【古堡婚照超靚】女神宣佈嫁35嵗富三代

2019-04-04

踏入4月份娛樂圈又有喜訊！現年30歲女神宣佈封盤，將於今年10月12日與拍拖5年、35歲富三代筍盤吳啟楠（Carl）在米蘭Lake Como的古堡舉行婚禮，一對新人已經計劃好在當地玩足3日2夜，希望有一個難忘的回憶。《蘋果日報》聯絡過這位準人妻，祝福她快將成為人妻，她透過短訊回覆說：「暫時唔講咁多，多謝大家關心。」

據知，藝人文詠珊（Janice Man）為免婚事曝光，由去年籌備婚禮開始，保密工夫做到足，當日飛到古堡拍婚照都沒有和身邊友人提起，直至最近她才開始透過電郵，邀請好友到米蘭出席婚禮，消息才慢慢傳開去。至於JM和Carl早前在古堡拍的婚照，充滿浪漫氣息，其中一張相是二人站在樓梯上情深一吻，JM則先後換了兩套婚紗配襯Carl的一黑一灰禮服拍照。

近年文詠珊（Janice Man）到内地發展

一生人一次，對婚姻向來充滿憧憬的JM當然重視，而Carl為哄準老婆開心，籌備婚禮的工作都交由JM全權負責，總之一切交由JM作主。

JM為了選擇婚禮地點都花了很長時間，加上早前忙為大陸劇集拍攝及宣傳，幾乎沒有時間返港跟Carl傾談婚禮的事，很多時都是Carl由香港飛到大陸傾，順道探JM班。

(綜合報道 / appledaily)

【承認好耐冇一家人…】陳自瑤：都習慣晒

2019-04-04

藝人陳自瑤（YoYo）與日本美魔女水谷雅子在銅鑼灣出席護膚品活動，司儀則由陳倩揚擔任。

YoYo大讚水谷雅子的皮膚又白又滑，難以想像是50歲。

YoYo受訪時被問到可有信心將來也成為美魔女？她笑說：「自己會向呢個目標進發，點都要話有信心，其實呢個世代嘅人50歲都仲好後生，好多美魔女都keep得好好，好似紅姐（惠英紅）之前影嘅泳衣真係好靚。」

講到護膚心得，YoYo表示即使拍劇很忙，回到家亦要照顧小朋友，雖然經常氹女兒睡覺時也會在床邊睡着，但仍會堅持每日敷面膜，因有保養皮膚與沒有保養相差甚遠，亦認為睡眠質素對皮膚很重要。

問到女兒可有學她扮靚？YoYo笑說：「梗係有，生女就係咁，佢都有攞啲護膚品、唇膏嚟搽，仲着我啲高踭鞋，都有影低相留念。」

講到老公王浩信透露將計劃一家人去旅行，YoYo也坦承很久沒有家庭旅行，但暫時未知能否成行，要再計劃，笑說：「個女都冇投訴，佢都習慣晒，自己有時間都會陪住佢。」

(on.cc)

【真係超誇張】陳茵媺陳豪再放閃！

2019-04-04

藝人陳茵媺（Aimee）星期一（1日）剛過38歲生日，佢就同咗老公陳豪及仔女去咗個生日旅行，日前就着上Deep V泳衣晒Fit爆身材（相關新聞：https://bit.ly/2WIa5Dn），今日佢就再嚟多個冧爆深情錫錫，真係閃爆Mon！

今日Aimee喺社交網上載短片，片中主角當然就係壽星女本人，見佢係咁對鏡頭甜笑，就知成段片大部分都係老公陳豪視角出發，冧到暈嘅Aimee仲喺片中加插同老公同鏡嘅Sweet爆畫面！

最吸睛嘅就要數陳豪逆住光向Aimee深情索吻，兩口子好似拍拖仔咁錫錫，真係又溫馨又浪漫～

片中又見到Aimee下水禮玩浮潛，成個Trip正到爆裂。

連網民睇片都Feel到佢哋幾咁煙韌，上載一個鐘就已經有逾2萬點擊率，真係超誇張！雙陳魅力真係冇得輸呀～

(IG/on.cc)

【2嵗囡囡突大哭求助情況尷尬】隋棠兩句話安撫獲網民激讚

2019-04-04

台灣知名女演員隋棠婚後陸續迎來一對兒女Max和Lucy，並於上年年尾平安生下第3胎Olie…

目前忙碌工作之餘不忘陪伴小孩，她近日帶女兒一起上班，可能是怕陌生人的關係，小朋友突然大哭，情況頗爲尷尬~

事緣隋棠最近帶兩隨囡囡Lucy到辦公室，其中一位員工拿起相機興奮地走到小朋友身邊打招呼，怎料女兒下一秒就大哭向媽媽求救：「麻麻（媽媽）來～麻麻（媽媽）來～。」

媽媽隋棠不單沒有感到不耐煩，即時用理智態度安撫女兒：「媽媽在這裡呀～妹妹妳要用說的～。」似乎藉此告訴孩子用「說」取代哭泣。

不忍Lucy哭泣的隋棠心疼地抱起女兒問：「還是妳要到媽媽房間玩溜滑梯？」

於是Lucy點了點頭就開心地自己去溜滑梯了，當媽媽開會時，Lucy還不時從房間探頭偷看她，相當可愛乖巧，由此可見她真的把小孩教得很好。

早前談起對孩子的教育，隋棠生下大兒子Max前曾表示：「絕不溺愛！」這是她的原則，她認為疼愛要適中，過度和不及都是不對的。

「我應該會比較嚴厲，如果小孩跌倒，我會希望他自己站起來，不會急著去抱他，希望培養小孩能獨立。」

(綜合報道 / ig)

【唔係蘇施黃】抗癌金燕玲接受第三次化療勁精神原來約咗佢

2019-04-04

藝人金燕玲患有子宮癌，現正接受化療，早前已剃光頭的她透露剛做完第二次化療後，痛楚令她生不如死，過程比第一次辛苦好多。

不過其密友蘇施黃就喺社交網上載出多張合照，指金燕玲原來已接受第三次化療，而她更比前兩次更精神，昨晚已相約好友出街飯局，似乎抗癌進展理相！

蘇施黃指上兩次做化療後，金燕玲身體非常不適，又嘔又周身骨痛，更要瞓床五日出唔到街，但今次金燕玲剛做完化療第三日，竟然已經精神出街！

合照中見到戴頭巾的金燕玲笑容十足，雙眼有神，即使坐喺化咗妝嘅祖兒身旁都未見疲態，席間就見佢枱頭放上保溫杯，睇嚟佢身心狀態都好好。

蘇施黃謂：「金小姐真👍上兩次做化療，又嘔又周身骨痛，淨瞓唔出得街大概五日…剛打完第三次，昨晚竟然可以出街👏👏👏」

希望金燕玲一切順順利利，早日康復！

(綜合報道)

【開心到狂曬靚相】熊黛林激罕孖老公放閃

2019-04-04

熊黛林(Lynn)與郭可盈胞弟郭可頌結婚於2016年結婚，二人育有一對孖女Kaylor及Lyvia。

孖女月底就滿一歲，兩公婆終於多一點時間享受二人世界。

二人日前就返大陸，夫妻檔搵銀，出席一個內地車品牌活動，二人更穿以賽車手造型現身，更在賽道戴上頭盔，落場感受跑車的速度，同時恩愛放閃。

Lynn就在微博貼多張與老公合照，亦有不少跑車相片，相當賣力！

佢留言話：「反正郭先生是被這只蜻蜓電到了，你們呢？」

估不到，Lynn與姓郭特別有緣，拍拖7年分手，終於遇到了「Mr. Right」又是姓郭，巧合地郭可頌亦如城城一樣喜歡跑車同賽車，世事有時真的多巧合。

Lynn婚後與郭可頌相當恩愛，而郭可頌非常錫老婆，而Lynn融入郭家，深得奶奶及姑奶郭可盈喜愛，生活美滿，絕對是幸福人妻。

(apple daily)

【與靚靚相戀27年】張智霖：就係不穩定狀態…

2019-04-04

藝人袁詠儀（靚靚）與丈夫張智霖（Chilam）早前應邀參加研究兩性關係的研討營，與眾同學分享人生經驗。

席間Chilam語重心長分享自己的愛情定義：「就係不穩定狀態，所以先會畀人刺激。今日唔知聽日事，呢刻唔知下一刻。意思係要捉住它、擁有它，呢個心態本身同愛情有矛盾。」

靚靚在網上貼出相關相片，指今次活動獲益良多：「參加了一個非常有趣的聚會，可以跟一班年輕人為人生、性格、男女愛情進行探討。」兩人又談到彼此27年來的緣分，絕對得來不易。

此外，靚靚早前應內地綜藝節目邀請，分享一家三口的舊照，當時只得兩、三歲的囝囝，與Chilam「爭飲」一杯飲品，表情趣怪，她笑言：「說明這一家都是吃貨。」

(on.cc)

【網民狂轟幼稚對不育者超不敬】晒超聲波照扮有咗終無奈道歉

2019-04-04

日前趁愚人節上載一張超聲波圖片，暗示太太已懷孕，更做戲做足全套，上載太太接受產科檢查的照片，令不少人信以為真。一個小小的玩笑，卻惹來網民鬧爆，被指這是對想懷孕但不孕的人大大不敬。

25歲的加拿大小天王Justin Bieber日前上載超聲波照片，令網民以為老婆Hailey有BB…

再上載疑似產檢相，再特意發文故弄玄虛：「如果你認為係愚人節（玩笑）…」扮證實老婆有喜的傳聞，吸引大批粉絲急急派Like…

不過有眼利網民不但發現太太Hailey留言回覆：「好有趣…」，更於網上搵到BB照聲波相的原圖並不屬於Justin夫婦，即時發現他講大話！

Justin之後亦再追加照聲波Key圖，當中的BB被改圖變狗仔，親證開愚人節玩笑，即時網民鬧爆，連媽媽Pattie亦有留言表示不滿！

不少網民鬧爆他幼稚而且敏感度不足，不應該以「懷孕」開玩笑，否則是對不育又或者懷孕有困難的人來說是落井下石，有網民嬲爆表示：「希望你唔會成為八對中就有一對要經歷不育痛苦嘅夫婦，完全唔好笑，懷孕對失去BB嘅人嚟講，真係唔係笑話！」

最終卻惹來大批網民大罵，小Justin亦最終無奈道歉，他表示：「總會有人生氣，有些人是不喜歡玩笑的，我是喜歡開玩笑的人，而且那是愚人節，我不是有意對那些不能懷孕的人不敬。我還是道歉，負起責任，向生氣的人說對不起。」

(綜合報道)

【勁減30磅超犀利！】素顏謝安琪Fit爆出巡一樣咁吸睛

2019-04-04

「天后人妻」謝安琪（Kay）和張繼聰婚後育有11歲兒子張瞻和2歲女兒張靖，一家四口幸福美滿。

除產女時「停工」年多外，她一直專注音樂事業，年多前被Juno收歸旗下，Kay在新公司的打造下，由「貼地女神」變成「型格天后」，主力出碟、開演唱會外，因形象獨特，成為各大服裝及護膚品牌的代言人，身價比未轉「型」前飆升一倍。

屬完美主義的Kay，除了要工作表現超水準外，對自身亦要求高，因懷孕關係，體重曾達130磅，令本是34D Cup女神的她，上圍變得更為澎湃，但「卸貨」後簽了新公司，接納Juno的「提議」，憑無敵意志力用自然減肥法瘦身，狂跑步、做Gym、爬山及做瑜伽等，於一年來成功減去30磅肥膏，由於非靠藥物減磅，在零副作用下，瘦得更靚更自然。

最近忙於宣傳新歌《其實寂寞》的Kay，日前百忙中抽空單拖出巡中環處理私務，當日她零化妝、穿上貼身黑色Deep V上衣襯百摺灰色長裙，打扮簡約，甚有品味。

當她在馬路邊低頭狂撳電話等綠燈過馬路時，其艷光吸引到身邊一眾男途人向她投注目禮。期間遇上募捐的輪椅人士，愛心爆棚的她即慷慨解囊，才匆匆步入大廈，並逗留了個多小時才往取車返歸。

昨日Kay接受電話訪問時，被讚身材Fit爆，她說：「我依家磅數同未生女時差唔多，都係100磅度，不過生女後，我有做運動瘦身，做咗一年左右，每星期有三日做負重訓練，真係要舉重，多得健身教練指導我，可以重塑身形。自己平日一得閒就聽住歌咁跑步，但唔係跑得好快、好長嗰啲，感受吓做運動嘅樂趣。」至於飲食方面，她會食足三餐，間中獎勵自己飲咖啡、奶茶。