戴上共值130萬的首飾及手錶現身，高貴優雅。
她透露收藏了不少腕錶，由小時候爸爸送贈第一隻腕錶給她時，已有戴錶的習慣，而長大後因工作辛苦時，亦會買錶獎勵自己。
她透露對黃金及玫瑰金的款式情有獨鍾：「我唔鍾意啲太誇張嘅錶，係以實用為主。（老公有冇送錶？）我送畀佢多，佢反而會送戒指畀我，每一年送一隻，由結婚開始佢新創嘅慣例，結婚八年至依家都收咗好多隻。（過咗七年之癢？）其實都冇癢過，同老公都仲好sweet，我之前忙工作成日掉低老公，依家見住佢仲係好有拍拖嘅感覺同熱情，小別勝新婚。」
莫文蔚自言過往太投入工作，未能兼顧到家庭，所以將會休息一年陪老公。
問到是否因老公詐型？她說：「佢冇，但我自己都要識做。（休息造人？）都幾十歲，唔造啦，好好享受二人世界。」
問到是否減產，不再太頻撲？她說：「都會，會出少啲活動，想搞多啲幕後嘅創作工作，例如音樂劇。（有冇心水男主角？）我之前參加大陸真人騷，識咗內地歌手華晨宇，同佢做咗好朋友，亦好欣賞佢唱歌風格，把聲好入戲，都有同佢傾過，如果音樂劇成事，會預佢一份。另外亦會同哥哥（莫理斯）一齊搞電影，但就唔會以投資者身份。」
(on.cc)
藝人黃翠如出席活動，佢一見到同場嘅洪永城（Tony）女友梁諾妍後，便立即上前擁抱兼合照，更大爆：「我唔同你影相會畀人鬧㗎。」
講到Tony吩咐代為照顧女友，佢爆料指：「佢搵咗我幾日，Call咗我4次，叫我一定要照顧阿嫂，我從來冇覺得自己喺佢心目中係咁重要，所以呢張合照一定要影，唔係佢有排煩。（叫佢阿嫂有咩反應？）其實之前都有玩過一次，不過叫阿嫂好似冇咩反應，可能未滿意Tony啦！（Tony識咗呢位女朋友之後乖咗？）佢一向都好乖，不過佢哋真係好夾，Tony一直都好鍾意啲運動型嘅女仔。」
問到黃翠如有冇好消息公布？佢表示：「套劇尋日先煞科，呢排忙開工都冇乜點瞓，成日要4、5點起身，好少見到Edwin（蕭正楠）。（所以好難造人？）見面都難，同埋依家享受做老婆先。」
提到早前下廚炮製鮮蝦粉絲煲，佢指老公畀足90分，但就被曹永廉彈：「啲材料係Edwin同阿廉買嘅，阿廉不停話我買外賣返嚟當自己煮，啲小三好煩，成日想搞禍我哋。嚟緊佢哋兩個一個月飛三個國家，去新加坡、美國同馬來西亞做嘢，有排冇得見，可能到時係佢哋有好消息。」
(on.cc)
於上年4月下嫁任職科學家嘅林潤生（Albert Lam），婚後火速造人，Abo現已懷孕七個月，早前由老公操刀拍大肚寫真留倩影。
相中見她雖然捧著孕肚，但手腳依然纖瘦，表示懷孕期間一直有做瑜伽，不想太肥，影相都靚啲，她說：「因為係第一胎，我好想留番一輯倩影畀自己，同埋一直以來我冇諗過自己會有小朋友，係因為遇到Albert我先想有小朋友，相信佢會係100分好爸爸，所以咁私密嘅相當然由佢操刀啦。」
Albert為了影到老婆靚靚，花了不少時間，Abo說：「本來我都有為佢準備咗衫一齊影，但最後佢影完我已經收晒太陽，今次冇佢份，唯有等到34周再影。」
她又笑言自己不怕痛，會選擇順產，看來已經非常期待小生命到來。
前港姐冠軍曹敏莉胞妹曹敏寶（Abo）和老公Albert (資料圖片)
曹敏寳與姐姐曹敏莉一家人 (資料圖片)
(綜合報道)
17歲的小花是一名高三的學生，從小就是個人見人愛的漂亮姑娘，不僅如此還多才多藝，讓家裡人無比自豪。馬上面臨高考，小花毫不猶豫的選擇了藝校，說將來自己要變成大明星。
為了自己在面試環節能夠獲得更多機會，年前開始，小花就開始減肥，除了鍛鍊，還吃各種減肥藥。功夫沒有白費，她兩個月時間就獲得了自己的目標體重。可是體重是減下來了，但是自己的腸胃卻出了問題，整日不想吃飯，一吃飯就腹痛的厲害。
眼看再有幾個月就要考試了，家人帶著小花來到醫院檢查，沒想到卻被告知患上了腸癌，由於發現比較晚，手術已無太大意義。這樣小花崩潰至極，大好的年華，大好的前途就在眼前卻被疾病一朝擊斃。
(資料圖片)
醫生表示，小花的病情與她長期不規律的飲食和吃各種減肥藥有很大關係，並且腸癌的早期症狀的確特別不明顯，不懂醫學常識的人確實很難提前發現，導致延誤病情，使病態越來越嚴重。下面這幾個腸癌的早期症狀，及時發現後對治療有極大的促進作用。
一、便血
腸癌早期病變僅限於黏膜，可無症狀，或僅有排便習慣改變。當腫瘤生長到一定程度時，即可出現便血，血色多淡暗，粘附於大便表面。糞便鏡檢可發現紅細胞，大便潛血試驗呈陽性。
對有血便或持續大便潛血陽性病人，應首先考慮到有大腸腫瘤的可能，並應做進一步的相關檢查。
二、貧血與消瘦
隨病程進展，病人可出現慢性消耗性症狀，如貧血、消瘦、乏力及發熱，甚至出現惡液質，並經常伴隨著疲勞和無法解釋的體重驟降，與便血、攝入不足以及消耗過多有關。
三、持續性腹痛
腹疼可能是很多因素造成的，但如果是那種毫無徵兆，突然來的，甚至停不下來的腹疼，那就一定要注意了，極有可能是體內的腫瘤造成的，根據腫瘤的位置不同，疼痛的位置也會有所不同，疼痛的方式有絞痛，牽拉痛等。
(綜合報道)
29歲張馨月早前融入林家，與林峯感情穩定，升呢做「峯嫂」，由於39歲林峯早已到適婚年齡，所以外界估他好事近，屢傳婚訊，林峯亦講明已有計劃。
至於舊愛千語曾萬千寵愛在一身，日前宣佈跟施伯雄的感情已成為過去式，坦言目前單身。
今日有報道指，近日張馨月「床照」在網上瘋傳，疑似張馨月半裸，靠在床頭，高舉V字手勢，照片只有張馨月，翻看微博，發現此相片早於2018年10月在網上流出，有指張馨月恨在娛圈發展，曾做車模，2011年參加大陸節目《星姐選舉》及《美麗新娘》第二季而入行。
2016年拍大陸電影《借臉》做女主角，戲中有兩場大膽床戲，更有一場講她與另一女演員在水中親熱，最後她被毀容，在戲中展開復仇，題材和意識相當大膽。
不過張馨月目前升呢做「峯嫂」，今非昔比，主力做跟得女友，有時陪男友出埠開工，為掩人耳目，張馨月多數在IG上載風景相或單人相，可以「半收山」。
林峯當年曾在台上向吳千語高呼七次「好愛BB」，他們拍拖5年最終分手收場。有傳千語與前全國政協施子青長孫施伯雄拍拖，林峯則戀上國產34D模特兒張馨月，有傳林爸爸安排二人相親而撻着。
(apple daily)
藝人陳智燊下午到尖沙咀出席時裝活動，他自言喜歡收藏西裝。
「起碼有十幾二十套，不過好多都係slim cut，依家操緊肌，有啲着番好似逼爆咁。（同老婆情侶裝出街？）應該話親子裝，我哋襯番個仔，好多時候畀啲型仔嘢佢着，好似仿皮褸咁。（買衫畀佢好貴？）有啲平價休閒服都好靚。」
他表示近期改變shopping習慣，逛街買東西以兒子行先…
「太太有時都作勢呷醋，相反我都會，其實有咗囝囝大家喺對方心目中都降咗級，只係排第二。」
「（生多個點算？）我成日話如果第一個係女，互相都冇晒地位喇，哈哈。（幾時追多個？）開始計劃，應該趕唔切生豬女，順其自然啦。」
(綜合報道 / on.cc)
