藝人張頴康同老婆麥雅緻（Angie）不時帶一對仔女「小豆」同「小花生」去旅行。
近日一家四口去美國玩。
但始終飛行時間都長，兩公婆最初都驚一歲嘅小花生，搭長途飛機會哭鬧，但點知囝囝一上到機就倒頭大睡。
而大女小豆一向都好乖，搭飛機亦唔例外，完全唔需要爹哋媽咪擔心！
Angie留言：「小花生第一次長途飛行，初初我同爸爸都有啲擔心，但係佢嘅表現唔錯呀⋯ 而小豆家姐當然發揮佢飛行常客嘅本色，自己照顧好自己！」
佢哋一家到埗就見到藍天白雲，疲倦即時一掃而空。
(on.cc)
【二人相差20年】驚爆秘戀兩年！
在人氣劇合作，傳出拍拖的消息，根據報道指兩人已秘戀兩年，雖然兩人年紀相差近20年，但依然愛得甜蜜。據知1971年出生的他和1991年出生的她因為都愛研究演技，所以很自然地就走在一起，並發展成為戀人關係。有指二人在朋友面前都大方承認戀人關係。
根據今日韓媒《日刊體育》報道，在人氣劇《經常請吃飯的漂亮姐姐》合作的47歲朴赫權和28歲的曹秀香傳出拍拖的消息，根據報道指兩人已秘戀兩年，雖然兩人年紀相差近20年，但曹秀香為了見朴赫權，會經常到濟州島約會。據知1971年出生的朴赫權和1991年出生的曹秀香因為都愛研究演技，所以很自然地就走在一起，並發展成為戀人關係。有指二人在朋友面前都大方承認戀人關係。
對於傳出拍拖的消息，兩人所屬事務所就既不否認亦不承認，當中朴赫權事務所指：「因為是演員私生活部份，所以很難確認，希望大家諒解。」而曹秀香方面則表示：「待向本人確認後再發表立場。」
爆出戀情後，韓媒《Dispatch》即公開二人約會的照片，報道指去年8月，兩人與朴赫權的母親三人行約會，朴赫權和曹秀香如普通戀人一樣溫馨地吃雪糕，而曹秀香亦似乎已成功冧掂未來奶奶，親切地叫朴赫權的母親做「媽媽」，又不時挽着未來奶奶，認真識做。
朴赫權出道26年，活躍於影視界，曾拍攝人氣劇演《龍八夷》、《六龍飛天》等劇，曹秀香亦曾拍攝《舉重妖精金福珠》等劇。而網民對於兩人拍拖都議論紛紛，覺得二人的年紀相差20歲會有代溝，同時指二人看起來如父女一樣。
(綜合報道)
【成度閘落正林文龍頭頂】郭可盈：真係睇到都心痛
林文龍近日跟黃翠如趕拍大台新劇《致所有愛過的人》，他昨晚在Instagram貼出頭部受傷照片，並留言：「很多年未試過拍戲受傷了，今天終於…..還好頭骨冇事不用留院！」
相中看到大特寫他頭部受傷部位，留有很長的紅痕，但未見流血，算是不幸中的大幸。文龍貼出受傷照片，陳自瑤即問候：「take care！」
網友則留言叫可盈呵番老公。
《蘋果》今日聯絡文龍老婆郭可盈，她說：「文龍噚晚拍劇時，有一個動作場面，拍動作戲係會有一定危險性，佢要走過幾度閘，但可能落閘timing唔啱，人未完全走過，落得快咗，結果成度閘落正佢頭頂，係人為錯失。呢啲係無情力，好應吓。佢拍第一鏡係好順利，但拍第二鏡時就出事，佢7點幾拍完收工就去咗醫院睇醫生，照咗X光，幸好冇傷到頸同頭骨，傷口範圍都大，有損傷，但就唔使縫針，醫生有同佢洗傷口。」文龍看完醫生立即向老婆可盈報平安，但回家時可盈看到很大面積的傷口，她說：「真係睇到都心痛，多謝關心。」
文龍昨晚頻呼傷口疼痛，可盈也非常肉赤，但文龍不欲影響拍攝進度，今早6時又往外景，據知還要拍攝飛車場面，可盈當然很擔心，她千叮萬囑文龍要小心拍攝。
(apple daily)
【兩個都咁靚！】黎姿同徐子淇超老友
昨天黎珈而（前名黎姿，GiGi）都有去，更與徐子淇同行！
於香港會議展覽中心舉行的藝術展香港展會是展示亞洲及其他地區頂尖藝廊所代表作品的舞台。
兩人分別在IG貼出合照，黎珈而更貼出多種不同的藝術作品。
黎珈而在IG寫道：「讓藝術點綴生活 。」
而徐子淇則寫道：「Hanging out at HK Art Basel. Love the HK art scene. 」
二人雖然分別誕下三個囡囡同兩仔兩女，但都Keep得勁好！
徐子淇早前更激罕大曬纖腰，超Fit！(相關新聞：https://goo.gl/QzaEBc)
兩個也是靚太，一同在藝術展同行，散發出不少藝術氣質。
(綜合報道/apple daily)
【《福爾摩師奶》】「有力嫂」畀貼士：其實開膛手⋯
無綫劇集《福爾摩師奶》自開播以來口碑不錯，今晚將會播出大結局，唔少人都好想知道究竟邊個係開膛手。
而喺入面飾演「有力嫂」嘅黃穎君（Burmie）表示好開心可以參演呢套劇，仲嘗試人生首次吊威吔，笑言比想像中容易接受。
講到全城都好想知道開膛手身份，Burmie笑言被親朋好友「逼供」，連對住阿媽都封口唔講！
「主演嘅演員都封口唔講，所以我冇理由咁衰女，連阿媽問我都冇講，叫佢哋睇到尾，但我畀咗個貼士佢哋，其實開膛手並唔係得一個。」
另外，Burmie指成班演員感情好好，似足大家庭：「因為都開咗工幾個月，大家差唔多日日見，無論宣傳同慶功，所有嘅活動大家都盡量抽時間出席，有一個大家庭嘅感覺，我都好嚮往呢啲演員生活。」
(on.cc)
【單立文胡蓓蔚慶祝結婚11周年】但竟然多咗4盞電燈膽！
藝人單立文（豹哥）與老婆胡蓓蔚（豹嫂）一向係圈中嘅模範夫妻，不時大晒恩愛閃盲網民。
尋日係兩人結婚11周年，豹嫂喺社交網透露兩公婆因為音樂而相識：「很多人一直問我們：『你們是怎麼見面的？』好吧，聽起來很正常，音樂將我們聚集在一起！當我們在1996年錄製我的第一張粵語專輯時，他就是我的製作人，我只是一個想在香港創作的歌手。我想我們都做得很好。現在看看我們，我對我們的未來充滿信心，但為甚麼他看起來有點困惑？11周年快樂老公❤我知道你可以做得更好！」
好多網民都催佢哋快啲生番個豹仔豹女，就連好友袁偉豪同陳山聰乘機抽水，一個叫生仔，一個叫生女，十分搞笑！
不過明明係胡蓓蔚（豹嫂）同單立文（豹哥）結婚11周年嘅浪漫約會，最後竟然成為6個人的約會……
有份做「電燈膽」嘅李施嬅，佢就喺社交網上載合照，仲話其實佢哋係知豹哥豹嫂係想慶祝11周年，不過因為佢自己即將出戰加拿大奧斯卡，所以就嗌埋胡說八道會成員黃智雯、胡定欣同番外成員趙希洛一齊食飯餞行，六人行更熱鬧！
「本來是豹哥豹嫂兩個人浪漫慶祝11周年紀念，但知道我要飛，想一起食飯，同我餞行，加下加下變咗六個人食飯。好感動，好窩心。#胡說八道會 #我提名人哋比我更開心 #就是愛」
胡說八道會呢個公開組織團結程度一向都喺圈中數一數二，雖然成員結婚、生仔、開劇，連提名「加拿大奧斯卡」都做齊，真係各有各忙，不過佢哋都總會為聚首而抽時間！
雖然浪漫約會被騎劫，不過都睇得出豹哥豹嫂都唔介意，成班人係咁Selfie，6個人過又點話啫～～
(綜合報道/on.cc)
【被傳不育】陳松伶：老公最介意係⋯
藝人陳松伶（松松）、陳煒、黃智賢、江嘉敏、余德丞等出席無綫劇集《福爾摩師奶》飯敍，齊齊打住邊爐煲劇。對於快將播出大結局，松松坦言不捨同劇一眾演員，望監製能開拍續集！
問到想演甚麼角色？她笑說：「想做開膛手，呢套劇結局到最後一個鏡頭先會解開謎團！套劇本身叫《危城First Lady》，之後再拍可以叫Second Lady、Third Lady，拍到100都得㗎！或者續集叫《福爾摩師兄》、《福爾摩師傅》之類啦！」
談到與老公張鐸已有兩星期沒有見面，松松不諱言表示要趕返北京「交人」。
對於有指她曾做婦科手術，結果導致不育，松松澄清該報道根本沒有向她求證，誠邀對方採訪講清楚。
「依家寫到唔清唔楚，令我好尷尬。（依舊想生B？）當然。（會唔會雪卵？）私人事唔應該拎出嚟講啦！其實我有就篇報道問老公介唔介意，佢就話唔想花工夫同佢哋講呢啲事情，反而最介意係姨甥同其他小朋友嘅相冇打格！」
(on.cc)
【兩次事故發生後⋯】港鐵再推3日約半價車票優惠
港鐵荃灣線上周一(18日)凌晨測試新信號系統時，兩架列車在中環站相撞，導致荃灣線中環站來往金鐘站一度停駛。
立法會鐵路事宜小組委員會今早(29日)開會討論有關事宜，港鐵車務總監劉天成表示，鑑於今次事故令荃灣線來往中環站與金鐘站的列車服務暫停了兩天，港鐵將撥出2500萬港元，於明年透過車費優惠回饋乘客。
另外，港鐵將於今年5月11、12及13日一連3日，提供大約半價車票優惠予市民，以表歉意。
除了兩車相撞事故，本周日(24日)港鐵欣澳站附近架空電纜故障亦令機場快綫、東涌線東涌站至欣澳站的列車服務一度暫停。劉天成指，初步調查相信是架空電纜組件鬆脫，致集電弓受損，有關構件已送到化驗室檢驗，港鐵亦就是次事故撥款1000萬港元，於明年透過車票優惠回饋市民。
(on.cc)
【拇指向下嬲到震】陳奕迅即黑晒面
「吹神」陳奕迅（Eason）連日來走訪香港各大專院校，為專輯進行巡迴分享會，他前日（27日）到公開大學一站，但卻被台下的學生辣㷫，吹神變黑面神，當場黑晒面！
罪狀一.只顧合照
結果分享會在一片尷尬氣氛下結束。有出席的學生在網上詳述當時情況，直指分享會開始播放音樂紀錄片時，不少學生都在撳手機，甚至用手機睇綜藝節目。當Eason入場時還滿臉笑容，在開始進行交流時，有說有笑，不過當同學發問環節時，第一位同學以填詞人陳詠謙飽受批評的遭遇作例子，問台上嘉賓如何應對？但同學加上一句：「完場後可否合照？」Eason聽罷即面有難色，當其中一位嘉賓張傑邦正解答問題時，Eason突然在座位上做出拇指向下的動作，並搖搖頭。
罪狀二.掛住撳手機
輪到第二位同學發問，但對方不是發問問題，而是向Eason表示他們之前合照過，Eason已經木無表情，當第三位同學問他未來有甚麼音樂上的計劃？他黑着面對該學生道歉，直言現在答不到問題，因為他這刻非常憤怒，因為他看見現場很多同學一直在玩手機，感到不被尊重，並請無意交流的同學離場，迅即令現場氣氛變得好僵，在旁的音樂人恭碩良、王雙駿即時解圍，並解答其他同學的發問。
「紫沙」又指，Eason在台上很快回復冷靜，並嘗試緩和尷尬氣氛。不過最後仍然取消了大合照環節，而Eason返到後台因為憤怒踢了一下牆壁。
是次交流會，Eason早前就去過嶺南大學、恒生大學、樹仁大學、香港大學等，日前Eason在港大完成交流會，都有親切地到台前與學生say goodbye。
相反，公開大學一站，Eason所屬的易思音樂只有在IG Story放上眾人出場的片段。
Eason曾在2013年演唱會尾場，狂寸觀眾在他演繹慢歌時大叫，以及只顧用手機拍照，極不尊重台上表演者，又向觀眾席做出拇指向下動作以示不滿。他當時又透露，每次演出完都好攰想休息，曾想過拒絕後台朋友的合照。
(綜合報道/on.cc)
【而家好驚喜】薛家燕：之前瘦咗十幾磅
後日（30號）是薛家燕生日，今日一眾電台DJ同事趁她回電台做節目的時候，舉行一個簡單的生日派對，令她好驚喜，她說：「真係好開心，本身諗住返嚟做節目，依家好驚喜。同事好有我心，我自己都忙到唔記得咗慶祝生日，同事們又買定蛋糕，又送禮物同香檳，仲知道我唔飲酒，送無酒精嘅香檳，真係好感激。」
問到她的生日願望，除了希望電台節目更多聽眾支持外，她希望來年可以衝出香港，她說：「舊年我做咗紅館演唱會，今年我將會舉行巡迴演出，去好多地方，希望一切順利、成功。我希望Keep Fit成功，之前瘦咗十幾磅，依家有啲鬆懈，嚟緊我盡量keep番自己嘅身形。」
她工作繁忙，連生日都要在工作中渡過，她說︰「今年同家人無乜慶祝節目，反而喺生日正日會做一件好有意義嘅事。我會參與一個由慈善團體舉辦，舉行幾場畀殘疾人士睇嘅電影。由於好有意義，所以我包咗場，請大家同一班殘疾人士一齊欣賞由黃秋生主演嘅電影。能夠喺生日做一件有意義嘅事，對我嚟講係好開心，亦好多謝我嘅fans一呼百應，個個都踴躍支持。」
(on.cc)