名模熊黛林2016年下嫁圈外男友郭可頌，去年誕下雙胞胎女兒Kaylor和 Lyvia，幸福滿瀉。
話咁快兩個女已經返Playgroup，熊黛林喺社交網上載咗Kaylor和 Lyvia第一日上堂嘅相。
見到一對孖女相當可愛，一時玩吓水，一時又跳入波波池，精力充沛。
熊黛林有感而發表示：「孖寶第一天上學，姐姐專心地玩，妹妹使勁的吃，溫馨的一天。」
(on.cc)
【真係超可愛】熊黛林：妹妹使勁的吃
【方媛生仔重重有賞！？】媒爆郭富城誓要追仔成功 出盡法寶
今年54歲的天王郭富城以前十分貪玩不定性，在2017年與小22歲的方媛結婚並生下女兒Chantelle之後，每次受訪都是家庭為主要話題。他自稱有了孩子之後，很享受一家人在一起的感覺，不會再自己到處玩。
早前，城城宣佈太太方媛懷上第二胎喜訊，成功三年抱兩，令他喜上眉梢之余更放話稱要生夠四個。
本來這句話大家都當開玩笑，但今日就有報道指原來郭天王對生四個孩子事在必行，而且很想追仔。為了追求多子多福，城城出盡法寶，連家居風水也找高人指點配合生仔。
據知情人透露，城城本身是傳統大男人，很想生仔，加上郭媽媽年事已高，很想看到郭家有後，而太太今年才31歲，還有大把時間追仔，如果生四個還未夠，還可以繼續生。
據悉，方媛能當上天王嫂，跟她肯生也有關係。
報道指，郭富城跟方媛早就有言在先，郭媽媽年紀大急著抱孫，而方媛從善如流表示生幾個都沒問題，因此方媛一發現懷孕，二人馬上結婚。
生下女兒後，母憑女貴的方媛要風得風，城城馬上把岳父岳母請來香港照顧妻女，還請來外佣和司機專職伺候。
方媛懷上二胎後，郭富城雖然未有透露胎兒性別，他一早放話如果生仔就重重有賞。
愛妻心切的郭富城亦早就預定好養和頂級私家房，讓方媛生仔能享受星級服務。不介意多生幾個孩子的方媛本身也十分喜歡小孩，哪怕有孕在身也堅持親力親為帶女兒。
早前，有記者拍到大腹便便的方媛陪女兒上課，一個半小時的課程裡她不時要扶著走路仍未很穩的女兒做活動，對孕婦來說並不輕鬆。雖然同行的有司機、外佣和方媛媽媽，但方媛還是經常手抱女兒，不願事事假手於人。
一歲半的Chantelle活潑可愛，樣子跟爸爸很像，十足郭富城的復制版，難怪郭富城待她如珠如寶，很想多生幾個。
(綜合報道 / 騰訊)
【真係會跟魔鬼減肥食譜？】迪麗熱巴：飲足一個月之後竟然瘦咗
新疆美女迪麗熱巴係大陸新一代上位女神，係少女們爭相模仿嘅對象，連整容都要跟佢個樣整咁滯，真係唔講得笑。
正當大家都以為索女明星一定係又節食又狂做機去Keep身材時，迪麗熱巴最近受訪就自爆原來自己鍾意食甜嘢，嗌奶茶仲要加雙份奶霜，熱量爆標，點知飲足一個月之後竟然瘦咗，佢都唔好意思咁解釋：「每個人體質不一樣，別人拿我的經驗嘗試然後胖了。」
佢又自爆曾嘗試戒糖，因此佢睇完紀錄片後發現糖分攝取過多容易造成肌膚老化，加上眼見一位曾合作嘅男演員戒糖4年，外形比實際年齡輕10歲，因此動念效法，但自己親自試過之後，發現控制到第4日就頂唔順，佢就調整方式，吃一小舊蛋糕滿足口慾及心靈後，就有動力繼續努力，因此佢提醒大家要依照自己體質調整先係正確方式。
至於坊間常常流傳女明星戒鹽戒油戒糖戒肉兼絕食等嘅「魔鬼減肥食譜」，迪麗熱巴就爆料話：「說實話，沒見過這樣吃的，長期吃身體承受不住。」
同佢食過飯嘅女演員都係正常咁食嘢，頂多為了角色需要減肥，不過都係跟階段性嘅食譜，例如吃蘋果、花椰菜、沙律等，依照專業指示循序漸進。
雖然佢天生麗質，不過上年佢做金鷹女神時，一襲半透視設「龍袍」加身卻被笑手臂粗壯，仲因而推上熱搜。
(on.cc)
【囡囡越大越可愛】李璨琛畀個女完全收復晒
藝人李璨琛（Sam）自榮升為人父後，每次講親囡囡李元元（Lucy）都流露一副慈父樣，睇見心都甜埋呀！
Lucy直頭當爸爸係玩具一樣，玩人嘅開心，被玩嘅仲開心！大家睇吓李燦森個樣幾冧！
元元喊都喊得好可愛過人~
Lucy一直深得網民喜愛，爸爸Sam經常都會上載唔少囡囡得意相同網民開心share…
媽媽都係曬女狂魔~
今次就見到Lucy玩健腹輪，原來佢見到爸爸喺度玩…
所以Lucy都覺得好新鮮不斷推，最搞笑大家都留意到Lucy個肚腩仔幾凸，難怪Sam都話：「Lucy都覺得自己個肚腩仔愈嚟愈大所以都要跟爸爸做下運動先！」
網民大讚Lucy可愛爆，仲話有個肚腩仔不知幾可愛！
即刻睇慈父李燦森：
(ig / 綜合報道)
【吃走體濕、濕疹】7大要戒濕性食物 + 4大袪濕速效茶
現在進入初春乍暖還寒，不少慣性濕疹患者和氣管患者，應該感到皮膚或氣管痕癢，以中醫角度，這是因為「濕性體質」的關係，而90%的體內濕氣，全是因為「吃出來的」，而不改善濕性體質，就算天天喝袪濕茶，紅豆意米水也是沒有用。今次就讓小編總括要戒的濕性食物和袪濕茶食譜吧！
體濕=脾胃不佳
首先體內濕氣，源自於脾胃功能不佳，造成身體代謝水份功能阻塞，而被身體儲存起來，成為死水。想要改善脾胃功能，加強排濕，就要知道自己吃了甚麼，以及不該吃甚麼。
以下就是濕性體質的人應該避免的7款食物 (造成脾胃功能差的食物)：
1. 冰品
冰品會造成「脾胃虛寒」，因為冰冷食物進入腸胃之後，讓會血管收縮，因為血流量減少，造成腸胃蠕動減慢，所以體內濕氣無法正常代謝，表現於身體上，就會變得怕冷、水腫、脹氣、腹瀉甚至濕疹。
2. 甜食
「五味入五臟」，其中「甘入脾」，但甜品的精緻糖類會傷害脾臟功能，致使腸胃蠕動變慢，引發腸胃不適，表示於身體上，就是會生痰和各種過敏。
3. 辣味食物
小量吃辣雖然可以促進新陳代謝，增加排汗量，但也會很開胃，不小心吃的過多，反而加重脾胃負擔，加上若是「燥性體質」，各種上火的後遺症，嘴破、暗瘡隨之而來。
4. 酒精
酒精傷肝，更耗損脾胃、腎功能，喝完酒後，是否覺得隔日排便濕黏，甚至拉肚子，並覺得口苦，舌苔厚膩的狀況，這些都是體濕的特徵。
5. 油炸食品
油炸品除了肥膩會造成肥胖，更難以代謝，自然濕氣上身，其它疾痛也跟著來。
6. 高鹽、高鈉食品
吃下過鹹食品，血液鈉濃度會升高，身體就會發出將水分留下做為稀釋鈉的濃度；血液和體內水分變多，身體自然變得水腫。
7. 反式脂肪
反式脂肪是指經加工過的植物油，加入食物中變為耐熱而不易氧化變質的特性，但人體難以消化，每日若攝取超過4~5克的反式脂肪，資料患心血管疾病風險將會提高23%；反式脂肪也會造成身體發炎、痰濕等體質。
上述食品類別記得一定要少吃，而「多喝水」一定是促進體內循環最快的方法，尤其是暖開水，因為體溫每上升1度，代謝都會提高 10%~12%。
中醫推介4款袪濕茶
除了多喝水、自製紅豆水、意仁水之外，陳曉萱中醫生還推薦4款茶飲，都可以加速身體排水喔。
1. 排毒茶
材料：
茵陳 15g
炒過的黑豆 15g
茵陳利濕解毒，坊間的養肝茶都有此方；
炒過的黑豆去除涼性，兩者加在一起泡水喝即可。
2. 消脂茶
材料：
鬱金 15g
山楂 15g
陳皮 10g
鬱金可幫助降血脂；山楂有刮油之效，可減少膽固醇生成(注意胃功能不好的，略過此樣材料)
陳皮可理氣，血化痰去燥濕。
3. 清血茶
材料：
三七粉 3g (一日)
加入丹參茶中飲用
三七，又名田七，和丹參茶都可活血化瘀，兩者味道較苦，可加入一、兩片甘草調味。
4. 消腫茶
材料：
玉米鬚 25g
冬瓜子 15g
玉米鬚徹底洗淨後，兩者泡茶飲用。
（綜合報道）
【開始見肚啦！】胡杏兒佗住B都咁勤力
懷有第二胎嘅藝人胡杏兒一向好勤力，即使懷孕都堅持工作，真係要畀個叻字佢！
之前PO相疑似暗示係佗豬仔：「為甚麼我懷孕鼻子會變大，別人就不會呢？」
之前佗Brendan嗰陣杏兒個鼻都係大咗。。。
而早前佢忙於拍攝劇集《末代廚娘》終於煞科，嚟緊可以休息吓，見佢同劇組人員拍照留念，大家都好開心！
杏兒仲話感謝劇組照顧，同埋今次又識咗好多朋友：「剎（殺）青了剎（殺）青了，終於剎（殺）青了，謝謝@末代廚娘官微劇組和導演的一直照顧，認識了好多新的朋友們，謝謝國立老師的賞識，謝謝曾黎姐的美照，謝謝曉菲每天和我聊天，謝謝海陸經常陪我捱夜班，謝謝湉湉讓我笑到有腹肌，謝謝所有小妺妹們的照顧，期待一起宣傳的日子，預祝末代廚娘收視紅紅火火！」
相中見到杏兒摸住自己個肚，似乎已經開始肚凸凸啦！唔知佢幾時先公佈係豬仔定豬女呢？
(綜合報道/on.cc)
【充滿火藥味】莊思敏嬲爆發文：浪費時間又損失金錢
藝人莊思敏（Jacquelin）性格直腸直肚，最近突然在社交網發文…
指與一男姓友人（E先生）割席：「我覺得做朋友係應該真心相待，唔係唔熟唔食囉！既然係咁就冇必要做朋友嘞！浪費時間又損失金錢。」並開對方英文名跟他說Bye，字裏行間都感受到那股火藥味，不過莊思敏並沒有解釋割席的因由。
有指Jacquelin與E先生相識數年，早前對方有份籌辦一個選美比賽，莊思敏還拍心口擔任台灣、大陸和香港的導師和評判，可見兩人關係十分良好，然而關係破裂原因涉及一項樓宇買賣，據Jacquelin的友人透露，E先生正職其實是一名地產經紀…
「大約兩年前Jacquelin透過佢買咗一個旺角單位，後來先知原來該物業是有置業優惠，懷疑有人存心隱瞞，嗰度成十萬蚊。」有指近日E先生在朋友圈中說三道四，是非甚囂塵上，終令好友關係破裂。
有傳媒求證Jacquelin是否因財反目？她無奈地說：「我喺社交網都講咗㗎啦！係私人問題，係樓宇買賣嘅問題，我唔想再交代及公開件事，我post出嚟，只係想畀我身邊朋友知道唔好太容易信人，希望身邊朋友唔好再有任何捐失，我又唔想再向外界去交代任何嘢喇！多謝。」
(ig / on.cc)
【Keep得咁好有原因】45歲李若彤仲係咁靚
圈中有唔少凍齡美魔女，個個都保養得宜，真係令好多女士好羨慕呀！
郭羨妮同郭可盈都係90年代嘅港姐，亦係當時無綫當家花旦之一，拍過唔少為人津津樂道嘅經典劇，如《刑事偵緝檔案》、《酒店風雲》、《尋秦記》、《天涯俠醫》等，最緊要係佢哋至今已為人母，但個樣咁多年嚟依然如一！
另外，黎姿、蔡少芬、張可頤同樣Keep得勁好！四位花旦難得重聚～
43歲佘詩曼「後生」20年做嫻妃冇難度！
離開咗娛樂圈21年嘅張鳳妮(鳳梨)先後生咗3個囡囡，婚後一直相夫教女，過少奶奶生活。雖然已經50歲，但睇相見佢化淡妝個樣都保養得相當好。
李麗珍凍齡有術，個樣保養得十分之好，外貌依然美麗動人，完全唔似五十幾歲。
當然唔少得45歲「小龍女」李若彤！
皆因多年嚟佢都keep住個顏值兼身形弗爆～
呢日佢喺網上分享一張運動照。
佢留言話：「做運動和吃朱古力一樣棒！感謝體內的安多酚和多巴胺！ 」
見若彤皮膚白滑，束起頭髮嘅佢更增添少女味，所以咁勤力做運動，青春不老係有原因嘅！
(綜合報道/IG/on.cc)
【唔係余德丞】男星大膽當衆街頭示愛：我愛蔡思貝
早前喺銅鑼灣街頭當住數百人大聲呼喊：「思貝，喺呢個突然寒冷嘅日子，我嚟到你指定嘅地點，銅鑼灣呢個交界，準備吶喊、大聲嗌出我最愛嘅嘢係乜嘢呢？我依家唔講住，因為我想畀一個驚喜你。」
之後他就滔滔不絕話：「我愛蔡思貝（Sisley），I love you Sisley！思貝我鍾意你感性得嚟又爽朗，怕醜得嚟又豪邁，傻得嚟又好有智慧，嗲得嚟又好夠兄弟，好對唔住！你生日我唔能夠同你慶祝，我想借呢個機會同現場嘅朋友唱首生日歌你聽。」
歌手王梓軒大膽表白，其實是接受蔡思貝的Challenge，思貝聽過梓軒嘅新歌《邊緣引力》後，覺得好好聽而且歌詞好有意思，思貝話：「喺漆黑中唔好氣餒，要愛得有勇氣，所以我嘅Challenge就請你喺銅鑼灣人來人往嘅馬路十字路口中間，好大聲咁向全世界宣佈，你至愛係乜嘢？」
對於思貝嘅Challenge，梓軒冇畏懼，更趁不用排練舞台劇時立即「迎戰」！
梓軒話：「諗諗吓大家咁老友，不如玩大啲啦！咁我又連續兩年Miss咗同佢慶祝生日，不如借呢個機會當眾去歌頌佢，原來玩咁大真係會淆底，因為一來都有少少驚人哋誤會…」
二人拍劇結緣而成爲好朋友
「亦都驚Sisley本人誤會，二來又真係冇前文後理企咗出去大庭廣眾開咪咁講，我Busking都冇咁驚，就咁講真係有啲驚，現場有同事打氣支持，我都係要等紅綠燈，一綠燈多啲人過嚟我先講呀！好彩有拍外景嘅經驗，最後都克服咗，最希望Sisley睇到個挑戰，咁有創意、咁有誠意，佢會開心啦！（係咪一Take過呢？)」係呀！呢啲Take唔到第二次。」
（綜合報道 / on.cc）
【熊黛林袁詠儀黎諾懿等都去過】周汶錡被捕獲孖老公…
周汶錡（Kathy）與法籍老公Julien結婚6年，二人生了兩名可愛混血兒子。
大仔Jacques已經3歲，而細仔Avner亦兩歲，兩兄弟都係咁可愛！
早前問到她豬年會否追女，Kathy笑着耍手示意不用，反鼓勵妹妹周勵淇快點生BB。
早前，Kathy與Julien就去了荃灣龍母廟拜神。根據網上不少親子討論區的網民留言，都表示此廟祈福生小朋友都很靈驗。之前，熊黛林就曾被影到與老公郭可頌去祈福，到BB陀定5個月就返到廟還神。
雖然這間廟位置較偏僻，但都有不少明星如袁詠儀、伍詠薇、黎諾懿被影過到這廟祈福還神。
《蘋果》讀者何先生日前中午約12時，見到Kathy、Julien及一名女長者現身，當時Kathy戴上眼鏡，身穿灰色衛衣配牛仔褲，裝束簡約。
而Julien就以白色恤衫西褲打扮，何生表示：「嗰位長者係叫珍姑，喺呢間廟好出名解籤，據知係好難約，見到佢兩公婆一嚟到，珍姑就嚟接待佢哋，之後周汶錡化完寶，仲去埋摸龍床，摸龍床係求生BB，佢全程都好熟手，佢老公就喺側邊睇，留咗半個鐘就走。」
《蘋果》就此事找過Kathy，她回覆：「我同老公去攝太歲，佢犯太歲，冇摸過咩龍床。」
之後，何先生在下午兩點，再遇到陶大宇與女友前來，相中見大宇拿着一大紮香燭合十誠心祈福：「廟嘅工作人員話佢成日嚟，佢同行女伴就似50歲中年女人，佢哋好熟手去上香、求籤，之後就去搵珍姑解籤，見佢哋等咗半個鐘，珍姑先忙完招呼佢哋，佢哋喺入面傾咗20分鐘，之後就幫友人去攝太歲。」
(apple daily)