藝人陳豪以嘉賓身份出席親子餐廳開幕禮，透露平日帶住三個仔女出外用膳時也非常苦惱，幸好近年不少餐廳有劃分小童玩樂區，令家長們方便不少。
談到太太上載女兒Camilla穿公主服戴后冠及自己港姐冠軍拿權仗的合拼照，問到女兒可有穿公主服出街？
陳豪謂：「又冇，嗰日媽咪（陳茵媺）行街，喺旺角見到啲好正嘅嘢，就買咗條Elsa裙畀個女。（個女有冇潛質去選美？）唔好唔好，佢已經好貪靚。（太太話畀佢更貪靚？）佢出世已經好貪靚，見媽咪打扮會眼甘甘望實，但我比較保守啲，但將來做乜就要自己決定。」
那可接受Camilla穿泳衣？陳豪自言是保守父親，認為女兒最好不要，至於現時是否已禁止女兒三點式示人？他謂：「又唔係，不過佢尋晚話要戴住個Elsa頭箍瞓覺，所以唔好畀佢睇到搽指甲油，佢會不斷強化。（咁咪避免畀佢睇到扮靚？）咁佢又特別可愛，打扮少少已經好可愛，所以唔好太過分。」
對於不時與太太撇下仔女二人世界，陳豪不諱言絕對需要：「我哋係全職父母，有時都需要透吓氣。」
(on.cc)
藝人沈卓盈（Jess）離巢後與拍拖3年的圈外男友Calvin上月於泰國布吉秘婚。
「其實想留番白色情人節報喜，但係點知……不過唔緊要，都係開心事，總之成個wedding都喺布吉進行，結婚想低調進行，冇諗過大搞，宴請只係家人、兄弟姊妹，姊妹都係識於微時，包括六位，何傲兒、徐淑敏、陳自瑤、何傲芝、黃芳雯同髮型師好友。」
有索爆姊妹團！
其中Jess的好姊妹黃芳雯（Paula）專程飛抵布吉擔任陪嫁團，分享好姊妹的新婚喜悅。
今日，Paula於社交網站晒出與一對新人的合照，仲留言祝福：「好姊妹結婚了 這位認識十多年的老友，沿途和你同喜同悲。能夠見證你覓得人生中真愛，找到真誠愛您，守護您的好好先生，實在替你相當高興😊這是我參加過最浪漫的婚禮。最重要的家人和好朋友在一起，就是對新人最大的祝福！婚姻是人生漫長的一課，要好好享受和加油啊 杜太❤️❤️❤️」
Paula接受東網訪問開心謂有幸能參加好姊妹婚禮：「佢只係請咗最熟嘅親友，婚禮場地喺海邊好靚，又放晒煙花同天燈，就算係嚟參加婚禮嘅賓客都好投入，真係睇到佢先生係好錫佢，成個Trip都好照顧埋我哋。」她表示好衷心祝福好姊妹，大讚Jess是一位善良、識得照顧家人的好女仔，好值得找到一個愛錫她的老公：「希望佢開開心心，而生小朋友方面，都好似佢咁講，轉咗新嘅工作環境，生小朋友就隨緣，不過如果有埋小朋友就仲開心，屋企都會多好多歡笑聲，亦都知佢好鍾意小朋友，希望盡快聽到佢好消息，再參加百日宴！」
講到玩新郎環節，Paula大爆Jess「落令」要保護先生：「呢Part係我負責，佢同我講諗啲遊戲係要顧住先生個靚仔樣，唔想佢出汗、辛苦、肚屙，因為驚我唔知畀咩佢食，都有笑佢咁快就錫住晒冇嘢玩，最後啲蟲蟲茶其實都只係鹹竹蜂，畀佢先生開聲講愛的宣言，講都講得大聲啲！」
(綜合報道/on.cc)
49歲鄭嘉穎在今年2月榮升爹哋，太太陳凱琳（Grace）為他誕下兒子Rafael，嘉穎在IG報喜說:「個個父母都話自己個BB係最得意…我終於明啦！」
佘詩曼昨日在中環出席活動，提到舊愛鄭嘉穎榮升父親，有否恭賀對方？阿佘說：「我有留意，我覺得每個生命來到世界都值得恭喜，我呢排好忙，但係都戥佢開心。」
問她恨生小孩嗎？她說：「順其自然啦！我唔會未學行先學走。」阿佘表示剛從意大利工作回港，她說：「我5日內去咗意大利、希臘、雅典等，上郵輪做嘢，因為時間好緊密，所以冇得玩，坐飛機來回都30幾個鐘，做嘢就一日半，但係好值得去，好靚。」
阿佘明天便出發飛南京工作，之後會回到劇組拍攝跟黃曉明合作拍的《鬢邊不是海棠紅》，阿佘又爆跟曉明合作期間，會經常大晒兒子小海綿的影片！
阿佘說：「佢有畀我睇啲video，好似佢㗎，曉明同我講話感覺好奇妙，因為BB好似佢嘅mini版，佢嘅廚師煮嘢好好味，每日嘅lunch都係由佢供應，個個都有肥到。」
(apple daily)
兩子一母的鄺文珣，每天都花大量時間照顧家庭，當兩名兒子上午返學後，鄺文珣會帶着1歲多的細女Chesney去公園走走，呼吸新鮮空氣，母女享受親子樂。
鄺文珣今早又如常母女出動，她更把照片貼Instagram，並留言：「雖然你還是BB，但已經從只有眼睩睩望住媽媽，去到要跑來跑去，甚至坐單車，接觸其他小人國的人仔。媽媽感謝你的出現，可以經歷和你一起成長的每一天。」
很多女藝人抗拒晨早起床和素顏出鏡，但鄺文珣偏偏做齊，她素顏湊女，更自拍溫馨母女咀嘴短片，囡囡Chesney配合錫錫媽咪。
Chesney甫到公園即顯得非常生猛，周圍走動，走累了便坐回BB車，由媽咪推着回家。
鄺文珣今日接受《蘋果》電話訪問時說：「囡囡好得意，佢頭髮又長，望落去畀人覺得佢好似好大個咁，佢其實得18個月，佢細個時好怕醜，但可能多咗同哥哥相處，佢而家變咗友誼小姐，完全唔怕人。以前哥哥去到好大個時都唔識同人玩，但妹妹學嘢學得好快，佢識畀好多唔同反應，雖然好多嘢唔識表達，但好多嘢佢會明你講，妹妹好鍾意出街，一話去『街街』就好開心。」
(apple daily)
藝人陳松伶與黃智賢相識超過20年，最近才首次合作劇集。二人拍攝時默契盡現，鏡頭外則互相分享與另一半的生活點滴。
陳松伶與黃智賢（Ben）相識於兒童節目《閃電傳真機》，當年女方是兒歌天后，Ben則擔任主持，二人不時於錄影廠碰面，至最近才有機會合作無綫劇《福爾摩師奶》。飾演女探長的松松，與「管家」Ben不乏對手戲，可謂過足戲癮。Ben笑指與松松多了接觸，才發現她是「傻姑天后」，唸對白時會跳舞。
Ben舞步搞笑
松松笑言每當聽到音樂便會起舞，並揶揄Ben的舞步搞笑：「佢次次都跳80年代嘅舞，步伐好傻㗎，我都唔跳嗰啲，我只係會跳兒歌舞。」Ben即反擊，踢爆女方拍戲太累時，會除隱形眼鏡：「以為佢表現到好精明，其實好迷惘，因為睇唔清，都幾好笑，佢仲話矇矇地望住大家會順眼咗，冇咁多皺紋喎。」
二人均是已婚之人，戲外可有交流生活品味？松松表示：「有交流，佢依家係美容CEO，好叻。（你要拍劇，點同老公相處？）佢都忙，依家係互相實現對方夢想嘅時期，最近做音樂劇係我兒時夢想，唔為錢同利益，老公都支持，因為唔使佢叫，我都會自動做運動。（唔生小朋友？）冇時間。（押後？）我等Ben個B出嚟先，哈哈！生B唔係輕率決定，要順其自然，我唔排除領養。」
她隨即問Ben幾時造人？他答：「我未紮嘅，不過想享受二人世界多啲，永遠戀愛中，我覺得一齊同步同心最重要。（即係隨時準備？）意外冇人知，意願上係想過二人世界。」
(on.cc)
又晒出同老公嘅合照，兩人齊齊着上情侶裝，仲頭貼頭報喜，非常恩愛！此外，她着上一件印有豬仔圖案嘅黑色上衣，仲嘟晒嘴仔指住自己個肚，似乎好期待做BB快啲出世！
與澳門老公陳榮煉喺2017年結婚，佢今早喺11點13分微博宣布大肚喇！
安以軒發文：「小叮噹夫婦 結婚登記🈵兩歳了 慶祝一下！來個【升級版➕】～變身～🐷拔拔🐷麻麻 從此……我們的世界多了一個你 期待 66 66 66。」
原來佢嘅老公喺11月13日生日，因此特登揀喺11點13分報喜。而佢嘅老公外號叫「65」，所以BB乳名就改做「66」。
（on.cc）
藝人陳豪於2013年與港姐出身的陳茵媺結婚，其後誕下兩子一女，一家五口幸福滿瀉。
近年陳茵媺減少幕前演出，專心相夫教子，不過兩人不時爭取時間二人世界，早前雙雙到西班牙度假，回港不久，兩口子日前又撇低三名子女，前往中環行街睇戲。
甜蜜搭膊頭
當日大約6時許，夫婦倆手拖手現身商場，於附近名店逛了一輪，便步往戲院購票睇戲，陳豪還不時搭着老婆膊頭，之後又輕撫她玉背，極為甜蜜！
至晚上9時許散場，二人手拖手步出，甫見記者在場陳豪即笑笑口打招呼，雖然引來不少途人目光，二人未有理會，十指緊扣步往乘𨋢，繼續煙韌放閃。
(on.cc)
昨日3月14日係白色情人節，唔少人都會同自己嘅情人慶祝，而榮升爸爸冇耐嘅王祖藍就喺社交網晒出「前世情人」囡囡Gabrielle嘅短片，盡情放閃！
片中祖藍同老婆李亞男一齊出盡法寶氹囡囡開心，而囡囡就笑到「哈哈」聲仲識伸脷，相當溫馨。而Gabrielle都長大咗唔少，除咗有對瞇瞇眼，眼睫毛仲好長，非常可愛！
唔少網民都話愈大愈似媽媽，對眼好迷人，仲話一定愈大愈靚女添，睇嚟祖藍可以放心喇！佢又留言向兩位大小情人示愛：「主演：小情人，聲演：大情人，祝我的大小情人，白色情人節快樂。」
冧盡大小情人！
(IG/on.cc)
雖然群下之臣眾多，包括曾傳出有珠寶大王力追，但她早心有所屬，低調拍拖並共賦同居，更不時被拍得以「一家三口」姿態偕愛犬「太郎」出巡，惟二人一直未公開認戀情。
雖然未有說明分手原因，但據知自從她人氣急升後，工作接踵而來，反之男方工作上則不大如意，雙方距離愈來愈遠，並不時發生拗撬致感情生變，而二人的愛犬也隨着他們分手而成為「單親狗狗」，其「撫養權」歸女方。
前港姐張秀文近年人氣急升，「錢」途無限。
去年仇耀斌（Victor）的父親仇志強在馬來西亞逝世，張秀文表現傷心欲絕，雖不願多談對方家事，但女友身份顯然而見，怎料感情仍敵不過七年之癢，爆出四角戀！
有讀者爆料稱日前在一間酒吧發現男星尹子維與一名長髮女子撐枱腳，全程四目交投明顯「過電」，愈傾愈投契，女子又不時報以甜笑，原來正是張秀文！
今年1月尹子維公開與「中國第一美胸」之稱的內地女星徐冬冬拍拖半年，期間不時放閃光彈晒愛，農曆新年時更雙雙到美國見家長，直至早前感情急轉直下，二人被拍得當街吵大鑊(相關新聞:https://goo.gl/WdUYkj)，早前徐冬冬來港出席活動時，承認雙方正在冷戰中。
已有內地咪神女友的尹子維，與香港咪神代表張秀文一樣啱嘴型，看來他的眼光及口味貫徹始終，非常「專一」！
事後張秀文接受東網訪問，對於被揭夜會尹子維一事，她竟即自爆已回單身：「我同尹子維係傾工作上嘅嘢，其實我已經分咗手。」至於分手原因未有詳細說明。
而Victor以短訊回覆時也默認分手：「我只想說，祝我身邊嘅人，生活得幸福快樂，永無煩惱，生活無憂！多謝大家關心！」
雖然張秀文及Victor未有說明分手原因，但據知自從她人氣急升後，工作接踵而來，反之男方工作上則不大如意，雙方距離愈來愈遠，並不時發生拗撬致感情生變，而二人的愛犬也隨着他們分手而成為「單親狗狗」，其「撫養權」歸張秀文。至於祝福舊愛的Victor明顯對6年情還有戀棧，猶如「癡心的漢子」般曾在社交網流露分手後的不捨及心痛，他借台灣天王蕭敬騰的歌詞《原諒我》發文：「請原諒我，原諒我不成熟，不愛你是藉口，好讓你離開我，請原諒我，好想自私將你佔有，一個寂寞就給我承受，換你過更好的生活！」
(on.cc)
藝人湯洛雯（靚湯）首次孖朱千雪以姊妹檔出席活動，席間上演美女廚房整薄餅，望落都有板有眼！期後更向Fans派福利進行餵食，大玩親民。二人笑言與薄餅關係密切，皆因之前拍旅遊節目時已經整過，而自認煮藝不佳的千雪就頻頻被靚湯取笑，問到拿手菜時，湯靚先話整餅，即被千雪反擊指她是「阿茂」，二人互窒場面爆笑！
講到今日是白色情人節，千雪表示男友不在港，自己亦冇好留意節日：「冇慶祝，或者轉頭Send Message畀佢。（佢會唔會寄份禮物Surprise你？）要問吓佢先！」
至於單身的靚湯就表示今晚會約好友食飯，又自爆今年情人節有花收：「一早起身就有人送花，睇到張卡係寫住『送給我瘋狂的情人』。」
（第一時間諗到邊個送？）冇，覺得好不安，但見到有盒朱古力就食咗先，然後再打去花舖問，先話送錯咗第二紮畀我！原來係朱千雪送！（但你食咗盒朱古力？）係呀，之後佢收番都話好彩冇掉到盒朱古力。」而千雪就話除了送花給靚湯外，還有送給岑杏賢：「唔限於情人，對朋友都表達心意。（咁男友有送花畀你？）都有送。」
(on.cc)
