【港飛魚杜敬謙猝逝】女友忍痛承認其死訊：會努力像他一樣堅强

2019-03-20

26歲港產「飛魚」杜敬謙昨日於美國訓練時猝逝，香港業餘游泳總會會長王敏超接受傳媒訪問時表示痛心，指是香港泳壇一大損失。

在港出生的杜敬謙兩歲移民澳洲，2016年未能游進奧運後回流返港，直至2017年獲得代表香港出戰的資格。他在去年戰畢雅加達巨港亞運後，已表明以明年東京奧運為目標，希望首次游進這最高舞台圓夢。

他在去年底出戰短池世界賽，歷史性游進決賽成香港男將第一人後，便赴美國特訓及參賽。奧運達標期本月已展開，他此行重返長池項目，亦是為爭入奧運準備。

杜敬謙回流發展另一原因，是其女友為香港人，後者不時追隨杜敬謙外出比賽，包括2017年全運亦有赴天津，親身為男友打氣，以往在記者面前表現恩愛。杜敬謙為女友及融入香港生活，亦在短時間內重拾廣東話，每次訪問堅持以廣東話對談。

26歲的杜敬謙今早在美國訓練期間，突然於更衣室暈倒，送院搶救後不治。香港業餘游泳總會會長王敏超，指消息令人痛心，形容他所認識的杜敬謙溫文有禮，亦是港隊奧運希望。王敏超又稱，泳總正與其家人聯絡，希望提供援助，待了解情况後，研究是否派員赴美。

男飛魚突然離世震驚體壇，他身邊的人肯定更傷心難過，杜敬謙女友Kelly在社交網站回應好友慰問，表示很難承認他真的走了，但會嘗試做到堅強，就像他一樣。

Kelly留言：「謝謝大家的支持，我終於有勇氣看留言，真的很難保持堅強，因為很傷心去承認，他真的走了……但我會嘗試努力變得堅强，就像他以前一樣，以及他希望我能做。」

【預告會重返《愛回家》!?】覺得好感恩：大家多多支持

2019-03-20

她受邀出席護膚品牌活動，提到去年工作不斷，坦言相當感恩，又透露即將出發到日本拍攝外景：「今次有機會參與嘟姐（鄭裕玲）嘅綜藝節目，真係好開心、好期待，雖然未必有機會同佢同場，不過已經好榮幸，希望以後有機會喺佢身上學習主持技巧。」

另外她更預告，未來有機會回歸《愛．回家開心速遞》：「大家最掛住嘅是非精暫時告一段落，不過嚟緊都有好多機會見到我㗎，希望觀眾可以多多支持！」

自言是貪靚一族的仙氣女神鄺潔楹（Judy），對美白相當有心得：「我自己好好彩，遺傳咗媽咪嘅白雪雪皮膚，加上本身好注重飲食，平日經常飲薏米水、檸檬水，除咗可以去水腫，仲有助美白。」

雖然天生麗質，不過Judy表示近年經常主持外景節目，皮膚竟在不知不覺間黑了兩度…

「其實我出外景已經係咁搽防曬，有時會誇張到一日用一支，不過可能都係唔夠，加上自己好鍾意戶外活動。難怪化妝師同我講，我上年出完外景返嚟，皮膚黑咗兩度！以前會覺得身邊啲朋友好誇張，出街要擔遮、又着長袖衫防曬，但係嚟緊我都會效法佢哋，準備外景三寶先出街，哈哈。」

如果Judy真的回歸《愛回家》，收視一定節節上升，不少觀衆都很期待再見到Venus啊！

（綜合報道）

【殘到爆】林嘉欣：兩個月唔可以做Facial同搽Cream

2019-03-19

藝人黃秋生、林嘉欣、陳家樂以及導演袁劍偉於「2019英皇電影巡禮」上，介紹新片《死因無可疑》，導演袁劍偉指新片屬心理懸疑電影，而剛奪得多項影帝殊榮的黃秋生，則指跟拍檔林嘉欣是「一剛一柔」的配搭，相當合拍！

而在發放的短片上，林嘉欣角色造型相當搶鏡，不修邊幅兼殘爆，問嘉欣覺得造型與以前的感覺有何不同？

她謂：「我本身係好聽導演話既演員，加上今次導演係我先生，拍攝嘅時候，佢叫我兩個月唔可以做Facial同搽Cream，就係咁造就到呢個角色。」

(on.cc)

【幾個人埋單成….】陳家樂嗌肉痛：食咗我隻車！

2019-03-19

藝人陳家樂早前留守內地，為林超賢執導的英皇電影《緊急救援》開工。近日大隊終完成內地外景拍攝，趁機返港換行李兼稍作休息，日內再出發前往墨西哥繼續拍攝。

家樂返港後自掏腰包，請經理人公司同事飯敍：「想慰勞吓大家，加上我覺得自己好耐冇食過生蠔同牛扒，真係好想食，點知班同事一不做二不休，搵咗間五星級酒店食自助餐，幾個人埋單三幾四千蚊，食咗我隻車！」

當被同事笑孤寒，家樂直認不諱：「三千幾蚊夠我一個月伙食喇，肉痛呀。」

(on.cc)

【至今仍未同劉愷威分家】被爆公司人去樓空楊冪發文

2019-03-19

劉愷威和楊冪於去年12月宣佈離婚，女兒小糯米由兩人共同撫養，雖然家事已經有定案，不過當年他們愛得火熱的時候，除了情侶檔賺錢外，兩人都有不少共同資產，但有報道指他們至今仍未分配，甚至劉愷威仍然是楊冪的經紀公司旗下藝人。

然而，最近有網民在網上流傳，楊冪工作室嘉行傳媒的辦公地點已經人去樓空，於是惹來不少猜測，不過有工作室的職員對傳媒表示，去年11月工作室搬家了，其後嘉行傳媒在官方微博留言：「有人說嘉行人去樓空？因為我們搬家啦，去年11月，為了給所有藝人和公司同事們一個更舒適的辦公環境，我們搬進了新家，接下來『一嘉人』就要在這裏一起繼續努力啦，希望給大家帶來更多更好的作品！」

而楊冪今日亦轉發微博兼留言：「介紹新家給大家，未來我們一嘉人會繼續一起努力！」雖然他們在工作上未分家，但已經不如以往共用嘉行官方微博宣傳，現今各自成立工作室宣傳兼發放消息。

相關新聞：

【瘋傳與王菲分手將公佈楊冪相戀】謝霆鋒親回應 https://goo.gl/3DA6bF

【早前瘋傳已懷第二胎】楊冪深夜發文網民譁然 https://goo.gl/UzZJom

【產檢報告曝光】楊冪突被爆懷上第二胎！？ https://goo.gl/1T5xnw

【現身北京機場】楊冪來港探小糯米一日即撇 https://goo.gl/L3Zay2

【前妻楊冪返港探女】劉愷威湊女勁忙一聽到就話… https://goo.gl/Ep3r4G

【完全唔知楊冪返港探小糯米】劉丹：都唔知乜嘢事 https://goo.gl/5wt7oU

【離婚後首現身香港】楊冪頹爆返港探小糯米 https://goo.gl/3jme7S

【傳與王菲分手謝霆鋒楊冪將公佈戀情】楊冪首回應 https://goo.gl/qkHGpg

【係同劉愷威離婚嘅原因？楊冪：活出自己想要的樣子】https://goo.gl/AZS6K1

【媒爆將公布新戀情楊冪終於返港探小糯米】https://goo.gl/5VLxF2

【而楊冪就…劉愷威難掩笑容：小糯米喜歡】https://goo.gl/Ye7L7M

【一提楊冪即變臉劉丹話仔仔：對人唔好，對戲都唔好】https://goo.gl/4AuUVo

【離婚後首個農曆年劉愷威去咗⋯楊冪趕住返港與小糯米團年？】https://goo.gl/7wnBx5

【五歲小糯米同爸爸餅印咁捕獲劉愷威竟然親力親為…】https://goo.gl/4DZv84

【傳楊冪爭小糯米撫養權劉丹回應…】https://goo.gl/4T8ra1

【劉愷威一直都…問到小糯米劉丹就答】https://goo.gl/VUsHT4

【劉愷威獨自湊女】4嵗小糯米一聽到媽媽楊冪就… https://goo.gl/kQR9uf

【劉愷威宣布離婚後首度公開現身睇到網民嘩嘩聲】https://goo.gl/yu2mFT

【傳楊冪同劉愷威爭小糯米撫養權：不晒不代表我不愛女兒】https://goo.gl/Nhj9V9

【被指出軌劉愷威粉絲留言”討厭你”】楊冪離婚後首發文 https://goo.gl/2b2SDY

【離婚後被拍到…】劉愷威被指係爲咗要抹黑前妻楊冪 https://goo.gl/a3Mptm

【劉愷威抱小糯米行街片段瘋傳楊冪：我會慢慢好好地走下去】https://goo.gl/dJVnra

【離婚後首度公開現身輕攬為楊冪打氣！？】https://goo.gl/5LYc9Y

【3年得37日係陪小糯米…楊冪：那是你的問題】https://goo.gl/uJ3H2G

【疑離婚後首開腔楊冪：接受自己所有的經歷與遭遇】https://goo.gl/upeUMD

【孫女小糯米點？】劉丹首開腔回應楊冪劉愷威離婚 https://goo.gl/Jmpttm

【奶奶嫌無孫仔抱超難頂!?】楊冪劉愷威被爆離婚内幕 https://goo.gl/Uv9Sji

【劉愷威當年霸氣求婚楊冪：家庭不應該成為束縛】https://goo.gl/v9DDmG

【傳兩個月前搞離婚劉愷威楊冪揀喺冬至宣布分訊係因為⋯】https://goo.gl/yCC5ez

【傳楊冪劉愷威將宣佈離婚】楊冪：結果依然逃不掉傷心 https://goo.gl/bsjagk

【傳即將與劉愷威宣佈離婚】楊冪首回應 https://goo.gl/y32cKv

(appledaily)

【突然畀網民踢爆】「大小姐」林淑敏鎮定承認…

2019-03-19

於《愛．回家之開心速遞》中飾演兇惡「大小姐」一角嘅林淑敏（Mandy），私底下其實相當溫柔！

早前佢喺拍攝《流行都市》休息期間，於big big channel做直播，同網民互動，時托頭時甜笑，相當Sweet，仲用好柔和嘅聲音話自己近排「唔夠瞓」有黑眼圈！

之後，講到拍《流行都市》通常會着自己衫，有網友搞笑話Mandy身穿嘅「主持衫」都着過好幾次，難得Mandy處變不驚，亦冇變身「大小姐」講「豈有此理」，繼續用超溫柔嘅聲線好鎮定答：「係呀，環保呀嘛，唔會着一次啦。」

「大小姐」林淑敏私下原來好注重環保，果然係一個好老婆呀！

(綜合報道 / on.cc)

【準新抱原來係佢】夏雨就嚟做老爺！？

2019-03-19

藝人夏雨以電影製作公司執行董事身份，現身香港國際影視展舉行自家公司的電影發布會，席間介紹10部新戲。夏雨受訪時表示香港公司佔其中4部，今年亦會同一班新力軍合作：「上年有個『我要做導演』計劃，簽咗3個新導演、3個編劇，佢哋都籌備緊啲新Project即將開拍，依家係年輕人嘅世界，老鬼要退讓。（唔做導演？）冇做啦！（咁做演員？）會，啱我咪做，做咩唔參與？」

他透露今年會參與一部自家製作的警匪網劇：「準備緊劇本，設計咗個角色好正！（仔仔黃奕晨會參演？）盡量安排一個角色畀佢，畀多啲機會佢練習吓。（會唔會搵埋佢女友Super Girls成員Cheronna做情侶檔？）有角色啱都冇所謂。」問到二人何時結婚？

夏雨準新原來是一名歌手，來自Super Girls的Cheronna，好靚女啊！

夏雨即笑話：「咁要問番佢哋啦！我真係唔知。（不聞不問？）唔問啦，都咁大個！應該結就結，順其自然。」

講到新年期間舉家返加拿大，而Cheronna亦有同行，他指是刻意安排：「好難得一家人一齊去旅行，大家啲時間好難就，對上一次都唔知隔咗幾耐。（Cheronna融入家中？）一個後生女一齊去旅行。（當咗佢係未來新抱？）冇諗呢個問題，一切隨緣，佢哋嘅人生，佢哋決定，唔由得我去干預。」

(on.cc)

【同男友石恆聰…】阿Sa：佢都明白嘅，但暫時仲未得

2019-03-19

阿Sa出席英皇電影巡禮，宣佈開拍另外兩套戲《感動她77次》及《神探大戰》，阿Sa稱拍每一套電影均有不同特式，演出不會有壓力，尤其在電影《原諒他77次》續集《感動她77次》的演出，阿Sa說：「上次電影成績比較好，今次打咗底，對今集有啲信心，自己係第一次睇《感》及《神》嘅宣傳片，睇番《神》自己喺戲裡面嘅演出，諗番真係拍得好辛苦，有一幕我畀保鮮紙包頭，嗰一幕完全唞唔到氣，本身保鮮紙係拮咗兩個細窿，可以唞氣，點知導演拍近鏡嗰陣，話見到兩個窿，要再包多一層，真係要閉氣拍攝。」

蔡卓妍（Sa）憑電影《非分熟女》第三度獲金像獎最佳女主角提名。她早前為宣傳《非分熟女》與攝影師KAON合作，以「非分」為主題，今日亦舉行攝影展分享會，她說：「我們係一直合作開，大部份廣告相、劇照都係同佢合作，今次想影一啲比較特別啲嘅相，比較自己啲，通常廣告多數要跟人哋要求，今次可以多啲諗法，化淡妝示人，我私人時間嗰陣，一定係素顏，因為平時成日要化妝。」

阿Sa稱富二代男友石恆聰一早見過她的素顏樣，笑言：「唔使開工，一定唔化妝！」被問日前二人出席豹哥單立文生日派對，手拖手步出，阿Sa再笑一笑：「咁都見到喇！好正常，冇理由忽然唔拖手，佢同我出席朋友活動都OK，不過佢始終係圈外人，唔適應面對鏡頭，如果影相，最好遠一啲影，或者唔好落閃光燈，唔好太多人一齊影，逐個影會好啲，佢都適應緊，佢都明白嘅，但係暫時仲未得。」

(appledaily)

【患自閉症仔仔升中一】陳錦鴻：唔想讀書就唔好讀

2019-03-19

藝人陳錦鴻與劇集《婚內情》其他演員為ViuTV節目《Good Night Show發洩擂台》擔任嘉賓，他透露患有自閉症的兒子將升中一，近月忙於為他搵學校：「要拜託人搵學校，同埋同佢練模擬面試。（成功咗未？）搵咗好多間都唔成功，不過其實我最想喺8歲開始打擊佢，培養佢逆境處理，調適佢點樣面對負面情緒。」

他亦謂人最怕被人揀，自己都是：「所以我先一簽TVB就簽好多年，拍戲都係一簽就拍9部，我都好想個仔訓練到自己，我同校長講，就算個仔唔成功都好，但我都想畀佢試下有second in，想畀佢有個成長過程學習。」

問到阿仔可有得着？他說：「佢呢3個月成熟咗好多！成個人長大咗兩、三歲，雖然佢長期失眠，因為會緊張。（佢有冇同你哋講會失落或唔開心？）我哋一家人正面面對，陪佢一齊預備面試，一齊睇新聞，又會搵老師幫佢補習英文同普通話，大家一齊陪佢面對壓力同支持佢，等緊唔使到廿幾歲先經歷呢個階段，希望大家都知道雖然件事重要，但唔係一定會得，盡咗力就得。」他又謂阿仔現時已會自己一個睡覺：「本身想佢12歲生日先咁樣畀佢學習獨立，依家就早咗幾個月。」

開明的他又謂跟阿仔講：「如果唔想讀書就唔好讀，搵間渣啲嘅學校都得，去到15、16歲出去做嘢都得，我仲好，唔想使咁多錢同佢補習，所以係佢嘅選擇，只要佢選擇咗，父母就會盡力配合佢。」他又坦言湊仔的滿足感大過拍戲：「因為佢唔係個個都聽教，我係其中佢會聽，同埋依家生活冇壓力，冇咁多煩惱，做到想做嘅嘢，所以我同多年前個樣都冇分別。」