藝人陳小春仔仔Jasper自從拍完《爸爸去哪兒5》後，深得觀眾歡心，但小春想仔仔專注讀書，所以就拒絕好多演藝合作邀請，但係Jasper嘅表演細胞點樣都掩蓋唔到，今日佢就趁探爸爸班，一時技癢跳番兩Part。
正在新加坡為演唱會綵排的陳小春，在排舞室練舞，Jasper就飛過去探爸爸，佢先係乖乖地喺旁邊睇住爸爸排演，手指不時隨音樂打拍子，節奏感甚強…
後來見到陳小春和dancers跳舞，佢終於忍唔住起身，走到眾人面前做側手翻，仲「華麗轉身」，令網民驚艷。
好多廣告商都希望同Jasper合作，但都遭小春拒絕：「他是時候收工，回去讀書，好好上學了。上次做節目只是誤打誤撞，我暫時不會讓他走這條路，先讀完書，以前我對兒子有很大期望，他出世前，別人問我想他將來做甚麼，我會說做醫生，可以救人，多好呀！但出世後我更想他做個好人，做醫生當然想，但不是說做就做到，要讀很多年書，我不需要他贏在起跑線，開心就夠，他口水多過茶，從早到晚不停說話，喜歡說話就繼續前進，繼續說話。」
（on.cc）
藝人陳豪今日以代言人身分出席健康食品活動，受訪時講到老婆陳茵媺再次於IG放閃，上載陳豪單人照大讚相中人靚仔，又懶神秘叫人唔好同老公講，因為驚陳豪妒忌，不過陳豪竟懵然不知，笑笑口自言Old School，比較少睇IG…
「只會出Post，但我有進步，好似媽咪咁識用電話上社交平台。（覺得好甜？）絕對啦！佢係我嘅Angel，難得娶到個好老婆，喺事業高峰期嘅時候同我生咗3個小朋友，試問有幾多個做到？所以我會記住，用成世嘅時間畀幸福佢！將老婆擺第一位！」此番「愛的宣言」簡直Sweet到爆！
講到代言廣告中有一男子滑浪畫面，陳豪否認是自己，不過就自爆曾是澳洲Beach Boy：「我有好多好威猛嘅滑浪相，唔係流㗎！（幾多年前？）嗰陣囉，哈哈！塊滑浪板都有帶返香港，初期都有滑浪，但依家塊板就放咗喺大浪灣。（寄存咗好耐？）耐喇！畀心機做嘢唔再掛住玩。」
續坦言現時湊小朋友為主，要幫手睇功課、教小朋友讀書寫字、發掘興趣：「做家長唔容易，都會被考起！會同佢哋一齊做，就好似上次囝囝份功課係要整西多士畀媽咪食，我示範一次畀佢睇，佢再跟住做，有拍埋片證明係囝囝自己做。（好食？）其實我廚藝OK㗎，兒子學到幾成已好叻，哈哈！」
另外，提到活動司儀為森美，令人聯想起二人的「HEHE情」，記者本想邀請森美一齊受訪，但被他以「輸陳豪幾條街」婉拒，陳豪笑指對方太謙虛：「佢做MC畀到好多歡樂，見到佢即刻陽光晒！（佢又係你Angel？）佢係陽光男孩！相信我哋開套搞笑版《斷背男》都唔會畀人鬧，我哋兩個加埋一齊最好玩！」
（on.cc）
藝人吳綺莉女兒卓林與外籍太太Andi日前擔任ViuTV節目《晚吹-總有一瓣喺左近》嘉賓，節目探索與死亡有關的話題，利用不同方法招靈，嘗試與鬼溝通，探索異度空間。
主持之一的潘紹聰利用三世書，揭示二人的前世、今世及下世。卓林被指因前世向道寺提取經文100本後沒有歸還，又欠香油錢10斤，以致今世注定快樂少、煩惱多，六親緣亦較薄。
而姻緣方面，卓林被指今世容易貪新忘舊，卓林以英文為Andi翻譯，Andi聞後面露驚訝表情，但二人隨即笑笑口互相對望，看來對彼此的感情十分有信心。
至於Andi從三世書中被看出前世是中國人，Andi表示這說法很「make sense」，因為她從小就對亞洲文化特別感興趣。卓林亦透露Andi雖然是外國人，但她的「筷子功」很好：「佢用筷子用得好過我，同佢爭嘢食次次都輸！」
（on.cc）
藝人金燕玲自爆於年廿八（2月2日）證實患子宮癌一期，現正積極抗癌和接受化療。
已經於年初五（2月9日）開刀，但需要接受6次化療。
今日她再次上密友蘇施黃主持的電台節目《大玩派》，戴了漁夫帽的她透露剛做完第二次化療，不過節目剛開始，她說：「我好好。」
阿蘇指她戴帽是因為光頭，她坦言其實做完第一次化療時，她已經開始甩頭髮，她說：「嗰時已經甩得好緊要，當日上嚟我用咗好強嘅噴髮膠Gel住，但翌日我想出街，一洗頭啲頭髮甩得好得人驚，係三大堆，成個沖涼缸都係頭髮，抹乾頭時開始有窿，好似啲人地中海咁，以為自己可以捱到第二次做化療。」
雖然她做好心理準備，但她坦言當真正要發生，她咽哽說：「我唔可以話你聽係一件好舒服的事。（有嚇親？）有！」阿蘇再問：「有冇喊？」她說：「冇，但依家就喊，始終情緒有啲。」
其間，她指曾因為甩頭髮而傷心到喊，而接受化療的痛，嗰種由骨痛出嚟嘅痛楚令她直言感受到甚麼叫生不如死！
(綜合報道 / on.cc)
去年10月為老公誕下一對龍鳳胎，一對孖B轉眼將6個月大，媽媽今日在facebook上載新相，兩個BB坐在高凳上等開餐，兩人都笑容甜美。
早前到西班牙出席碩士畢業禮，作爲新手媽媽的她產後首次離開孖B，所以下機回家即心急親親寶寶，長髮的蔡一鳳抱B餵奶，也顧不了儀態，變得披頭散髮，被取笑成「貞子餵奶」，她續說：「囝囝成日好熱情撲埋我磈面，搞到我連化妝品同護膚品都唔敢搽。」
孖B樣貌似爹哋盛品儒，頭髮濃密是大孖是姐姐盛樂芙（Lov），光頭仔是細孖弟弟盛樂林（Lorin），蔡一鳳貼相fb留言：「兩位小豬，好似老闆咁，齊齊等開飯，就來6個月大，要食糊仔，媽咪做嘅一周餐單，他們都很享受。」
名媛蔡一鳳早前在西班牙馬德里IE商學院獲頒建築設計與管理碩士，當時佗住兩個BB覺的她堅持了一年半，終於順利畢業，她坦言穿起畢業袍領取証書時甚是感動！
蔡一鳳雖然係女強人，但升呢媽咪後，她家庭為重，把孖B放在第一位，凡事更親力親為。問到湊B趣事，她續說：「女仔長頭髮靚啲，男仔夏天就到剃一剃清爽啲。」
(綜合報道 / appledaily)
現年93歲的利孝和夫人（陸雁群）去年傳出身體抱恙，之後她以行動闢謠，在11月現身家族名下的商場開幕儀式，雖行動緩慢，但一直保持笑容，精神不俗，在台上還向記者揮手，又從女兒利蘊蓮指示下望鏡頭。
利夫人之後就未有再出席公開活動，專心留在她淺水灣大宅養生，而她的女兒利蘊珍都不時在IG分享家人聚會相，從相中可見利夫人精神好好。
利孝和夫人女兒利蘊珍
昨日，原來利家有喜事，利孝和夫人嫁外孫女、即大女利蘊蓮混血女兒Emily Ingram出嫁，她下嫁外籍男友Mark，作為新娘子的阿姨，利蘊珍就擺了不少出嫁相片上社交網。
一對新人在外國生活，今次返港擺家宴，估計是女兒雷蘊蓮及外孫女Emily希望利夫人見證出嫁，亦不想她舟車勞頓，故婚宴選址在利夫人家中進行，雖然一對新人都有外國血統，但都依足中國傳統習俗，Emily穿上中式裙褂，戴上不少翡翠首飾及金器，亦有向長輩跪地斟茶儀式。
利夫人一向注重外表，她嫁外孫女當然悉心打扮，相中見她穿上紅噹噹中國服，襯了紅色框眼鏡及翡翠首飾，如一貫雍容華貴。利夫人精神不俗，外孫女敬茶時更露出微笑。而Emily的媽媽，作為希慎主席的利蘊蓮，平時見她一貫女強人的樣子，她嫁女時全程都露出燦爛笑容，更握着母親手與囡囡手三代同堂合照，相當溫馨。
孫女Emily又叻又靚！
之後，利家在家中設中式婚宴，估計只設宴接待至親的親友，所以圍數不算太多，但利家畢竟是名門望族，辦喜事一絲不苟，就算在利夫人家中擺酒，由佈置到食物都非常講究，全場華麗的紅色鮮花主題，菜單包括有吉品鮑魚、清蒸海魚等。
講到利孝和孫仔孫女，外界多見細女利蘊珍與九巴後人雷禮權所生的一對子女雷正揚及雷正殷，而甚少提及Emily，皆因Emily在倫敦生活多年，趁有假期即回港探外婆，而Emily本身在美國哈佛大學畢業，現於《經濟學人》（The Economist）雜誌工作，職位是Business Development Director，而她亦熱愛音樂，為Aurora Orchestra做信託人，所以利氏家族人才鼎盛。
三代同堂大合照，每個人的燦爛笑容，感覺倍添溫馨！
(appledaily)
自從結束中韓戀後，及後就鮮有緋聞。但今日忽然傳出大肚遊故宮消息！
她近日被網友於故宮野生捕獲，她得知後就自己上載照片證明自己身在故宮，並發文：「歡迎 故宮一日遊」
全身黑色打扮的她，有一張相突然影到個肚籮咁大！
網民就質疑她是否要做未婚媽媽，照片隨即在網上瘋傳，惹來大肚疑雲！
但另一張相就見她手腳纖幼，完全不似大肚，後來知道純粹是角度問題，當未婚媽媽謠言瞬間即破~
大陸女星劉亦菲慿飾演角色小龍女一角爆紅，有指獨有的仙氣後無來者。
自從同韓國型男宋承憲去年宣佈分手，結束中韓戀情，至今未有著落~
(綜合報道 / weibo)
藝人苟芸慧上年下嫁賽車手陸漢洋，兩公婆十分恩愛，不時社交網上晒愛…
原來陸生陸太仲好鍾意用數字傳遞愛意…
苟芸慧今次喺社交網上上載咗佢手上攞住兩張高鐵嘅車票，仲特別用紅筆圈住個坐位號碼，冇獨有偶，張飛嘅號碼真係夾都冇咁準，令佢冧爆甜入心…
佢喺社交網寫上：「第一次搭乘高鐵去工作，甜蜜的發現我的來回高鐵列車號碼 652099。」
「652099」代表「陸我愛你苟苟」，咁sweet嘅號碼真係好難得，當然要攞出嚟晒吓，唔少網民都話sweet到糖尿！
估唔到第一次搭高鐵就中咗呢個咁靚嘅號碼，苟芸慧就好似中咗六合彩一樣咁開心，自己都覺得超驚喜！
（綜合報道 / on.cc）
「宇宙最強」甄子丹日前舉家出席慈善晚宴，點知發生不愉快事件，受到不禮貌對待、種族歧視，最後成家不忿離場！之後傳出好多當日內幕事件，有指子丹嫌冇靚位坐，先至拉隊走人。（相關新聞：https://goo.gl/Yexzrd）
事件發生之後，子丹一直都未有發聲，因不想是非沒完沒了，但佢見到好多不實報道，覺得事件被嚴重歪曲，所以決定開腔回應，道出當日的來龍去脈：「其實大會邀請咗我做聯合主席好多年，之前因為時間唔啱做唔到，今年覺得點都要盡力幫手出席活動，做慈善同支持朋友，受邀請時，我同屋企人喺倫敦，我特登自己畀錢改機票返香港，仲去搵物資做拍賣，盡一分力。」
晚宴當日，其實子丹一落車，已經出現混亂，佢話：「我都明白，多人實會咁，我入場時都已經有好多人搵我影相，我見開始混亂，就入咗Ball Room，點知裏面有一班PR團隊，其中一位外籍女仕，佢非常無禮貌咁叫我哋出去。我唔明白點解要咁唔禮貌？但當時都有好多外地藝人喺入面。」
子丹續稱當晚現場冇保安、又冇指示，但他都覺得問題不大，一直自己照顧自己，但受到不禮貌對待，就忍無可忍，佢話：「太太見個位外籍女士態度咁差，就要求見團隊負責人，一位外籍男士就過咗嚟，佢用非常唔友善嘅眼神望咗我哋一眼，我太太説話未講完，佢就掉頭走咗，連基本尊重都冇，所以先至決定離開。」
至於有指子丹帶咗20個助手到場兼嫌座位不佳而離場，子丹表示：「簡直荒謬，應該有人為咗推卸責任，而搞咁多歪曲事實嘅嘢出嚟，好多人都知我得一個助手，而當晚我坐乜嘢位根本都冇所謂，我只係想做慈善同支持朋友，我朋友都有打畀我道歉，話嗰個人不嬲都係咁囂張傲慢，我都有搞過活動，好多嘢我都明白，但受到咁不禮貌對待，真係冇可能忍，呢個世界一定有種族歧視，我由細到大喺外國見好多，唔會否定呢樣嘢。」
(on.cc)
藝人黃心穎、黃浩然和鄭希怡為《法證先鋒IV》開工。由於拍攝期長達半年，該劇即將拍畢，心穎不捨之餘亦有興奮，並已計劃煞科後出埠旅行。
問去享受拍拖？心穎笑說：「佢（馬國明）忙緊夜更揸的士（正拍攝《降魔的2.0》），佢星期日朝早六點先收工，已經成個星期冇見佢。」
「（到時你得閒就煲湯佢飲？）我呀？我買啲零食畀佢啦。（唔介意凌晨去探班？）唔介意，我都凌晨先瞓嘅。（拎湯畀佢飲？）我諗都係買多，都未發生，費事一陣話我貨不對辦。」
穿上婚紗Look大騷事業線的心穎說：「呢場唔係我嫁，係陪人影婚紗相，但都着到似結婚咁。（有冇心郁郁想嫁？）因為着咗婚紗？咁又冇喎，之前都着過好多婚紗行騷，台慶嘅晚裝都好隆重，可能到我真正着婚紗都會揀啲好簡約嘅款。」
她最擔心是很多新娘子試穿上婚紗後都會感動落淚，最怕屆時沒有這種感覺。
問到結婚時，另一伴可給予性感示人？
她笑言：「到時你估佢仲有得Say咩，唔怕我反悔呀，但我都唔會揀性感嘅，都有諗過為自己設計婚紗。（設計得嚟差唔多？）再話你知啦！」
（綜合報道 / on.cc）
