內地網紅周揚青同台灣歌手羅志祥拍拖多年，感情穩定不時傳出好事近，除咗感情生活成為焦點之外，周揚青個樣都經常被網友熱議疑似整容。
尋晚周揚青喺社交網問大家星期六晚會去邊度玩，仲分享咗幾張靚相，相入面金色頭髮嘅佢，化咗個混血兒妝，直頭成個公仔咁！
有唔少網友都質疑佢整咗容，話「感覺臉上好膨」、「感覺跟以前有點不一樣」，仲有網友直頭話：「周周你是不是又動了哪裏啊……别動了呀！現在已經很美了！」
估唔到周揚青睇到留言之後大方回覆，仲直認「郁咗一樣嘢」：「沒有啦哈哈，我只是剪了劉海～」網友都讚佢EQ勁高呀！
(on.cc)
張敬軒今日在上水廣場舉行《Senses Inherited》簽唱會，歌迷迫爆3層商場。
軒仔表示專輯已經推出半年，但一直未有場地辦簽唱會：「同埋想睇吓銷量先，好開心攞咗7個星期銷量冠軍，而家都追緊15,000隻。」他直言現時實體唱片越來越難做，但是仍然堅持會做好音樂。
談到11月的紅館個唱，軒仔透露將與中樂團合作，他說：「導演要我除衫騷胸肌，所以都要操啦，到時應該會打大鼓。我都覺得視覺效果好重要，因為今次想做番一個傳統嘅中樂團演唱會。」
同歌迷玩游戲
大會準備了很多道具，讓軒仔與歌迷玩遊戲，其中有個假黑人BB，軒仔抱住假B笑謂：「我會將佢視為己出。」而勝出遊戲的歌迷可與軒仔擁抱10秒，軒仔聞言笑謂：「你哋有冇問過當事人？我好含蓄㗎，仲要三人行。」最後他亦與3位女歌迷攬到實，令全場起哄。
另外，軒仔表示今年會積極籌備國際歌迷會：「歌迷會真係要請人去做，香港會係總部，北京、廣州、馬來西亞等地都有分部。」他表示希望參考劉德華歌迷會「華仔天地」的做法：「我覺得佢係做得最好嘅歌迷會，無論係歌迷嘅忠誠度同架構。」問他會否效法劉德華跟歌迷分享另一半的事？軒仔即尷尬笑說：「以後嘅事以後先算啦。」
(on.cc)
藝人陳松伶（松松）、黃智賢、徐榮、楊卓娜等下午到紅磡出席無綫新劇《福爾摩師奶》宣傳，向現場觀眾大派禮物，場面熱鬧。
專程返港參與宣傳的松松，聞得劇集口碑不錯，大表興奮：「拍嘅時候唔算辛苦，只係我哋踩咗入地盤，聚集嘅紅火蟻係咁咬我對腳，我睇住起水泡，又試過我對眼敏感到封晒，要去睇醫生求助。（老公心痛？）當時唔敢畀佢睇。」
她透露自己正忙於音樂劇巡迴演出，預算6號離港：「走之前點都會再約劇組食餐飯，之後應該會再飛返嚟宣傳多一轉。（返嚟忙敍舊？）都係，一日三餐都約咗人，食到好飽，不過食乜都唔緊要，都係想見吓啲朋友啫。」她又笑指自己戲癮大，獲邀的話可以隨時埋位。
(on.cc)
今年情人節低調再婚，娶年輕37年的圈外女友Cass，新婚未夠一個月，有傳Cass已經懷孕，黃玉郎可謂有心有力，將再榮升第五任爸爸！他接受傳媒訪問時承認喜訊…
「太太有咗幾個月。（係咪佗仔？）當你估中啦！一直都想生個豬仔，Cass都好鍾意仔，我哋兩年前都已經訂咗婚，但有高人指點話上年九月唔利我哋，所以推遲到豬年之後，而2月14日情人節結婚，一嚟好記又浪漫，送禮物又可以合併。（慳番好多？）慳唔慳就未必，但一定會記得囉！」
問到當日婚禮如何？現年69歲的黃玉郎指婚禮好簡單，好低調，只是和家人食飯擺了四圍酒席，有律師證婚及簽字儀式，他補充：「其實我哋都訂咗婚兩年，情人節嗰日結婚係好日嚟嘅。」
至於BB幾時出世，他就表示想低調，不肯透露。
黃玉郎 (中)
(ON.CC)
去年奉子再婚，12月為丈夫誕下男嬰。
年前火速換畫戀上現任丈夫，失業的她目前惟有專心湊仔，日前她被發現抱住囝囝現身一百貨公司，當日是為乖仔物色BB車，最後買下約7,000港元的款式，一名目擊者大嘆她出手闊綽。
懷孕期間仍不時外出
上原多香子的首任丈夫TENN於4年前自縊身亡，在TENN逝世後，多香子被爆在TENN生前偷食已婚男星阿部力，TENN疑不堪妻子不忠才走上不歸路，令多香子形象直插谷底，被迫淡出藝能界。
第一任丈夫TENN
不過，多香子爆出醜聞後已遷出一直居住的豪宅，更被事務所扣去原有的200萬日圓（約14萬港元）月薪，與丈夫過住平民生活。
(綜合報道 / appledaily)
萬人迷碧咸（David Beckham）一家經常出遊，最近全家人包括三個乖仔Brooklyn、Romeo、Cruz及寶貝女哈七就齊齊滑雪。
怎料碧咸嫂Victoria就遇上意外，。
由碧咸分享的相片可見，一家人前往法國滑雪非常開心，但背後原來發生意外…
Victoria不小心撞倒，額頭更受傷破相。她於Instagram就分享了自己受傷過後的相片。
並寫道：「滑雪坡道很有趣（但不理想）。」另外又貼出自己只圍上毛巾的相片，心情看似未受影響。
幸好傷勢不太嚴重，碧咸嫂要保重啊！
(on.cc)
女星Angelababy（楊穎，Baby）日前踏入30歲，早前去巴黎時裝周時就獲同行工作人員驚喜預祝生日，返咗嚟之後，Baby嘅一班朋友都為佢搞咗個生日派對補祝生日。
雖然Baby已經係人妻加人母，但依然好有少女心，今年嘅生日會就以童話做主題，見佢化身好受小朋友歡迎嘅Elsa公主，造型維妙維肖，真係好想聽佢唱埋首《Let it go》呀！
網民都大讚佢哋打扮有心思，仲話個城堡蛋糕好夢幻！
而佢嘅一班朋友都有打扮成白雪公主、灰姑娘、睡美人等，連Baby細佬楊帆同男友人都反串做長髮公主同美人魚加茉莉公主添！
Baby細佬楊帆（左）
亦有網民問點解Baby唔見老公黃曉明，唔通因為要留喺屋企湊小海綿？有粉絲就話曉明依家忙緊拍戲，所以冇時間參與。
(ig / on.cc)
藝人蔡思貝和余德丞以螢幕情侶姿態，為《2019國際中華小姐競選》擔任華麗評判團，二人齊齊受訪時亦默契十足。問到思貝可有見過啲佳麗？
她稱：「只係喺電視見過，今次第一次見，要睇多幾眼，清楚知道佢哋來自邊度同資料，因為都幾難揀，所以想了解多啲！」
但余德丞則與思貝剛相反，他稱之前見到華姐廣告時，亦刻意避開：「因為第一個感覺最重要，之前電視有廣告我都避開睇，今晚先至第一次見！」身旁的思貝即表示：「咁咪啱囉，我哋一凹一凸！」
余德丞被問到揀華姐的標準，會否是思貝的模樣，又高又瘦又短頭髮？
他補充說：「佢仲心地好好，睇唔出㗎！其實選得出嚟已經有水準，但第一個感覺好重要，我鍾意啲睇落去好乾淨！」思貝再搭嘴稱：「係呀，你有潔癖！不過，女仔睇女仔係會挑釁啲，自己上過台、經歷過，明白女仔諗乜！」
最後余德丞亦幫口說：「係呀，你都畀人挑釁過！」思貝稱：「係呀！所以我會着重問題環節，其實選得出嚟，個個都係靚女，反而喺答問題方面，先至可睇到佢哋嘅自信同內涵！」
(on.cc)
藝人林嘉欣今日為慈善登山活動冒雨擔任主禮嘉賓，講到主辦機構是提供適切的寧養服務、支援給晚期病患及其家屬，嘉欣有感而發謂爸爸5年前於加拿大過世，臨終前無論家人及病人都好需要正面的死亡教育：「心理、身理上都要照顧，要準備好啲資訊。」
嘉欣續指中國人面對這些話題可能仍會避諱，不過若有適當的法律安排反而會令家人更舒服：「離開咗家人可能會有衝突，始終呢啲都好個人化，跟住指示去做會好好多。」爸爸去世後屋企有衝突情況？
她表示沒有：「問定晒，又有同醫生討論填晒Form，例如如果腦死亡應該繼續延長性命抑或安樂死？心臟停頓需要搶救？呢啲係好需要正面面對。」
問到有為自己安排定身後事？嘉欣坦言有同先生袁劍偉一齊寫平安紙：「律師行一份、屋企一份，都有Keep住Update，覺得好重要，係一件好容易做嘅事，唔係想像中咁複雜，安排得好先可以保護番屋企人。（有特別安排？）」
「都有同先生傾唔同嘅方案，世事嘅嘢好難講，可以寫得好仔細，有準備好過冇，成日聽話要『好死』，走得有尊嚴、準備。」
(on.cc)
韓國神劇《太陽的後裔》的宋仲基和宋慧喬前年10月結婚，兩人結婚年多，日前忽然被大陸網民瘋傳婚姻出現問題，甚至傳出離婚的消息。
事後雙宋所屬的事務所開腔否認事件，直指離婚並不是事實。
當日傳出婚變傳聞，主要是因為喬妹突然狂刪社交網IG的相片及留言，當中包括與老公宋仲基的部份合照，加上喬妹飛新加坡工作時被發現沒有戴上婚戒，令到婚變傳聞更加似層層。
而隨着雙宋否認離婚後，宋仲基亦飛到汶萊為新劇《阿斯達編年史》開工，至於喬妹就暫時未有新作…
前日她亦有更新社交網，並上載一張疑似着住睡褲在家飲礦泉水的照片。
未知喬妹是否覺得太有為礦泉水宣傳意味，所以上載不久即刪除照片。
相關新聞：
【盛傳宋仲基宋慧喬婚變】雙宋事務所終開腔回應 https://goo.gl/gpPoht
【爆出第三者係…】傳與宋仲基婚變 宋慧喬首發文 https://goo.gl/HKLvXu
【頻頻換IG頭像 宋慧喬突然刪同宋仲基合照令網民擔心⋯】 https://goo.gl/JfzVGP
（綜合報道 / appledaily）
