台灣藝人徐熙媛（大S）的奶奶張蘭，亦是內地知飲集團俏江南始創人，被指因缺席聆訊藐視法庭，遭香港法院下令拘捕並判監1年。
張蘭周三（13日）透過內地律師發聲明否認被判監，稱該案目前仍等待法院排期開庭，上訴法庭尚未作出最終裁決。
內地媒體報道指，該案源於張蘭於2013年12月以逾2.86億美元（約22.3億港元），向投資公司CVC Capital Partners（下稱CVC）出售俏江南逾8成股權一事，引發糾紛。CVC獲頒禁制令，禁止張蘭轉移在港資產。CVC於2015年質疑張蘭有違法庭頒令，出售資產，法庭去年3月裁定張蘭違反禁令，行為構成藐視法庭。香港媒體報道，高院法官本月5日處理張蘭的判刑，判她監禁1年。
張蘭授權北京段和段律師事務所發表聲明，稱香港高等法院原訴法庭去年3月14日作出一審裁決，駁回CVC的4項不實指控，僅保留其1項指控。而張蘭在同年4月11日已提出上訴，上訴庭未有最終裁決，張蘭將就CVC的不實指控提交新證據。聲明又強調，目前媒體的報道存在諸多不實資訊，嚴重損害張蘭名譽，保留追究權利。
(on.cc)
早前離巢無綫，之前話等啱Timing就會結婚，估唔到個Timing咁快就到，佢喺IG上載婚紗照留言…
現年34歲嘅藝人沈卓盈發文：「從不期望驚天動地的愛情，只求細水長流的甜蜜。不知不覺間原來我們的緣份源於十年前的一面，可是種子並沒有在那一刻萌芽。猶幸上帝的安排、緣份的牽引，令我們在四年前的那一天再次重遇，讓彼此加深了解，一起學習，一起成長，再一同走向人生的新一頁，成為相依相伴的伴侶。❤」
恭喜晒Jessie！
相關新聞：【趕生B？】沈卓盈同未婚夫原來上年秘密… https://goo.gl/u2moqr
(ig / 綜合報道)
由於此事件持續發酵，網上出現爭議，天后容祖兒（Joey）今午喺微博發文道歉：「一直忙於排練，聽說發生了事情，但不知道已經發展到這麼嚴重。訪問引起大家誤會，十分抱歉。對於任何不合法不道德的行為，我是絕對不接受、不認同、不支持的！以後我也會更加關注時事及謹言慎行。 」
天后容祖兒（Joey）日前與韓國天團Big Bang前成員勝利合作新歌《Pretty Crazy》，不過勝利近日捲入性醜聞風波，雙方合作計劃立即被叫停，Joey要獨自完成演唱。
昨晚Joey現身《KKBOX香港風雲榜頒獎典禮》，佢受訪時表示：「收到消息後感到好突然、好可惜！過去呢個月佢都好忙，我覺得好遺憾，對我嚟講佢係一個好有才華嘅藝人，自己都好期待同佢合作，呢刻希望佢快啲冇事。」（相關新聞：https://goo.gl/xe2rWV）
此言論引來網民爭議，於是Joey即發文道歉。
韓國天團Big Bang前成員勝利近日因旗下夜店爆出連串醜聞，包括毒品、逃稅等，韓國警方更指佢涉嫌性賄賂安排美女「陪客」而被立案調查，並禁止出國！
千夫所指下，自言被視為「國民逆賊」嘅勝利為保Big Bang名譽，日前宣布退出娛圈，震驚全球。
（weibo / on.cc）
賭王何鴻燊四房長女、現年28歲的何超盈最近被爆已與男友Thomas Xin去年9月訂婚，並佗B三個月，何家雙喜臨門，賭王何鴻燊及四太梁安琪準備做外公外婆。
何家上下當然開心，作為超盈弟弟的何猷君將升格做舅父仔，他今日下午就在微博貼了數張與家姐不同時期的合照，相當溫馨並留言：「人生第一次心情如似的複雜！我也是時候要接受現實了，我姐要嫁出去了！作為弟弟的我真的很不捨！」
猷君更撰千字文提到與家姐自小相處的趣事，每當有事發生，超盈都會挺身而出：「小時候，打破家裡媽媽的水晶燈，哭着找家姐，家姐挺身幫我背鍋给媽媽罵。小學時所有人都有IPOD，有電池手表，媽媽小時候不讓我花錢，我零錢又不夠，最後家姐花自己錢幫我賣。12歲時獨自出國留學，一個人想家想到哭，寄宿學校裡不允許用電話，家姐就给我偷偷寄一箱零食，糖果裡藏着手機，每晚陪我打電話打到睡覺。中學時叛逆期，跟父母吵架後離家出走，全世界都找不到我，就只有她知道我會出現在哪個公園的韆鞦上，哄我回家。每當我傷心的時候，總是第一時間回家找家姐，躲在她房間裡跟她傾訴。」
猷君更讚超盈作為大女，亦要保護弟妹，辛苦多年，看到她搵到愛的人，去組織自己的家庭，好感動亦不捨，他自言：「我很不捨得，真的很不捨得！可是同時知道除了我以外，你找到了一個願意為你付出，照顧你的人，我很感動也很欣慰。以後如果遇到困難，永遠記得你有兩個弟弟時刻站在你身後，幫你擺平所有煩惱，照顧你一輩子。Thomas，請照顧好我家姐。」
(weibo / 綜合報道)
陳展鵬今日在電視城拍攝新劇《唐人街》，透露近日拍打戲打很勁，手腳因此受傷，要去看跌打敷藥。提到白色情人節將至，展鵬表示當日要開工，情人節亦已食飯慶祝，是由太太單文柔下廚。會否準備禮物送給太太？
他笑說：「已有很多禮物，屋企已裝不下，早前和她去拍了輯相，當是禮物。」
早前舉行Baby Shower，眾多好友出席。（相關新聞：https://goo.gl/QdsdGe）
展鵬透露B女將於下月頭出世，但心情不算緊張，開心見到BB在媽咪肚裏郁手郁脚時。至於日後會再追仔？
他表示：「仔女都無所謂，再是女兒也可，不過看了這個性格如何先，似媽咪就好，較溫馴，似我就難搞，硬頸。現在手機不離身，太太仍未決定順產或剖腹，估計剖腹居多，最重要太太覺得舒服。」
（ig / 綜合報道）
今日係歌手謝安琪（Kay）42歲牛一，但佢尋晚就經歷咗前所未有咁徬徨嘅時刻！佢以風雲大使身份，現身首屆《KKBOX香港風雲榜頒獎典禮》，當唱出《羅生門》時，就不停示意咪及耳機出現問題，Kay惟有頂硬上演出，索性除掉耳機唱歌，自己數拍子，用專業搭救，最終演出順利，而台下觀眾都冇看出有任何異樣。
但Kay一落台就即刻爆喊，自己靠讀唇睇對手讀拍子，耳機只係得沙沙聲，而佢呢一喊連老公張繼聰（阿聰）都感到無比痛心！(相關新聞：https://goo.gl/8jMUJE)
阿聰於社交網發長文力撐老婆已經做到最好，句句真摰，非常感動！雖然耳機失靈，但Kay有老公錫番，相信好快收拾心情喇！
「知道你為咗依個演出，花咗無數嘅心血去練習再練習，希望做到最好。可惜Live performance 永遠有無限嘅意外會發生，而今次發生嘅意外，係歌手最恐懼嘅一種…耳機失靈Sub stage 冇台mon ,整個表演聽唔到自己把聲，聽唔到音樂聲…只係聽到耳機嘅沙沙聲，同觀眾席音響彈番嚟嘅聲（會展咁大，我估回音會唔止一浸），現場有幾千名觀眾，唔喺現場嘅更有數唔到咁多嘅觀眾….
依種情境，任何表演者發夢遇到都保証會嚇醒，不過，可惜，今次單嘢係堅嘅。依二十分鐘嘅痛苦，恐懼，㥬惶，心血白費…對表演者嚟講，係災難。」
「災難係堅嘅，不過我認為你更堅，咁嘅環境，你仍然奮力完成整個演出，冇放棄任何一粒音任何一個小節，The Show Must Go On ，係一個表演者嘅專業。個騷你唔止go on ,仲充滿勇氣咁完成，同埋，如果唔係經過咁充足嘅練習，一定冇可能做到，一定冇可能。大佬，聽唔到聲照唱，部琴冇聲照彈，聽唔到音樂數唔到拍子照入歌喎，真係靠心中有劍。」
「長篇大論，唔係因為我地嘅關係(夫妻關係)，而係大家都係表演者，所以好明白你經歷咗咩。意外冇人想嘅，不過你好叻，有d叻係要係危困當中先會展現出嚟。同埋今次之後，可以更加膽生毛啦，上到台冇嘢驚㗎啦！」
阿聰更叫Kay將呢個經歷當上天送畀佢嘅禮物，為老婆建立正面人生觀：「經歷係用嚟強化自己嘅 。312，個宇宙預早送依份禮物俾你，等你再Level Up ，算係咁啦！最後最後Happy Birthday My Lady 313。」
老公以長文安慰，字裏行間充滿愛，更鼓勵Kay要繼續堅强，相信Kay一定會重新站起來。
(ig / 綜合報道)
藝人羅天宇（Joey）有樣又有才華，呢日佢相約好友一齊jam歌，仲拍片同網民開心Share…
Joey以英文留言叫大家聽完後可畀意見：「Our first cover！Please let us know what you think in the comment section below！」
片中見佢哋合唱英文歌，其中作為歌手嘅嘉儀唱功當然有番咁上下，不過Joey亦唔弱，兩人都唱得好有感情。有網民聽完後就話好期待佢哋推出合唱歌，另外亦有人話唔係聽得好清楚Joey嘅歌聲，仲提議佢下次唱得大聲啲！
二人合唱有曬默契超合拍，網民勁Buy!
除咗網民之外，羅天宇舊愛湯洛雯亦有留意呢條片，佢睇完後似乎都好Buy羅天宇同譚嘉儀喺音樂上擦出嘅火花，所以大方畀咗個Like！
(綜合報道 / on.cc / facebook)
謝安琪（Kay）昨晚以「風雲大使」身份，與樂隊Supper Moment一起在「KKBOX香港風雲榜」中演出，不過Kay表演時遇上耳機失靈事件…
「其實一開始一上台第一粒音，耳機已經冇聲，原本準備咗自己嘅耳機，但喺表演前有干擾，所以大會工作人員換咗第二對畀我，點知換完之後一上台就已經係冇聲，除咗冇自己把聲亦都冇樂器聲…」
「全程耳仔就好似收音機追台咁，全部都係干擾聲，自己從來都未試過喺台上面咁無助咁徬徨，因為上台有自己個人表演，又要同Supper Moment合作，仲要彈琴，全程都係靠Supper Moment嘅Sunny行到好近，睇住Sunny個嘴唇，好似讀唇咁先知自己唱到去邊。到彈琴時，要靠Supper Moment嘅鼓手畀拍子我，先至可以順利彈到。」
Kay強調自己從未遇到這個情況，真的感到非常徬徨，她說：「自己唱完第一首歌《羅生門》已經落台喊，之後才再與Supper Moment上台表演。噚日排嗰陣都冇問題嘅，不過今日可能因為現場有干擾，所以換咗第二對（耳機）畀我先出事。」
Kay又表示，完成表演後，很感謝台上所有的人，他們都很幫忙，而Supper Moment在完成表演後，都有入休息室安慰她，Kay說因為未試過，今次算是一次過體驗到。
講到Kay今日（13日）牛一，問可會叫老公張繼聰送耳機做生日禮物？被演出影響心情的她無奈地說：「唔知呀！真係冇心情，好難忘！」之後她再爆自彈自唱期間個咪不停向下跌，要工作人員上台救援，說到此時Kay不禁大叫問：「今晚發生咩事？」而SM四子演出完畢後都有安慰她。
問生日願望是甚麼？她幽默地說：「原本冇，但依家有，好卑微咁希望工作順利，唔好再追台，器材生生性性！（生日有得放假？）有，老公都放假陪我，會一家人食飯慶祝。」
(綜合報道 / appledaily / on.cc)
天后容祖兒（Joey）壓軸登場《KKBOX香港風雲榜頒獎典禮》，以螢光黃色西裝打扮的她自嘲是螢光棒，再配襯一身晒黑的健康膚色兼纖腰，更Sharp醒！
講到近日好姊妹鍾欣潼（阿嬌）自爆替Joey於金童玉女殿點燈，祈求愛情運，Joey聞言即大笑話要多謝對方：「咁頻撲、粗重，多謝佢都嚟唔切！佢真係好得意，又可人，雖然呢啲嘢我唔係咁信，但佢係比較緊張少少，成班都皇帝唔急太監急，只要見到有未婚、年齡合適就話好，不過有時見到佢哋咁都好開心，尋日睇到篇文章話同朋友見一次少一次，都即刻約出嚟。」
Joey更自爆曾玩過網上相睇Apps，實行出齊所有「法寶」：「成班餓狼傳說咁，但我係靠實力！（幾時有男朋友？）就嚟！轉彎就到！逼到我就嚟要登報紙招親啦！覺得呢刻幾好，但期待更好！」
最近與前韓國天團Big Bang成員勝利合作新歌《Pretty Crazy》的她，原定會於典禮上與勝利首度合唱新歌，惟對方近日捲入醜聞，日前更突然透過IG宣布退出演藝界，亦隨即決定取消來港計劃，故Joey要獨自完成演唱。
韓國天團Big Bang成員勝利最近宣佈退出娛樂圈，震驚全球！
受訪時Joey無奈指當收到消息後感到好愕然、好可惜，並宣布是次合作要叫停：「過去呢個月佢都好忙，我覺得好遺憾，對我嚟講佢係一個好有才華嘅藝人，自己都好期待同佢合作，呢刻希望佢快啲冇事。（合作去到邊一部分？）我就錄好音，佢都有參與，但後期有好多製作，例如混音佢就冇可能繼續，原本佢係會參與多啲，依家冇合唱版都好可惜、好可惜，計劃趕唔上進度都冇辦法。」
問勝利宣布退出演藝界前可有預先通知？
Joey坦言沒有，又自言不應要多說下去：「佢哋公司都唔希望我講太多，可以講嘅到呢度為止。（有聯絡對方？）佢都好忙，有透過佢嘅同事表達對佢嘅祝福。」而新歌將變成以獨唱形成於4月頭推出：「始終都係一首好好嘅作品，花咗好多時間錄音、排舞、仲拍咗MV，係得我自己嘅。」
(綜合報道 / on.cc)
眾所周知，自從張栢芝誕下第三胎以後，外界就一直在追蹤猜測新男友身份，可是她始終守口如瓶不肯透露一絲線索。
最近張栢芝連續曬出視頻以及照片，先是跟大家分享她今晚的成果，好像很豐富！
當天栢芝心情頗為不錯，為了準備這樣一頓豐盛晚宴，連續更新了4次動態。她更是親自外出選購食材回來，並且暗示「晚上開心起來」…
而親自動手做完飯菜後，她還上載了視頻並留言：「為他們煮飯是我的享受之一」
當年栢芝和謝霆鋒離婚後，身為一個單親媽媽生活壓力巨大，她本人也曾坦言對愛情死心不會再結婚。
但是現在卻擁有了全新的家庭生活，她還多次發文感慨現狀，表示要對過去說再見，珍惜和感恩現在的生活以及工作。
其中一張照片裡出現了一只戴著婚戒的手臂，手臂上似乎還刻有紋身。一眾網民都猜測這是新男友來家團聚了，亦有不少網民說他是來探望小王子…
栢芝曾經經歷過一次隱私被泄露的危機，那場風波也導致她背負了許多罵名。而這次重新擁有幸福生活以後，也難怪她對隱私保護尤為看重了。不過現在的她已經是三個孩子的媽媽，想必也不會如當出年少輕狂一般做錯事了。若新男友終於來家團聚，想必也會減輕栢芝不少壓力，祝福！
相關新聞： 【11歲已經高過張栢芝 Lucas愈大愈似謝霆鋒！】https://goo.gl/BN1X4y 【情緒似乎有啲激動 張栢芝深夜發文：沒有誰能成為…】https://goo.gl/EMFLvD 【網民大讚好有母愛】張栢芝首晒與小王子溫馨日常 https://goo.gl/1ztSmB 【成班人跟住 至於孕肚就...】張栢芝第三胎產前照曝光 https://goo.gl/RR6BtR 【首次意外曝光】晒婚照後 張栢芝再晒相 https://goo.gl/zXhcWW 【突晒婚照疑宣佈再婚】張栢芝首回應 https://goo.gl/tDNHxH 【第三胎生父疑首發聲】張栢芝突晒婚照 疑宣佈再婚 https://goo.gl/myo6ww 【同Quintus超Sweet！張栢芝教仔有一套】https://goo.gl/avjukn 【張栢芝突然曬十指緊扣相 仲戴埋情侶帽好Sweet！】https://goo.gl/kf6pCq 【傳張栢芝再有好消息 恩師向太：本性也是難改的】https://goo.gl/2TrpT9 【睇嚟已經成功咗 張栢芝再曬相…】https://goo.gl/MFL84P 【會追究到底】張栢芝鬧爆：從來冇經其他人之手 https://goo.gl/5jEFQq 【生父真實身份】張栢芝第三個仔姓名曝光 姓氏原來係... https://goo.gl/3xFfyZ 【生完小王子兩個月極速修身 張栢芝公開減肥餐單】https://goo.gl/Kyx9D6 【唔係謝霆鋒】三子之母張栢芝被爆同佢「復合」 https://goo.gl/y8gMjn 【被問到張栢芝小王子生父】舊愛陳曉東：之前已經... https://goo.gl/cRoYya 【多年後與周星馳再度合體 張栢芝：大肚時180磅，依家…】https://goo.gl/pbHBaC 【估唔到短短幾個月就…網民勁擔心產後張栢芝】https://goo.gl/coL9yd 【係小王子真面目？】曾傳與張栢芝訂婚 第三胎生父終現身？ https://goo.gl/rNUzYH 【傳第三胎生父係周星馳】張栢芝首回應 https://goo.gl/VzejPi 【誕下小王子後 張栢芝首談產後感受】https://goo.gl/rGuEEN 【謝霆鋒否認係小王子爸爸】張栢芝疑忠告前夫謝霆鋒 https://goo.gl/C51BqW 【傳小王子叫「謝振天」謝霆鋒首PO文回應⋯】https://goo.gl/ppP2eg 【生完「小王子」 張栢芝靠食呢樣修身】https://goo.gl/jC58c7 【已與王菲分手!?】傳謝霆鋒張栢芝下月再婚 https://goo.gl/2CaLPC 【傳下月與張栢芝再婚】謝霆鋒首回應 https://goo.gl/v8QKug 【捕獲張栢芝孖兩個仔仔現身 至於小王子就…】https://goo.gl/R4Zttt 【瘋傳第三胎爸爸係...】張栢芝終於發聲 https://goo.gl/To8hyL 【BB好可愛】張栢芝小王子滿月照曝光！？ https://goo.gl/VLhNCC 【首晒「一家四口」】張栢芝：願與大家分享這甜蜜時刻 https://goo.gl/tfi9iz 【傳秘密誕下第三胎】38嵗張栢芝現發文宣佈... https://goo.gl/q19w6o 【歷經4次流產】38歲張栢芝被爆高齡誕B驚人内幕 https://goo.gl/9LNMb3 【強勢回歸！張栢芝突然PO相 即引起網民⋯】https://goo.gl/BVSyRc 【超驚喜！張栢芝現身力撐⋯】https://goo.gl/tFHgeF 【精神方面就...】張栢芝「產後」警覺性極高 https://goo.gl/CeeVqj 【最新全身照曝光！張栢芝被捕獲喺⋯】https://goo.gl/bNz5oX 【傳張栢芝未結婚都願意為佢誕下第三胎 視Lucas同Quintus如己出】https://goo.gl/QvJTHo 【係張爸爸介紹】張栢芝第三胎生父原來另有其人 https://goo.gl/P3sqye 【傳秘密誕下第三胎】張栢芝終於現身 https://goo.gl/wJkLmo 【傳張栢芝誕下第三胎】好友區永權就話... https://goo.gl/V9qBdF 【前妻張栢芝傳誕第三胎】前夫謝霆鋒被捕獲... https://goo.gl/rvEAnB 【傳緋聞女友張栢芝生B 梁釗峰回應⋯】https://goo.gl/JUe7Nt 【栢芝媽現身養和 傳張栢芝已秘密出院】https://goo.gl/bCpRso 【傳收7千萬豪宅】傳張栢芝第三胎生父就係佢 https://goo.gl/Naitte 【震撼整個娛樂圈】傳張栢芝第三胎性別係... https://goo.gl/YBMgJS 【傳張栢芝再誕B】好友張文慈坦言覺得好驚訝 https://goo.gl/fVN9Fm 【好圓潤】張栢芝5月最後公開出席活動時孕味濃 https://goo.gl/XR2oKD 【前任新抱張栢芝傳已誕下第三胎】前老爺謝賢首回應 https://goo.gl/1cbXm2 【傳前妻張栢芝誕下第三胎】前夫謝霆鋒首回應 https://goo.gl/FdtYz5 【張母在養和探栢芝】傳張栢芝已順利誕下第三胎 https://goo.gl/ih6xja
(綜合報道)
