藝人張衞健（Dicky）舉行分享會。

他在台上自爆曾結過三次婚，即令全場嘩然…

期後他急忙補鑊說：「係同一個新娘！」講到第一次結婚，是十幾年前同太太張茜偷偷哋去南京註冊，當時自覺是偶像派，不可以對Fans洩密。

Dicky同時又覺得身為天主教徒，應該要有個天主教儀式的婚禮，剛巧張茜當期時為菲律賓旅遊局合作，就被邀請到當地、被列入世界文化遺產的聖奧古斯丁教堂舉行第二次婚禮，原以為一切進行順利之際，結局卻出人意表。

「太太唔係天主教徒，應該要去上婚前輔導課程先，但個Wedding Planner話冇問題，但喺出發前5日先話唔得，我都請晒親朋好友，冇得話取消再約，最後佢哋話係當特別個案處理，借間教堂畀我哋，不過唔提供神父！咁點呀？之後唔知邊個安排一個唔係神父嘅神父，演戲咁演、做戲咁做，都真係暈低！」之後第三次就於香港玫瑰堂舉行多次婚禮：「因為菲律賓嗰次經歷，香港擺就得5個人。」更不禁自嘲憑堅持才結到三次婚。

繼而講到求婚過程，Dicky指有意無意間知道，當時太太願望是可以30歲前結婚：「嗰時佢都29歲半，覺得大限到，就決定求婚，但畀人我話冇花冇戒指，仲話我着住條穿窿褲求婚，所以就候補戒指。」

他為求讓太太有個難忘的求婚，諗爆頭最後決定於維多利亞海中央：「12年前搭天星小輪5蚊有找！諗住喺Magic Hour、有夕陽嘅時候求婚，但人算不如天算，冇計到人哋收工，架小輪爆晒人！喺就到嘅時候都求唔到，隻戒指就袋喺褲袋入面，捉住太太隻手入褲袋摷隻戒指，喺入面再套落佢隻手指度，記得當時畀坐對面個印藉人士見到晒呢個動作，但都係一個Sweet Memory！」續指能完成到太太30歲前結婚的願望都好引以為傲。

當主持問到信仰如何幫助二人婚姻？Dicky坦言信任最重要，又大爆曾被太太Check Record，不過都冇有怕：「我冇衰過，個底冇花好乾淨！同埋佢知儘管我想搞搞陣，都會即刻意識到唔可以犯十戒。」

(綜合報道 / on.cc)

(appledaily)

藝人江若琳（Elanne）和老公蕭潤邦（Oscar）獲邀到中環海濱活動空間出席活動，Elanne在台上做瑜伽動作似模似樣，但Oscar明顯筋骨很硬，做一個單腳站立的動作都失平衡。Oscar笑言：「我幾廿年冇郁過喇！一嚟玩瑜伽就有最正嘅拍擋、靚景，仲有台下一家大細嘅家庭，又咁早起身，咁拉完幾下動作係鬆嘅，仲似為條筋唔用得喇。」

Elanne笑謂：「咁佢可以原諒嘅，佢由頭到腳有二樓咁高嘛！」Oscar自爆畏高，可能本身怕玩機動遊戲，遠望摩天輪已經有點暈。

問到當年拍拖有沒有玩機動遊戲？Elanne謂：「冇！未一齊玩過。」Oscar再表示最怕有離心力，日前兩日搭飛機飛去廈門，機程全程不停搖晃，令他驚到接近窒息，最終回程他決定「棄票」改乘陸路回港。

身旁的Elanne謂：「以前我都唔驚，但因為佢太驚，搞到我都驚埋，佢捉到我好實，令我對氣流都有陰影。」Oscar承認就算有少少速度都不能忍受，事關有童年陰影，當年13歲時第一次玩海盜船，因應付不到那種離心力，最後要控制員急煞停海盜船，並要求即時落船，自此以後他就好怕離心力，非常瘀爆！

Elanne坦言和老公在一起後，再沒有娛樂活動：「玩滑雪佢又話怕斷腳，潛水又話怕水，搭船就暈船浪，連搭火車都暈車浪，真係只可以留喺香港煎包，將來有小朋友就同小朋友去旅行，上天下海都唔得。」問到如果出高價，要求去玩「笨豬跳」可會心動？Oscar即言：「不如直接叫我死好過，醫藥費都唔夠醫，呢方面我唔會逞英雄。」

(on.cc)

年初突然宣佈，之後更被傳媒踢爆懷孕，不過皆因佢話老公係圈外人，所以對感情事都保持低調，而佢對懷孕一事一直未有親口承認。

婚事來得突然，據知她當時已經懷有5個月身孕，奉子成婚更一索得男。有指其丈夫為身家豐厚的富二代，婚後過着少奶奶生活，可喜可賀。

早前更去旅行散心養胎~

被踢爆奉子成婚後，不時於社交網上載下厨成果，看來婚後生活心情大好，過得相當美滿！

今日佢喺網上晒出新相，素顏上陣嘅佢精神唔錯，見佢腹部明顯隆起，身形亦圓潤唔少，仲拖住個小朋友添！

藝人馬賽留言：「回港完成理財策劃顧問的課程，順便與朋友相聚，捕獲胖了10KG的『我』，我比較願意承認美顏相機下的『我』。」

馬賽年初突然宣佈結婚，隨後被爆奉子成婚，看來她今次上載的照片是間接承認有喜吧，希望她的寶寶順利出生！

馬賽與老公於内地結婚

(綜合報道)