藝人張栢芝不單是個好媽媽，同樣都是一名孝順女，今日是栢芝媽媽的生日，栢芝今日在微博貼出兩位兒子Lucas及Quintus的影片，一齊說「Happy Birthday！婆婆豬」，跟栢芝媽Davies Shally慶祝生日，栢芝更感性地留言讚媽咪是自己心中的超人，很驕傲有這麼好的媽媽。
栢芝欣賞媽咪一直尋找自己喜歡的工作、追求自己喜愛的生活、做自己喜歡的事情，而且每一秒自己都會支持媽咪。栢芝寫道：「你的性格真係正到爆，型到爆！多謝你送給我這個勇敢的DNA，當然也有你送給我，你的美貌啦，感恩有你，Happy Birthday！I love you！你的女兒和外孫永遠支持你。」
栢芝媽是中英混血兒，栢芝自細擁有一張漂亮臉孔，像一個洋娃娃般可愛，栢芝初出道憑清純外表，火速成為電影界寵兒，栢芝曾說過年幼時家庭經濟拮据，父母要外出工作，自己好像管家婆，要照顧胞弟及同母異父的姐姐，甚至煮飯給他們食，自幼培養出獨立個性。
(appledaily)
香港體壇昨日最傷痛的消息，莫過於是26歲香港首席男泳手杜敬謙（Kenneth），於美國佛羅里達州進行游泳訓練後，突然在更衣室內昏迷，送院搶救後不治。曾經是香港游泳代表、有飛魚王子之稱的方力申，今日在IG貼文悼念這位師弟。
方力申在社交網發文：「大多數游得好的游泳運動員都是身高手腳長，但Kenneth和我一樣都是個子不高的，而他更是一位世界級的短途泳手，所以特別引起我對他的注意。去年8月亞運前，我主動IG message他預祝他比賽成功，到10月我們第一次見面，年齡相差12歲，我應該算是他兩代半前的游水師兄。」
【港飛魚杜敬謙猝逝】女友忍痛承認其死訊：會努力像他一樣堅强 https://goo.gl/pkfHhv
去年嫁人之後努力造人，終於成功懷孕，期待多時的寶寶快要出世了！
去年元旦嫁DJ NON後心急做媽咪。兩夫妻落力造人，最終克服不育問題，宣布懷有雙胞胎。即將臨盆在即的她，日前接受產前檢查，獲醫生表示腹中孖B都十分正常，母子健康，令她放下心頭大石。
35歲前日本女藝人蒼井空証實懷孕後，早前在網誌透露與丈夫一同拍攝大肚寫真。
她本來打算拍攝相片留作私人紀念，但由於相片出來的效果太好，令她很想向外公開。
最近，她終於一如心願，相片獲刊登在雜誌《an.an》的網頁上。蒼井空受訪時更透露，她的父親原是孖仔，因而令她有遺傳基因成功佗孖胎。
祝福她順利誕下孖仔呀！
(綜合報道)
黃浩然透露：「估唔到男女之間都有呢一種感情。開心唔開心都一齊經歷…」
藝人黃浩然、黃心穎及監製梅小青等早上到機場，準備出發到台灣拍攝劇集《法證先鋒IV》外景，浩然及心穎透露將會跟鮑起靜拍攝一些親情戲，另外亦有兩人浪漫戲及車禍場面，逗留一星期行程相當緊密，應該沒有時間遊玩…
黃浩然說：「可能早上四、五點就要準備化妝，寧願花多啲時間拍多啲好嘢。」講到兩人劇中關係，他們表示是出生入死的同伴，浩然說：「估唔到男女之間都有呢一種感情。開心唔開心都一齊經歷。（演情侶？）賣個關子先，關係幾微妙。」
兩人今日不約而同穿上同一款式衛衣，猶如情侶裝一樣，他們笑言證明已培養出默契，心穎說：「因為我哋有共同朋友整呢件衫，我都唔知佢會着，我諗住襯番個喼同影吓相，證明我哋已經好有默契。（覺得浩然呢位前輩點？）我哋都係第一次合作，開頭以為佢好cool，但原來比想像中多嘢講！而且佢好有經驗，提點我好多嘢。」
浩然則笑言心穎比男人更男人，跟她說話絕對不用就住就住：「佢好爽朗，我哋溝通可以好直接，唔使修飾。」
他們又表示很開心今晚半夜開始重播《法證先鋒》系列，讓觀眾熱身，為他們這一輯做好準備。
（on.cc）
名模周汶錡（Kathy）與法籍老公Julien婚後生咗兩個可愛囝囝Jacques同Avner…
今日係細仔Avner嘅2歲生日，Kathy前幾日就提前為寶貝仔搞生日派對。
一家四口都着上恤衫，三父子都係藍色Tone，而Kathy就着粉紅色，襯到絕！
佢哋仲特意訂製咗個恐龍造型生日蛋糕~
眼神凶惡但整體感覺好可愛~
人仔細細嘅Avner雖然唔夠高吹蠟燭，但都嘟住嘴仔勁落力嘗試，簡直可愛到爆！哥哥(左)都呆住望細佬吹蠟燭嘅慘況，網民都話呢幕好搞笑！結果由好驚蠟燭嘅哥哥幫細佬吹，果然好兄弟，希望下年Avner夠高自己吹返啦，咁先有意義架嘛！
相中仲見到壽星仔戴上生日帽，興奮到滿場飛，同其他小朋友聚埋一齊玩餐飽，相當開心！
吹蠟燭片段：
(綜合報道 / on.cc)
藝人楊洛婷（Rabeea）同組合Dear Jane主音老公黃天翱（Tim）結婚5年，現時育有一個囡囡。兩人經常曬恩愛，一家三口好幸福，Rabeea仲經常想追返個B添！
3日前老公樂隊組合Dear Jane終於圓紅館夢舉行一連兩場首個紅館演唱會，身爲老婆楊洛婷當然有去現場力撐，佢仲舉晒燈牌又瘋狂打氣…
估唔到隔咗幾日，佢都仲懷念緊個騷，仲大爆當年二人啱啱發展戀情嘅愛的故事添。
佢就喺社交網晒出二人第一張合照，憶當時Dear Jane每星期都會喺赤柱表演，不過當初驚畀人見到，佢只好住到老遠聽歌，佢哋又因為怕戀情曝光，連合照都係去到搞音樂會先影，佢仲大呼冇嫁錯老公添…
「好多人同我講Dear Jane嘅情歌會令佢哋諗起好多同另一半嘅回憶，而我每次聽到#放大假 同 #男兒當打交 就會諗起我同佢初初拍拖嘅時候，驚畀人見到，所以當時佢哋每星期喺赤柱表演，我就會坐得好遠聽歌！直至到佢哋第一次喺Fringe Club舉辦音樂會我哋先有第一張合照（第二張相）. 其實佢哋每首歌都會令我諗起我同佢人生唔同階段，我自己最鍾意嘅就係Howie寫畀我哋首#草戒指，雖然今次演唱會冇唱到，但係我會經常聽，因為每次聽到呢首歌，我就好肯定佢嘅堅持係冇錯！而我梗係冇嫁錯老公啦！！」
早前發文勁撐老公開show：「同你經歷咗10幾年高山低谷, 今日終於嚟到紅館！ 加油老公! 加油Dear Jane!! I am so so proud! 」
佢哋兩公婆真係sweet到爆！
(ig / 綜合報道)
《影視博覽2019》現正舉行，古天樂電影公司天下一在發布會上公布多部新作，其中最受關注是《尋秦記》電影版，古天樂更即場帶領一眾演員出席，包括林峯、宣萱、郭羨妮、滕麗名、雪兒出席，可謂終於齊人！
藝人郭羨妮（Sonija）相隔廿年再與古天樂、滕麗名、林峯及宣萱等人齊齊開拍電影版《尋秦記》，昨日更齊人出席影視展公布電影即將開拍。而片中，Sonija亦會飾演昔日與項少龍一對的「琴清」，她接受東網訪問時謂：「好開心呀！有機會做番琴清，好多年冇見番咁多位舊同事，咁就二十年，今次電影版係一個延續，好期待。」
她又指故事各樣還在傾談當中：「《尋秦記》係我出道嘅第一套劇，拍嗰陣乜嘢都唔識，好好彩大家鍾意琴清，希望經過多年磨練之後，有更好嘅演技畀大家睇到啦！」
網民都大讚Sonija雖然已做人母，但依然Keep得好好，廿年後再做「琴清」一樣正呀！
郭羨妮（左起）、宣萱及滕麗名三人再度合作拍攝電影版《尋秦記》，其實三個都Keep得好好!
(綜合報道)
26歲港產「飛魚」杜敬謙昨日於美國訓練時猝逝，香港業餘游泳總會會長王敏超接受傳媒訪問時表示痛心，指是香港泳壇一大損失。
在港出生的杜敬謙兩歲移民澳洲，2016年未能游進奧運後回流返港，直至2017年獲得代表香港出戰的資格。他在去年戰畢雅加達巨港亞運後，已表明以明年東京奧運為目標，希望首次游進這最高舞台圓夢。
他在去年底出戰短池世界賽，歷史性游進決賽成香港男將第一人後，便赴美國特訓及參賽。奧運達標期本月已展開，他此行重返長池項目，亦是為爭入奧運準備。
杜敬謙回流發展另一原因，是其女友為香港人，後者不時追隨杜敬謙外出比賽，包括2017年全運亦有赴天津，親身為男友打氣，以往在記者面前表現恩愛。杜敬謙為女友及融入香港生活，亦在短時間內重拾廣東話，每次訪問堅持以廣東話對談。
26歲的杜敬謙今早在美國訓練期間，突然於更衣室暈倒，送院搶救後不治。香港業餘游泳總會會長王敏超，指消息令人痛心，形容他所認識的杜敬謙溫文有禮，亦是港隊奧運希望。王敏超又稱，泳總正與其家人聯絡，希望提供援助，待了解情况後，研究是否派員赴美。
男飛魚突然離世震驚體壇，他身邊的人肯定更傷心難過，杜敬謙女友Kelly在社交網站回應好友慰問，表示很難承認他真的走了，但會嘗試做到堅強，就像他一樣。
Kelly留言：「謝謝大家的支持，我終於有勇氣看留言，真的很難保持堅強，因為很傷心去承認，他真的走了……但我會嘗試努力變得堅强，就像他以前一樣，以及他希望我能做。」
相關新聞：
【曾預祝杜敬謙比賽成功】方力申悼念師弟：你的精神感染我們 https://goo.gl/Tba6Kk
(綜合報道 / mingpao / on.cc)
她受邀出席護膚品牌活動，提到去年工作不斷，坦言相當感恩，又透露即將出發到日本拍攝外景：「今次有機會參與嘟姐（鄭裕玲）嘅綜藝節目，真係好開心、好期待，雖然未必有機會同佢同場，不過已經好榮幸，希望以後有機會喺佢身上學習主持技巧。」
另外她更預告，未來有機會回歸《愛．回家開心速遞》：「大家最掛住嘅是非精暫時告一段落，不過嚟緊都有好多機會見到我㗎，希望觀眾可以多多支持！」
自言是貪靚一族的仙氣女神鄺潔楹（Judy），對美白相當有心得：「我自己好好彩，遺傳咗媽咪嘅白雪雪皮膚，加上本身好注重飲食，平日經常飲薏米水、檸檬水，除咗可以去水腫，仲有助美白。」
雖然天生麗質，不過Judy表示近年經常主持外景節目，皮膚竟在不知不覺間黑了兩度…
「其實我出外景已經係咁搽防曬，有時會誇張到一日用一支，不過可能都係唔夠，加上自己好鍾意戶外活動。難怪化妝師同我講，我上年出完外景返嚟，皮膚黑咗兩度！以前會覺得身邊啲朋友好誇張，出街要擔遮、又着長袖衫防曬，但係嚟緊我都會效法佢哋，準備外景三寶先出街，哈哈。」
如果Judy真的回歸《愛回家》，收視一定節節上升，不少觀衆都很期待再見到Venus啊！
（綜合報道）
藝人黃秋生、林嘉欣、陳家樂以及導演袁劍偉於「2019英皇電影巡禮」上，介紹新片《死因無可疑》，導演袁劍偉指新片屬心理懸疑電影，而剛奪得多項影帝殊榮的黃秋生，則指跟拍檔林嘉欣是「一剛一柔」的配搭，相當合拍！
而在發放的短片上，林嘉欣角色造型相當搶鏡，不修邊幅兼殘爆，問嘉欣覺得造型與以前的感覺有何不同？
她謂：「我本身係好聽導演話既演員，加上今次導演係我先生，拍攝嘅時候，佢叫我兩個月唔可以做Facial同搽Cream，就係咁造就到呢個角色。」
(on.cc)
