剛剛慶祝42歲生日的藝人蕭正楠即傳來喜訊，有指他快將做爸爸！

去年《萬千星輝頒獎禮》他自爆與黃翠如已結婚，婚後僅一年，即傳出翠如已懷有兩個月身孕，預計可以趕得及做年尾生個豬BB。

有指已開始見肚的翠如，近日仍照舊開工拍新劇《致所愛過的人》，劇中她飾演孕婦，周時要裝假狗佗「巨肚」，可謂巧合到極…

與林文龍合作演出《致所愛過的人》

所以不是太多人知她真的有孕，反而蕭正楠心情仲興奮過翠如，有傳佢近日已向身邊友人透露家有喜事。

相關新聞：

【盛傳已有喜2個月】蕭正楠黃翠如首回應 https://goo.gl/X1RSn4

【甘願做蕭太黃翠如背後的男人】蕭正楠：一起到老  https://goo.gl/j1Sbvr

【蕭正楠回應超甜！黃翠如：以後你的生日，也變成你太太的生日】https://goo.gl/ZDmtPr

（綜合報道 / on.cc）

藝人蕭正楠（Edwin）昨日42歲牛一，雖然佢今年首次以「人夫」身份過生日，不過蕭太黃翠如就笑言自己依然大晒，就算老公生日，對方都繼續要做阿四。

不過其實翠如口硬心軟啫，轉個頭佢就已經約咗一班老友，好似劉愷威、洪永城、林夏薇、黃致豪等幫老公慶祝。

洪永城即場唱歌助興，似乎好肉緊喎！

Edwin於社交網晒出同翠如嘅合照，並留言：「其實真係我生日架（㗎）…蕭太！#一起到老。」

相中見翠如搶去主角位置，當正自己生日咁爭住吹蠟燭同許願，搞到老公Edwin一面無奈，惟有乖乖企喺後面做老婆背後的男人！

之後，翠如都有發文：「祝幸福，平安，健康，快樂，就夠。」原來蕭太心急霸住個主人家位置就係幫老公許願，好有老公心！

唔少網民都話蕭生蕭太呢對夫婦搞笑得嚟又好sweet，仲紛紛催佢哋早生貴子添！

（綜合報道 / on.cc）

四太梁安琪今日58歲生日，一班仔女齊集為佢慶祝生日。四太梁安琪率先於晚上6時50分乘坐七人車抵達，她以粉紅色外套配鮮紅色頸巾，Sharp爆現身。

心情大靚嘅佢全程保持笑容，又多謝記者祝她生日快樂。問到賭王送咗咩禮物，她笑笑口未有回答。至於問到超盈會送上咩Surprise，佢就表示：「你問番佢啦，佢已經送咗最大嘅禮物畀我。（依家講得超盈佗仔定佗女未？）你問番佢啦。」然後步入餐廳。

及後早前承認有孕、並表示將會喺媽媽生日送上Surprise嘅大女超盈，亦喺孖住未婚夫Thomas Xin現身餐廳。佢哋乘坐七人車抵達，貼心嘅Thomas先行落車，再慢慢扶住超盈落車。以Cap帽、黑色口罩同連身衫嘅超盈，一見到記者即上前打招呼。問有咩Surprise送畀媽媽，超盈話：「一陣先講啦。」然後再摸肚話：「呢個已經係最大嘅禮物。」而Thomas雖然未有回答問題，但亦保持笑容，盡顯紳士風度，之後，超盈喺未婚夫陪同下步入餐廳。

晚上約8時，四太大仔何猷亨亦手持一大紮鮮花同紙袋到達，並表示係送畀媽媽嘅禮物。

之後細仔何猷君亦緊接現身，而遠在美國就讀麻省理工學院嘅四太19歲細女何超欣，亦專程長途跋涉返港為媽媽慶生。見超欣以短褲仔晒腿上陣，青春逼人，愈大愈省鏡。至於問到猷君女朋友奚夢瑤可會出席，猷君則點頭微笑未有回答，並孖住超欣步入餐廳。

接近晚上9時30分，超盈與未婚夫率先離開餐廳，再問到送咗咩Surprise畀媽媽，超盈話：「遲啲會喺ig公布。」而未婚夫小心翼翼扶住超盈上車離開，認真貼心！

有網民就見超盈孕肚好大，身形又發曬福，估計佗雙胞胎喎！

喺生日飯局中，四太一口氣切咗五個蛋糕，最特別嘅係，其中一個蛋糕係何超盈代腹中嘅BB送上，以賀準外婆生日，認真有心思！

呢個粉紅色嘅蛋糕上唔單寫着「Grandma Angela（Angela係梁安琪嘅洋名）」，蛋糕上仲有5個非常可愛嘅BB糖膠公仔，公仔BB嘅衫顏色有粉藍色同粉紅色，其中着粉藍色衣服嘅BB公仔比較多，估計超盈佗仔機會相當高！

接近晚上十一時，餐廳嘅職員先把禮物同鮮花，放喺四太嘅座駕，由何猷亨陪同四太離開，問到生日願望，四太話：「身體健康。（賭王送咩畀你？）秘密。（超盈畀咩驚喜你？）佢頭先冇講咩？你哋問佢啦！」

(on.cc)

搶鏡的還有早前宣佈誕下第三子的張栢芝，她昨日在經理人和助手陪同下到場，戴橙色帽、太陽眼鏡、穿紅色外套的栢芝，被問有無帶小朋友到場？

她合十說：「今日睇演唱會，大家唔該晒！」再追問小朋友是否交由家人照顧？栢芝再說：「今日睇演唱會，大家唔該晒！」之後就與傅珮嘉一齊坐。

還有不少好友撐場，包括胡鴻鈞、吳業坤、許志安、徐天佑與太太、吳若希與老公、周柏豪、丁子朗、鄧小巧、藍奕邦、何雁詩、組合C AllStar成員陳健安、黃耀明等。

歌手許廷鏗（Alfred）出道十年，昨晚在紅館舉行首場「許廷鏗再見智慧齒演唱會2019」，人緣甚廣的他獲不少好有撐場。

相關新聞：

【瘋傳產前已與小王子生父分手】張栢芝罕有發聲 https://goo.gl/AbnZif

(綜合報道)