有「最索星二代」之稱嘅邱淑貞大女沈月，盡得媽媽真傳，生得亭亭玉立極靚女！
早前更踩入模界，亮相倫敦時裝周，為爸爸沈嘉偉公司旗下時裝品牌行騷，仲打頭陣出場，處女行騷表現淡定，成為台上焦點，贏盡掌聲！
妹妹沈日之後亦有留言：「I’m so proud of you gorgeous」。
除咗行騷，佢仲有好好把握機會出席大大小小嘅時裝活動，並順道喺當地旅行，實行寓工作於娛樂。
沈月自上次行騷之後，已經一個月未有更新IG，佢呢日突然喺社交網晒出一系列喺當地嘅靚相。
一口氣連post多張舊照洗版，簡單留言：「Missing this.」
見佢以多個造型上陣，不論係超sharp嘅鮮紅色大褸、白色薄紗裙女神Look抑或牛仔短褲騷長腿，全部都carry到，果然有做model嘅潛質。
而沈月私底下嘅打扮同樣煞食，其中一張遊覽名勝嘅街拍照，佢以長靴配短裙大玩「絕對領域」，認真索到爆！
沈日依舊讚：「You’re so gorgeous,I love you!」
網民對沈月一連串照片都有讚冇彈，「超靚」、「勁有氣質」、「女神」等字眼瘋狂洗版，未知沈月是否為出道做定準備呢？
被喻為大台神劇之一的《天地男兒》，不經不覺已有23年歷史，雖然已經係上個世紀嘅產物，不過每次重播都頗受觀眾歡迎，唔少角色都令觀眾好懷念。
呢晚在劇中飾演羅子健的張智霖（Chilam），就在社交網站上載了一張與陳松伶的合照，雖然Chilam只簡單寫着「天地男兒 方巧蓉」這幾個字，相信喜歡這套劇的大家，即時充滿畫面。
唔少網民都話啲記憶返晒嚟！
雖然劇集播出至今已超過20年時間，但Chilam與陳松伶的樣貌卻沒甚麼太大的改變，而一眾網民看到照片後，都留言大讚：「兩個都沒變，還是這麼帥氣靚麗」、「學生時代的男神女神同框了」等，表現得非常興奮。
仲有網民問張智霖，究竟劇入面嘅羅子健最愛到底係方巧蓉，定係由宣萱飾演嘅張雪凝？
(綜合報道)
資深藝人姚煒與作家白先勇在香港大學舉行電影《金大班的最後一夜》分享會。
姚煒被問到女兒趙式芝（Gigi）與波爾錶太子女楊如芯（Sean）結束七年同性婚姻，她冷笑表示：「好好笑，根本唔承認結婚，離咩婚，一笑置之。」
問到女兒心情可有不開心？她表示：「我都有試過話佢，人總要活得開心，但盡少傷害別人。（阿女因為有新戀情而離婚？）唔覺得係，冇喎。」
她又謂現時與女兒都很少見面：「佢忙爸爸嘅生意，我都心痛佢成日飛嚟飛去，但我都委屈，一星期同佢食一次飯，冇乜機會傾偈。」
問到知不知女兒現時的感情狀況？她表示：「佢冇同我講，我都有勸佢，只可以講句到此為止，父母勸仔女嘅感情事，但父母好難理會，佢哋都大個，有自己喜愛嘅嘢。」
問到可是不睇好女兒的婚姻？她表示：「好難睇唔睇好，依家趨勢係易離合，女人唔係以前咁三從四德，人與人之間好易好近，大家未深刻了解就長相廝守，其實聖經叫人結婚後先發生關係，依家啲人就當笑話。」
她又謂希望女兒明白自己所想及所講的說話：「但唔知佢又是否做到，我要盡量幫佢洗腦 ，佢都係基督徒，知道人生應該係點，佢依家都起碼肯同我傾，以前淨係我鬧佢，鬧到佢走，但依家轉咗溝通方式。」
(on.cc)
身為姊妹團之一嘅蔚雨芯喺社交網透露陪住好姊妹出嫁情景，見身穿裙褂嘅新娘子明艷照人，之後Mandy換上婚紗，同一班兄弟姊妹外拍！
而另一位姊妹林秀怡亦喺社交網上載Mandy嘅靚靚外拍照，雖然Mandy被頭紗遮住個樣，但見佢着住背心低胸婚紗，相當唯美！ 
藝人楊盼盼徒弟、曾參加《功夫新星》入行嘅無綫藝員何佩珉（Mandy），昨日下嫁工程師男朋友曾逸之！
之前Mandy講過會有醒獅陪住出嫁，新郎哥曾逸之亦喺社交網上載Mandy翹住佢喺街上行嘅相。
兩隻紅噹噹嘅醒獅吸引唔少途人目光，Mandy戴咗唔少金器，睇嚟今次真係霸氣出嫁！
(on.cc)
今日有報道指從90年代已經加入大台的他，近期鮮有在螢幕出現，對上一次播映的劇集已經是《平安谷之詭谷傳說》，其後未有再見到有新劇推出。
最近為大台在深宵時段翻播《卡拉屋企》。
早前一班有份拍攝《卡拉屋企》嘅演員亦事隔廿多年重聚～
接替已經重播完的《皆大歡喜》，想不到在劇中飾演劉錦的阮兆祥，原來亦已經約滿。
報道亦稱在大台的藝人目錄上，已經不見了阮兆祥的名字，其後得知祥仔已於3月約滿無綫。
不過回復自由身的祥仔，亦不用擔心生計問題，事實上目前祥仔除了主持電台節目外，早前與夏雨、米雪等人到巡迴演出舞台劇《秘密》，加上在大陸接下不少商演活動，所以收入絕不成問題，祥仔亦曾經在訪問上表示，始終不在是新晉演員，在娛樂圈打滾了一段日子，所以目前工作並不會只向錢看，會選擇自己有興趣的工作，除非不做，否則一做就要最好，為自己省靚招牌！
今日《蘋果》曾經向祥仔了解，但仍未有回覆，不過祥仔在自己的facebook上亦有轉發有關離巢的報道。
(綜合報道/apple daily)
天后謝安琪（Kay）以高衩斜肩裙出席化妝品牌活動，她表示其實成家都不貪靚，自己都是工作需要才化妝，平時都是淡妝為主，問到老公張繼聰呢？
她笑言：「你覺得佢貪靚咩？（佢成日操到咁大隻？）佢係鍾意鍛煉自己，都係為工作，都好佩服佢，佢追求男人健身嗰種紀律、好有目標嘅精神。（佢操幾耐？）每日都會練一至兩個鐘，可能每星期得一日休息一次，我自己都有做運動，但冇佢咁勤力。」
問到他們可有一齊操人魚線、馬甲線？她笑言：「冇呀，我哋資歷差太遠，佢十幾歲就自學健身，仲會睇書研究，跟教練一齊操。（佢第日可以做教練？）不過我唔希望佢做我教練，因為太苛刻喇，佢對自己都好苛刻。」她亦謂仔仔都喜歡做運動，自己都會鼓勵身邊肥了的朋友或生BB後做運動收身，因為最快見效。
而講到日前她與老公為囡囡慶祝兩歲生日，她表示：「係呀，我哋去咗啲親子餐廳度玩，同埋幾個BB朋友一齊玩，佢玩得好開心，我都開心。」
問到開始為囡囡搵學校未？她表示：「有呀，我冇報好多間，但好開心報親嗰啲都有再面試。」
另外，講到老闆麥浚龍話今年幫她開騷，她表示：「係呀。（會係幾時？）今年，但留番佢宣布。（紅館？）係呀。（你有咩準備功夫？）我好早開始做運動，心態都冇壓力。」
(on.cc)
藝人謝霆鋒主理的《鋒味》最近在ViuTV播出，最新一集講述他找來嘉賓張一山，二人今集的任務是炮製一餐飯回饋當地著名的「順德自梳女」。
霆鋒和一山為了採用最新鮮的食材，二人挑戰在農場徒手捉雞，從小怕「毛茸茸」動物的一山，被嚇破了膽。
面對滿地跑的雞，他一臉無奈：「這麼大的雞，肯定比我還有勁。」霆鋒費盡心思終於抓到雞時，一山卻不小心又把雞放走了，令霆鋒哭笑不得。
為了做出正宗廣東菜的味道，霆鋒還特意邀請爸爸謝賢（四哥）及汪明荃（阿姐）指點助陣。
四哥和汪阿姐講起當年二人合拍劇集《千王之王》時，有一日在片場內，四哥收到霆鋒出世的消息後，立刻前往醫院。
他笑言第一眼見到霆鋒時竟然衝口而出：「咁醜！」在旁聽到的霆鋒不甘示弱地回應：「似你囉！」
四哥補充當時第一次抱起霆鋒，眼淚就不自覺流了。
(on.cc)
藝人呂慧儀自公開離婚消息後一直投入工作。
佢喺Instagram上載限時短片，見佢手肘一大片紅腫，並謂：「受傷 痛死水水了。」
而另一條短片中，見佢接受治療，木無表情嘅佢說：「真係好痛。」又留下「無奈」兩字。
剛在將軍澳電視城現身的她，拒絕記者拍照，但仍透露早些時候她為劇集《愛．回家之開心速遞》到一間酒店的泳池邊拍攝外景，但不慎失平衡，成隻手撞埋去，因為太痛，她即到醫院檢查：「好彩冇斷骨，但要就住就住。」
雖然受傷她堅持頂硬上開工，因為不想甩廠，她說：「跟住我拍嘅戲分只係企喺度講對白。」搏殺還搏殺，要小心啲呀！
(IG/on.cc)
內地女星趙麗穎早前為老公馮紹峰誕下豬仔。
趙麗穎仍然坐月調養身子，但新手爸爸就急不及待接受大陸傳媒訪問講感受。
這也是馮紹峰在初為人父之後首次接受的專訪，訪問期間他難掩初為人父的喜悅：「以前感覺甚麼都不會做，而且心態也比較浮躁，但是有了孩子後，就覺得自己有耐心了，而且現在也會照顧孩子了。」
主持人再問到趙麗穎甚麼時候會復出重新拍戲？馮紹峰就透露：「我媽媽表示如果身體沒養好，那就不會同意拍戲。」看來趙麗穎深得馮紹峰的媽媽心，婆媳關係很好。
主持人又問到，你們夫妻兩個人經常拍戲，那麼以後孩子會選擇由誰來帶呢？他說：「她真的很熱愛拍戲這份工作，所以以後會盡量的少拍一些戲，把更多的時間留給孩子，讓她能夠有足夠的時間去拍戲。」
問到趙麗穎在初為人母之後有甚麼樣的變化嗎？說到這裏馮紹峰無奈一笑，因為趙麗穎有了孩子之後，彷彿沒有那麼堅強了，心思特別的敏感，有時候哄不好孩子，自己也會跟着哭鼻子。所以這個時候馮紹峰就慘了，不僅哄兒子，更要哄妻子。
陳豪、陳茵媺是圈中的模範夫妻，兩人一直恩愛甜蜜，與3名子女組成幸福五口之家。
昨日他們夫妻檔出席護膚品牌活動，白色打扮襯到絕。陳豪公開大讚老婆擁有天使般的心，美麗又有智慧，還為他帶來3個小天使，一屋都是天使。兩人認為一家人相處，愛很重要，經常將「我愛你」掛在口邊，所以他們絕對無七年之癢。
陳豪在活動上對陳茵媺發表愛的宣言，大讚陳茵媺是天使，擁有天使的心和外表，美麗有智慧。他邊說邊面紅，陳茵媺冧爆甜笑。之後受訪時，問到陳茵媺，陳豪平時是否經常口甜舌滑？她笑着承認：「Yes！但這是好事！」陳豪笑着擰頭說：「邊有！」但繼續向老婆示愛：「我講事實，我生命裏面遇到這位天使，然後fall in love到結婚，然後天使又帶多3個天使畀我，全屋都是天使！」
陳茵媺表示只會在家對老公甜言蜜語，好少公開講，「我們一向講真話，因為是真愛，所以我們之間沒有秘密」。他們認為愛好重要，每日都對另一半和孩子講「我愛你」，亦教育小朋友什麼是愛。陳豪說：「每日出門前不單攬一攬，仲一定要惜到嘴為止。」陳豪覺得愛情是一門高深學問，「不單只講情情塔塔，仲包含很多方面」。陳茵媺認同愛能令人增添自信和正能量。
問他們是否以行動實踐愛，因此誕下3個孩子？陳茵媺笑言不懂回答；陳豪則笑說：「好多人遺忘了愛，也不容易講出口，其實愛要行動，也要講，想也是愛，所以我們關係好透明，要講給對方去感受，怎樣辛苦、怎樣去感激對方！」問他們一起7年，有沒有7年之癢？兩人齊聲說：「無！」
他們經常夫妻檔出席活動搵真銀，陳豪說有很多活動邀請，一齊工作、一齊湊小朋友，是很好的經驗。說到3個孩子，陳茵媺透露兩歲女兒Camilla開始貪靚，「好貪靚，她鍾意紮頭髮，要揀靚衫先出街」。陳豪續說：「阿仔說要做爹哋，阿女想做媽咪都好正常！」
(mingpao)
