陳倩揚今日在九龍城出席活動，她生了女兒後正收身中，但因為仍在餵人奶，故不會刻意減食。
「瘦咗10磅左右，但係唔會刻意減，因為餵緊人奶，要畀阿妹多啲營養，而且係3個細路嘅阿媽，唔使刻意太骨感，唔強求太多，最緊要健康，以前就會追求多啲，老公覺得有啲肉地好。」
當假期時，陳倩揚偶爾要工作，反而沒時間陪着小孩，她笑言要向家人請假2小時，如果哥哥去了興趣班，便由丈夫照顧小孩。
「我都試過一個人湊3個細路，大哥都7歲已定性，有時候可以幫手拎嘢，我期待嘅畫面出現了。」
(apple daily)
【連小息都唔畀玩？】林子博：莫名其妙
大台主播林子博，他的一對仔女林詠渝和林卓楠，間中都會參與劇集或節目演出。子博亦出名好疼錫一對仔女，經常在社交網貼一家四口家庭照。
昨日子博在IG貼了一張相，相信是9歲兒子卓楠的家課冊，相中影住一行字「小息時扮喪屍跟着同學叫」。
子博在旁留言這樣寫︰「莫名其妙嘅家課册」，他還列出4點疑問︰「1.卓楠咁多嘢唔扮～點解要扮喪屍？2.太神似嚇親同學？3.而家學校小息唔俾玩嘅咩？4.定係老師同緊我玩？」有網民留言︰「扮殭屍…跟住俾老師罰？」
今年9歲的卓楠，就讀小學三年級，在爸爸子博的社交網上，經常見到他和姐姐出現，可能卓楠遺傳了爸爸的演戲細胞或表演慾，間中子博上載一些兒子扮鬼扮馬的片段。
前年子博曾對傳媒透露，讓子女學習博擊，因為兒子曾在學校「畀人蝦」，可讓他們保護自己。雖然今次並非卓楠「畀人蝦」，返學上堂當然要專心，但連小息亦不可「抖氣」嗎？
(apple daily)
【麥明詩係媒人】又一個港姐封盤！
準備出嫁，恭喜恭喜！
是2015年港姐中第二位準人妻，去年初程莉欣已經結婚。
而亞軍龐卓欣與富二代男友孫智威感情穩定。
季軍郭嘉文更經常被影到與富商李澤楷出雙入對。
與麥明詩同屆港姐羅丹虹(Ann)早前獲拍拖三年的圈外男友文浩威（Edward）求婚，並準備明年正式拉埋天窗。
麥明詩今日在IG上載三人合照，見羅丹虹拎住一大束粉紅色玫瑰花，並有男方跪地求婚的相片，見羅丹虹開心到掩嘴大笑，非常浪漫。
麥明詩留言﹕「恭喜Ed同埋Ann。作為媒人之一，見到你哋三年嘅感情喺白色情人節(3月14)嘅晚上修成正果，深感欣慰！喇，Ed你應承咗我之後做番我媒人，你要找數呀！」
問到麥明詩會否心急拍拖？她今日回覆傳媒時說﹕「見人搵到幸福都會恨，男方話會盡量還人請，介紹佢身邊朋友認識。」她透露自己是媒人之一﹕「Edward係我師兄，佢算係我男拔，我哋喺男女拔萃活動中認識。之後我同班港姐一齊食飯，喺佢有份嘅餐廳食飯，就咁介紹咗佢同Ann認識。求婚派對都好有驚喜，Edward叫啲親戚朋友匿喺一間房內等，佢哋食飯時，我哋就彈出嚟。」
據悉Edward今年約四十餘歲，任職初創投資及開餐廳，家底不俗。而羅丹虹現年28歲，擁有碩士學歷，當年獲第5名，雖然有機會簽無綫，但她曾在訪問中透露自己性格較內向，擔心幕前演出感吃力，決定退出娛圈，並一手一腳創辦健康零食品牌。
(apple daily)
【新戀情曝光！】捕獲手拖手喺銅鑼灣拍拖：我之前都講過想低調
當晚大約8時半，記者看到二人猶如小情人般手拖手在銅鑼灣某商場閒逛，之後他們走到白沙道逐一「搜索」餐廳搵食，不時查看餐廳門外的餐牌研究，最終他們選中一間台式料理開餐。
Andy看來相當肚餓，15分鐘便把食物吃完，之後由Andy埋單離開，女方一出門便蹺着Andy，小鳥依人，又拖又蹺邊行邊傾，相當溫馨。
皮草太子爺王大業（Andy）自2010年跟賭王千金何超雲一段情後，多年來感情未有着落，他早前才自認單身，又指拍拖也未必公開，可能到結婚階段才敢將戀情曝光。
不過正所謂「紙包唔住火」，日前Andy在銅鑼灣街頭拍拖被斷正，Andy拖着一位貌似連詩雅的高䠷女模食飯逛街，二人看來沒有半點避忌，相信Andy已找到對的人吧！
記者致電Andy恭賀，他說：「哈哈，我之前都講過，想低調，唔去到結婚都唔想公開，怕見光死。」
問他跟Lousia拍拖多久？怎樣認識？是否結婚對象？他說：「只係好短時間，唔講喇！」問到他覺得女友似Shiga嗎？他笑說：「好多人都咁講，好多人會認錯，唔好以為我同連詩雅拍拖喎。」
Andy的女友是模特兒出身、有翻版Shiga之稱的吳慧冰（Lousia），多年前入行，參與過眾多廣告、電影拍攝，但近年逐漸淡出。
(apple daily)
【堅持要同陳美詩…】孫耀威：咁都唔係太浪漫
孫耀威在影視博覽出席一項微電影頒獎禮，他以自己歌曲拍成微電影，成功獲得專業組微電影男主角金獎。他說：「之前搵Wyman作咗首歌《愛的故事沒有下集》，係浪漫故事，講愛情好似圓圈咁，沒有終結。」
孫耀威說後生時會追求愛情轟轟烈烈，現時追求感情甜甜蜜蜜，問到他與太太陳美詩屬於哪一種？
他表示：「都仲算係轟烈，3月25日就係十周年，我哋農曆新年去咗歐洲旅行。原來大家喺埋一齊已經十年，大家都仲喺圓圈入面跑緊。」
他又講笑：「希望大家唔好出軌啦，我就唔會，唔知太太呢？」
講到造人大計，孫耀威指要順其自然：「有人會計排卵期，但咁就冇咁浪漫，不過最近係同太太多咗講呢個話題。之前我哋真係太忙，冇乜日子相遇，仲要見到面都好，好多時候都係有好多親戚喺度，有啲唔方便。」孫耀威下半年會再自編自導新戲，希望到時多些時間見面。
阿Sa最近準備雪卵，孫耀威會不會支持太太雪卵？
他說：「咁都唔係太浪漫，暫時都係想浪漫地進行。唔一定要有細路，但有細路都唔介意。」
（apple daily）
【童顏又Keep得勁好】完全唔似已經四十幾歲！
中學畢業一段時間後加入無綫電視第7期藝員進修班而加入娛樂圈，同屆同學有劉愷威、陳展鵬、吳家樂、陳彥行、張松枝等人。拍過多套大台劇，後來轉型從商，開美容院，投資食肆，近年仲做埋Blogger。
曾為「電波少女」成員的藝人梁雪湄（Koei）已經甚少喺螢光幕露面，近年做Blogger頻頻周圍飛，雖然都成四十幾歲，但Koei一張童顏面似足廿幾歲𡃁妹！
上個月啱啱去完越南嘅佢，呢排又飛咗去泰國玩！佢喺社交網開心share好多靚相，相中佢先到曼谷shopping，再去布吉島享受陽光與海灘，而佢入住嘅酒店靚到暈，仲有私人游泳池添！
見到着上泳衣嘅Koei，雖然外面笠住件通窿衫，但都見到其驕人身材，難怪畀網友封為「不老的女神」！
(綜合報道/on.cc)
【蕭正楠回應超甜！】黃翠如：以後你的生日，也變成你太太的生日
蕭正楠今日42歲牛一，他去年底在大台的《萬千星輝頒獎典禮2018》中上台領獎時，宣佈跟女友黃翠如已低調結婚。
升呢人夫後的首個生日，人妻黃翠如大送驚喜，親自在家中玩煮飯仔冧老公，兩夫妻一齊入廚房，分工合作。翠如開爐煮食，蕭正楠則在老婆身後等食。
翠如今日凌晨在Instagram貼相晒幸福，她留言：「致我大爺，在你生日的好日子，我仍然停留在煮早餐的程度。在你生日的前一日，我仍然要你排隊幫我買珍珠奶茶。在你生日的後一日，我還需要你早上五點車我返工。我為你感到幸福，因為聽說施比受更為有福。我還聽說，以後你的生日，也變成你太太的生日。所以每年3月23日，請好好為我慶祝。生日快樂，你大爺上。」
相中看到他們都穿上家居簡約服裝，素顏的翠如更束起髻，用心煮食，為生日的老公炮製美食，翠如搞笑自嘲自己的廚藝仍停留在煮早餐的程度，不過相信蕭正楠吃到老婆下廚，無論早餐或晚餐都甜在心頭。
蕭正楠馬上留言冧愛妻：「只要是你煮..餐餐食早餐也是幸福，和一班中小學同學仔一齊排隊買珍珠奶茶可以讓我變年輕，早上五時的空氣最好..遊車河一流！我生日你快樂。」真係甜到漏！
(apple daily)
【引網民洗版式留言】仙氣沈月突然曬相
有「最索星二代」之稱嘅邱淑貞大女沈月，盡得媽媽真傳，生得亭亭玉立極靚女！
早前更踩入模界，亮相倫敦時裝周，為爸爸沈嘉偉公司旗下時裝品牌行騷，仲打頭陣出場，處女行騷表現淡定，成為台上焦點，贏盡掌聲！
妹妹沈日之後亦有留言：「I’m so proud of you gorgeous」。
除咗行騷，佢仲有好好把握機會出席大大小小嘅時裝活動，並順道喺當地旅行，實行寓工作於娛樂。
沈月自上次行騷之後，已經一個月未有更新IG，佢呢日突然喺社交網晒出一系列喺當地嘅靚相。
一口氣連post多張舊照洗版，簡單留言：「Missing this.」
見佢以多個造型上陣，不論係超sharp嘅鮮紅色大褸、白色薄紗裙女神Look抑或牛仔短褲騷長腿，全部都carry到，果然有做model嘅潛質。
而沈月私底下嘅打扮同樣煞食，其中一張遊覽名勝嘅街拍照，佢以長靴配短裙大玩「絕對領域」，認真索到爆！
沈日依舊讚：「You’re so gorgeous,I love you!」
網民對沈月一連串照片都有讚冇彈，「超靚」、「勁有氣質」、「女神」等字眼瘋狂洗版，未知沈月是否為出道做定準備呢？
(綜合報道)
【相隔23年再同框】網民大讚張智霖二人冇變過
被喻為大台神劇之一的《天地男兒》，不經不覺已有23年歷史，雖然已經係上個世紀嘅產物，不過每次重播都頗受觀眾歡迎，唔少角色都令觀眾好懷念。
呢晚在劇中飾演羅子健的張智霖（Chilam），就在社交網站上載了一張與陳松伶的合照，雖然Chilam只簡單寫着「天地男兒 方巧蓉」這幾個字，相信喜歡這套劇的大家，即時充滿畫面。
唔少網民都話啲記憶返晒嚟！
雖然劇集播出至今已超過20年時間，但Chilam與陳松伶的樣貌卻沒甚麼太大的改變，而一眾網民看到照片後，都留言大讚：「兩個都沒變，還是這麼帥氣靚麗」、「學生時代的男神女神同框了」等，表現得非常興奮。
仲有網民問張智霖，究竟劇入面嘅羅子健最愛到底係方巧蓉，定係由宣萱飾演嘅張雪凝？
(綜合報道)
【女兒趙式芝離婚】姚煒冷笑：好好笑
資深藝人姚煒與作家白先勇在香港大學舉行電影《金大班的最後一夜》分享會。
姚煒被問到女兒趙式芝（Gigi）與波爾錶太子女楊如芯（Sean）結束七年同性婚姻，她冷笑表示：「好好笑，根本唔承認結婚，離咩婚，一笑置之。」
問到女兒心情可有不開心？她表示：「我都有試過話佢，人總要活得開心，但盡少傷害別人。（阿女因為有新戀情而離婚？）唔覺得係，冇喎。」
她又謂現時與女兒都很少見面：「佢忙爸爸嘅生意，我都心痛佢成日飛嚟飛去，但我都委屈，一星期同佢食一次飯，冇乜機會傾偈。」
問到知不知女兒現時的感情狀況？她表示：「佢冇同我講，我都有勸佢，只可以講句到此為止，父母勸仔女嘅感情事，但父母好難理會，佢哋都大個，有自己喜愛嘅嘢。」
問到可是不睇好女兒的婚姻？她表示：「好難睇唔睇好，依家趨勢係易離合，女人唔係以前咁三從四德，人與人之間好易好近，大家未深刻了解就長相廝守，其實聖經叫人結婚後先發生關係，依家啲人就當笑話。」
她又謂希望女兒明白自己所想及所講的說話：「但唔知佢又是否做到，我要盡量幫佢洗腦 ，佢都係基督徒，知道人生應該係點，佢依家都起碼肯同我傾，以前淨係我鬧佢，鬧到佢走，但依家轉咗溝通方式。」
(on.cc)