藝人羅天宇冒雨出席跑步活動，他透露平時多數打籃球、做Gym，但比較少跑步，他表示：「想試多啲唔同運動，例如最近都有去行山，可以帶埋狗仔去。」續透露將會參演無綫新劇《降魔的2.0》，而他的戲份會集中於劇集的最後5集。
他表示：「我演一個古代降魔人，要着古裝。隔咗成6至8年冇拍古裝，好彩到時拍嘅天氣唔太熱、又唔太凍，我件戲服都有成10幾層，同埋都有打鬥戲份，所以之後要上Training準備。」
講到華姐競選當日，跟兩位舊愛湯洛雯（靚湯）及苟芸慧同場，其中當朱千雪睇到他與靚湯的合照笑時指二人合襯，靚湯毫無忌諱神回：「如果唔襯都唔會一齊四年啦！」
羅天宇聞言即大讚靚湯：「佢係一個直率、好Nice嘅人，咁答都唔出奇！（你幾時會識番個女朋友？）慢慢嚟！」
(on.cc)
38歲女星何嘉莉（Lillian）尋日晒出身穿手術袍食快餐嘅相，似乎就快生得。
但原來佢喺前日（7日）晏晝已成功誕下第三胎，六磅九「小公主」剖腹出世。
已育有一子一女嘅Lillian之前兩胎都係開刀生產，所以今次都係選擇，雖然之前有兩次經驗，但係今次入手術室前Lillian都係好緊張！「御貨」過程順利，機師老公Gerald都有入產房剪臍帶，Lillian話：「BB重6.9磅，暫時都未睇得出似邊個。」
屋企多咗個小公主，一對仔女都好心急要見吓小妹妹，Lillian又表示阿仔見到BB好興奮：「今次我冇代送禮物畀哥哥姐姐，之前囡囡出世就有送禮物畀哥哥，但今次我就話將個BB送咗畀佢哋，就係最好嘅禮物，佢哋都不知幾開心。」
問到BB改咗名未，Lillian就話已經改咗英名文，叫Raina：「係拉丁名，代表王后意思。雖然佢係屋企入面最細，但我哋會當佢好似女皇一樣，萬千寵愛。」而Lillian亦有在社交網發文宣布喜訊：「OUR HEARTS GROW MORE FULL OF LOVE EACH DAY. ANNOUNCING THE ARRIVAL OF OUR NEW LITTLE GIRL.（心中的愛每日都增加一點。正式宣布我哋嘅小女孩的到來。）」
(IG/on.cc)
不少父母為了要子女贏在起跑線，都會花盡心思催谷他們入讀名校。
歌手蘇永康（阿公）亦不例外，雖然寶貝仔蘇展弘（Jazz）未夠兩歲，但阿公已開始為囝囝的學業操心！
日前下午約3時，阿公與太太Anita帶着Jazz現身位於紅磡一所國際英文幼稚園進行學前班面試，見Jazz打扮得相當醒目，兩公婆為免囝囝入到學校失控扭計，預早帶備一個大公仔隨時氹仔。
Jazz面試後攬住公仔由爸爸抱着離開學校，媽咪則在旁傍實，見Jazz眼仔睩睩四圍望十分可愛。
情到濃時，阿公更忍不住錫啖對方！
其後一家三口行至座駕旁邊，阿公放囝囝落地自己行，但Jazz突然扭計唔肯上車，阿公隨即出絕招，一手抱起囝囝玩「飛人」，其後再安頓囝囝上車。
如果Jazz面試成功，將會是天后陳慧琳兒子「蝦餃仔」和「小龍包」的小師弟。
(on.cc)
藝人呂慧儀尋日（9日）同老公黃文迪喺社交網發聯合聲明宣布離婚，唔少身邊人都好震驚！
但曾喺呂慧儀婚禮上擔任姊妹嘅女星傅嘉莉（Kelly）於今日凌晨時分突然喺IG發咗一篇6百幾字長文（相關新聞：https://goo.gl/Pxznki）。
暗寸呂慧儀同老公當年借佢造新聞，仲表明同佢哋唔再喺朋友，一啲都唔畀面！
到咗今早，呂慧儀喺發表離婚聲明後再次更新社交網，佢上載一張文字圖，似意有所指。
「I truly appreciate kindness. I appreciate people checking up on me. I appreciate a quick message，I appreciate those who ask if I’m okay，I appreciate every single person in my life who has tried to brighten my days. It’s the little things that matter the most.（我好欣賞善良嘅人，我好感激有人嚟慰問我，我好欣賞有人會發訊息，我感謝嗰啲會問我係咪仲係OK嘅人，我感謝生命中每個為我帶嚟希望嘅人，呢啲都係小事，但係最重要。）」
【傅嘉莉指當年受盡冤屈 呂慧儀曾PO相﹕她是一個好女孩】https://goo.gl/ZwQJBf
【呂慧儀宣布離婚 傅嘉莉竟然PO長文暗寸⋯】https://goo.gl/Pxznki
【呂慧儀宣佈離婚前 黃文廸被爆⋯】https://goo.gl/6YAvAy
【終於打破沉默】呂慧儀發離婚聲明首度開腔回應 https://goo.gl/PYt4m7
【最後合照曝光】呂慧儀：生蟹籽後我哋就冇過情人節 https://goo.gl/oqRkLr
【平時開工有講有笑】《愛回家》龔燁：有叫呂慧儀要堅强 https://goo.gl/WBvCuv
【囝囝蟹籽就…】呂慧儀黃文迪宣佈離婚 https://goo.gl/PxXhDf
(on.cc)
藝人呂慧儀喺電視劇《愛．回家之開心速遞》飾演熊若水一角大受歡迎，尋日（9日）凌晨佢同老公黃文迪突然發聯合聲明宣布離婚，唔少圈中人都大嘆可惜！
不過都仲有例外，今日凌晨傅嘉莉（Kelly）就喺IG發咗篇長文，6百幾字嘅內容暗寸呂慧儀同老公當年借佢造新聞，除咗表明同佢哋唔再喺朋友之外，臨尾仲話做人唔使靠呢啲新聞，只要做好自己就會有人睇到！Kelly言詞都幾激烈完全唔留口，唔通佢唔怕畀人話佢喺呢段時間抽水博見報？
Kelly嘅回應轉頭同大家講，喺呢個時候先同大家回憶吓當年發生乜嘢事先。話說2013年黃文迪喺IG上載咗張喺車內同一位搽咗黑色指甲女子玩十指緊扣嘅相，隔咗冇耐呂慧儀就喺微博都話唔記得自己有搽過黑色指甲，仲問黃文迪係咪擺錯相。
唔少網民即刻偵探上身，查吓當時邊個識黃文迪又有黑色指甲，最後矛頭直指傅嘉莉，因為佢同黃文迪曾經喺過同一間模特兒公司工作，加上早幾日出活動佢的確係搽咗黑色指甲，傅嘉莉當時就無端端背上「偷食人夫」之名。
講番Kelly會唔會擔心畀人話佢借機抽水，佢就話：「我要講嘢都喺IG入面寫晒，其他就唔回應。（怕唔怕畀人話你依家出嚟抽水？）我只係講自己想講嘅嘢，呢啲都係我個人感受，其他人點諗控制唔到。」
【傅嘉莉PO長文暗寸呂慧儀被大批網民鬧爆 連胡杏兒都有留言⋯】https://goo.gl/SFtQcn
【傅嘉莉指當年受盡冤屈 呂慧儀曾PO相﹕她是一個好女孩】https://goo.gl/ZwQJBf
【畀傅嘉莉暗寸 呂慧儀離婚後首PO相：我欣賞善良嘅人】https://goo.gl/fGqttr
【冇乜邊個知呂慧儀離婚 劉丹：我一直覺得呢個女仔好犀利】https://goo.gl/LKwoQF
【呂慧儀宣佈離婚前 黃文廸被爆⋯】https://goo.gl/6YAvAy
【終於打破沉默】呂慧儀發離婚聲明首度開腔回應 https://goo.gl/PYt4m7
【最後合照曝光】呂慧儀：生蟹籽後我哋就冇過情人節 https://goo.gl/oqRkLr
【平時開工有講有笑】《愛回家》龔燁：有叫呂慧儀要堅强 https://goo.gl/WBvCuv
【囝囝蟹籽就…】呂慧儀黃文迪宣佈離婚 https://goo.gl/PxXhDf
(on.cc)
現年36歲的呂慧儀與41歲丈夫黃文廸於11年結婚，三年後誕下可愛囝囝Anton，可惜兩人最後敵不過七年之癢，前晚發共同聲明宣佈離婚。
聲明中，兩人強調：「我們已於2018年決定由夫妻變回朋友關係，當時的決定不涉及任何第三者。我們選擇低調處理是為免影響兒子的成長。」更表示未來會「共同撫養孩子」，兩人目前的關係「仍是彼此相知和關心的」。
陳先生指兩人之後齊齊於灣仔下車，見到該短髮女子身材略矮小：「佢哋冇拖過手，但係覺得佢哋好甜蜜，黃文廸好有風度咁幫個女仔拎住雨傘，等落咗車後先畀番佢，跟住佢哋一齊行。」
記者前日拿着短片和相片求證呂慧儀，當時她在無綫剛拍完處境劇，收工後準備揸車離開。
她禮貌絞低車窗接受訪問，當聽到老公啜女後，反應錯愕，睇完短片後更皺晒眉，反問︰「係？」見到相中女子，更說：「呢個……路人嚟咋？」
問到與丈夫有否對此事溝通，以及是否婚姻出問題，她鎮定地擠出笑容說：「屋企事唔回應。」問她看完照片是否不開心？她無奈說：「我要返去湊仔。」而當晚二人就發出離婚聲明。
事實上，呂慧儀和黃文廸感情生變有迹可尋。今年情人節，呂慧儀上載了一張玫瑰花相，事後女方接受訪問時，指玫瑰花是老公所送，但當時她忍不住呻說囝囝出生後，與老公恩愛大減︰「生小朋友後我哋就冇過情人節，只係慶祝囝囝半歲生日，我同老公講做樣都要送紮花吖。」
呂慧儀與黃文廸一個是06年港姐季軍，一個是08年參選香港先生入行，奈何男方在娛樂圈的發展一直不及老婆，不時傳出女尊男卑，兩人最後還是分手收場。
【畀傅嘉莉暗寸 呂慧儀離婚後首PO相：我欣賞善良嘅人】https://goo.gl/fGqttr
【呂慧儀宣布離婚 傅嘉莉竟然PO長文暗寸⋯】https://goo.gl/Pxznki
【終於打破沉默】呂慧儀發離婚聲明首度開腔回應 https://goo.gl/PYt4m7
【最後合照曝光】呂慧儀：生蟹籽後我哋就冇過情人節 https://goo.gl/oqRkLr
【平時開工有講有笑】《愛回家》龔燁：有叫呂慧儀要堅强 https://goo.gl/WBvCuv
【囝囝蟹籽就…】呂慧儀黃文迪宣佈離婚 https://goo.gl/PxXhDf
(apple daily)
今日喺四季酒店舉行結婚晚宴，正式拉埋天窗，恭喜晒！而一班兄弟姊妹團除咗圈外朋友外，仲有好友陳庭欣（Toby）同林盛斌（Bob）坐鎮，Toby喺網上分享一班兄弟姊妹團相，見佢哋着晒一身形格西裝兼戴上墨鏡，大擺chok甫，型到冇得輸！
接得新娘，當然唔少得要接受一連串考驗，先娶得美人歸。魔術師甄澤權（Louis Yan）不停答錯，連累兄大家食wasabi餅乾，仲要罰每人做20次掌上壓！
Bob提議由佢一個人做晒，見到Bob做到面都紅晒，為咗Louis，果然夠晒兄弟，而Toby就負責做「改衣女工」，幫啲兄弟改短褲腳。
之後Louis仲好怕醜咁講愛的宣言，Toby就搞笑大叫：「唔係望住同我哋講」最終Louis成功接到新娘，一對新人即刻當眾錫錫，網友都話隔住mon都覺sweet呀～
(on.cc)
港姐港男出身嘅呂慧儀及黃文迪（Dickson）今日凌晨突然宣布分訊，令不少人感惋惜！呂慧儀2006年參選港姐獲得季軍，Dickson就喺2008年參選港男入行，不過兩人喺做Model時已經相識。
呂慧儀最後奪得季軍
喺2011年11月24日，呂慧儀突然喺社交平台宣布：「我要結婚了！」加上一張只背影婚照，原來新郎係拍拖10年嘅Dickson！到2014年，兩人更榮升父母！
雖然外型襯到絕，但喺事業發展上就大不同，呂慧儀有唔少拍劇機會，憑《原來愛上賊》「長腳蟹」一角一劇成名，人氣急升，之後仲跳入大銀幕與影帝黃秋生拍攝電影《Laughing Gor之變節》，而近年更以《愛．回家之開心速遞》「熊若水」入晒屋，形象討好！
相反，Dickson星途麻麻，加入無綫後冇咩大作為，多數都係演小角色，之後暫退幕前轉型做健身教練，雖然喺2015年重返無綫，不過依然未有令人印象深刻嘅作品。
一個事業起飛，一個事業低迷，女尊男卑間接成為感情生變嘅導火線，差距愈嚟愈大，又聚少離多！而兩人離婚亦有迹可尋，呂慧儀Instagram最近一張與Dickson合照已經係2018年9月2日，其他嘅相就以仔仔及《愛．回家》家人居多。
而人前嘅佢就交足戲，今年情人節佢都有提起「老公」：「我同老公（黃文迪）講做樣都要送紮花呀！」但對人歡笑背人愁，原來上年已經離婚，真係令人意想不到……
【終於打破沉默】呂慧儀發離婚聲明首度開腔回應 https://goo.gl/PYt4m7
【最後合照曝光】呂慧儀：生蟹籽後我哋就冇過情人節 https://goo.gl/oqRkLr
【平時開工有講有笑】《愛回家》龔燁：有叫呂慧儀要堅强 https://goo.gl/WBvCuv
【囝囝蟹籽就…】呂慧儀黃文迪宣佈離婚 https://goo.gl/PxXhDf
(on.cc)
今年以47歲殺入樂壇轉型做歌手的康華在電台錄音訪問中，大談昔日情史，她拍拖的次數屈指可數，被問及單身十年的原因，她說：「入行後都拍過四次拖，曾經有個男朋友，分手後我問佢點解要分手，佢話我好悶。後來我都知道自己有呢個問題，我呢個人係好悶，以前我只會工作，唔多講嘢，亦唔識撒嬌，但我依家開始識啦！」
她又坦言戲裏戲外予人的感覺反差很大都是成為異性絕緣體的原因之一：「其實我覺得人哋唔會對我有興趣，有日我同MV導演傾開感情嘅話題，佢都同我講『你都怪怪咁，我係男生都唔會同你一齊。』佢話我平日畀人嘅感覺同真正嘅性格唔同，譬如我演戲，我可以演得好風情萬種、好姣都得，但Cut機我就唔出聲，完全同角色唔一樣。」
雖然康華一直單身，但在節目中，她亦透露有不少人向自己求婚：「其實向我求婚嘅人好多，但係唔會接受，例如曾經喺內地有一個年紀比我輕嘅人，只認識咗十五分鐘就追求我，翌日就向我求婚。佢攞住一張支票向我求婚，同我講『走吧！我們去買戒指！』呢啲做戲先會出現，現實係好不切實際，真係唔能夠接受。」
（on.cc）
藝人呂慧儀與黃文迪於凌晨宣布離婚，七年婚姻告一段落！
兩人指離婚不涉及第三者，兩人會共同撫養兒子。呂慧儀近年拍《愛．回家》備受注目，《愛》一眾演員得悉消息都十分愕然。
而當事人呂慧儀與黃文迪至發聲明今，一直未有回應。至今午傍晚時份，呂慧儀終開腔回應…
只簡單說：「不再回應了，謝謝大家的關心和體諒。」
【被指女尊男卑成導火綫】呂慧儀黃文迪離婚一早有迹可尋 https://goo.gl/XfdWs5
【最後合照曝光】呂慧儀：生蟹籽後我哋就冇過情人節 https://goo.gl/oqRkLr
【平時開工有講有笑】《愛回家》龔燁：有叫呂慧儀要堅强 https://goo.gl/WBvCuv
【囝囝蟹籽就…】呂慧儀黃文迪宣佈離婚 https://goo.gl/PxXhDf
（綜合報道 / on.cc）
