【男友超窩心！】蔡卓妍：平時都係佢⋯

2019-03-16

《第38屆香港電影金像獎》將於4月14日舉行，今年影后之爭相當激烈，蔡卓妍（阿Sa）憑英皇電影《非分熟女》飾演有性障礙的失婚女子成功入圍，繼《戲王之王》及《雛妓》後第三次衝擊影后！

三度入圍背後，阿Sa原來曾有事業迷茫期，但每次提名都助她走出迷思，可說是其「及時雨」：「一個演員唔會為咗攞獎而拍戲，只會想做好角色，但有時真係需要一啲鼓勵，入圍確實係好大嘅鼓舞！演員到咗某個階段，好容易出現迷茫，需要有啲聲音令自己走出去，我好慶幸呢三次提名，喺我唔同嘅階段發生，每次當我去到樽頸位，就會出現一個提名，令到我有勇氣拍更多唔同類型嘅嘢。」

面對好戲之人張靜初、來勢洶洶的曾美慧孜、菲籍演員Crisel Consunji和越級挑戰的余香凝，阿Sa笑言覺得個個都有機會，得獎與否要看評審的口味以及天時地利。對於今次「影后之爭」有甚麼優勝之處？她說：「對比我以前嘅入圍，呢套戲更加有使命感！因為我哋係申請香港電影發展基金嚟拍，你攞咗錢，當然好希望做到成績，有個交代！呢個基金真係好緊要，幫到好多新導演，亦令唔少新人加入。」

阿Sa問鼎影后，男友石恆聰當然高興，問到對方有否做些窩心事打氣？

她甜笑說：「有啊！佢喺網上見到啲電影網站有投票，就會即刻去投我一票，仲問番我係咪咁投，驚投唔到，好搞笑！（有冇下廚煮嘢畀你食？）平時都係佢煮，我太忙喇！」

為女友甘願長期做「煮男」，若然奪得影后、對方又求婚，問到會否答應雙喜臨門？阿Sa笑說：「呢兩件事都係我自己控制唔到嘅，唔答囉！」

(on.cc)

【童年回憶返晒嚟！】當《閃電傳真機》遇上⋯⋯

2019-03-16

藝人黎芷珊尋晚獲當年兒童節目《閃電傳真機》嘅一眾主持人，好似有譚玉瑛、麥長青、蓋世寶、鄧健泓等，同佢補祝53歲生日。

而同一時間地點，無綫經典處境劇《卡拉屋企》吳鎮宇、鄭敬基、楚原同黎海珊同樣為盧宛茵慶祝66歲生日，真係約都冇咁啱喎！

兩班人難得見到面，當然唔少影大合照啦，場面相當熱鬧！蓋世寶喺社交網留言送上祝福：「今晚實在是一個輕鬆又愉快的聚餐！還巧遇多位前輩呢。芷珊姐姐生日快樂啊！」

《卡拉屋企》係好多人嘅童年回憶，日日都用電視汁撈飯。

事隔廿多年重聚啦！一齊賀盧宛茵生日～

出席嘅有吳鎮宇、黎海珊、鄭敬基、楚原夫婦，席間眾人談笑風生、訴說當年情，84歲的楚原仍舊精神奕奕！

黎海珊表示：「早排傳《卡拉屋企》重播，大家就決定聚一聚。特別揀咗尋晚，因為係肥媽（盧宛茵）生日，難得鎮宇咁啱由大陸返嚟。（大家都好嗎？）老竇（在劇中飾演白頭佬的楚原）身體好好，肥媽喺8月開首次個唱，佢好緊張同興奮，大家都好雀躍，約咗一齊去捧場。」

吳鎮宇就話：「大家拍完個劇之後，都無冇再見面，今次再見番，感覺好得意，大家都好似以前一樣咁亂噏。（大家都想去捧盧宛茵場？）係呀，希望到時可以啦，因為真係唔知當時個期做緊啲乜嘢。」

(綜合報道)

【「龔水」終成CP即有情敵！？】《開心速遞》關係七國咁亂

2019-03-16

無綫劇集《愛．回家之開心速遞》中一班後生仔戲內戲外都老友鬼鬼，日前佢哋相約聚會，包括蘇韻姿、周嘉洛、吳偉豪、阮政峰、林凱恩、張明偉。

不過蘇韻姿喺社交網搞笑留言話佢哋喺劇中嘅關係好似七國咁亂：「呢張枱啲關係好尷尬⋯⋯ 安仔同朱凌凌係BFF。Bonnie 係朱凌凌嘅ex，依家同安仔拍緊拖。George追過Bonnie，依家暗戀心如，但係同阿孝扮緊拍拖。心如同阿孝拍過拖，但係今次係第二次同朱凌凌扮拍拖。其實⋯大家都係想食免費五花腩啫！」

媽！好亂呀！

另外，前晚適逢3月14日的白色情人節，劇情終於有重大的進展，龔水線真真正正變成龔水戀喇！

兩人在夜幕月色之下於噴水池邊相會，氣氛相當浪漫，若水向龔燁表白心中感受，講到明可以給對方一個機會來當她的男朋友，龔燁沈默片刻之後即以突襲式情深的一吻來回應若水，更表示：「三個字，我願意」令若水冧爆。兩人於今集甜蜜派糖真係睇到人隨時患上糖尿病㗎。

而今集亦是呂慧儀宣布離婚後，首個若水的感情戲單元，粉絲都看得份外肉緊，也心痛她在戲裡如此甜蜜，現實生活中卻經歷婚變。

張景淳與呂慧儀都分別有在他們的IG出post，除了多謝大家的支持之外，呂慧儀還放了一條短片，交代返若水同曹總 (劉一飛飾) 的關係。相信大家一定記得曹總同若水都曾經有過一段「霧水情緣」，曹總曾經心儀若水並追求過她，而若水亦覺得曹總是個好男人，曾考慮過接受對方。

如今龔水戀正式展開，也代表着曹總失戀了，真係有人歡笑有人愁。呂慧儀的IG短片入面就影住若水行行下見到曹總出現，嚇了一跳，曹總一片痴心加驚喜咁同若水講：「我終於等到你喇！」但若水就表示：「你有無睇尋晚嗰集㗎？你唔好再等我喇，曹總。我覺得你應該去my TV Super度loop多幾次，清醒下，bye。」之後曹總唯有一臉落寞地跟若水說bye，好慘慘豬㗎，但成條片就好好笑。

(綜合報道/IG)

【已融入男方家中】被捕獲喺中環拍拖甜到漏！

2019-03-16

日前雙雙現身中環過二人世界。

當日傍晚約六時，一身Casual打扮的他們於該處商場購物，對女友寵愛有加的Eric還化身「三陪」，先陪女友往洗手間，於門外等待時還低頭族上身不停撳電話，之後Hilary出來即拖着女友邊行邊傾，還陪她往化妝品專櫃揀選心頭好。

購下戰利品後，兩口子再轉戰附近時裝店，當女友揀選T恤及外套時，Eric全程陪伴左右，又不時在旁給意見，還逗得女友笑到腰果眼，十分Sweet！

難怪嘴角含春的Hilary未幾即回敬男友，緊緊攬住他的腰，Eric亦出手搭住女友膊頭，再輕撫面珠，如連體嬰般煙韌行街，就算引來途人目光亦懶理，漫步談情由中環行到上環。

Hilary送男友往上環一幢大廈後才分道揚鑣，離開時她不停撳電話，愛得纏綿繼續電話傳情。

顏值超班又Sweet的上山詩鈉女兒Hilary，一直被喻為「最索星二代」之一，現年21歲的她性格熱情奔放，不時上載索爆性感照派福利，是網民心中的風頭躉，裙下之臣亦一大籮，先後戀上中東籍及泰籍男友。

口味國際化的她早前被踢爆戀上有家底、有學歷兼貌似男星陳偉霆的富三代施仲樂（Eric），是本地企業家施子清的孫兒，他的父親施榮懷對於其戀情更大開綠燈，多次激讚Hilary，被Eric「私有化」的她早已融入男友家中，早前拍拖與未來老爺等入馬場，三代同堂拉頭馬，隨時嫁入豪門做富貴新抱。

(on.cc)

【謎底終於解開？】傳張栢芝第三子生父⋯

2019-03-16

藝人張栢芝於去年誕下第三子「小王子」，成為三子之母！

佢不時都會喺社交網同大家些牙湊仔日常。

38歲嘅佢keep得好好～

但就對「小王子」生父身份絕口不提，有傳栢芝隻字不提第三子生父，因為產前已經分手。

張栢芝對誕第三胎沒有掩飾，兒子滿月時亦有分享喜悅，但孩子生父一直成謎。

有知情人士透露：「栢芝之所以宣布生子卻不透露孩子生父是誰，原因是生子之前就與孩子的生父分手了，所以才從不提孩子父親身份。」

而事實上，栢芝生B後，心情愉悅，並多番表現滿足於現狀，不像失戀。

相關新聞：

【戴住婚戒探小王子？】張栢芝新男友疑與栢芝一家團聚 https://goo.gl/vDh1cr

【11歲已經高過張栢芝 Lucas愈大愈似謝霆鋒！】https://goo.gl/BN1X4y

【會珍惜同栢芝嘅時間】張栢芝終於公開新男友容貌！？ https://goo.gl/zeMxSn

【情緒似乎有啲激動張栢芝深夜發文：沒有誰能成為…】https://goo.gl/EMFLvD

【網民大讚好有母愛】張栢芝首晒與小王子溫馨日常 https://goo.gl/1ztSmB

【成班人跟住至於孕肚就…】張栢芝第三胎產前照曝光 https://goo.gl/RR6BtR

【首次意外曝光】晒婚照後張栢芝再晒相 https://goo.gl/zXhcWW

【突晒婚照疑宣佈再婚】張栢芝首回應 https://goo.gl/tDNHxH

【第三胎生父疑首發聲】張栢芝突晒婚照疑宣佈再婚 https://goo.gl/myo6ww

【同Quintus超Sweet！張栢芝教仔有一套】https://goo.gl/avjukn

【張栢芝突然曬十指緊扣相仲戴埋情侶帽好Sweet！】https://goo.gl/kf6pCq

【傳張栢芝再有好消息恩師向太：本性也是難改的】https://goo.gl/2TrpT9

【睇嚟已經成功咗張栢芝再曬相…】https://goo.gl/MFL84P

【會追究到底】張栢芝鬧爆：從來冇經其他人之手 https://goo.gl/5jEFQq

【生父真實身份】張栢芝第三個仔姓名曝光姓氏原來係… https://goo.gl/3xFfyZ

【生完小王子兩個月極速修身張栢芝公開減肥餐單】https://goo.gl/Kyx9D6

【唔係謝霆鋒】三子之母張栢芝被爆同佢「復合」 https://goo.gl/y8gMjn

【被問到張栢芝小王子生父】舊愛陳曉東：之前已經… https://goo.gl/cRoYya

【多年後與周星馳再度合體張栢芝：大肚時180磅，依家…】https://goo.gl/pbHBaC

【估唔到短短幾個月就…網民勁擔心產後張栢芝】https://goo.gl/coL9yd

【係小王子真面目？】曾傳與張栢芝訂婚第三胎生父終現身？ https://goo.gl/rNUzYH

【傳第三胎生父係周星馳】張栢芝首回應 https://goo.gl/VzejPi

【誕下小王子後張栢芝首談產後感受】https://goo.gl/rGuEEN

【謝霆鋒否認係小王子爸爸】張栢芝疑忠告前夫謝霆鋒 https://goo.gl/C51BqW

【傳小王子叫「謝振天」謝霆鋒首PO文回應⋯】https://goo.gl/ppP2eg

【生完「小王子」張栢芝靠食呢樣修身】https://goo.gl/jC58c7

【已與王菲分手!?】傳謝霆鋒張栢芝下月再婚 https://goo.gl/2CaLPC

【傳下月與張栢芝再婚】謝霆鋒首回應 https://goo.gl/v8QKug

【捕獲張栢芝孖兩個仔仔現身至於小王子就…】https://goo.gl/R4Zttt

【瘋傳第三胎爸爸係…】張栢芝終於發聲 https://goo.gl/To8hyL

【BB好可愛】張栢芝小王子滿月照曝光！？ https://goo.gl/VLhNCC

【首晒「一家四口」】張栢芝：願與大家分享這甜蜜時刻 https://goo.gl/tfi9iz

【傳秘密誕下第三胎】38嵗張栢芝現發文宣佈… https://goo.gl/q19w6o

【歷經4次流產】38歲張栢芝被爆高齡誕B驚人内幕 https://goo.gl/9LNMb3

【強勢回歸！張栢芝突然PO相即引起網民⋯】https://goo.gl/BVSyRc

【超驚喜！張栢芝現身力撐⋯】https://goo.gl/tFHgeF

【精神方面就…】張栢芝「產後」警覺性極高 https://goo.gl/CeeVqj

【最新全身照曝光！張栢芝被捕獲喺⋯】https://goo.gl/bNz5oX

【傳張栢芝未結婚都願意為佢誕下第三胎視Lucas同Quintus如己出】https://goo.gl/QvJTHo

【係張爸爸介紹】張栢芝第三胎生父原來另有其人 https://goo.gl/P3sqye

【傳秘密誕下第三胎】張栢芝終於現身 https://goo.gl/wJkLmo

【傳張栢芝誕下第三胎】好友區永權就話… https://goo.gl/V9qBdF

【前妻張栢芝傳誕第三胎】前夫謝霆鋒被捕獲… https://goo.gl/rvEAnB

【傳緋聞女友張栢芝生B 梁釗峰回應⋯】https://goo.gl/JUe7Nt

【栢芝媽現身養和傳張栢芝已秘密出院】https://goo.gl/bCpRso

【傳收7千萬豪宅】傳張栢芝第三胎生父就係佢 https://goo.gl/Naitte

【震撼整個娛樂圈】傳張栢芝第三胎性別係… https://goo.gl/YBMgJS

【傳張栢芝再誕B】好友張文慈坦言覺得好驚訝 https://goo.gl/fVN9Fm

【好圓潤】張栢芝5月最後公開出席活動時孕味濃 https://goo.gl/XR2oKD

【前任新抱張栢芝傳已誕下第三胎】前老爺謝賢首回應 https://goo.gl/1cbXm2

【傳前妻張栢芝誕下第三胎】前夫謝霆鋒首回應 https://goo.gl/FdtYz5

【張母在養和探栢芝】傳張栢芝已順利誕下第三胎 https://goo.gl/ih6xja

(on.cc)

【母乳太多點用好？】不如試下自製…

2019-03-15

上年在《是咁的，法官閣下》飾演「四眼律師」的陳華鑫（Gloria），去年8月宣佈有喜，其後Gloria透露預產期係12月尾。

但由於子宮頸短，BB有機會早產，所以都要臥床休息，結果囡囡在聖誕節前搶閘出世，雖然比預產期早了少少，不過她表示：「好彩妳足磅！」

做了媽媽的鑫鑫不斷在IG分享湊B點滴，例如幫囡囡添置嬰兒床、加裝床頭玩具、幫囡囡洗頭等。

今日鑫鑫在IG拋下一個問題：「媽媽奶多得滯，BB又食唔晒……但又唔想浪費。可以點做？」

有貪玩網民提議「俾老公飲」，但鑫鑫的正確答案其實是：「用人奶做母乳皂！」見鑫鑫手持一個略帶微黃的奶樽型人奶皂，原來是一式六件的製成品，鑫鑫又留tag指成份天然，媽媽奶又好寶貴，要好好使用。

亦有網民問：「真係用人奶做？」鑫鑫亦不尷尬答得大方：「係吖，自己奶，好香㗎！」

(apple daily)

【罕有孖囡囡現身】袁彩雲︰如果佢想我都冇所謂

2019-03-15

袁彩雲(Fiona)今日帶同囡囡(Alycia)現身新城電台接受訪問，已移居加拿大生活的她，每年都會回港，今年特地帶同囡囡回來探望家人，她表示：「舊年我自己返，老公留喺當地就比較辛苦，要接佢返學放學加上唔識煮嘢食，所以今年就帶埋囡囡一齊返嚟。」

每次回來都會順道接些主持或廣告工作，今次都不例外，由於有囡囡同行，Fiona稱特地安排囡囡稍後回無綫出席兒童節目：「我細個嗰陣都會好想喺現場睇兒童節目，所以特登安排Alycia去睇，佢知道後好開心，仲已經諗定到時點同哥哥姐姐打招呼。」

問到女兒可曾看過媽媽以前主演的劇集？Fiona笑言：「佢未睇過，不過有睇過我以前參選嘅片段，仲問我係咪公主，點解會戴后冠？我話我係香港小姐，佢話第時都要做香港小姐。」會否鼓勵女兒日後入行？她說：「睇佢自己意願啦，如果佢想我都冇所謂，始終我喺呢行經歷過，係幾有趣嘅。」

(apple daily)

【笑死網民】張繼聰：我好似一個阿叔第一次去旅行咁

2019-03-15

張繼聰同老婆謝安琪不時會耍花槍互窒，實行另類放閃。

呢日佢就甫出兩張旅行相，一張係佢揸機幫老婆影，另一張就係老婆揸機幫佢影。

佢指本來老婆主動幫佢影相，點知睇到張相之後即刻嚇一嚇：「影完……我攞番手機一睇….佢：『點呀？ok嗎？』我：『好好呀 ! 我好似一個阿叔第一次去旅行咁….』」

仲話之後嘅旅程就冇叫老婆幫佢影相，真係寸到應一應！

另一邊廂，陳嘉寶（Anjaylia）老公黃頌祈受張繼聰啟發，佢都甫出早年同老婆去旅行時，兩張分別由大家為對方喺風車前影嘅相，笑指：

「結果……小心翼翼的她影咗100張左右，每一張都完美將風車的車葉平均安放在我的背部。多謝 Anjaylia，無咗佢，我無可能變身成為肩負鋒利車葉的風車俠」

仲向張繼聰喊話：「You are not alone」，相當搞笑。

（on.cc）

【見到都覺得痛…】林芊妤Coffee：醫生也驚嘆我全日的忍耐力

2019-03-15

林芊妤（Coffee）去年於10月誕下得意B仔翟德彥，囝囝目前雖然只有5個月大，但身形似足爸爸，比同齡BB較為「大件頭」，Coffee自生B後亦不時將囝囝的相片放上網，又幫囝囝開設個人IG戶口，她都取笑自己戀子成狂。

昨晚Coffee在IG上載囝囝入睡的短片，但她今次不是晒B，而是說要趁囝囝睡着才到醫院求診，事關她昨日工作時不慎被電梯門夾傷手，以致手骨裂了。

正所謂十指痛歸心，Coffee今日上載了一段手指被夾傷後狀況，短片所見，她左手3隻手指都被夾到又瘀又黑，見到都覺得好痛！

Coffee留言謂：「昨天早上去工作時，被舊式電梯很重的鐵門，以秒速狠狠的夾到手，很痛很痛很痛很痛 x 10000，但心想沒有斷是萬幸，晚上拍攝完畢回家安頓好bb，之後才去看醫生照x-ray，原來都骨裂了。」

Coffee又說：「醫生也驚嘆我全日的忍耐力，哈哈哈，其實主要是因為我覺得就算骨裂了也做不了甚麼，頂多吃個止痛藥和固定手指，折騰了一整天後，最後的獎勵是有老公幫我洗頭髮，雖然過程很粗暴，還一直洗一直被罵，但總算有被呵護的感覺。」不少網民都留言叫她要小心一點，她則hashtag寫「發現其實左手也很重要篇」，然後又表示怕影響已接了的瑜伽工作。

(apple daily)

【最初冇話比伴侶知】確診前列腺癌二期：唔想人哋畀額外關心

2019-03-15

於14年患上結腸癌，已切取腫瘤並已康復三年多，今次再經歷癌症，患上前列腺癌二期，不過今次多了同伴侶相伴，令他勇敢抗癌，笑言今次有伴侶照顧特別「冧」，現已成功切除腫瘤，並已出院回家休息。

鄧達智（William）去年6月，與醫生男友陳梓欣（Clement）在英國註冊結婚，找到人生伴侶，昨日有傳媒報道，指他新婚不久兩個月，他身體出現不適，泌尿系統指數不正常，入院檢查，確診前列腺癌二期，幸好有專業醫療下，日前入院進行切割手術，兩日前已出院回家休養中。

《蘋果》今日致電William，他聲線精神，說話有力，他笑言：「好運係二期，唔好運就係三期，就擴散咗。」提到如何發現泌尿系統出現問題，皆因他14年患過結腸癌，之後手術成功切除後，要定期做身體檢查，他表示：「自己小便從來無問題，今次見到溫拿廣告就aware，男性係有泌尿系統係幾脆弱，去到咁上下年紀就要小心，加上我有家庭醫生，每年會三、四次去驗血，就驗埋呢樣，驗完發現PSA（前列腺特異抗原指數）高咗，有3個月我唔知點辦，連Clement都唔講，3個月之後再驗，雖然低返，由9點幾去到6，但6都比正常4.5有事。」

問到為何不與Clement分憂，William表示一向性格不想煩人，上一次腸癌都是做完手術才通知家人：「因為佢做醫學科學，咩都factual，佢對人好nice、好sweet，唔係靠感覺做人，就算我鬧情緒，佢feel唔到，我係唔想我因為我有病，而令佢特別關心，唔想人哋畀額外關心，因為呢個原因唔想話畀佢知。」最後，到上年 11月底，因腹部有隱痛要去養和照內窺鏡，向Clement提出做泌尿檢查，才向他提出之前的檢驗結果，他起初有點怪責，之後大家齊齊去搵醫生好友研究如何處理這個病。

William的癌症屬二期，腫瘤有1cm大，要由機械人電鋸臂進行微創手術：「醫生幫我檢查定咗位，做埋組織檢查，知道割幾多，但位置有啲危險，靠近邊，怕切割時候影響啲神經。」最後，他搵了兩個泌尿科醫生及之前為他做腸癌切除手術的醫生在場監察，合共三個醫生為他做手術，麻醉後手術進行了8小時，他表示：「之前有考慮過去美國做電療，不過好多醫生朋友研究過，電療過咗第三期，手術已割唔清，無理由呢個stage做電療，電療會影響其他器官，有傷害，到時先返轉頭做手術，就未必做得到切除部份手術。」原本手術定於上年12月才做，由於他想忙完手頭上工作，之後還與Clement去了印度旅行才回能進行。

幸好，手術相當順利，William康復進度理想，現在需要處理傷口康復及定期檢查血指數，不似其他癌症需要有數年的觀察期，他表示：「離開手術室已吊住鹽水、尿袋，因靜脈曲張帶住按摩器，好似一個死人咁，木乃伊縛住嘢冇得郁，醫生見到我情況好，可能我做手術時流血唔多，好快拎走鹽水，淨係尿袋，我冇話畀護士聽去咗洗頭，兩、三日冇洗頭，我又唔理咁多，」提到患上男人最痛的前列腺癌，亦令他相當擔心有後遺症：「因為有啲人做完之後，會徘徊喺好運就兩星期，唔好運就三個月以上，但係會好番，會失禁。我發覺醫生幫我拔走尿喉，隨後我喺醫院上上落落散步，唔覺得有失禁迹象，醫生都驗過我冇，又忍到尿，所以醫生話我好勁，恢復返咁快。返到屋企，又去銀行整嘢，又約朋友飲茶，行嚟行去，唔需要擔心失禁，呢幾日落嚟好好，我呢幾日飲多啲水，我都覺得好神奇。」

除了憂心會有失禁問題，William亦擔心此病影響性功能：「做完手術未出院，反應係正常，好多人話有一段時間先番嚟，我覺得反應得好快，比預期想像好，希望繼續好落去，雖然我唔係20、30同40歲，呢樣嘢唔係最重要，始終都係覺得有好過冇，但係竟然神奇，做完手術兩日已番咗嚟。」

William與Clement去年6月在英國註冊結婚，新婚半年再患上癌病，由於他的不愛煩人性格，令他不敢對Clement透露病情，直至去年11月要到醫院例行檢查內窺鏡照腸時，才敢向對方告知病情，而本身是醫生的Clement隨即找名醫，在旁陪伴William進行治療。這一次抗癌過程，他有Clement陪伴，令他有不一樣的看法：「我都試過有啲朋友走咗，有風險，我全身麻醉8個鐘，唔係簡單，所以上一次有諗過，反正我都miss阿媽、阿嫲、家姐，我唔介意anytime要bye bye，係唔會遺憾；但係今次喺麻醉嗰陣多咗第二個想法，Clement有自由身，冇人因為另一個人而生存唔到落去，可能有另一個旅程等緊佢，唔擔心，不過呢兩個想法冇同佢講。」

手術過後，現正康復中，William表示更會活在當下：「感恩有呢啲moment，身邊有個人，過去從來冇呢啲感覺，雖然我有好多關心我嘅朋友。Besides有朋友親密關懷，嗰種屋企人面對，從來未試過，關懷係實際同感情兩方面都有，今次係感覺得到，佢會同我入院、出院，出院有幾困難？叫架的士就得，我可以四點幾出院，但係要等到佢七點幾嚟到陪我出院，係有啲嘢畀佢感覺到，兩個人一齊去面對一啲嘢，寧願等多幾個鐘等佢接我出院，係比較親暱嘅處理方法。」

現在，William留在家休養，不過不會因病而計劃與Clement同居，因為二人工作各有各忙：「因為我冇搬我嘅嘢去佢度，周末先會一齊過，平時夜晚一齊食飯。我嘅工作要畫嘢、寫嘢，好多嘢都喺自己屋企，好唔方便。」William表示除了有Clement關懷外，好多身邊朋友關心，更煮食給他，而他亦自訂了餐單：「每日輪流飲冬蟲草、花膠湯，另外係海參同松茸，補得嚟要清潤，要啖湯水，飲多啲水同出街行。」

(apple daily)